Fréttablaðið - 08.03.2008, Qupperneq 32

32 8. mars 2008 LAUGARDAGUR
Þórunni Sveinbjarnardóttur
umhverfisráðherra fannst
heldur lítið varið í málflutn-
ing Péturs H. Blöndal Sjálf-
stæðisflokki í þinginu á
fimmtudag. Í óundirbúnum
fyrirspurnartíma stakk Pétur
upp á að Íslendingar fram-
leiddu meiri orku en nú er og
tækju að sér álframleiðslu
fyrir heimsbyggðina enda
væri orkuframleiðsla á Íslandi
umhverfisvæn miðað við kola-
og olíubrennsluna í til dæmis
Kína og á Indlandi.
Þórunn sagði nægri orku
varið til stóriðju og um leið og
hún benti þingheimi á að hægt
væri að framleiða ál víðar en
á Íslandi óskaði hún þess að
málin yrðu rædd með mál-
efnalegum hætti.
Pétur undraðist orð ráð-
herrans og sagði að svo virtist
sem hún trúði ekki á kenning-
una um hitnun jarðar. Sagði
hann allar þjóðir þurfa að
leggja sitt af mörkum til að
minnka koltvíoxíðsmengun og
að Íslendingar gætu ekki setið
með ónýttar umhverfisvænar
orkulindir á meðan heilu kola-
fjöllunum væri brennt í Kína
og á Indlandi. „Þetta er sami
hnötturinn sem við búum öll
á,“ sagði Pétur.
Þórunn sagði svosem hægt
að hætta að aka bílum, slíkt
myndi draga úr losun gróður-
húsalofttegunda og svo væri
eins hægt að bjóða tíu milljón-
um Kínverja að setjast að á
Íslandi, slíkt myndi líka hjálpa
til við að draga úr losun í
heiminum. Ítrekaði hún svo
vilja sinn til þess að umræðan
væri innan „skynsamlegra
marka“.
Málefnalegar umræður, takk fyrir
ÞÓRUNN SVEINBJARNARDÓTTIR PÉTUR BLÖNDAL
UMMÆLI VIKUNNAR,, U MÆLI VIKUN AR ,,
stjornmal@frettabladid.is nánar á visir.is
Það er með ólíkindum að alþingismenn – allir sem einn – leggist ekki umsvifa-
laust á sveif með Valgerði Bjarnadóttur og færi eftirlaunarétt sinn til þess
sem aðrir ríkisstarfsmenn njóta. Ekkert krefst þess að réttindi þingmanna og
ráðherra séu betri en annarra.
Málið var afgreitt á methraða í þinginu í desember 2003. Fjórir vinnudagar
liðu frá því að frumvarp var lagt fram og þar til það var samþykkt. Þingumræður
stóðu samtals í rúmar sex klukkustundir. Allsherjarnefnd sá ekki ástæðu til
að kalla eftir umsögnum. Almenn og kröftug mótmæli bitu ekki á þeim 30
þingmönnum sem samþykktu. Nú, þegar Valgerður Bjarnadóttir hefur lagt fram
frumvarp um að háir og lágir njóti sama eftirlaunaréttar, þarf allsherjarnefnd að
leita umsagna átján aðila.
Man einhver rökin fyrir lögunum á sínum tíma? Með rúmum eftirlaunarétti
átti alþingismönnum og ráðherrum að gefast færi á að „hverfa af vettvangi
þjóðmála og fara á eftirlaun fyrr en annars er heimilt, í stað þess að leita sér
starfs á vinnumarkaði“. Og annars staðar í greinargerð með frumvarpinu sagði
að þessi skipan mála gæti dregið úr þeirri tilhneigingu að fyrrverandi forystu-
menn á stjórnmálavettvangi „sæki í embætti í stjórnkerfinu til þess að ljúka
starfsferli á viðunandi hátt“.
Meðal þeirra sem samþykktu frumvarpið á sínum tíma voru Davíð Oddsson,
Guðmundur Árni Stefánsson og Tómas Ingi Olrich. Man einhver hvert þeir fóru
að vinna eftir að þeir hættu í pólitík?
Burtséð frá óréttlætinu er greinilegt að lögin þjóna ekki tilgangi sínum.
VIKA Í PÓLITÍK
BJÖRN ÞÓR SIGBJÖRNSSON
Koma svo
„Ég harma að Alþingi Íslendinga og menntamála-
nefnd skyldi ekki hafa fengið að koma að þessu
máli.“
Kolbrún Halldórsdóttir VG.
„Það er sama hversu hlutirnir verða vel gerðir,
Vinstri grænir munu alltaf verða á móti. Þetta er
höggvið í stein: Vinstri grænir munu segja nei.“
Þorgerður Katrín Gunnarsdóttir
menntamálaráðherra.
Það sem af er vetri hafa 214
mál verið lög fyrir Alþingi.
44 hafa verið samþykkt.
234 fyrirspurnir hafa verið
lagðar fram. 50 er ósvarað.
Fastanefndir Alþingis hafa nú til
meðferðar samtals 139 mál, ýmist
stjórnarfrumvörp, þingmanna-
frumvörp eða þingmannatillögur.
Málin eru misjöfn að efni og
umfangi, til dæmis þarf mennta-
málanefnd að fjalla um risavaxin
heildarlög um leik-, grunn- og fram-
haldsskóla á meðan sjávarútvegs-
og landbúnaðarnefnd þarf að taka
fyrir eflingu íslenska geitfjár-
stofnsins.
Alls bíða 45 stjórnarfrumvörp
afgreiðslu þingsins og 65 þing-
mannafrumvörp.
Af þeim 234 fyrirspurnum sem
þingmenn hafa beint formlega til
ráðherra í vetur hefur 180 verið
svarað. Ósvarað er 50 fyrirspurn-
um, þar af 22 sem svara ber skrif-
lega og 28 sem svarað verður munn-
lega. Þessar tölur miðast við
stöðuna eins og hún var í gær. Fjöldi
stjórnarfrumvarpa, þingmanna-
frumvarpa, þingmannatillagna og
fyrirspurna á eflaust eftir að koma
fram áður en þingi lýkur í vor.
Margt búið en nóg eftir
STAÐA MÁLA Í ÞINGINU
Stjórnarfrumvörp 86
Samþykkt 41
Bíða 1. umræðu 5
Í nefnd 37
Bíða 2. umræðu 3
Þingmannafrumvörp 65
Samþykkt 2
Bíða 1. umræðu 7
Í nefnd 55
Bíða 3. umræðu 1
Þingmannatillögur 63
Samþykkt 1
Bíða umræðu 15
Í nefnd 47
Fyrirspurnir 234
Svarað skriflega 58
Svarað munnlega 122
Bíða skriflegs svars 22
Bíða munnlegs svars 28
Kallaðar aftur 4
LAGT Á RÁÐIN Kristinn H. Gunnarsson,
þingflokksformaður frjálslyndra, læðir
orði í eyra flokksbróður síns, Grétars
Mars Jónssonar. FRÉTTABLAÐIÐ/GVA