Fréttablaðið - 03.04.2008, Qupperneq 6

6 3. apríl 2008 FIMMTUDAGUR
Lau kl. 10.00-17
.00
Sun kl. 12.00-16
.00
Við frumsýnum 2008 árgerðina af stórglæsilegum
Rockwood fellihýsum helgina 5.-6. apríl í verslun
okkar að Fosshálsi 5-7.
Rockwood fellihýsin 2008
Komdu núna í Bílaland B&L og kynntu þér kostina
Glæsilegt úrval lúxusbílaLÚXUS
Opið virka daga frá kl. 10 til 18
og á laugardögum frá kl. 12 til 16
Bílaland B&L, Grjóthálsi 1 - 110 Reykjavík
575 1230 - luxusbilar@bilaland.is. 575 1230
ALLIR INNFLUTTIR
OG ÞJÓNUSTAÐIR
AF UMBOÐI
BMW X5 diesel
Nýskr: 09/2004, 2900cc
5 dyra, Sjálfskiptur, Dökkblár, Ekinn 70.000
Verð: 5.300.000
HEFST Á FÖSTUDAG
KL. 21.00 Á SKJÁEINUM
FERÐAMÁL „Við getum ekki lengur
setið hjá,“ segir Jón Karl Ólafs-
son, formaður Samtaka ferða-
þjónustunnar, sem halda aðalfund
sinn á Radison SAS Hótel Sögu í
dag.
Segir hann Samtök ferðaþjón-
ustunnar ekki hafa tekið beina
afstöðu í umræðum um krónuna.
„Mér finnst þetta snúast um hvort
krónan er gjaldmiðill sem virkar
og hvort hún muni vera hér til
framtíðar.“
Þá hafi sveiflur á krónunni kost-
að ferðaþjónustufyrirtæki gríðar-
legar fjárhæðir. Vörur og þjón-
usta sé verðlögð í erlendri mynt
sem geti auðveldlega breyst mikið
á þeim tíma sem líður frá tilboði
þar til greiðsla berst. „Krónan er
augljóslega byrði á ferðaþjónust-
unni og við munum leggja upp
með að á næsta ári muni ferða-
þjónustufyrirtæki þurfa að móta
sér stefnu í krónuumræðunni.“
Á fundinum á meðal annars að
ræða ímynd Íslands og hvert
stefnir í þeim efnum. „Við getum
ekki setið hjá þegar talað er um
banka- og fjármálakreppu. Við
erum að tala um ímynd þjóðarinn-
ar og ferðaþjónustufyrirtæki eru
að selja ímynd. Ef ímyndin er
orðin viðkvæm þá þurfum við að
hafa áhyggjur af því.“
Fundir faghópa hefjast klukkan
níu árdegis en aðalfundurinn er
settur klukkan 13. - ovd
Gengissveiflur krónunnar kosta ferðaþjónustufyrirtækin gríðarlegar fjárhæðir:
Ímynd Íslands og staða krónu
VESTMANNAEYJAR ÚR FLUGVÉL Stenst
íslensk ferðaþjónusta gæðakröfur ferða-
manna, er meðal spurninga sem ræddar
verða. FRÉTTABLAÐIÐ/HARI
HEILBRIGÐISMÁL Landspítalinn samdi við hjúkrunar-
heimilið Grund í gær um að taka að sér rekstur
hjúkrunardeildar á Landakoti en þeirra tilboð í
útboði til rekstursins var lægst. Deildin er með
átján hjúkrunarrými og verður hún opnuð um
miðjan næsta mánuð.
Magnús Pétursson, fyrrverandi forstjóri
Landspítalans, nefndi í viðtali við Fréttablaðið í
gær að heilbrigðisráðuneytið hefði í upphafi ætlað
18.260 krónur til reksturs hvers sjúkrarýmis á dag
þegar ákveðið var að bjóða þjónustuna út til
einkaaðila. Fyrsta tilboð Grundar hefði hljóðað upp
á 21.000 krónur og annað sem barst frá ónefndum
aðila verið 25.00 krónur. Munurinn á þeim upphæð-
um sem ráðuneytið áætlaði til verksins og þess
sem einkaaðilar töldu sig þurfa hefði vakið upp
spurningar. Ekki væri hægt að draga úr kostnaði á
deild sem þessari með öðru móti en að draga úr
mönnun eða ódýrari starfskröftum.
Gunnar Páll Pálsson, staðgengill forstjóra
Grundar, segir að tekist hafi að ná kostnaðinum
niður í um 19.700 krónur. Það hafi verið mögulegt
með því að semja við Landakot um að hjúkrunar-
fræðingur þaðan tæki að sér þrjár gæsluvaktir á
viku. „Báðir aðilar hagnast á þessu og hjúkrunar-
fræðingurinn væri hvort sem er á vakt á þessum
tíma á Landakoti,“ segir Gunnar.
Björn Zoëga, forstjóri og lækningaforstjóri
Landspítalans, segir tíðindin góð. Deild sem þessi
hefði verið rekinn af Landspítalanum í fyrra fyrir
22.000 krónur á dag. Með samningi við Grund
lækki upphæðin og um leið náist að manna deild
sem hefur verið lokuð um skeið.
- kdk
Grund tekur við rekstri lokaðrar hjúkrunardeildar á Landakoti:
Grund tekur við deild á Landakoti
KJÖRKASSINN
Hljópst þú 1. apríl?
Já 11,6%
Nei 88,4%
SPURNING DAGSINS Á MORGUN:
Er ástæða til að ráðamenn Ís-
lands ferðist með einkaþotum?
Segðu þína skoðun á visir.is
FRAMKVÆMDIR Byggingafyrirtæk-
ið BM Vallá hefur lagt inn
umsókn fyrir um 60 þúsund
fermetra lóð á Akranesi með það
fyrir augum að hefja þar frekari
einingaframleiðslu. „Þegar við
keyptum Smellinn á Akranesi
sögðum við að því myndi fylgja
frekari uppbygging þar,“ segir
Þorsteinn Víglundsson, forstjóri
BM Vallár.
Gísli S. Einarsson, bæjarstjóri
á Akranesi, segist hafa miklar
væntingar til uppbyggingarinnar.
„Það gætu fylgt þessu um þrjátíu
til fjörutíu ný störf svo við tökum
þessu að sjálfsögðu fagnandi,“
segir hann. - jse
Uppgangur á Akranesi:
Um fjörutíu ný
störf verða til
HEILBRIGÐISMÁL „Þetta hefur verið
vandamál í mörg ár en við höfum
ákveðnar hugmyndir um hvernig
við ætlum að leysa það,“ segir
Björn Zoëga, forstjóri Landspítal-
ans og lækningaforstjóri, en vegna
aukinnar aðkomu einkaaðila að
heilbrigðiskerfinu hafa margar
aðgerðir flust af Landspítalanum.
Þar með flyst þekking af spítalan-
um sem þá ekki getur nýst lækna-
nemum háskólasjúkrahússins.
Magnús Pétursson, fyrrverandi
forstjóri Landspítalans, greindi
frá því í viðtali við Fréttablaðið í
gær að þótt aðkoma einkaaðila í
heilbrigðiskerfinu geti verið af
hinu góða þurfi að gæta þess að
mola ekki þá þætti sem myndi
háskólasjúkrahús og tapa þekk-
ingu af spítalanum sem þar með
nýtist ekki læknanemum. Stefna
spítalans væri óskýr einkum í því
hve langt eigi að ganga í einka-
rekstri og hvers vegna ætti að fara
slíka leið. Nú sé til að mynda svo
komið að öll þekking á krossbands-
aðgerðum sé komin af spítalanum
og því geti læknanemar ekki til-
einkað sér námið fyllilega.
Um það bil fimm þúsund bækl-
unaraðgerðir eru gerðar hjá einka-
aðilum á ári auk fjölda æðahnúta-
og annarra minni háttar aðgerða.
Björn segir að ástandið hafi verið
þannig lengi og ekki séu uppi hug-
myndir um að breyting verði þar á
en samkomulag um miðlun þekk-
ingar milli Landspítalans og sjálf-
stætt starfandi bæklunarlækna
hafi verið gott. „Verði tekin
ákvörðun um að fleiri aðgerðir
verði fluttar til einkaaðila, gætum
við til dæmis leyst það með sam-
starfssamningum við fagaðila,“
segir Björn en þegar hafa aðeins
óformlegar viðræður átt sér stað
um þau mál.
Stefán B. Sigurðsson, forseti
læknadeildar, segir að á þessu
þurfi að finna lausn. Vilji sé meðal
forsvarsmanna deildarinnar að
geta beint læknanemum á stofur
utan spítalans svo þeir geti kynnt
sér aðgerðir en þeir sem reki stof-
urnar vilji fá greitt fyrir að taka á
móti þeim. Hins vegar séu ekki
fjárveitingar til þess.
Guðlaugur Þór Þórðarson heil-
brigðisráðherra segir að engin
stór skref hafi verið stigin í átt að
frekari einkarekstri heilbrigðis-
kerfisins í tíð núverandi ríkis-
stjórnar. „Það er mjög mikilvægt
að menn gleymi því ekki að Land-
spítalinn og háskólasjúkrahúsið er
ein öflugasta rannsóknar- og vís-
indastofnun landsins og við erum
ekki að fara að gefa neitt eftir í
uppbyggingu hennar. Ég skil ekki
hvernig fólk fær þá hugmynd.
Dæmin sýna að öflug háskólastarf-
semi og einkarekstur geta farið
mjög vel saman,“ segir Guðlaugur.
karen@frettabladid.is
Þekking flyst af Land-
spítala til einkaaðila
Flutningur aðgerða af Landspítala og til einkaaðila hefur orðið til þess að þekk-
ing á ýmsum aðgerðum er þar ekki fyrir hendi fyrir læknanema. Forseti lækna-
deildar segir nauðsynlegt að finna á þessu lausn sem og forstjóri spítalans.
VERÐA AF ÞEKKINGU Forstjóri Landspítalans segir að flutningur aðgerða af háskóla-
sjúkrahúsinu og til einkaaðila hafi lengi verið vandamál. Verði tekin ákvörðun um að
fleiri aðgerðir verði fluttar til einkaaðila þurfi að gera samkomulag milli einkaaðila og
sjúkrahúss svo að læknanemar geti öðlast reynslu og þekkingu.
STEFÁN B.
SIGURÐSSON
MAGNÚS
PÉTURSSON
BJÖRN
ZOËGA
GUÐLAUGUR ÞÓR
ÞÓRÐARSON