Fréttablaðið - 17.05.2008, Síða 6

6 17. maí 2008 LAUGARDAGUR
Vilt þú að Íslendingar taki á
móti erlendum flóttamönnum?
Já 40,7%
Nei 59,3%
SPURNING DAGSINS Í DAG:
Á að fara fram þjóðaratkvæða-
greiðsla um aðild Íslands að
ESB á þessu kjörtímabili?
Segðu þína skoðun á visir.is
KALIFORNÍA, AP Samkynhneigðir
íbúar í Kaliforníu fögnuðu ákaft
þegar hæstiréttur ríkisins felldi á
fimmtudag úr gildi bann við því að
samkynhneigðir gangi í hjóna-
band.
„Ríkisvald okkar viðurkennir
nú að geta einstaklings til þess að
stofna til kærleiksríks og langvar-
andi sambands við annan einstakl-
ing og að sinna og ala upp börn af
fullri ábyrgð fer ekki eftir kyn-
hneigð hans,“ sagði Ronald
George, yfirdómari hæstaréttar
Kaliforníu.
Í Kaliforníu er þó enn að finna
harða andstæðinga þess að sam-
kynhneigðir gangi í hjónaband.
Þeir ætla nú að krefjast þess að
stjórnarskrá Kaliforníu verði
breytt, þannig að í hana verði sett
ákvæði sem banni slík hjónabönd.
Arnold Schwarzenegger ríkis-
stjóri hefur þó sagst ætla að berj-
ast gegn slíkri stjórnarskrárbreyt-
ingu.
Í Rússlandi sendu samkyn-
hneigðir beiðni í gær til Dimitrís
Medvedev, arftaka Vladimírs
Pútín á forsetastóli, um að fá að
halda gleðigöngu í Moskvu í lok
mars. Júrí Lúskov, borgarstjóri í
Moskvu, hefur ítrekað bannað
þeim að ganga stoltir um götur
borgarinnar, og segist líta svo á að
samkynhneigð sé frá djöflinum
komin.
Benedikt XVI páfi í Róm ítrek-
aði í gær andstöðu sína við hjóna-
bönd samkynhneigðra. - gb
Hæstiréttur Kaliforníu felldi úr gildi bann við hjónabandi samkynhneigðra:
Áköf fagnaðarlæti brutust út
DANSAÐ Í SAN FRANCISCO Samkyn-
hneigðir fögnuðu ákaft þegar niðurstaða
hæstaréttar lá fyrir. FRÉTTABLAÐIÐ/AP
MATARVERÐ Verð á vörukörfu ASÍ
breyttist lítið í flestum verslun-
um milli síðustu viku aprílmánað-
ar og annarrar viku maí. Mest
hækkaði verð vörukörfunnar í
Nóatúni, eða um 1,9 prósent, um
1,5 prósent í 11-11 og um tæplega
eitt prósent í Samkaupum-Úrvali.
Mest lækkaði verð körfunnar í
Nettó, eða um 2,7 prósent.
Lækkunina má að mestu leyti
rekja til lækkunar á verði
kjötvöru í vörukörfunni en aðrir
vöruflokkar hækkuðu almennt.
Þetta kemur fram á fréttavef
ASÍ.
Litlar breytingar urðu á verði í
öðrum verslanakeðjum. - ghs
Vörukarfa ASÍ:
Verðið breyttist
lítið milli vikna
Skógarhlíð 18 • sími 595 1000
Akureyri • sími 461 1099 • www.heimsferdir.is
EVRÓPUMÁL „Það er samhljómur í
þingflokknum en menn eru hins
vegar með skiptar skoðanir á því
hvernig á að nálgast viðfangsefn-
ið,“ segir Þorgerður Katrín Gunn-
arsdóttir menntamálaráðherra,
spurð hvort ágreiningur sé á milli
hennar og annarra ráðherra Sjálf-
stæðisflokksins um Evrópumál.
„Ég fagna því að við erum að
dýpka umræðuna og það er gott
fyrir alla. Ég hef engar áhyggjur
af því þó það sé einhver ágreining-
ur um Evrópumálin, hvort sem
það er innan Sjálfstæðisflokksins
eða í samfélaginu. Mikilvægast er
að það fari fram fordómalaus
umræða og ég er orðin þreytt á
því ofstæki sem er á báða bóga,
hvort sem menn eru Evrópusinnar
eða andstæðingar aðildar.“
Þorgerður Katrín lýsti þeirri
skoðun sinni á fundi í Kópavogi í
vikunni að þjóðaratkvæðagreiðsla
kæmi til greina á næsta kjörtíma-
bili um hugsanlegar viðræður um
ESB-aðild. Eins að gerðar verði
nauðsynlegar stjórnarskrárbreyt-
ingar í því sambandi. Undir þessa
skoðun hafa aðrir ráðherrar Sjálf-
stæðisflokks, þar á meðal Geir H.
Haarde forsætis- ráðherra,
ekki tekið.
„Ég tel að mik-
ilvægt sé að
breyta stjórnar-
skránni svo við
höfum þann mögu-
leika að fara með málið í
þjóðaratkvæðagreiðslu.
Það er alveg rétt að það
eru ekki allir þeirrar
skoðunar en ég segi það óhikað
engu að síður. Í því er ekki fólgið
að menn fari sjálfkrafa í aðildar-
viðræður en menn verða tilbúnir
og það er ekki búið að loka leiðum
ef menn komast að málefnalegri
niðurstöðu eftir kosning-
ar“, segir Þorgerður.
Þorgerður og
Björn Bjarnason
hafa bæði sagt að
umræðan um
Evrópumál sé
hálfgerður blekk-
ingarleikur.
Spurð um mál-
flutning Samfylkingarinnar segir
Þorgerður að þeim orðum sé ekki
beint að samstarfsflokknum í rík-
isstjórn. „Við verðum að gera
okkur grein fyrir að Samfylkingin
er eini flokkurinn sem hefur þetta
á stefnuskránni en það er líka ljóst
að þessi ríkisstjórn hefði aldrei
verið mynduð ef aðild að ESB
hefði verið uppi á borðinu.“
Björn Bjarnason hefur lýst
þeirri skoðun sinni að Evrópumál-
ið sé þess eðlis að deilur gætu
klofið Sjálfstæðisflokkinn. Því
samsinnir Þorgerður ekki. „Við
erum það sterk að við getum tek-
ist á við umræðuna. Mín afstaða
er skýr. Ég er mótfallin því að
ganga í Evrópusambandið en ég
vil sjá umræðuna þróast með
öðrum hætti en hingað til.“
svavar@frettabladid.is
Umræða um Evrópu-
málin er á villigötum
Þorgerður Katrín Gunnarsdóttir segir samhljóm í þingflokki Sjálfstæðisflokks-
ins um Evrópumál. Hins vegar séu skiptar skoðanir um hvernig nálgast skuli
þetta mikilvæga mál. Hún segir umræðuna á villigötum og skila engu svona.
ÞORGERÐUR KATRÍN Menntamálaráðherra segir umræðu um Evrópumál verða að
vera lausa við ofstæki. FRÉTTABLAÐIÐ/GVA
VINNUMARKAÐUR Ríkisskattstjóri
og Skattrannsóknarstjóri ríkisins
eru stofnanir ársins 2008, sam-
kvæmt niðurstöðum könnunar
SFR, stéttarfélags í almanna-
þágu.
SFR birti í gær niðurstöður úr
viðamikilli könnun á íslenskum
ríkisstofnunun, þriðja árið í röð.
Stofnunum var nú í fyrsta
skipti skipt í tvo flokka. Í flokki
stofnana með 50 eða fleiri starfs-
menn fékk Ríkisskattstjóri hæsta
einkunn, og hækkar sig um 45
sæti milli ára.
Skattrannsóknarstjóri ríkisins
fékk bestu einkunninna í hópi
smærri stofnana, en stofnunin
var valin stofnun ársins síðustu
tvö ár.
Árangur Ríkisskattstjóra
vekur athygli, segir Þórarinn
Eyfjörð, framkvæmdastjóri SFR,
í leiðara SFR-blaðsins. Þar er
fjallað um niðurstöður könnunar-
innar.
Skúli Eggert Þórðarson tók við
embætti Ríkissaksóknara á síð-
asta ári, en hafði þar á undan
gegnt starfi Skattrannsóknar-
stjóra. Þórarinn spyr hvort þessi
góði árangur stofnana undir
stjórn Skúla sé tilviljun.
„Varla eru þetta galdrar,“ skrif-
ar Þórarinn. „Líklegri skýring er
sú að viðkomandi forstöðumaður
beiti þeim áherslum í stjórnun
sinni sem kallar fram það besta í
starfsmönnum og það skili sér í
þessari niðurstöðu.“ - bj
Ríkisskattstjóri og Skattrannsóknarstjóri ríkisins stofnanir ársins að mati SFR:
Varla galdrar hjá Skúla Eggert
SIGURSÆL Þau Skúli Eggert Þórðarson
ríkisskattstjóri og Bryndís Kristjánsdóttir,
skattrannsóknarstjóri ríkisins, tóku í
gær við viðurkenningum fyrir að stýra
stofnunum ársins. FRÉTTABLAÐIÐ/STEFÁN
KJÖRKASSINN