Fréttablaðið - 19.03.2008, Blaðsíða 58

38 19. mars 2008 MIÐVIKUDAGUR
Eins og kunnugt er fagnaði Sálin hans
Jóns míns tuttugu ára starfsafmæli
hinn 10. mars síðastliðinn. Af því tilefni
voru haldnir stórtónleikar í Laugar-
dalshöllinni og heildarverk sveitarinn-
ar fram að þessu kom út í tveimur köss-
um sem hér eru til umfjöllunar. Kassi 1
hefur að geyma sex plötur: Syngjandi
sveittir sem kom upphaflega út árið
1988, Hvar er draumurinn (1989), Sálin
hans Jóns míns (1991), Garg (1992),
Þessi þungu högg (1992) og Sól um nótt
(1995). Í kassa 2 eru sjö plötur: 12. ágúst
1999 fá því ári, Annar máni (2000), Log-
andi ljós (2001), Vatnið (2003), Undir
þínum áhrifum (2005) og Lifandi í Laug-
ardalshöll (2006). Og ein ný plata, Arg,
en á hana hefur verið safnað þeim Sál-
arlögum af safnplötum sem ekki voru á
Garg-inu.
Sálin var stofnuð til að spila soul-tón-
list að undirlagi þeirra Jóns Ólafssonar
píanóleikara og Rafns Jónssonar
trommuleikara úr Bítlavinafélaginu.
Þeir fengu til liðs við sig þá Guðmund
Jónsson gítarleikara, Harald Þorsteins-
son bassaleikara og Stefán Hilmarsson
söngvara. Sveitin hóf ferilinn með því
að flytja þekkta soul-slagara í bland við
frumsamin soul-skotin popplög, en eftir
að þeir Jón og Rafn höfðu sagt skilið við
hana þróaðist Sálin yfir í poppsveit sem
gerði út á dansleikja- og sveitaballa-
markaðinn og spilaði frumsamda tón-
list, aðallega eftir Guðmund. Á svipuð-
um tíma komu fram fleiri metnaðarfull
dansleikjabönd sem lögðu mesta
áherslu á frumsamið efni, þeirra fremst
SSSól og Nýdönsk.
Þróun og metnaður
Sálin varð fljótlega ein vinsælasta
hljómsveit landsins og sendi frá sér
hvern smellinn á fætur öðrum. Hún
hefur starfað með hléum og nokkrum
mannabreytingum í þessi tuttugu ár
sem eru liðin frá því að hún steig á svið
í fyrsta sinn og á þeim tíma hefur henni
tekist að halda sér á meðal vinsælustu
hljómsveita landsins. Tónlistin hefur
þróast mikið eins og maður heyrir
þegar maður hlustar á plöturnar í
kössunum tveimur í tímaröð. Sálin
í kassa 1 er ofur hresst stuðband á
meðan Sálin í kassa 2 er orðin yfir-
vegaðri, fágaðri og fullorðinslegri.
Þessi þróun og sá metnaður sem
hefur einkennt þau verkefni sem
Sálin hefur tekið sér fyrir hendur
skýrir óslitnar vinsældir hljóm-
sveitarinnar ásamt þeirri stað-
reynd að Guðmundur Jónsson er
einn af bestu lagahöfundum íslenskrar
poppsögu og Stefán Hilmarsson hefur
vaxið stöðugt bæði sem söngvari og
textasmiður.
Það er erfitt að gera upp á milli kass-
anna tveggja. Í báðum þeirra eru frá-
bærar plötur þó að meðalgæðin séu
sennilega hærri í seinni kassanum.
Fyrsta platan Syngjandi sveittir er ekki
upp á marga fiska í heildina. Útgáfurn-
ar af gömlu soul-slögurunum sem eru á
henni eru til dæmis afleitar, en frum-
sömdu lögin, sérstaklega Á tjá og tundri
eru fyrirboði um það sem koma skal.
Strax á annarri plötunni Hvar er draum-
urinn er sveitin orðin mjög góð og
þriðja platan sem heitir einfaldlega
Sálin hans Jóns míns er afbragð. Á
næstu plötu, hinni rokkuðu Þessi þungu
högg samdi hljómsveitin öll lögin í sam-
einingu. Mér finnst hún nú aldrei hafa
20 ára farsæll ferill í tveimur kössum
TÓNLIST
Vatnaskil 1988-
2008
Sálin hans Jóns míns
★★★★
Vatnaskil 1988 – 2008
er vel heppnað heild-
arsafn af útgefnu efni
Sálarinnar hans Jóns
míns. Vel unnið og
glæsilegt.
TVÍTUG STÓRSVEIT Stefán Hilmarsson og Jens Hansson í Laugardalshöll
um liðna helgi. FRÉTTABLAÐIÐ/DANÍEL
virkað almennilega þrátt fyrir ágæta
spretti. Safnplatan Garg er svo hrein
snilld, enda eru Sódóma, Ábyggilega,
Neistinn og Krókurinn öll á henni. Sól
um nótt er svo alveg þokkaleg.
Í seinni kassanum eru þrjár stúdíó-
plötur, Annar máni, Logandi ljós og
Undir þínum áhrifum sem allar standa
vel fyrir sínu og svo þrjá tónleikaplötur.
12. ágúst 1999 er órafmögnuð, Vatnið eru
tónleikar með Sinfóníuhljómsveitinni og
Lifandi í Laugardalshöll hefur að geyma
mjög vel heppnaða tónleika Sálarinnar
með Gospelkór Reykjavíkur.
Hvar er óútgefna efnið?
Það er greinilegt að hinn afar vel heppn-
aði plötukassi Þursanna hefur verið
hafður til hliðsjónar þegar Sálarsafnið
var sett saman. Eins og hjá Þursum
eru kassarnir sjálfir mjög veglegir
og hönnun og frágangur er til fyrir-
myndar. Stefán Hilmarsson rekur
sögu sveitarinnar í textum sem
prentaðir eru innan í umslag hverr-
ar plötu fyrir sig og gerir vel. Fínn
texti og skemmtilegur. Hljóðvinnsla
hefur líka heppnast ágætlega.
Það er samt eitt sem ég sakna. Þó
að það sé ein áður óútgefin plata í
kassa 2 þá eru á henni eintóm áður
útgefin lög. Það hefði verið sterkur leik-
ur að hafa eitthvað óútgefið efni með og
bæta til dæmis aftan við hverja plötu
fyrir sig. Þetta hefðu getað verið útvarps-
eða sjónvarpsupptökur, ónotuð lög, dem-
óupptökur eða tónleikaupptökur. Það eru
þrír tónleikar í kassa 2, en þeir eru allir
sérstök verkefni. Hvað með ekta Sálar-
tónleika? Það hefði mátt finna til ein-
hverjar vel heppnaðar upptökur frá
þessum dæmigerðu Sálarböllum og
skella tveimr eða þremur lögum aftan
við einhverjar af stúdíóplötunum. Áður
óútgefið efni hefði gefið kössunum
meira gildi fyrir þá aðdáendur sem eiga
allar plöturnar fyrir.
Því verður samt ekki neitað að Vatna-
skil 1988 – 2008 er mjög vel heppnað
heildarsafn af útgefnu efni Sálarinnar.
Glæsilegt og vel unnið. Trausti Júlíusson
Flex Music heldur upp á þriggja
ára afmæli sitt í kvöld með
tónleikum breska plötusnúðarins
D. Ramirez. Hann er á mála hjá
útgáfufyrirtækinu Ministry of
Sound og var valinn besti
danstónlistarmaður Bretlands
árið 2007 af tímaritinu DJ
Magazine. „Það verður mikið lagt
í kvöldið og við verðum með
aukakerfi og aukaljós,“ segir
Kiddi hjá Flex Music, sem hvetur
alla þá sem hafa gaman af
danstónlist til að mæta og
skemmta sér.
Flex Music ætlar einnig að
flytja inn plötusnúðinn Eric Pritz
á næstunni. Hann er goðsögn
innan danstónlistargeirans, enda
er hann sá eini í heiminum sem
hefur fengið að endurhljóðblanda
lög Pink Floyd.
D. Ramirez
í afmæli
D. RAMIREZ D. Ramirez þeytir skífum á
þriggja ára afmæli Flex Music.