Fréttablaðið - 10.02.2008, Blaðsíða 104

32 10. febrúar 2008 SUNNUDAGUR
sport@frettabla-
Marín Rós Karlsdóttir, annar fyrirliða kvennaliðs Keflavíkur í
Iceland Express-deild kvenna í körfubolta, fékk slæmar fréttir
í vikunni þegar ljóst var að hún væri með slitið krossband í
hné. Þetta er í annað skipti sem Marín Rós slítur kross-
band, en nú sleit hún í hinu hnénu.
„Það var fyrst haldið að þetta væri tognað liðband og
ég var bara í meðferð við því. Það lagaðist ekkert
og því var ákveðið að senda mig í myndatöku. Ég
fékk út úr henni á miðvikudaginn og þá kom þetta í
ljós. Sjúkraþjálfararnir trúðu þessu ekki því þetta var
ekkert laust,” segir Marín, sem sleit krossbönd fyrst í
nóvember 2004. „Þegar þetta gerðist í leiknum þá
datt mér fyrst í huga að krossbandið væri farið. Ég
var farin að æfa aftur og var bara komin inn á það
að þetta væri bara tognað liðband sem væri bara
lengi að jafna sig. Ég bjóst ekki við þessu.”
Marín Rós hefur leikið mjög með Keflavík í
vetur, var komin inn í A-landsliðið á nýjan leik og
var þegar búin að lyfta Poweradebikarnum sem
annar fyrirliða Keflavíkurliðsins. „Ég var komin í landsliðið og komin
á ágætis skrið aftur. Ég gerði lítið á síðasta tímabili og það var því
enn meira svekkjandi að lenda í þessu núna þegar ég var komin
á fullt aftur. Það er ljóst að heppnin fylgir okkur alls ekki í
vetur,” segir Marín en hún er önnur landsliðskona liðsins sem
slítur krossbönd því Bryndís Guðmundsdóttir lenti einnig í því
í upphafi vetrar.
„Ég ætla mér að vinna mig út úr þessu,” segir Marín
ákveðin og bætir við „Ég er að hjóla, lyfta og synda og
ætla að undirbúa mig sem best fyrir aðgerðina. Að aðgerð
lokinni ætla ég mér bara að ná Bryndísi,” segir Marín í
léttum tón, en hún er bjartsýn og jákvæð þrátt fyrir þetta
mikla áfall.
„Ég ætla ekkert að leggjast í eitthvert þunglyndi,” segir
Marín sem er einn reyndasti leikmaður Keflavíkurliðsins
og hefur unnið Íslandsmeistaratitilinn fjórum sinnum.
„Ég hef fulla trú að við förum alla leið. Við ætlum
okkur að vinna síðustu tvo titlana,” segir Marín að
lokum.
MARÍN RÓS KARLSDÓTTIR Í KEFLAVÍK: SLEIT KROSSBAND Í HNÉ Í ANNAÐ SINN Á FERLINUM
Ætlar sér að ná Bryndísi í endurhæfingunni
Nánar á expressferdir.is
eða í síma 5 900 100
128.900 kr.
Verð á mann í tvíbýliFormúla 1
Barcelona
25.–28. apríl Innifalið: Flug með sköttum og öðrum greiðslum, gisting á 4* hóteli í 3 nætur,
miði á kappaksturinn, rútuferðir alla
dagana og íslensk fararstjórn.
102.900 kr.
Verð á mann í tvíbýliFormúla 1
Silverstone
4.–7. júlí Innifalið: Flug með sköttum og öðrum greiðslum, gisting á Holiday Inn Regents
Park í 3 nætur með morgunmat, miði á
kappaksturinn, rútuferðir alla dagana og
íslensk fararstjórn.
78.900 kr.
Verð á mann í tvíbýliSpænski boltinn:
Barcelona
Valencia
2.–5. maí
Innifalið: Flug með sköttum og öðrum
greiðslum, gisting á 3* hóteli í 3 nætur
og miði á leikinn.
Enska úrvalsdeildin:
Aston Villa-Newcastle 4-1
0-1 Michael Owen (4.), 1-1 Wilfred Bouma (48.),
2-1 John Carew (51.), 3-1 John Carew (72.), 4-1
John Carew (90.).
Bolton-Portsmouth 0-1
0-1 Lassana Diarra (81.).
Sunderland-Wigan 2-0
1-0 Dickson Etuhu (42.), 2-0 Daryl Murphy (75.).
West Ham-Birmingham 1-1
1-0 Fredrik Ljungberg (7.), 1-1 James McFadden
(15.), 1-1 James McFadden (16.)
Derby-Tottenham 0-3
0-1 Robbie Keane (68.), 0-2 Younes Kaboul (81.),
0-3 Dimitar Berbatov (93.).
Everton-Reading 1-0
1-0 Phil Jagielka (62.).
Middlesbrough-Fulham 1-0
1-0 Jeremie Aliadière (11.).
STAÐA EFSTU LIÐA
Arsenal 25 18 6 1 52-18 60
Man. United 25 18 4 3 49-12 58
Chelsea 25 16 6 3 38-17 54
Everton 26 14 5 7 41-23 47
Aston Villa 26 12 8 6 48-34 44
Liverpool 24 11 10 3 40-17 43
Portsmouth 26 11 8 7 36-26 41
Man. City 25 11 8 6 32-28 41
Blackburn 25 10 9 6 32-31 39
West Ham 25 10 7 8 30-23 37
Tottenham 26 8 8 10 48-41 32
Middlesbr. 26 7 8 11 23-38 29
ÚRSLITIN Í GÆR
> 80 prósent á laugardegi til mánudags
Vísir tók það saman í gær að 80 prósent leikjanna í
drögum að niðurröðun fyrir Lands- bankadeild
karla eru um helgar og á mánu- dögum.
Flestir leikir fara fram á sunnudög-
um, 54 talsins eða rúm 40 pró-
sent, en 107 af 132 leikjum fara
fram á laugardegi til mánudags.
Margir leikmenn mótmæltu
þeirri fyrirætlan að vera með
fasta leikdaga á sunnudögum
og mánudögum í sumar en sögðu
jafnframt að þeir vildu frekar að
leikirnir færu flestir fram á miðviku-
dögum og fimmtudögum. Aðeins
20 leikir fara fram á þeim dögum
eða um fimmtán prósent.
FÓTBOLTI Tveir stórleikir verða á
dagskrá í ensku úrvalsdeildinni í
dag, Manchester-liðin mætast á
Old Trafford og Chelsea tekur á
móti Liverpool á Stamford Bridge
þar sem þeir bláu hafa ekki tapað
leik í 48 mánuði, utan ósigurs í
vítaspyrnukeppni.
Þess verður minnst í Manchest-
er-slagnum í ensku úrvalsdeild-
inni í dag að fimmtíu ár eru liðin
frá München-slysinu, en einnar
mínútu þögn verður fyrir leikinn
og bæði lið munu spila í sérstök-
um búningum sem eru byggðir á
búningunum sem liðin spiluðu í
árið 1958.
Báðir stjórar liðanna hafa
áhyggjur af því að stuðnings-
menn City-liðsins reyni að spilla
minningarstundinni og hafa skor-
að á þá að gera þetta að eftir-
minnilegri stund.
Manchester City vann fyrri
leik liðanna 1-0 á sínum heima-
velli en hefur aldrei unnið á Old
Trafford í ensku úrvalsdeildinni
og vann síðast á heimavelli erki-
fjendanna 27. apríl 1974. City-
liðið hefur heldur ekki unnið báða
leikina gegn United síðan tíma-
bilið 1969-1970.
Chelsea er nú sex stigum á
eftir Arsenal og auk þess að nálg-
ast toppinn enn frekar getur liðið
nánast endanlega gert út um titil-
vonir Liverpool-manna í leiknum
í dag. Jafnteflið gegn Portsmouth
um síðustu helgi batt enda á níu
leikja sigurgöngu Chelsea-liðs-
ins, en Liverpool vann aftur á
móti sinn fyrsta sigur í sex
deildar leikjum þegar liðið vann
Sunderland 3-0 um síðustu helgi.
Liverpool á ekki aðeins á hættu
að missa algjörlega af titlabarátt-
unni heldur hafa nágrannarnir í
Everton gert sig líklega til þess
að taka Meistaradeildarsætið.
- óój
Tveir stórleikir fara fram á Old Trafford og Stamford Bridge í Englandi í dag:
Minningarstund í derby-slag
BÚNINGUR DAGSINS Leikmenn
United spila í gamaldags búningi í
dag. NORDICPHOTOS7GETTY
FÓTBOLTI Portsmouth vann Bolton í
Íslendingaslagnum og hélt áfram
góðu gengi á útivelli og Everton
og Aston Villa unnu góða sigra og
ætla ekki að gefa neitt eftir í bar-
áttunni um Meistaradeildarsæti.
Sjö leikir fóru fram í ensku úrvals-
deildinni í gær.
Hermann Hreiðarsson hafði
betur í Íslendingaslagnum gegn
Grétari Rafni Steinssyni og félög-
um í Bolton en það er ekki hægt að
segja að sigurinn hafi verið sann-
gjarn því Bolton-liðið var í stór-
sókn stóran hluta leiksins.
Portsmouth vann þökk sé
umdeildu sigurmarki Lassana
Diarra níu mínútum fyrir leikslok,
en fyrir það hafði Hermann Hreið-
arsson bjargað í tvígang á mark-
línu. Grétar Rafn lék vel með Bolt-
on og komst nálægt því að skora,
en David James varði frá honum
eftir eitt af frábærum hlaupum
hans upp hægri vænginn. Bæði
Hermann og Grétar Rafn áttu
góðan leik með sínum liðum.
„Þetta var augljóslega rang-
stæða en jafnframt mjög erfitt
fyrir línuvörðinn að sjá af hverj-
um boltinn fór. Þrátt fyrir þessi
vonbrigði er ég ekki einn af þeim
sem væla yfir dómglæslu. Þeir
gerðu mistök og þannig er það
bara,“ sagði Gary Megson, stjóri
Bolton, eftir leik og bætti við: „Það
er hægt að útskýra þetta tap í
tveimur orðum: David James,“ en
James átti stórleik og kom í veg
fyrir að Bolton væri komið nokkr-
um mörkum yfir áður en
Ports mouth skoraði.
„Hvernig komumst við burtu
með 1-0 sigur?“ spurði Harry Red-
knapp, stjóri Portsmouth, í gríni.
„Það var eins og við værum að
spila gegn gamla Bolton-liðinu og
þetta var mjög erfiður leikur,“
sagði Redknapp.
Fyrsta mark Phil Jagielka fyrir
Everton tryggði liðinu 1-0 sigur á
Íslendingalausu Reading-liði, þar
sem Brynjar Björn Gunnarsson er
meiddur og Ívar Ingimarsson var
í leikbanni. Sigurinn þýðir að
Everton er komið með þriggja
stiga forskot í baráttunni um
fjórða og síðasta sætið inn í Meist-
aradeildina.
„Þetta var ekki fallegt, reyndar
alveg skelfilega ljótt. Reading er
að berjast fyrir sæti sínu í deild-
inni og gerði þetta mjög erfitt
fyrir okkur,“ sagði David Moyes,
stjóri Everton.
Það leit út fyrir að bið Kevin
Keegan eftir fyrsta sigrinum væri
á enda þegar Michael Owen kom
Newcastle yfir á 4. mínútu, en Wil-
fred Bouma jafnaði rétt eftir hlé
og norski landsliðsmaðurinn John
Carew skoraði síðan þrennu í
seinni hálfleik og sá til þess að
Aston Villa vann 4-1 sigur og
komst upp fyrir Liverpool í 5. sæti
deildarinnar.
Owen skoraði í sínum öðrum
leik í röð en Keegan er nú án sig-
urs í fyrstu fimm leikjum sínum
sem stjóri Newcastle.
„Ég vissi að það biðu erfiðir
leikir þegar ég tók við en við
höfum verið að mæta liðum í efri
hlutanum á útivelli. Við erum nógu
gott lið til þess að vera úrvals-
deildarlið en þurfum að ná þess-
um 40 stigum samt sem áður,”
sagði Keegan eftir leik.
James McFadden fiskaði víti og
skoraði úr því jöfnunarmark
Birmingham gegn West Ham í
sínum fyrsta leik með liðinu síðan
skoski landsliðsmaðurinn kom frá
Everton. Bæði mörkin komu í upp-
hafi leiks, McFadden jafnaði á 16.
mínútu eftir að Freddie Ljungberg
hafði komið West Ham yfir á 7.
mínútu.
ooj@frettabladid.is
Hermann hafði betur gegn Grétari
Hermann Hreiðarsson bjargaði í tvígang á marklínu í 1-0 sigri Portsmouth á heimavelli Bolton í gær. David
James varði líka nokkrum sinnum frábærlega, þar á meðal frá Grétari Rafni Steinssyni.
HETJULEG BJÖRGUN Hermann Hreiðarsson bjargaði á marklínu og sá til þess að Portsmouth ynni enn einn útisigurinn á tímabil-
inu. NORDICPHOTOS/GETTY