Fréttablaðið - 08.03.2008, Síða 12

12 8. mars 2008 LAUGARDAGUR
HÚS HRUNDI Í HARLEM Í Harlem í
New York hrundi þessi fimm hæða
íbúðablokk á horni 123. strætis og
Park Avenue. Húsið stóð sem betur
fer autt, en stöðva þurfti jarðlestasam-
göngur á háannatíma. FRÉTTABLAÐIÐ/AP
SPÁNN, AP Síðast þegar Spánverjar
gengu til þingkosninga voru hryðju-
verkin 11. mars nýframin, tilræðis-
mennirnir ófundnir og grunur um
að stjórnvöld héldu sönnunargögn-
um leyndum til að eiga meiri mögu-
leika í kosningunum.
Útkoman varð sú að ungur sósíal-
isti, Jose Luis Rodriguez Zapatero,
vann óvæntan yfirburðasigur í
kosningunum og felldi hægristjórn
Íhaldsflokksins, sem Jose Maria
Aznar forsætisráðherra hafði stýrt í
átta ár.
Hægrimenn hafa jafnan síðan
sagt að Zapatero hafi fengið sigur-
inn upp í hendurnar án þess að hafa
í raun unnið neitt fyrir honum. Sigur
sósíalista hafi bara verið bóla sem
nærðist á tilfinningaólgunni dagana
fyrir kosningar.
Í kosningabaráttunni hafði Zapat-
ero lofað því að kalla alla spænska
hermenn heim frá Írak og hrinda í
framkvæmd víðtækum samfélags-
umbótum í þessu rammkaþólska
landi.
Nú eru liðin fjögur ár og á morg-
un ganga Spánverjar aftur til kosn-
inga. Zapatero vonast til þess að fá
nú ótvírætt umboð frá kjósendum
til að halda áfram á sömu braut.
Hann hefur staðið við þau loforð
að kalla herinn heim og bæta stöðu
samkynhneigðra. Ekki hefur þó allt
gengið að óskum. Deyfð er yfir efna-
hagslífinu, sem var í blóma meðan
Aznar var við völd, og friðarviðræð-
ur við baskneska aðskilnaðarsinna
hafa siglt í strand.
Skoðanakannanir hafa þó sýnt að
Zapatero, sem nú er 47 ára, á góða
möguleika á að sigra Mariano Rajoy,
leiðtoga íhaldsmanna, en þó líklega
með naumum meirihluta.
Illindin stafa að verulegu leyti af
því undir hvaða kringumstæðum
Zapatero sigraði árið 2004, en hægri-
menn hafa einnig miklar áhyggjur
af auknu sjálfstæði bæði Katalóníu-
héraðs og Baskahéraðanna og segja
þessa þróun aðeins fyrstu skrefin í
áttina til þess að Spánn klofni í
smærri einingar.
Hvorki Zapatero né Rajoy hafa þó
dregið upp skýra mynd af því hvert
þeir vilja stefna með Spán næstu
fjögur árin, eða hvernig þeir hyggj-
ast taka á vandræðum sem stafa af
efnahagsvanda á alþjóðavettvangi.
Ef marka má kannanir er ólíklegt að
naumur sigur Zapateros dugi honum
til að ná hreinum meirihluta á þingi,
þannig að þá þarf hann að semja við
smærri flokka um samsteypustjórn.
gudsteinn@frettabladid.is
Zapatero spáð sigri
Sósíalistastjórnin á Spáni vonast til að fá skýrt umboð frá kjósendum um
að halda áfram stefnu sinni. Hægri menn hafa ekki enn fyrirgefið sigurinn
óvænta frá 2004, sem kom í beinu framhaldi af hryðjuverkunum í Madríd.
UTANRÍKISMÁL Utanríkisráðuneytið
hefur veitt 14,4 milljónum króna
til neyðaraðstoðar í Darfúr-héraði
í Súdan á vegum Hjálparstarfs
kirkjunnar. Fulltrúi utanríkis-
ráðuneytisins mun ferðast til
Darfúr á næstu dögum til að
kynna sér aðstæður.
Frá árinu 2003 hafa um 250
þúsund manns látist og 2,5
milljónir neyðst til að flýja
heimili sín í Darfúr, að því er
fram kemur í tilkynningu frá
utanríkisráðuneytinu. Framlagi
Íslands verður varið í eitt stærsta
neyðarverkefnið í héraðinu þar
sem um 350 þúsund einstaklingar
nýta sér daglega aðstoð. - bj
Auka neyðaraðstoð í Darfúr:
14,4 milljónir í
hjálparstarf
FLÓTTAMENN Um 2,5 milljónir hafa
þurft að yfirgefa heimili sín frá árinu
2003. NORDICPHOTOS/AFP
BREIÐAVÍK Félagasamtökin
Barnaheill hvetja stjórnvöld til
að flýta úttekt á öðrum vistheim-
ilum barna.
Í tilkynningu frá samtökunum
er því fagnað að niðurstöður séu
fengnar vegna málefna Breiða-
víkurheimilisins og sagt að
velunnin skýrsla Breiðavíkur-
nefndarinnar sýni á skýran hátt
þær óviðunandi aðstæður sem
börn á Breiðavíkurheimilinu
bjuggu við. Barnaheill fagna því
sérstaklega að ríkisstjórnin sé að
undirbúa greiðslu miskabóta til
þeirra og hvetja samtökin
stjórnvöld til að flýta sem mest
úttekt á öðrum vistheimilum - kdk
Barnaheill vilja frekari úttektir:
Vistheimili
verði könnuð
Karlmaður á Akureyri hefur verið
dæmdur í eins mánaðar fangelsi fyrir
að brjótast inn í sambýli geðfatlaðra
í bænum og stela þaðan lyfjum fyrir
rúmar 25.000 krónur. Einnig fyrir að
stela gallabuxum úr verslun.
DÓMSTÓLAR
Stal lyfjum af sambýli
DÓMSMÁL Karlmaður í Hvera-
gerði hefur verið sýknaður af
ræktun á 25 kannabisplöntum og
vörslu á tóbaksblönduðu kanna-
bisefni sem fannst á heimili
hans.
Maðurinn viðurkenndi upphaf-
lega hjá lögreglu að hann ætti
plönturnar, sem hann kvaðst hafa
verið að rækta í tilraunaskyni.
Fyrir dómi neitaði hann hins
vegar sök, en kvaðst hafa játað
áður að tilmælum lögreglu sem
hefði sagt sér að þetta væri svo
lítið mál að ekkert frekar yrði úr
því.
Maðurinn kvaðst hafa verið
erlendis í nokkurn tíma áður en
lögregla gerði húsleit heima hjá
honum. Hann hefði verið búinn
að rækta tómata í geymslunni þar
sem kannabisplönturnar fundust
og hefði hann komið ljósalömpum
og ræktunar-
búnaði fyrir þar
sem hann væri
áhugamaður um
ræktun. Ætti
hann tvo páfa-
gauka og hefði
notað skítinn úr
þeim við tómata-
ræktunina.
Maðurinn
útskýrði enn
fremur að
meðan hann var
erlendis hefði vinur sinn verið
með lykla að íbúðinni og séð um
að fóðra páfagaukana. Vinurinn
hefði áður verið staðinn að kanna-
bisræktun.
Dómurinn taldi ekki efni til að
sakfella manninn fyrir það eitt að
efnin hefðu fundist í íbúð hans.
- jss
PÁFAGAUKUR
Ræktandinn
kvaðst hafa notað
páfagaukaskít á
tómatana.
Sýknaður af ákæru um fíkniefnaræktun og vörslu:
Vinur fóðraði páfagauka
og ræktaði kannabis
© GRAPHIC NEWS
MJÓTT Á MUNUNUM Í KOSNINGUM Á SPÁNI
Jose Luis Rodriguez Zapatero,
forsætisráðherra og leiðtogi
Sósíalistaflokks Spánar,
PSOE, keppir í dag við hægri
manninn Mariano Rajoy,
leiðtoga Lýðflokksins, PP, um
hylli kjósenda.
HELSTU KOSNINGAMÁL
Efnahagur Hagvöxtur hefur hægt á sér,
atvinnuleysi og verðbólga aukist og húsnæðis-
markaðurinn er á niðurleið.
Zapatero lofar skattalækkunum og auknum
ríkisútgjöldum. Rajoy lofar einnig skattalækkun-
um, þar á meðal umdeildum tillögum um lægri
tekjuskattsprósentu á útivinnandi konur.
Hryðjuverk Þótt friðarviðræður stjórnar-
innar við ETA, hin vopnuðu aðskilnaðarsamtök
baska, hafi siglt í strand í júní, þá hefur árásum
ETA fækkað meira en nokkru sinni.
Rajoy sakar stjórnina um að „semja við
hryðjuverkamenn”, Zapatero lofar að styðja
skilyrðislaust hvaða ríkisstjórn sem kosin verður í
baráttu gegn hryðjuverkum.
Inflytjendamál
PNV Baskneskir
þjóðernissinnar: 7
Erlendum íbúm á Spáni
hefur fjölgað fimmfalt á síðustu tíu árum upp í tíu
prósent.
Rajoy vill að innflytjendur undirriti „aðlögunar-
samning” sem skyldar þá til að flytja aftur til
heimalandsins ef þeir missa atvinnuna á Spáni.
Zapatero leggur áherslu á að innflytjendur hafi
leyst úr skorti á vinnuafli.
Fulltrúaþingið
Núverandi
sætaskipan
CiU
– Katalónskir
þjóðerniss.: 10
ERC Vinstri
lýðveldissinnar
Katalóníu: 8
Aðrir: 13
Samtals: 350
Myndir: Associated Press
Heimild: Congresso de Diputados
FATASKÁPADAGAR
HJÁ AXIS helgina 6.-9. mars
Bjóðum fataskápa á sérstökum afslætti aðeins þessa helgi.
Axis býður glæsilega fataskápa í mörgum gerðum. Miklir möguleikar í uppröðun,
viðartegundum, forstykkjum, skúffum og ýmsum auka- og fylgihlutum. Stuttur afgreiðslutími.
Smiðjuvegur 9 - 200 Kópavogur
Sími 535 4300 - Fax 535 4301
Netfang: axis@axis.is
Heimasíða: www.axis.is
Opið:
fimmtudag 9:00-18:00
föstudag 9:00-18:00
laugardag 10:00-16:00
sunnudag 13:00-16:00
Íslensk hönnun og framleiðsla
LÖGREGLUMÁL Karlmaður var
stunginn með hnífi í átökum
tveggja manna í Hafnarfirði laust
fyrir klukkan tvö í fyrrinótt.
Var maðurinn fluttur á slysa-
deild þar sem gert var að sárum
hans. Að því loknu var hann
færður á lögreglustöð þar sem
hann fékk að sofa úr sér áfengis-
vímuna. Var hann þá yfirheyrður
í gær ásamt árásarmanninum
sem hlaut nokkra áverka á tá. Var
þeim báðum leyft að fara að
yfirheyrslum loknum og er málið
talið upplýst. - ovd
Tveir sárir eftir slagsmál:
Hnífstunga í
Hafnarfirði
SAMGÖNGUR „Við fórum að skoða
skipið og hvort það gæti ekki nýst
sem Grímseyjarferja, þegar farið
var að tala um að skipta Sæfara
[Grímseyjarferjunni] út,“ segir
Garðar Ólason í sveitarstjórn
Grímseyjar.
Ríkiseignin Baldur var seld
einkafyrirtæki á 37,8 milljónir án
auglýsingar í byrjun árs 2006.
Ferjan var svo seld áfram til
Finnlands með miklum hagnaði,
tveimur vikum síðar.
Grímseyjarferjan nýja hefur
kostað ríkið um sex hundruð
milljónir króna og er enn í við-
gerð.
„Okkur leist ágætlega á Baldur
og fannst bara að af því að Vega-
gerðin ætti þetta skip að það væri
hægt að nota það hérna,“ segir
Garðar.
Sveitarstjórnin hafi því farið
vestur árið 2005 og siglt einn túr
með bátnum áður en hann var
seldur Sæferðum.
„En þeir vildu meina það sér-
fræðingarnir fyrir sunnan hjá
Vegagerðinni að skipið fengi ekki
haffæri til að sigla hér til Gríms-
eyjar. Það kom því aldrei til
greina af þeirra hálfu að við
fengjum Baldur,“ segir Garðar.
Samkvæmt upplýsingum frá
Vegagerðinni eru gerðar aðrar
kröfur til skipa á leiðinni Dalvík-
Grímsey, en Stykkishólmur-
Brjánslækur. - kóþ
Sveitarstjórn Grímseyjar fór vestur að sigla túr með gamla Baldri:
Átti að verða Grímseyjarferja
HÖFNIN Í GRÍMSEY Sveitarstjórnarmenn
hér fóru vestur til að athuga hvort ekki
mætti nýta ferjuna Baldur til siglinga
nyrðra. FRÉTTABLAÐIÐ/BJÖRN ÞÓR
HORNAFJÖRÐUR Áhersla verður
lögð á nýsköpun í atvinnumálum
og umhverfisvæna framtíðarsýn
á Austurþingi á Höfn í dag.
Framtíðarlandið og Nýheimar
standa fyrir þinginu sem er það
þriðja í röð landshlutaþinga
Framtíðarlandsins í vetur.
„Þetta er tilraun til að hugsa
um landið sem eina heild og um
möguleika þess,“ segir Irma
Erlingsdóttir, formaður Fram-
tíðarlandsins.
Þingið hefst í ráðstefnusal
Nýheima klukkan níu og lýkur
með humarveislu um klukkan
sex í kvöld.
- kóþ
Framtíðarlandið fundar:
Nýsköpun á
Hornafirði
Karlmaður á Akureyri hefur verið
dæmdur til að greiða 60 þúsund
króna sekt í ríkissjóð fyrir að vera
með í vörslum sínum rúmlega tvö
grömm af amfetamíni, sem lögregla
lagði hald á.
DÓMSTÓLAR
Risasekt fyrir amfetamín