Fréttablaðið - 18.03.2008, Blaðsíða 13

ÞRIÐJUDAGUR 18. mars 2008 13
ÍSRAEL, AP Leiðtogar Ísraels og Þýskalands
undirrituðu í Jerúsalem í gær samkomulag um
mun nánara samstarf en ríkin tvö hafa haft
með sér til þessa. Samkomulagið markar einn
af hápunktum þriggja daga opinberrar
heimsóknar Angelu Merkel, kanslara Þýska-
lands, til Ísraels í tilefni af sextíu ára afmæli
gyðingaríkisins.
Merkel og ísraelski forsætisráðherrann
Ehud Olmert stýrðu sameiginlegum fundi sem
ráðherrar úr ríkisstjórnum beggja landa sátu.
Á fundinum var gengið frá samningum um
eflt samstarf landanna á fjölmörgum sviðum,
svo sem í menntunar-, umhverfis- og varnar-
málum. Samið var um að halda slíka ráðherra-
samráðsfundi einu sinni á ári framvegis.
Á sameiginlegum blaðamannafundi bar
Olmert lof á vináttu Ísraels og Þýskalands, en
tók fram með vísun til helfarar þýskra nasista
gegn gyðingum á sínum tíma: „Mikilvægt er
að við gleymum engu, en við ætlum okkur
heldur ekki að hundsa þau tækifæri og þá
skyldu sem við höfum til að vinna saman í því
skyni að tryggja þjóðum vorum, heimshlutan-
um og heiminum öllum betri framtíð.“
Í dag stendur til að Merkel ávarpi Ísraels-
þing, Knesset, en með því verður hún fyrsti
erlendi ríkisstjórnarleiðtoginn sem það gerir.
Einungis þjóðhöfðingjum hefur verið boðið það
til þessa. - aa
MERKEL OG OLMERT Ríkisstjórnarleiðtogarnir
tveir mæta á sameiginlega ráðherrafundinn í
Jerúsalem í gær. FRÉTTABLAÐIÐ/AP
Angela Merkel kanslari Þýskalands er í þriggja daga opinberri heimsókn í Ísrael:
Ísraelar og Þjóðverjar efla samstarf
LÖGREGLUMÁL Lögreglan á
Hvolsvelli hefur undanfarna daga
haft afskipti af óvenju mörgum
ökumönnum vegna hraðaksturs-
brota á Suðurlandsvegi.
Sá sem hraðast ók var á hátt í
150 kílómetra hraða á klukku-
stund þar sem hámarkshraði er
90. Nokkrir ökumenn voru á um
og yfir 130 kílómetra hraða á
klukkustund. Góðar aðstæður og
auðir vegir eru taldar ástæður
þess að ökumenn virða ekki
hámarkshraða. - ovd
Hraðakstur á Suðurlandsvegi:
Á um 150 kíló-
metra hraða
SJÁVARÚTVEGUR Aflaverðmæti
íslenskra skipa jókst um tæpa
fjóra milljarða frá árinu 2006 til
2007. Heildaraflaverðmætið nam
80 milljörðum í fyrra samanborið
við 76,2 milljarða árið þar á
undan og jókst því um rúm fimm
prósent.
Verðmæti botnfisks vegur þar
langþyngst en í fyrra nam það
rúmum 60 milljörðum en 57,5
milljörðum árið þar á undan.
Verðmæti ýsu jókst mest milli
áranna, eða um 27 prósent, en
einnig jókst verðmæti þorsksafla
um tæp sjö prósent. Aflaverð-
mæti karfa dróst hins vegar
saman um 9,5 prósent. - jse
Hagstofa Íslands:
Aflaverðmæti
jókst í fyrra
Á VEIÐUM Heildaraflaverðmæti nam 80
milljörðum króna í fyrra samanborið við
76,2 milljarða árið 2006.
VIÐSKIPTI Enn verður dráttur á því
að aðalfundur Ríkisútvarpsins
ohf. geti farið fram. Samkvæmt
samþykktum á að halda aðalfund
í lok janúar en fyrr í þessum
mánuði hafði Páll Magnússon
sagt í fjölmiðlum að fundurinn
yrði líklegast haldinn í lok þessa
mánaðar. Í samtali við Frétta-
blaðið segir Ómar Benediktsson
stjórnarformaður að líklegast
verði hann ekki fyrr en í apríl.
„Við getum ekki gert okkar
uppgjör fyrr en við höfum
stofnefnahagsreikning,“ segir
Ómar. „Eftir því sem ég hef heyrt
verður hann tilbúinn frá Ríkis-
endurskoðanda í þessari viku. Þá
getum við farið í að gera okkar
uppgjör og strax að því loknu
verður boðað til aðalfundar og
mér þykir líklegt að hann verði í
apríl.“ - jse
Ríkisútvarpið:
Aðalfundur
dregst enn
Vitur er sá sem vaknar fyrr.
Úrval verslana og þjónustu í Flugstöð Leifs Eiríkssonar hefur aldrei verið glæsilegra.
Þess vegna skaltu gefa þér góðan tíma í Flugstöðinni og njóta þess
að gera bestu kaupin í upphafi ferðarinnar.
Mættu fyrr og fáðu meira.
ÍS
L
E
N
S
K
A
S
IA
.I
S
F
L
U
4
09
15
0
2/
08
MENNTUN Mikill vilji er innan
Háskóla Íslands til að efla
fjarkennslu, að sögn rektors,
þrátt fyrir að heyrst hafi að
leggja eigi fjarnám í íslensku
niður.
„Það er mál sem er í endur-
skoðun. Við erum að skoða
fjármögnun fjarkennslunámsins
og í sambandi við sameininguna
við Kennaraháskólann,“ segir
Kristín Ingólfsdóttir rektor.
„Við viljum efla fjarkennsluna
við skólann og viljum sjá með
hvaða hætti við getum gert þetta
sem best,“ segir hún en kveður
ekki fastar að orði. Málið sé í
endurskoðun, sem fyrr segir. - kóþ
Fjarnámi hætt í íslensku:
Vilji er til að
efla fjarnámið