Fréttablaðið - 08.03.2008, Síða 110

70 8. mars 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT
2. gleðimerki 6. kringum 8. kraftur 9.
þukl 11. hætta 12. kompa 14. yndis
16. skóli 17. þrí 18. umfram 20. ryk
21. snjóföl.
LÓÐRÉTT
1. svall 3. guð 4. stormur 5. rá 7.
lausmáll 10. kelda 13. flík 15. hringja
16. iðn 19. bókstafur.
LAUSN
LÁRÉTT: 2. bros, 6. um, 8. afl, 9. káf,
11. vá, 12. klefi, 14. unaðs, 16. fg, 17.
trí, 18. auk, 20. im, 21. gráð.
LÓÐRÉTT: 1. sukk, 3. ra, 4. ofviðri, 5.
slá, 7. málugur, 10. fen, 13. fat, 15.
síma, 16. fag, 19. ká.
„Það er alltaf gaman þegar fólki
líkar það sem maður sendir frá
sér,“ segir Ólafur Jóhann Ólafsson
rithöfundur með meiru – hógvær
að vanda.
Ólafur Jóhann hefur hlotið
O´Henry bókmenntaverðlaunin,
fyrstur Íslendinga. O´Henry verð-
launin voru fyrst afhent 1919 og
eru meðal þeirra virtustu sinnar
tegundar. Verðlaunin hlýtur
Ólafur Jóhann fyrir Aldingarðinn
en sú bók hlaut Íslensku bók-
menntaverðlaunin 2006 og var
valin ein af fjórum bestu smá-
sagnasöfnum sem komu út á árinu
á ensku, þegar hún komst á loka-
listann hjá Frank O´Connor verð-
launanefndinni.
Verðlaunasögurnar, sem eru 20
talsins, eru valdar úr þúsundum
smásagna sem gefnar eru út
árlega í tímaritum í Bandaríkjun-
um og Kanada. Það var sagan
Apríl úr verðlaunabók Ólafs
Jóhanns, Aldingarðinum, sem
varð fyrir valinu. Hún var eina
sagan úr bókinni sem birtist áður
en Aldingarðurinn kom út í Banda-
ríkjunum í byrjun árs 2007 en það
var í tímaritinu Zoetrope sem
gefið er út af Francis Ford
Coppola. Og ekki er hann
dónalegur félagsskapurinn sem
Ólafur Jóhann er í meðal O’Henry-
verðlaunahafa: Ernest Heming-
way, William Faulkner, John Stein-
beck, John Updike og J.D. Salinger
svo aðeins fáeinir séu nefndir.
Þetta hlýtur að kitla hégómagirnd-
ina? „O‘Henry verðlaununum hef
ég borið vissa lotningu fyrir frá
því ég var strákur,“ segir Ólafur
Jóhann. „Ég man eftir nokkrum
O‘Henry úrvalssöfnum í bóka-
skápum föður míns sem hann
keypti þegar hann var við nám í
New York á stríðsárunum. Gott ef
ég las ekki Hemingway og Stein-
beck fyrst í þessum söfnum.“
Ólafur Jóhann segist ætíð hafa
haldið mikið upp á smásagna-
formið og vonar að þessi verðlaun
verði öðrum höfundum hvatning
til smásagnaskrifta. Sjálfur er
hann nú staddur í New York þar
sem hann sinnir skriftum og við-
skiptastússi eins og hann orðar
það. „Svo er ég að skrifa skáld-
sögu sem ég hef verið með í undir-
búningi í mörg ár og læt hverjum
degi nægja sína þjáningu.“
Í úrskurði dómnefndar segir að
með sögu sinni flytji Ólafur
Jóhann áhrifamikinn harm inn í
friðsæla tilveru ásamt þeirri
tilfinningu, sem verður sífellt
áleitnari, að allt muni farast.
Sagan er kyrrlát, þrungin spennu
og skrifuð af yfirvegun þess sem
býr til mósaík; sérhvert hljóð í
þeirri þögn sem Ólafur Jóhann
skapar hefur merkingu.
jakob@frettabladid.is
ÓLAFUR JÓHANN ÓLAFSSON: HLÝTUR O‘HENRY VERÐLAUNIN
Kominn í hóp með Heming-
way, Steinbeck og Faulkner
ÓLAFUR JÓHANN Segist hafa borið virðingu fyrir O‘Henrý-verðlaununum frá því hann
var strákur og er nú kominn í hóp þeirra skáldjöfra sem hlotið hafa verðlaunin.
FRÉTTABLAÐIÐ/PJETUR
Gríðarleg stemning var í uppboðs-
sal Bruun Rasmussen í Kaup-
mannahöfn í gær og ekkert
„kreppukjaftæði“ meðal kaupenda
íslenskrar myndlistar að sögn
heimildarmanns Fréttablaðsins á
staðnum. Sá hafði gert sér ferð til
Kaupmannahafnar og bjóst við að
hægt væri að festa sér myndlist
fyrir lítið fé í ljósi niðursveiflu í
íslensku efnahagslífi. Svo var
heldur betur ekki. Þannig var upp-
stilling eftir Jón Stefánsson slegin
fyrir metfé eða á 430 þúsund krón-
ur danskar. Það er rúmlega fjórfalt
matsverð en hún var metin á 100
þúsund. Sá sem hreppti myndina
bauð í gegnum síma en fjölmargir
Íslendingar voru í salnum. Sá sem
keypti þarf að greiða, með virðis-
aukaskatti og öðrum kostnaði hátt í
tíu milljónir íslenskra króna. Eftir
því sem Fréttablaðið kemst næst er
hér um að ræða hæstu upphæð sem
greidd hefur verið fyrir verk eftir
Jón Stefánsson. Myndin er olía á
striga, 82 x 71 sentímeter.
Verk eftir marga íslenska meist-
ara voru slegin á uppboðinu í gær.
Þannig fór mynd eftir Þórarinn B.
Þorláksson á sextánföldu mats-
verði eða á 165 þúsund danskar en
var metin á 10 til 12 þúsund. Danska
krónan var í gær á 14 krónur þannig
að um er að ræða 2,3 milljónir. Ofan
á þá tölu leggst kostnaður eða um
20 prósent plús virðisaukaskattur
uppá 24,5 prósent sé myndin flutt
til landsins. Hasar var í salnum og
hefur seljandi verksins væntanlega
óvænt himinn höndum tekið.
Danirnir sem voru í salnum hristu
bara höfuðið gáttaðir á kaupgleði
Íslendinga, að sögn heimildar-
manns Fréttablaðsins. Verk eftir
Ásgrím Jónsson, Þorvald Skúlason
og Gunnlaug Blöndal voru einnig
slegin fyrir umtalsverðar fjárhæðir.
Sumar myndanna fóru reyndar á
mati eða undir eins og bernskuverk
eftir Ólaf Elíasson, abstrakt frá
árinu 1993. Símar voru rauðglóandi
þegar íslensku myndirnar voru
slegnar en um tíu til tólf manna
hópur Íslendinga var í salnum.
Gamall jaxl úr listmunasölunni,
Guðmundur Axelsson kenndur við
Klausturhóla, sópaði til sín 12
myndum sem boðnar voru upp.
- jbg
Jón Stefáns sleginn fyrir metfé í Köben
METFÉ FYRIR BLÓMAUPPSTILLINGU
Gríðarlegur hasar var meðal Íslendinga
í uppboðshúsi Bruun Rasmussen í
Kaupmannahöfn.
„Verðlaunin voru tíu þúsund
danskar krónur. Það dugar um það
bil fyrir einni linsu,“ segir Teitur
Jónasson, ljósmyndari á dag-
blaðinu Nyhedsavisen í Dan-
mörku. Teitur hlaut í gær
verðlaun danskra blaðaljós-
myndara. Hann þótti eiga bestu
myndina í flokki íþróttamynda,
„Årets Sportsbillede - Action“,
eins og flokkurinn heitir
nákvæmlega.
Dönsku
blaðaljósmyndara-
verðlaunin þykja svipuð þeim íslensku,
að því undanskildu að markaðurinn er
stærri og mun fleiri ljósmyndarar
berjast um hituna. Alls sendu um
140 ljósmyndarar inn 3.400 myndir í
keppnina svo verðlaunin hljóta að
teljast ánægjuleg. „Jú, þetta var
bara gaman. Ég vissi ekkert fyrir-
fram hvað myndi gerast, ég bara
mætti á staðinn,“ segir Teitur, en
afhendingin fór fram í Óðinsvéum.
Sigurmynd Teits er tekin af dýfinga-
manni sem tók þátt í keppni í
klettadýfingum í Acapulco í
Mexíkó. Teitur hefur ekki
sérhæft sig í íþrótta-
myndum, nema síður sé.
„Nei, ég tel mig nú vera
einskonar allrahanda
mann. Ég hef samt
tekið mikið af sportmyndum, fór til dæmis
einu sinni á Ólympíuleikana.“
- hdm
Hlaut eftirsótt verðlaun í Danmörku
ÍÞRÓTTAMYND ÁRSINS Klettadýfingar í Acapulco í
Mexíkó.
LJÓSMYND/TEITUR JÓNASSON
VERÐLAUNAÐUR
Teitur Jónasson tók
íþróttamynd ársins
í Danmörku í fyrra.
LJÓSMYND/MARTIN SYLVEST
Inga Birna Dungal
Aldur: 27 ára.
Starf: Verslun-
arstjóri í Adam
og Evu.
Fjölskylda: Á
þriggja ára son,
Hektor Pétur
Atlason.
Foreldrar:
Unnur Georgs-
dóttir, heima-
vinnandi, og
Halldór Dungal,
listmálari.
Búseta: 108
Reykjavík.
Stjörnumerki: Bogmaður.
Inga Birna krafði tímaritið Séð og
heyrt um greiðslu fyrir að nota ljós-
myndir af læstri heimasíðu sinni.
Í kvöld stendur ungt fólk í SÁÁ fyrir
sýningu á Astrópíu í húsi samtak-
anna Von við Efstaleiti. Nokkrir leik-
arar og aðstandendur myndarinnar
mæta og bíður framkvæmdastjóri
SÁÁ, Ari Matthíasson, þess einkum
spenntur að hitta Ragnhildi Stein-
unni Jónsdóttur. En leik konan og
sjónvarpsstjarnan mun hafa látið
þess svo getið einhvers staðar að
leikarinn sem túlkaði Ugga í Vegg-
fóðri með svo miklum ágætum sé
sinn uppáhalds. Sá leikari er einmitt
téður Ari.
Þráinn Bertelsson rithöfundur er
nú í Prag þar sem hann vinnur að
næstu bók sinni. Vinnutitillinn er
„Bræður og systur – djelem, djel-
em”. Bókin fjallar um Ísland í dag:
fjölmenningu, rasisma, innflytjendur,
þrælahald, trúarbrögð og fleira. Hún
hefst á því að „napalm” er notað í
fyrsta sinn á Íslandi en fyrir því verða
sómahjón sem reka starfsmanna-
leigu og flytja inn erlent
vinnuafl. Þessi hjón og lög-
fræðingur þeirra eiga að
baki einstaklega farsælan
feril í því að vinna meið-
yrðamál gegn
öllum þeim
sem voga sér
að gagnrýna
starfsemi
þeirra.
Ekkert hefur
heyrst af
meintri hingaðkomu Bobs Dylans
eftir skúbb DV á dögunum. Hvort
hann komi eða komi ekki á Vorblót
Hr. Örlygs í maí er enn á jafn mikilli
huldu og þegar DV færði okkur
tíðindin. Johnny Logan er kannski
ekki mikil sárabót fyrir Dylan-aðdá-
endur, en hann kemur samt alveg
örugglega og spilar á Broadway
föstudagskvöldið 23. maí, daginn
fyrir úrslitakvöld Eurovision. -jbg/glh
FRÉTTIR AF FÓLKI
VEISTU SVARIÐ?
Svör við spurningum á blaðsíðu 8
1 133,3 milljarða króna
2 Pönk 2008
3 Warren Buffet
Hringdu í síma
ef blaðið berst ekki