Fréttablaðið - 19.03.2008, Blaðsíða 52

32 19. mars 2008 MIÐVIKUDAGUR
menning@frettabladid.is
Cultus Bestiae er sýning eftir myndlist-
armanninn Gunnhildi Hauksdóttur sem
stendur nú yfir í D-sal Listasafns Reykja-
víkur í Hafnarhúsinu. Þar má sjá mynd-
bandsverk á tveim tjöldum sem sýnir
tamda hesta leika listir sínar á hestasýn-
ingu og svo slaka á í hesthúsi.
Gunnhildur útskrifaðist frá Listaháskóla Íslands árið
2001 og stundaði framhaldsnám í myndlist við
Sandberg Institude í Amsterdam 2002-2005. Hún er
meðlimur í hinni alþjóðlegu Dieter Roth akademíu og
hefur starfað í Berlín undanfarin ár.
„Ég tók þessar myndir á hestasýningum í Þýska-
landi og úti í skóginum í kringum Berlín,“ segir
Gunnhildur um vinnslu verksins. „Hestar tákna í
hugum margra kraft og frelsi en hestarnir á þessum
sýningum eru tamdir og láta í einu og öllu að vilja
mannsins. Það er þannig með manninn að hann temur
allt út í hörgul, en um leið og hann temur og nær undir
sig dýrum og náttúru, til að mynda, þá tapar hann
einhverju í leiðinni sem hann leitast svo við að
endurskapa. Við þráum flest að sjá eitthvað villt og
náttúrulegt, en við sjáum það sjaldan eða aldrei og
ekki í þessum hestum; þeir eru leikarar í þessari
sýningu og eru látnir spila inn á þessa þrá.“
Cultus Bestiae fangar þannig samband hests og
manns og fær áhorfendur til þess að velta fyrir sér
hinum ýmsu hliðum þess. D-salur Hafnarhússins er
gluggalaus og í honum eru engin önnur verk. Því geta
áhorfendur leyft sér að hverfa fullkomlega inn í heim
glæsilegra gæðinga. Gunnhildur segir sýninguna að
vissu leyti mótaða af aðstæðum í salnum. „Þegar mér
bauðst að setja upp sýningu í þessum sal fór ég strax
að hugsa verkið inn í hann. Veggirnir, loftið og gólfið
eru öll hvít og gluggaleysið gerir það að verkum að
maður upplifir sig hálfpartinn í þyngdarleysi þarna
inni. Því langaði mig til þess að viðhalda þessu
andrúmslofti og ýta jafnvel undir það í sýningunni;
tjöldin tvö svífa í miðjum salnum og það er hægt að
sjá myndirnar á þeim báðum megin frá og ganga í
kringum þær. Það eru litir og ljós og mikil hreyfing í
verkunum og birtan af römmunum skapar stóran sess
í að ýta undir þessa stemningu. Hljóðin sem fylgja
verkunum eru líka altumlykjandi í salnum. Það eru
því engir fastir punktar í sýningunni sem binda
upplifunina niður við rýmið.“ vigdis@frettabladid.is
Tamdir hestar í þyngdar-
leysi sýningarsalar
HROSS Úr verkinu Cultus Bestiae.
Listafélag Langholtskirkju stendur fyrir svokallaðri Listafléttu
að kvöldi föstudagsins langa. Yfirskrift kvöldsins er „Ég bíð uns
birtir yfir“.
Inntak föstunnar er efniviðurinn sem listamenn kvöldsins hafa
nýtt sér til fléttugerðar. Á þann hátt fæst nýtt sjónarhorn á
túlkun ýmissa listforma á efni píslarsögunnar.
Ólíkar listgreinar á borð við ritlist, upplestur, dans, tónlist og
myndlist leika allar veigamikil hlutverk í fléttunni. Kór Lang-
holtskirkju flytur
verk eftir Edward
Elgar, Trond
Kverno, June
Nixon, W. A.
Mozart og J. S.
Bach auk verka
eftir íslenska
höfunda. Rými
kirkjunnar er
skreytt myndverk-
um í eigu Lista-
safns Íslands sem
tengjast föstunni,
en það var Ólafur
Ingi Jónsson,
deildarstjóri
forvörsludeildar
safnsins, sem valdi myndverkin fyrir Listafélag Langholtskirkju.
Að auki verður átta metra hár trékross hengdur upp yfir altari
kirkjunnar. Aðalheiður Halldórsdóttir, dansari hjá Íslenska
dansflokknum, lagði sitt af mörkum og samdi kóreógrafíu fyrir
kvöldið. Ekki má gleyma að minnast á hlut þeirra Hjartar
Pálssonar og Gunnars Stefánssonar, en þeir velja og lesa upp ljóð
sem tengjast efni dagsins. Dagskráin hefst kl. 20 á föstudags-
kvöld.
-vþ
Listir fléttaðar í
tilefni föstunnar
LANGHOLTSKIRKJA Hér fer fram metnaðarfull
listaflétta á föstudagskvöld.
Tate Modern-safnið í London hefur löngum
vakið athygli fyrir bitastæðar sýningar. Í maí
næstkomandi býður safnið gestum sínum
upp á mikla Fluxus-listaveislu og í tengslum
við hana stærðarinnar salatgjörning sem er
bitastæður í bókstaflegum skilningi.
Listamaðurinn Alison Knowles ætlar að
útbúa salat fyrir 300 manns í Túrbínusal
safnsins með dyggri aðstoð fimm mötu-
neytisstarfsmanna og sellóleikara sem leikur
tónlist eftir Mozart.
Knowles, sem er fædd árið 1933, er ein af
upphaflegu meðlimum Fluxus-hreyfingarinn-
ar sem náði hápunkti sínum á árunum 1962-
1964. Á meðal annarra listamanna sem létu
að sér kveða undir formerkjum Fluxus eru
þau Yoko Ono, John Cage og Joseph Beuys.
Listamaðurinn Knowles framdi salatgjörning
í fyrsta skipti árið 1962 og hefur endurtekið
hann nokkrum sinnum síðan, en þó aldrei
fyrir jafn marga áhorfendur og gert er ráð
fyrir í Tate Modern.
Gjörningurinn mun fara þannig fram að
Knowles og meðkokkar hennar verða, ásamt
stærðarinnar haug af grænmeti, uppi á palli
sem hengdur verður upp í nokkurri hæð í
Túrbínusalnum. Sellóleikarinn hefur gjörning-
inn á að leika tónlist eftir Mozart, en þegar
honum er lokið hefst grænmetisskurðurinn.
Á gólfi salarins, undir pallinum, verður komið
fyrir gríðarlega stórri skál og verður skorið
grænmetið látið falla ofan af pallinum og í
skálina.
Salatið verður svo mikið að notast þarf við
árar til þess að hræra í því. Jafnframt verður
hrífa notuð til þess að ná fram jafnri blöndun
salatsins. Að lokum verður salatið bragðbætt
með kryddum og sósum áður en gestum
býðst að gæða sér á því.
Knowles hefur verið þekkt fyrir að einblína
á hversdagslegar athafnir í list sinni og hefur
skapað mörg verk sem tengjast matargerð og
-neyslu á einhvern hátt. - vþ
Listfengir kálhausar og gúrkur
SALAT Bragðgóð og meinholl Fluxus-list.
Skírdagur
Félag áhugafólks um heimspeki,
Amtsbókasafnið á Akureyri,
Háskólinn á Akureyri og Akureyr-
arstofa standa fyrir fyrirlestri um
kristinn mannskilning í bókabúð
Eymundssonar á Akureyri á
morgun kl. 13. Þar mun Kristinn
Ólason guðfræðingur leitast við að
gera tilteknum grundvallarhug-
myndum um manninn skil út frá
nokkrum lykiltextum Gamla og
Nýja testamentisins.
Það verður mikið um dýrðir á Walt-
ic-ritþinginu sem fer fram í sænsku
höfuðborginni Stokkhólmi í júní
næstkomandi.
Um 1000 rithöfundar og þýðend-
ur frá mörgum löndum munu þar
koma saman og funda í fjóra daga
um bókmenntir og hlutverk þeirra.
Aðalræðumaður þingsins er rit-
höfundurinn Mia Couto frá Mós-
ambík, en hún hefur safnað saman
munnmælasögum frumbyggja og
notað þær í skáldskap sínum.
Þannig hefur hún sameinað frá-
sagnaraðferðir læsra og ólæsra, en
eitt af markmiðum ritþingsins er
einmitt að ræða aðgerðir til að auka
læsi í þróunarlöndunum.
Gabriella Håkansson, einn af
talsmönnum ritþingsins, segir einn-
ig standa til að skoða áhrif stór-
felldra fólksflutninga landa á milli
á bókmenntir. Haldnar verða fjölda-
margar málstofur þar sem ýmis
atriði sem lúta að fólkflutningum
verða rædd í þaula. Ein slík stofa
kemur til að mynda til með að fjalla
um reynslu kvenna af flutningi
milli landa. Frummælendur verða
rithöfundarnir Jamaica Kincaid frá
Antigúa, Ludmíla Ulitskaja frá
Rússlandi, Calixthe Beyala frá
Kamerún og Nawal el-Saadawi frá
Egyptalandi.
Á ritþinginu verður jafnframt
skoðað hvaða raddir fá að heyrast í
bókmenntum nútímans. Í því sam-
hengi verður sérlega horft til þýð-
inga og dreifingar, en einnig til þess
hvaða bækur hljóta alþjóðlega við-
urkenningu og upphefð og hvaða
bækur verða útundan.
„Við höfum boðið til þingsins full-
trúum afskaplega spennandi
ítalskra rithöfundasamtaka sem
kallast Wu Ming,“ segir Håkansson.
„Allir höfundar innan samtakanna
hafa tekið sér nafnið Wu Ming, sem
gerir það að verkum að ekki er
hægt að rekja útgáfur þeirra til eins
höfundar. Þau eru fulltrúar bók-
mennta sem eru sjaldséðar en
vissulega þess virði að skoða betur.“
- vþ
Aukið læsi og
reynsla kvenna
JAMAICA KINCAID Einn þeirra rithöf-
unda sem taka þátt í Waltic-ritþinginu í
Stokkhólmi í sumar.