Fréttablaðið - 18.01.2008, Qupperneq 46

BLS. 10 | sirkus | 18. JANÚAR 2008
SIRKUS
Sirkusdýrin hafa haldið tryggð við
staðinn frá því hann opnaði og eru þvi
orðnir jafn mikil húsgögn og barborðið.
Á Sirkus ríkir ávallt taumlaus gleði. Ef
Boston og Sirkus eru bornir saman
verður samanburðurinn eins og að bera
saman útihátíð í Eyjum og bindindismótið
í Galtalæk, því Sirkus er alltaf staðurinn
þar sem allt nötrar af hressileika og
stemningu á meðan Boston er nokkrum
skrefunum dannaðri.
Stétt: Tónlistarmenn af Gus Gus-kynslóð-
inni, myndlistarmenn, myndlistanemar í
Listaháskóla Íslands, ljóðskáld og
rithöfundar.
Fram fyrir röðina: Björk
Guðmundsdóttir,
Stebbi Steph
tónlistarmaður, Gísli
Galdur tónlistarmað-
ur, myndlistamaður-
inn Curver,
leikstjórinn Toggi,
Jón Atli hárgreiðslumaður og
plötusnúður, Hugleikur
Dagsson og Nýhilhópurinn
eins og hann leggur sig.
Drykkurinn: Bjór.
Áskilinn klæðnaður: Nokkurn veginn allt
leyfilegt, nema 66*norður flíspeysur og flegnir
bolir sem flassa brúnku og silíkonbrjóstum.
Hönnun eftir Aftur-systurnar og Jón Sæmund,
peysa frá Nakta apanum og skræpóttar
leggings, notuð föt verða þó að teljast
ákjósanlegur kostur.
Pikköpplínan: „Viltu sjá nakta apann
minn?“
ÖLSTOFAN
Ölstofan hefur alla tíð verið staður
fjölmiðlafólks, pólitíkusa og
rithöfunda. Þar snobba
allir fyrir öllum og njóta
þess að sýna sig og sjá
aðra í þeim tilgangi
einum að ræða afrek sín
við gesti og gangandi og
sannfærast enn frekar
um eigið ágæti. Hér eru
þeir sem telja sig vera
fræga og eru uppfullir af
eigin egói.
Stétt: Sjónvarpsfólk,
stjórnmálamenn,
blaðamenn og rithöfundar.
Fram fyrir röðina: Hallgrímur
Helgason rithöfundur, Ari
Sigvaldason ljósmyndari og Árni
Snævarr fyrrum fréttamaður.
Stjórnmálamaðurinn Helgi
Hjörvar og nafni hans Seljan
Kastljósljóska með meiru.
Kaupsýslumaðurinn og
framkvæmdajöfurinn Jón
Ásgeir Jóhannesson,
stórsöngvarinn Egill Ólafsson
og Andrea Gylfadóttir söngkona.
Drykkurinn á barnum: Fastagestir Ölstofunnar
verða seint sakaðir um fágaðan áfengissmekk og
lepja bjórinn stíft. Það segir sína sögu að barþjón-
arnir gera sér almennt ekki grein fyrir hárfínum
blæbrigðamun á Gordons gini og Tanqueray gini auk
þess sem Bacardi og Captain Morgan er sama
rommsullið í þeirra augum á meðan munurinn á
Grolsch og Tuborg er hins vegar vel þekktur bak við
barborðið.
Áskilinn klæðnaður: Svartur leðurjakki sem virkar
aðeins of stór og gallabuxur. Bindi og allur slíkur
viðhafnarbúnaður þykir lýti en þó leyfist Ölstofu-
spjátrungunum þeim Kormáki og Skildi að klæðast
slíku.
Pikköpplínan: „Hvað segir þú, kannastu ekki við
mig“? eða „Veistu hver ég var?“.
VEGAMÓT
Brúnkusmurðir stæltir karlmenn með ljósar
strípur og íðilfagrar silíkonmeyjar á flegnum
bolum, toppurinn á tilveru hnakkans. Á
Vegamótum keppast allir um athyglina og
hér skiptir öllu máli að sýna allt sem þú
hefur.
Stétt: Lögfræðinemar, fyrirsætur,
útvarpsmenn, líkamsræktarjöfrar,
afgreiðslufólk NTC verslana,
nemendur í Háskólanum í
Reykjavík.
Fram fyrir röðina: Heiðar
Austmann, Auðunn Blöndal,
hnakkarnir Ásgeir Kolbeinsson
og Arnar Grant líkamsræktarjöf-
ur.
Drykkurinn á barnum:
Bacardi Breezer.
Áskilinn klæðnaður: Fyrir
karlkyns hnakkana er hvítur þröngur bolur
sem undirstrikar skorna vöðva og dregur
fram brúnkuna málið og við hann ljósar
Diesel gallabuxur og stakur jakki.
Hnakkameyjunum leyfist þó aðeins meir á
meðan það er nógu bert, djarft og
áberandi.
Pikköpplín-
an: „„Vá
geðveik
brjóst!“
APÓTEKIÐ
Það er ótrúlega blandaður
hópur á Apótekinu,
fasteigna- og bílasalar
mæta þangað í stórum stíl
ásamt hárgreiðslufólki, kaup-
mönnum, fyrrum
fyrirsætum og
sjónvarpsfólki. Inni á
milli leynast popparar
og aðrir skemmti-
kraftar.
Stétt: Fasteignasalar,
hárgreiðslufólk,
poppstjörnur Einars
Bárðarsonar
umboðsmanns
Íslands, Senugengið
með Jón Gunnar
Geirdal fremstan í
flokki.
Fram fyrir í
röðinni: Ragnheiður
Guðfinna Concert-
drottning, hárgreiðslu-
maðurinn Böddi, Gummi
Jóns í Sálinni og Þórhallur
Gunnarsson.
Drykkurinn: Mojito og kampavín.
Áskilinn klæðnaður: Gallabuxur, hvít skyrta
og jakkafatajakki á karlpeninginn en leggings,
stutt pils og pallíettutoppar á kvenþjóðina.
Pikköpplínan: Viltu koma í sleik?
B5
Þegar B5 opnaði var hann í hlutverki
kaffihúss og yfirleitt var ekki mikið af fólki
þar á kvöldin. Síðasta vor snarbreyttist
þetta þegar Rut Káradóttir arkítekt hressti
upp á staðinn og í kjölfarið fóru þeir sem
meira mega sín að sækja staðinn.
Stemningin getur verið æði góð, flott
tónlist og fullt af fólki við barinn.
Stétt: Fjárfestar, arkítektar,
heilsugúru, bankamenn og
lögmenn.
Fram fyrir í röðinni: Kári
Stefánsson, Björgólfur Thor,
Ingibjörg Stefánsdóttir, jógakennari
og leikkona, og Heiðrún Lind Marteins-
dóttir lögmaður á Lex.
Drykkurinn: Hvítvín.
Áskilinn klæðnaður: Dömurnar
eru elegant, vel sniðnar
gallabuxur, glansskyrta,
leðurjakki og merkjavörutaska og herrarn-
ir klæðast jakkafötum eða jakkafatabux-
um við peysu og skyrtu.
Pikköpplínan: Ég á kampavín og
jarðarber heima, viltu koma
og sjá vínilplötusafn-
ið mitt?
BOSTON
Stemningin á Boston er oft dálítið eins og að vera
staddur í frumsýningarpartíi krúttkynslóðarinnar sem
neitar að horfast í augu við það að vera að eldast.
Krúttkynslóðin á það sameiginlegt að vera feimin við
alla athygli en fíla hana engu að síður og líður því vel
í félagskap þjáningarbræðra sinna sem glíma við
sama vandamál.
Stétt: Yngri kynslóð leikara, leikstjóra og kvik-
myndagerðarfólks. Leiklistar- og hönnunarangi
listaháskólanema eins og hann leggur sig. Nemar
við málvísindadeild HÍ.
Fram fyrir röðina: Gabríela Friðriksdóttir
myndlistarmaður, Ragnar Bragason
leikstjóri, Tómas Lemarquis myndlistar-
maður.
Drykkurinn á barnum: Gin í tónik,
tilgerðarlaus og ekkert uppskrúfaður,
Áskilinn klæðnaður: Vintage föt,
fatnaður frá KronKron, eitthvað frá
Trilogiu í bland við eitthvað gamalt.
Pikköpplínan: Krúttleg þögn,
augnagotur og feimnislegt bros
Hverjir eru hvar?
Skemmtanalíf höfuðborgarinnar hefur aldrei verið blómlegra. Skemmtistaðirnir eru stútfullir helgi eftir
helgi og raðir sem ná langt út á götu er eitthvað sem ekki virðist vera hægt að forðast, sama hversu
snemma er lagt í hann. Skemmtistaðirnir eru þó misjafnir eins og þeir eru margir sem betur fer þar sem
ólíkar týpur sækja barina heim. Sirkus fór á næturvaktina og gerði úttekt á helstu stöðum bæjarins.