Fréttablaðið - 18.03.2008, Blaðsíða 33
ÞRIÐJUDAGUR 18. MARS 2008 11íslensku tónlistarverðlaunin ● fréttablaðið ●
Mér var falið 15. febrúar sl. að stýra upp-
setningu á Útflutningsskrifstofu íslenskr-
ar tónlistar og vinna að markmiðum henn-
ar undir styrkri stjórn sem skipuð er fimm
aðilum völdum af þeim sem standa að skrif-
stofunni. Þeir eru Gunnar Guðmundsson
lögfræðingur sem er stjórnarformaður, Sig-
tryggur Baldursson sem situr fyrir STEF,
Gunnar Hrafnsson sem situr fyrir FÍH,
Björgólfur Guðmundsson sem er fulltrúi
Landsbankans og Jón Ásbergsson, fram-
kvæmdastjóri Útflutningsráðs.
Verkefnið er nýtt í íslensku tónlistar-
lífi og við höfum því verið að feta okkur
áfram bæði með því að byggja á reynslu og
árangri sem Íslendingar hafa náð í útflutn-
ingi til þessa og með því að líta til nágranna-
þjóða okkar þar sem útflutningsskrif stofur
tónlistar hafa verið starfræktar um nokkurt
skeið. Starfið hefur verið einstaklega
ánægjulegt, bæði vegna þess krafts sem
býr í þeim sem vinna að því að koma sér á
framfæri í útlöndum, bæði lista mönnum og
fyrirtækjum, og eins vegna jákvæðs stuðn-
ings þeirra sem standa að skrifstofunni.
Útflutningsskrifstofa íslenskrar tónlistar
var sett á laggirnar árið 2006 að frumkvæði
Samtóns. Að stofnun og fjármögnun henn-
ar koma utanríkis-, iðnaðar- og mennta-
málaráðuneyti ásamt Landsbanka Íslands.
Útflutningsráð Íslands skaffar skrifstofu-
aðstöðu og alla þjónustu við rekstur ásamt
því að vera samstarfsaðili um verkefni á
sviði kaupstefna og ráðstefnuhalds.
Á þessu fyrsta starfsári hefur enska heiti
skrifstofunnar, Iceland Music Export, sem
er skammstafað IMX, verið að festast í
sessi. IMX er viðskipta- og markaðsskrif-
stofa sem sinnir því hlutverki að kynna ís-
lenska tónlist erlendis og stuðlar að því að
koma á tengslum við þá sem hafa áhuga á að
fjárfesta eða starfa að framgangi íslenskrar
tónlistar um heim allan. Við vinnum með
tónlistarmönnum, plötuútgáfum og hátíðum
og leitum eftir náinni samvinnu við aðila úr
öllum geirum íslensks tónlistarlífs.
IMX stuðlar einnig að kynningu á lista-
mönnum og verkefnum í gegnum vefsíðu
sína, www.imx.is. Þar eru kynningar á tón-
listarmönnum, hljómsveitum, plötufyrir-
tækjum og tónlistarhátíðum jafnframt því
sem sagt er frá því helsta sem er á döfinni
hverju sinni.
Við erum alltaf opin fyrir uppástungum
og ábendingum og tökum fagnandi á móti
þeim sem eru að vinna að útflutningi á ís-
lenskri tónlist og tónlistarframleiðslu. Ég
vona að íslensku tónlistarverðlaunin reyn-
ist íslensku tónlistarfólki hvati til að vinna
fleiri lönd og hlakka til að eiga samstarf.
Verum í sambandi.
Anna Hildur Hildibrandsdóttir
Netfang: anna@icelandmusic.is
Farsími: 824-4371
Aðsetur: Borgartún 35
Útrás íslenskrar
tónlistar
Anna Hildur Hildibrandsdóttir starfar hjá Útflutningsskrifstofu íslenskrar tónlistar. FRÉTTABLAÐIÐ/HÖRÐUR