Fréttablaðið - 18.01.2008, Qupperneq 72

40 18. janúar 2008 FÖSTUDAGUR
sport@frettabladid.is
FÓTBOLTI Utandeildarliðið Havant
& Waterlooville stal senunni í
þriðju umferð FA-bikarsins á Eng-
landi í fyrrakvöld þegar liðið vann
Swansea 4-2 fyrir framan 4.400
áhorfendur á heimavelli sínum
Westleigh Park og mætir stórliði
Liverpool á Anfield í fjórðu
umferð.
Havant & Waterlooville eða
Haukarnir eins og liðið er kallað
byrjaði leikinn gegn Swansea af
þvílíkum krafti og tók forystu
strax á fjórðu mínútu þegar Brett
Poates, sem vinnur sem múrari,
átti sendingu fyrir markið og
varnarmaðurinn Garry Monk varð
fyrir því óláni að skalla boltann í
eigið mark. Múrarinn Poates var
aftur á ferðinni á 25. mínútu þegar
hann tók hornspyrnu og fyrirlið-
inn Jamie Collins skallaði boltann
í netið og kom heimamönnum í 2-
0. Það ætlaði svo allt um koll að
keyra á Westleigh Park á 37. mín-
útu þegar leigubílstjórinn Rocky
Baptiste skoraði þriðja mark
Haukanna og áhangendur liðsins
voru skyndilega farnir að hugsa
lengra en Anfield og kölluðu ákaft
„við erum á leiðinni á Wembley,
við erum á leiðinni á Wembley.“
Swansea var hins vegar ekki af
baki dottið og skoraði tvö mörk og
þau hefðu getað orðið þrjú en
markvörðurinn Kevin Scriven,
sem vinnur á lyftara á byggingar-
verksvæði föður síns, varði víta-
spyrnu. Varamaðurinn Tom Jor-
dan gerði svo út um
leikinn fyrir
heimamenn með
fjórða marki
leiksins og utan-
deildarliðið mætir
Liverpool á Anfield í
fjórðu umferð keppn-
innar.
Ævintýri líkast
Shaun Gale, stjóri Havant &
Waterlooville, réði sér ekki yfir
kæti í leikslok.
„Þetta er búið að vera ævintýri
og strákarnir táruðust úr gleði í
búningsklefanum eftir leik. Róm-
antíkin í FA bikarnum er á lífi, svo
mikið er víst,“ sagði Gale stoltur
og markaskorarinn og fyrirliðinn
Collins bætti við: „Þetta verður
ótrúleg reynsla að fara á Anfield
og mæta Steven Gerrard. Ef ein-
hver byði mér milljón pund í skipt-
um fyrir reynsluna að leiða lið sitt
út á Anfield fyrir framan Kop
stúkuna þá myndi ég afþakka það
boð. Þetta snýst ekki um peninga
heldur að koma Havant & Water-
looville á kortið og okkur hefur
tekist það,“ sagði Collins en leik-
menn liðsins sinna flest allir dag-
vinnu fyrir utan fótboltann.
Leigubílstjórinn Baptiste, sem lét
nýlega af starfi sínu sem sölumað-
ur notaðra bíla, reyndist Hauk-
unum betri en enginn og skoraði í
báðum leikjum liðsins gegn
Swan sea og sló á létta strengi í
viðtölum eftir leik.
„Ég rata í það minnsta á Anfield.
Þú ferð beint upp M1, svo kem-
urðu á M6 og beygir þá til vinstri,“
sagði Baptiste í léttum dúr. - óþ
Leigubílstjórar og ruslakarlar
Liðsmenn Havant & Waterlooville eru í skýjunum með að mæta Liverpool á Anfield í
fjórðu umferð FA bikarsins. Leikmenn liðsins eru flestir í dagvinnu með fótboltanum.
FÖGNUÐUR Leikmenn Havant & Water-
looville léku á als oddi eftir frækinn 4-2
sigur gegn Swansea á Westleigh Park í
fyrrakvöld. NORDIC PHOTOS/GETTY
LEIGU-
BÍLSTJÓRI
Framherjinn
Rocky Bapt-
iste er eitt
skæðasta
vopn Havant
& Waterloo-
ville en
hann starf-
ar einnig
sem
leigubíl-
stjóri.
NORDIC
PHOTOS/
GETTY
Halldór Einarsson, stofnandi og framkvæmdastjóri íþróttavörufyrir-
tækisins HENSON, ákvað nýverið að hefja framleiðslu á sérstakri
keppnistreyju Manchester United til minningar um flugslysið
hræðilega í Munchen 6. febrúar árið 1958 þegar átta leikmenn
félagsins voru á meðal þeirra tuttugu og þriggja sem létust.
„Ég vildi vitanlega kanna málið fyrst til þess að tryggja það að
ég væri ekki að stíga á neinar tær eða gera þetta í ónáð einhvers,“
sagði Halldór sem setti sig í samband við ýmsa aðila.
„Ég byrjaði á því að kanna lagalegu
hliðina með hjálp lögfræðings og
kom mér í samband við ritara
Manchester United sem tjáði mér að
félagið væri alls ekki mótfallið því
að ég framleiddi keppnistreyju
af þessu tagi. Þá kom að mór-
ölsku hlið málsins, sem var
vitanlega mikilvægari. Ég vildi
auðvitað fyrst og fremst láta
gott af mér leiða og gera eitthvað fallegt
fyrir fjölskyldur þeirra sem létust og ekki síður fyrir eftirlifendur
slyssins sem, ólíkt knattspyrnumönnum nú til dags, lifðu í
sumum tilfellum við bág kjör að knattspyrnuferlinum lokn-
um,“ sagði Halldór sem hélt áfram að rannsaka málið og
fann út að einn einstaklingur sem lenti í slysinu væri öðrum
fremur tilvalinn til þess njóta góðs af sölu treyjunnar.
„Maður að nafni Albert Scanlon var á meðal
þeirra leikmanna United sem lifðu flugslysið af
en hann höfuðkúpubrotnaði, fótbrotnaði og
handleggsbrotnaði. Scanlon þykir almennt sá
maður sem lifir við hvað skertust kjör af þeim
leikmönnum sem lifðu slysið af en hann
vann sem hafnarverkamaður að knatt-
spyrnuferlinum loknum og svo síðar sem
dyravörður. Ég heyrði því í honum hljóðið
og sagði honum frá fyrirætlunum mínum
og hann gladdist mjög og ég stefni á að
veita honum peningagjöfina í lok janúar,“
sagði Halldór ánægður.
HALLDÓR „HENSON“ EINARSSON: HITTIR EFTIRLIFANDA FLUGSLYSSINS Í MUNCHEN 1958 OG VEITIR HONUN GJÖF
Vildi gera eitthvað fallegt og láta gott af mér leiða
FÓTBOLTI Brasilísku tvíburarnir
Fabio og Rafael Silva munu hefja
æfingar hjá Manchester Untied á
mánudag eftir að hafa gengið frá
félagsskiptum sínum frá Flu-
minese. Hinir 17 ára tvíburar spila
í hvor í sinni bakvarðastöðunni,
Fabio vinstra megin og Rafael
hægra megin, en verða ekki lög-
legir með Englandsmeisturunum
fyrr en næsta sumar og geta ekki
beðið eftir því að láta til sín taka.
„Við vitum af því að ungir Bras-
ilíumenn eru búnir að vera að gera
góða hluti í Evrópu og við þekkj-
um Anderson hjá United og Lucas
hjá Liverpool. Alexandre Pato hjá
AC Milan er ef til vill skýrasta
dæmið og hann skoraði í sínum
fyrsta leik með liðinu um síðustu
helgi og við náum vonandi að feta
í fótspor hans,“ sagði Fabio.
- óþ
Man. Utd. fær efnilega Brasilíumenn frá Fluminese:
Tvíburar á Trafford
EFNILEGIR Fabio og Rafael Silva vonast
til að fylgja í fótspor Anderson, Lucas og
Alexandre Pato. NORDIC PHOTOS/AFP
Viðburður Staðsetning 18.janúar 19.janúar 20.janúar
Opnunarhátíð Laugardalslaug 20:30-22:30
Sund Laugardalslaug 16:30-19:00 9:00-12:00 9:00-12:00
17:00-19:00 16:00-18:00
Frjálsar Laugardalshöll 9:00-16:00 9:00-13:00
14:30-16:30
Badminton TBR við Glæsibæ 10:00-17:00 10:00-15:00
Dans Laugardalshöll 15:00-17:30
Hópfimleikar Laugardalshöll 9:00-17:00
Skylmingar Baldurshagi
á Laugardalsvelli 9:00-17:00
Listhlaup Skautahöll 11:55 og 19:30
Íshokkí Skautahöll 19:15-22:30 8:00-12:40 8:00-14:00
16:15-20:15
Júdó Laugaból
við gervigrasvöll 11:00-17:00
Lokahátíð Laugardalshöll 20:00-23:30
Auglýsingasími
– Mest lesið
> Bræður mættust í landsleik
Bræðurnir Andrej og Uladzimir Klimovets frá Hvíta-
Rússlandi voru í sérstakri aðstöðu í gær því þá mættust
þeir í landsleik EM í handbolta í Noregi. Andrej var í
þýska landsliðinu sem vann 34-26 sigur á Uladzimir
og félögum í Hvíta-Rússlandi. Andrej er 33 ára og
hefur verið með þýskt ríkisfang síðan 2005 eftir að
hafa verið búsettur þar frá 1996. Hann á að baki 112
landsleiki með Hvít-Rússum og 50 leiki með Þjóðverj-
um. Uladzimir er aðeins tveimur árum yngri en hefur
leikið alla sína 60 landsleiki
með Hvíta-Rússlandi. Andrej
hafði ekki bara betur í leikn-
um því hann skoraði
4 mörk í leiknum
á móti tveimur frá
Uladzimir.