Fréttablaðið - 18.03.2008, Blaðsíða 8

18. mars 2008 ÞRIÐJUDAGUR
A
T
A
R
N
A
Nóatúni 4 · Sími 520 3000
www.sminor.is
AFGANISTAN „Tilgangurinn er fyrst og fremst sá að
kynnast þeim verkefnum sem okkar fólk er að vinna
hér á vegum íslensku friðargæslunnar,“ sagði
Ingibjörg Sólrún Gísladóttir utanríkisráðherra við
komuna til Kabúl í gær. Hún lenti á Kabúlflugvelli
síðdegis þar sem starfsfólk íslensku friðargæslunn-
ar tók á móti henni.
Ingibjörg segist vilja „heyra frá þeim sjálfum
hvað þeim finnst um þessi verkefni. Mér finnst að
við skuldum þessu fólki, sem er búið að starfa margt
hvert hérna árum saman, að hlusta á sjónarmið
þess.“
„Það er bara mjög skemmtilegt fyrir okkur að ráð-
herrann sé að koma. Það er verið að viðurkenna
okkar starf,“ segir Heiða B. Ingadóttir, einn af
íslensku friðargæsluliðunum í Kabúl. „Hún kom líka
með páskaegg að gjöf handa okkur og við erum
mjög ánægð með það.“
Á flugvellinum í Kabúl tóku einnig á móti
Ingibjörgu fimm íslenskir sérsveitarmenn, alvopn-
aðir, sem hafa það hlutverk að gæta öryggis hennar í
heimsókninni. Þetta er í fyrsta sinn sem íslenska
lögreglan sinnir öryggisgæslu af þessu tagi utan
landsteinanna.
Í gærkvöld snæddi Ingibjörg Sólrún með fulltrú-
um ýmissa alþjóðastofnana og mannúðarsamtaka
hér. Í ferðinni ætlar hún einnig að hitta nokkra af
ráðamönnum landsins, meðal annars Karzai forseta
og kvennamálaráðherra.
Enn fremur flýgur hún til Meymanah, lítils þorps
í fjallahéraði norðvestan til í landinu, þar sem
íslenskir friðargæsluliðar eru að hefja starfsemi á
ný eftir nokkurt hlé.
„Ég hefði verið tilbúin að fara fyrr ef ég hefði haft
tök á því en þetta er í raun og veru fyrsta mögulega
tækifærið vegna veðráttu á svæðinu að koma
hingað,“ segir Ingibjörg.
Ingibjörg Sólrún
komin til Afganistan
Ingibjörg Sólrún Gísladóttir utanríkisráðherra kom til Kabúl, höfuðborgar
Afganistans, í gær. Hún ætlar að hitta Karzai forseta og fleiri ráðamenn auk
þess að kynna sér starfsemi íslensku friðargæslunnar.
UTANRÍKISRÁÐHERRA Í KABÚL Ingibjörg Sólrún Gísladóttir
ræðir við friðargæsluliða skömmu eftir að hún lenti í Kabúl
um hádegisbilið í gær. FRÉTTABLAÐIÐ/GUÐSTEINN
GUÐSTEINN BJARNASON
SKRIFAR FRÁ AFGANISTAN
gudsteinn@frettabladid.is
DÓMSMÁL Hrottalegt heimilis-
ofbeldismál bíður nú dóms fyrir
Héraðsdómi Reykjavíkur. Karl-
maður á fimmtugsaldri er ákærð-
ur fyrir fjórar líkamsárásir á
hendur fyrrverandi eiginkonu
sinni. Í tveimur af þessum tilvik-
um er hann jafnframt ákærður
fyrir húsbrot með því að hafa
ruðst í heimildarleysi inn í íbúð
hennar og ráðist þar á hana.
Manninum er gefið að sök að
hafa ráðist á konuna í janúar 2005
og margsinnis slegið hana hnefa-
höggum í andlit, bak, axlir,
hnakka og maga, rifið í hár henn-
ar og sparkað í fætur hennar svo
stórsá á henni. Jafnframt að hafa
í apríl sama ár ráðist á konuna í
svefnherbergi íbúðarinnar og
dregið hana á hárinu úr rúmi sem
hún sat í og ítrekað slegið hana
með krepptum hnefa þar sem hún
lá í gólfinu, með þeim afleiðing-
um að hún hlaut margvísleg
meiðsl.
Í febrúar 2006 er manninum
gefið að sök að hafa ruðst í heim-
ildarleysi inn á heimili konunnar,
gripið í hár hennar og haldið
henni fastri á meðan hann sló
hana hnefahöggum í andlit og í
bak, og svo sparkað í fætur henn-
ar, með þeim afleiðingum að hún
hlaut umtalsverða áverka og
eymsl.
Loks er manninum gefið að sök
að hafa í mars 2006 enn ráðist inn
til konunnar í heimildarleysi,
misþyrmt henni á ýmsan hátt og
og skaðað hana. - jss
Aðalmeðferð í heimilisofbeldismáli lauk fyrir Héraðsdómi Reykjavíkur í gær:
Hrottalegt heimilisofbeldismál
HÉRAÐSDÓMUR Aðalmeðferð málsins
lauk í gær.