Fréttablaðið - 18.03.2008, Blaðsíða 50

30 18. mars 2008 ÞRIÐJUDAGUR
sport@frettabladid.is
Viktor Kristmannsson, fimleikamaður úr Gerplu, varð Íslandsmeistari
í fjölþraut í sjötta árið í röð þegar Íslandsmótið í áhaldafimleikum
fór fram síðastliðinn laugardag. Viktor, sem er 23 ára gamall, fékk
samtals 78,95 stig úr greinunum sex en þetta var í sjöunda sinn alls
sem hann varð Íslandsmeistari í fjölþraut og jafnaði hann þar með
met Guðjóns Guðmundssonar, fimleikamanns úr Ármanni, sem vann
einnig sjö sinnum á sínum tíma.
„Ég var mjög sáttur með fjölþrautina á laugardeginum og það gekk
einhvern veginn bara allt upp. Það er hægt að vita svona nokkurn
veginn hvað maður getur fengið fyrir hvert áhald fyrir sig en stefnan
er auðvitað alltaf sett á að bæta sig í hverri grein og reyna að gera
aðeins betur. En mat dómara hverju sinni spilar líka mikið inn í og
stundum hefur maður á tilfinningunni að maður sé að bæta sig en
dómararnir meta það þá ef til vill öðruvísi,“ sagði Viktor sem vann
enn fremur til fyrstu verðlauna í fimm af sex greinum fjölþrautarinnar
þegar keppt var til úrslita í stökum greinum á sunnudeginum. Hann
sigraði í keppni á gólfi, bogahesti, hringjum, tvíslá og svifrá en varð
að sætta sig við annað sætið í stökki.
„Ég klúðraði stökkinu þannig, að ég misreiknaði mig illilega í
hlaupinu að hestinum og náði þar af leiðandi
ekki rétta kraftinum í stökkið og allt fór einhvern
veginn til fjandans. Ég náði samt öðru sætinu og
það munaði í raun rosalega litlu á fyrsta og öðru
sætinu þannig að ég get alveg verið sáttur með
það,“ sagði Viktor, sem vinnur nú hörðum hönd-
um að því að búa sig undir tvö stór mót.
„Evrópumótið er í byrjun maí og Norður-
landamótið í lok maí og ég þarf því að haga
málum þannig að ég sé í toppstandi þá. Ég er
líka að prófa nýjar æfingar sem ég þarf að vinna
í til þess að ná þeim pottþétt á mótunum. Ég er
að æfa af krafti sex sinnum í viku en það getur
stundum verið erfitt þar sem ég er vitanlega líka í
fullri vinnu. Draumurinn væri náttúrlega að geta æft
við toppaðstæður erlendis og lifað bara á fimleikunum
og ég stefni á það í framtíðinni,“ sagði Viktor.
FIMLEIKAMAÐURINN VIKTOR KRISTMANNSSON: ÍSLANDSMEISTARI Í SJÖÞRAUT Í SJÖTTA ÁRIÐ Í RÖÐ
Draumur að lifa á fimleikunum erlendis
KÖRFUBOLTI Lokaumferð Iceland
Express-deildar karla fer fram í
kvöld og það verður mikil spenna í
mörgum leikja kvöldsins. Mesta
dramatíkin verður örugglega í
Ásgarði í Garðabæ þar sem Stjarn-
an og Tindastóll lifa bæði í voninni
um að komast í úrslitakeppnina en
einnig er mikið í húfi í Njarðvík, í
DHL-höllinni í Vesturbænum og á
Akureyri.
Leikur Stjörnunnar og Tinda-
stóls í Garðabæ er beintengdur
því sem gerist á Akureyri. Þórsar-
ar taka á móti Snæfelli og þurfa að
vinna til þess að komast í úrslita-
keppnina. Tapi Þór tryggir sigur-
vegari leiksins í Garðabæ sér átt-
unda sætið og þar með síðasta
sætið inn í átta liða úrslit úrslita-
keppninnar. Þór á allt annað en
létt verkefni fyrir höndum því
Snæfell er búið að vinna níu leiki í
röð deild og bikar og vann fyrri
deildarleik liðanna með 30 stigum
í Hólminum í upphafi ársins.
Stjörnumenn geta orðið elleftu
nýliðarnir í sögunni til þess að
komast í úrslitakeppnina vinni
þeir Tindastól á sama tíma og Þór
tapar fyrir norðan. Stjarnan hefur
unnið tvo síðustu leiki sína á úti-
velli en tapaði síðasta heimaleik á
grátlegan hátt þegar Íslandsmeist-
arar KR tryggðu sér sigurinn með
því að skora sigurkörfuna á loka-
sekúndunum. Tindastóll vann
fyrri leik liðanna með sex stigum í
lok síðasta árs en síðan þá hafa
liðin breyst, sérstaklega lið Stjörn-
unnar sem er með tvo nýja útlend-
inga. Mansour Mbye og Calvin
Roland skoruðu aðeins 20 stig
saman í fyrri leik liðanna en nýju
mennirnir Jarrett Stephens og
Jovan Zdravevski hafa skorað
saman 47 stig að meðaltali í undan-
förnum þremur leikjum.
Grindavík á enn möguleika á að
ná öðru sætinu af KR en til þess að
það gerist þá þurfa Grindvíkingar
að vinna í Ljónagryfjunni í Njarð-
vík á sama tíma og KR-ingar þurfa
að tapa á heimavelli á móti Skalla-
grími. Það er líka mikið undir hjá
heimamönnum í Njarðvík því
Snæfellingar sækja að þeim í bar-
áttunni um fjórða sætið og þar
með heimavallarrétt í fyrstu
umferð úrslitakeppninnar. Það er
þegar orðið ljóst að Njarðvík og
Snæfell mætast í átta liða úrslit-
unum.
KR-ingar misstu af deildar-
meistaratitlinum með því að tapa í
framlengingu á Króknum og með
tapi í kvöld gæti liðið dottið niður
í þriðja sætið. KR tekur á móti
Skallagrími í DHL-höllinni en
Borgnesingar hafa lent í miklum
meiðslahremmingum og hafa nú
tapað fimm síðustu leikjum
sínum.
ÍR-ingar taka á móti falliði
Hamars manna, þeir eru öryggir í
úrslitakeppnina en geta enn fallið
niður í áttunda sætið. ÍR getur
ekki komist upp fyrir Skallagrím
þar sem Borgnesingar eru með
betri stöðu úr innbyrðisviðureign-
um liðanna en ÍR-ingar eru aftur á
móti með betri innbyrðisstöðu
gegn Þór, Stjörnunni og Tindastól
og af þeim sökum geta þeir aldrei
endað neðar en í áttunda sæti.
Vinni Þórsarar Snæfell á sama
tíma og ÍR tapar á heimavelli gegn
Hamar þá gætu ÍR-ingar hins
vegar dottið niður í áttunda sæti.
Hápunktur leiks Keflavíkur og
Fjölnis er afhending deildarmeist-
arabikarsins í leikslok en Keflavík
hefur þegar tryggt sér heima-
vallarrétt út úrslitakeppnina og
Fjölnisliðið er fallið í 1. deild og
það er því ekkert í boði í leiknum
sjálfum.
Fréttablaðið fékk þrjá þjálfara
til þess að spá í þróun mála og þeir
eru allir sammála um að KR nái 2.
sætinu, Njarðvík verði með heima-
vallarrétt gegn Snæfelli og að
nýliðar Stjörnunnar verði áttunda
og síðasta liðið inn í úrslitakeppn-
ina. ooj@frettabladid.is
Spennandi lokaumferð í kvöld
Þór, Stjarnan og Tindastóll berjast um sæti í úrslitakeppninni í lokaumferð Iceland Express-deildar karla í
kvöld. Grindavík sækir að KR í öðru sætinu og Snæfellingar reyna að ná fjórða sætinu af Njarðvík.
MIKILVÆGT KVÖLD Stjarnan og Snæfell verða í eldlínunni í kvöld og hafa bæði til
mikils að vinna. Hér hefur Stjörnumaðurinn Dimitar Karadzovski komist framhjá
Hlyni Bæringssyni, fyrirliða Snæfells, í leik liðanna í vetur. FRÉTTABLAÐIÐ/ANTON
HVERNIG FER Í KVÖLD?
Ágúst Björgvinsson þjálfari Hamars
Bárður Eyþórsson þjálfari Fjölnis
Einar Árni Jóhannss. þjálfari Breiðabl.
Hver verður í 2. sæti? (KR eða
Grindavík)
Ágúst: KR
Bárður: KR
Einar Árni: KR
Hver verður í 4. sæti? (Njarðvík eða
Snæfell)
Ágúst: Njarðvík
Bárður: Njarðvík
Einar Árni: Njarðvík
Hvaða lið kemst í úrslitakeppnina?
(Þór, Stjarnan eða Tindastóll)
Ágúst: Stjarnan
Bárður: Stjarnan
Einar Árni: Stjarnan
Hópurinn sem mætir Slóvakíu:
Kjartan Sturluson (Valur)
Stefán Logi Magnússon (KR)
Hermann Hreiðarsson (Portsmouth)
Kristján Örn Sigurðsson (Brann)
Grétar Rafn Steinsson (Bolton)
Ragnar Sigurðsson (IFK Göteborg)
Atli Sveinn Þórarinsson (Valur)
Bjarni Ólafur Eiríksson (Valur)
Stefán Gíslason (Bröndby)
Emil Hallfreðsson (Reggina)
Ólafur Ingi Skúlason (Helsingborg)
Theodór Elmar Bjarnason (Lyn)
Jónas Guðni Sævarsson (KR)
Aron Einar Gunnarsson (AZ Alkmaar)
Eggert Gunnþór Jónsson (Hearts)
Bjarni Þór Viðarsson (Twente)
Helgi Sigurðsson (Valur)
Eiður Smári Guðjohnsen (Barcelona)
Gunnar H. Þorvaldsson (Vålerenga)
Veigar Páll Gunnarsson (Stabæk)
FÓTBOLTI Landsliðsþjálfarinn
Ólafur Jóhannesson tilkynnti í
gær tuttugu manna leikmannahóp
fyrir vináttulandsleik gegn
Slóvakíu 26. mars í Slóvakíu.
Þar sem um alþjóðlegan
leikdag er að ræða geta Íslend-
ingar sem leika sem atvinnumenn
erlendis spilað leikinn en Ólafur
valdi engu að síður sex leikmenn í
hópinn sem spila með liðum hér á
landi.
„Ég er mjög ánægður með þá
leikmenn sem ég valdi sem spila
hérlendis og reyndar fleiri til, en
ég valdi sex þeirra í þetta skipti.
Það er nú einu sinni þannig að það
er engin ávísun á landsliðssæti að
leika erlendis,“ sagði Ólafur í
samtali við Fréttablaðið í gær. - óþ
Landsliðshópur Íslands:
Sex leikmenn
spila hér á landi
ÁNÆGÐUR Ólafur Jóhannesson er sáttur
með þá leikmenn sem hann valdi og
spila hér á landi. FRÉTTABLAÐIÐ/VILHELM
> Eiður Smári ekki alvarlega meiddur
Eiður Smári Guðjohnsen, landsliðsfyrirliði
og leikmaður Barcelona, þurfti að yfir-
gefa völlinn í uppbótartíma vegna
meiðsla þegar Barcelona gerði 2-2
jafntefli gegn Almeria á útivelli í
spænsku La Liga-deildinni í fyrra-
kvöld. Eiður Smári fékk þá þungt högg
en samkvæmt opinberri heimasíðu
Barcelona æfði hann með liðinu í gær
og gæti þess vegna verið í leikmannahópi
liðsins í Konungsbikarnum gegn Valencia á
Mestalla á fimmtudag. Eiður Smári mun því
að öllu óbreyttu einnig geta leikið í sínum
fyrsta leik undir stjórn Ólafs Jóhannessonar
með íslenska landsliðinu gegn Slóvakíu.