Fréttablaðið - 19.03.2008, Blaðsíða 70

50 19. mars 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
PÁSKAHELGIN
LÁRÉTT
2. elds 6. rykkorn 8. hryggur 9.
ferningur 11. ung 12. bragsmiður 14.
hégómi 16. ólæti 17. þrí 18. niður 20.
stefna 21. nabbi.
LÓÐRÉTT
1. slitrótt tal 3. í röð 4. jarðbrú 5.
móða 7. starfræksla 10. þjófnaður 13.
hlé 15. naga 16. flana 19. tveir eins.
LAUSN
LÁRÉTT: 2. báls, 6. ar, 8. bak, 9. fer,
11. ný, 12. skáld, 14. snobb, 16. at, 17.
trí, 18. suð, 20. út, 21. arða.
LÓÐRÉTT: 1. tafs, 3. áb, 4. landbrú,
5. ský, 7. rekstur, 10. rán, 13. lot, 15.
bíta, 16. asa, 19. ðð.
Félag tónskálda og textahöfunda bíður nú félags-
mönnum sínum og öðrum upp á spennandi ferð til
Liverpool. Farið verður á slóðir Bítlanna og á
tónleika Pauls McCartney á Anfield. Fyrir marga
verður hápunktur ferðarinnar þó eflaust að sjá
„íslensku Bítlana“ í Hljómum taka lagið í hinum
fræga Cavern klúbbi, eða vandlega endurreistri
útgáfu hans. Þar spiluðu Hljómar síðast árið 1964.
„Á sínum tíma fórum við þangað í pílagrímsferð
og það var mikið ævintýri,“ segir Eggert Kristins-
son, frumtrommari Hljóma. Hann snýr nú aftur og
spilar með Gunnari, Rúnari og Erlingi í Liverpool.
„Við mættum nú bara óundirbúið í klúbbinn og
töluðum við framkvæmdastjórann. Hann leyfði
okkur að spila í hálftíma. Strákarnir voru í glænýj-
um bítlajökkum sem þeir voru nýbúnir að kaupa sér.
Ég hafði ekki keypt mér bítlajakka því ég var búinn
að ákveða að hætta í hljómsveitinni og fara í
viðskiptanám í London. Þetta voru síðustu tónleik-
arnir mínir með Hljómum.“
Eggert segist aldrei hafa séð eftir því að hætta í
Hljómum. „Nei nei, ég er alls ekki einhver Pete Best
Íslands,“ segir hann og hlær. „Ég valdi mér bara
aðra stefnu í lífinu. Ég var búinn að spila síðan ég
var 14 ára, í einhver sex til átta ár þegar hér var
komið við sögu, og var bara orðinn mettur. Ég
fylgdist náttúrlega með strákunum en var alltaf
mjög sáttur með ákvörðun mína þrátt fyrir uppgang
sveitarinnar.“
Eggert skiptir mun meira máli í sögu Hljóma en
að hafa bara verið fyrsti trommarinn. Hann fann
upp á nafninu og kom strákunum á bragðið með
Bítlana. „Ég hafði verið í enskunámi í Bournemouth
á Englandi árið 1963 og þangað komu Bítlarnir og
spiluðu í litlum klúbbi. Þetta var nú bara venjuleg
hljómsveit þá, en manni fannst þetta samt vera
kraftmiklir strákar. Síðar sá ég fyrstu Bítlaplötuna
heima hjá Rúnari og stakk upp á því við strákana að
við æfðum lögin þeirra. Þegar bítlaæðið skall á
vorum við með forskot á aðra og urðum ósjálfrátt
aðal bandið. Seinna sá ég Bítlana aftur í London,
fyrir jólin 1964. Þá voru þeir orðnir heimsfrægir.
Yardbirds hituðu upp og það var mikið öskrað, en
þegar Bítlarnir komu á svið hækkaði verulega í
píunum og maður heyrði eiginlega ekki neitt.“
Viðskiptanámið nýttist Eggerti og hann starfaði
við fagið þar til fyrir þrem árum þegar hann
svissaði yfir í handverkið og fór að vinna við smíðar.
„Ég hélt alltaf áfram að tromma. Er til dæmis núna í
Tíglunum sem spila tvisvar á ári hjá dansklúbbnum
Laufið. Það er hjónaklúbbur sem skemmtir sér án
áfengis. Þar áður var ég í Nátthröfnum.“
Og Eggert er ekki í neinum vafa um að það verður
stór stund að snúa aftur í kjallaraholuna í Liverpool.
Hina sögulega mikilvægu kjallaraholu. „Það verður
eflaust gaman. Ég spurði Gunna Þórðar hvort við
ættum ekki að taka nokkrar æfingar og hann svaraði
að fyrst ég hefði spilað þetta einu sinni þá hlyti ég
kunna þetta ennþá.“ gunnarh@frettabladid.is
EGGERT KRISTINSSON: FYRSTI TROMMARI HLJÓMA SNÝR AFTUR
Ég er ekki Pete Best Íslands
HLJÓMAR Í CAVERN-KLÚBBNUM 1964 Allir í Bítlajökkum nema
Eggert sem er kominn í viðskiptanámið í huganum.
Þótt flestir fái málshætti þegar
súkkulaðipáskaeggin verða opnuð á sunnu-
dagsmorgun á eflaust einhverjum eftir að
bregða í brún. Nokkrir tugir Íslendinga
hafa að sögn páskaeggjaframleiðenda
komið ýmsu fyrir í eggjunum; trúlofunar-
hringjum, sérvöldum málsháttum og
jafnvel farsímum. „Hjá okkur er alltaf
eitthvað um svoleiðis og það eru aðallega
skartgripir og símar sem rata í eggin,“
segir Hannes Helgason hjá Góu í Hafnar-
firði. Hann bætir því við að starfsfólk Góu
taki alltaf vel í slíkar bónir og rukki ekkert
aukalega fyrir slíka þjónustu.
Kristján Geir Gunnarsson, markaðsstjóri
hjá Nóa-Síríusi, segir að það sé alltaf um
einhverjar tækifærisgjafir að ræða hjá
fólki. Kristján hafði tölurnar ekki alveg á
reiðum höndum en taldi þetta vera á milli
tíu og tuttugu bónir á ári hverju. Líkt og hjá
Góu væru það farsímar og hringar sem
nytu hvað mestra vinsælda og svo heima-
gerðir málshættir.
Ævar Guðmundsson hjá Freyju sagði að
algengast væri að fólk sæi um þetta sjálft.
En þó kæmu alltaf einn og einn og bæðu
starfsfólkið um að lauma óvæntum gjöfum
inn í eggin. „Fyrirtæki hafa líka verið
dugleg að koma með málshætti og setja þau
inn í eggin handa starfsfólki sínu,“ segir
Ævar og bætti því við að páskaeggjasalan
væri með mesta móti þetta árið.
- fgg
Farsímar og hringar í páskaeggjunum
„Ég er sjálfur alltaf með stillt á
útvarpsstöðina í bílnum og mér er
það því sársaukalaust að leggja
mitt af mörkum,“ segir Bubbi
Morthens, en hann mun spila
ásamt fleiri valinkunnum einstakl-
ingum á styrktartónleikum
útvarpstöðvarinnar XA Radíó.
Útvarpsstöðin er einstök að því
leyti að þar er engin tónlist spiluð
og engar auglýsingar lesnar. Dag-
skráin samanstendur af samtölum
við erlenda félaga margvíslegra
AA-samtaka. Íslenska dagskráin
er hins vegar að öllu leyti byggð
upp á lestri úr AA-bókinni. Mark-
mið tónleikanna er að safna fyrir
nýjum sendi fyrir Suður-
land en hingað til
hefur verið hægt
að ná dagskrá
stöðvarinnar á
öllu Faxaflóasvæðinu á tíðninni
Fm 88,5 og í Eyjafirði og Akureyri
á FM 87,9.
Bubbi segir að útvarpsstöðin
hafi verið í loftinu í dágóðan tíma
og að útsendingar hennar eigi svo
sannarlega rétt á sér. „AA-bókin
hefur bjargað lífi þúsunda manna
og mér finnst það algjörlega þess
virði að leggja þessu málefni lið,“
segir Bubbi en meðal annarra sem
koma fram eru Páll Óskar Hjálm-
týsson, KK, Ellen Kristjánsdóttir,
Einar Ágúst og Ragnheiður Grön-
dal. Tónleikarnir verða í
Háskólabíói á föstudaginn
langa og hefjast strax að
lokinni afmælisstund sam-
takanna í Laugardalshöll
eða klukk-
an 22.
- fgg
Bubbi styður AA-útvarpið
ÞARFUR SENDIR Bubbi Morthens syngur
á styrktartónleikum útvarpsstöðvarinnar
XA Radíó. FRÉTTABLAÐIÐ/GVA
EINAR ÁGÚST
Tekur lagið í
Háskólabíói.
Hin mjög svo skelegga
Þórunn Sigurðardóttir
lætur af störfum eftir
nokkra mánuði sem
stjórnandi Listahá-
tíðar. Víst er að
enginn skortur
er á verkefnum
þegar Þórunn er
annars vegar og
nýlega var hún mynstruð um borð
í Fálkaorðunefndina – umdeilda
nefnd en víst er að Þórunn kveink-
ar sér ekki undan því að standa í
ólgusjó en listamenn horfa til þess
bjartari augum en áður að fá eins
og eina orðu fyrir fórnfúst starf.
Heldur hefur sljákkað í
hráslagaleg- um
húmoristum á Net-
inu sem fyrir
nokkru slógu sér
á brjóst og vitnuðu í
orð sín fyrir ári
eða tveimur þess
efnis að krónan
og markaðurinn
væru að fara til
fjandans. Þeir
sjá fram á að
ástandið kunni að bíta í rassinn
á þeim sjálfum og svo mjög að
enginn er til að benda á þá neyð-
arlegu staðreynd að nýverið fóru
Geir H. Haarde forsætisráðherra
og Ingibjörg Sólrún Gísladóttir
utanríkisráðherra um heimsins
koppagrundir, ræddu við erlenda
sérfræðinga og bentu á að íslenskt
efnahagslíf stæði traustum fótum.
Þau tvö vona líklega að skamm-
tímaminni viðmælenda sinna sé
með versta móti.
Unnur Ösp Stefánsdóttir og
Björn Thors tóku við hlutverkum
Gísla Arnar Garðarssonar og
Nínu Daggar Filippusdóttur í
Hamskiptunum í London fyrir jól.
Þau hafa fengið frábærar viðtök-
ur bæði hjá gagnrýnendum og
áhorfendum og hefur samningur
þeirra við Lyric Hammersmith verið
framlengdur. - jbg
FRÉTTIR AF FÓLKI
ÓVÆNTUR GLAÐNINGUR Ævar Guðmundsson hjá
Freyju sagði að páskaeggjasalan væri með besta móti
þetta árið. Alltaf er nokkuð um að fólk laumi óvæntum
gjöfum í eggin.
FRÉTTABLAÐIÐ/VALLI
SÁ ALDREI EFTIR AÐ HÆTTA Eggert Kristinsson, frumtrommari
Hljóma. Hann spilar með sveitinni í Cavern-klúbbnum í vor, 44
árum eftir að sveitin lék þar fyrst. FRÉTTABLAÐIÐ/VALLI
„Ég ætla að fara vestur á
Ísafjörð og syngja með karla-
kórnum Erni á hátíðinni Aldrei
fór ég suður. Ég efast um að ég
komi mikið meiru í verk um
páskana, enda er þetta fullt
verk.“
Óttarr Proppé tónlistarmaður.
Frábær Fermingargjöf
Þessi sér um að vekja þarft að fara framúr til að slökkva á henni!
MAGNAÐASTA VEKJARAKLUKKA
ALLRA TÍMA
iRobot ehf.
Hólshraun 7, 220 Hfj. S. 555 2585
Irobot.is
Fæst Hjá
Max
Og hjá
Byggt og Búið
í Smáralind og Kringlu.
Auglýsingasími
– Mest lesið