Fréttablaðið - 17.05.2008, Qupperneq 62

34 17. maí 2008 LAUGARDAGUR
O
ft vilja staðir þar sem reistir eru
minnisvarðar um stolt þjóða verða
slegnir of hátíðlegum blæ sem á lítið
skylt við ærslafulla borgarbúa og
gesti þeirra. Þessu var þó ekki fyrir
að fara á Klambratúni í þessari viku
þegar sól skein í heiði. Æskan og eldra fólk fjöl-
menntu þá á túnið. Einir léku með knött, aðrir kylfu
og svo eru það alltaf einhverjir sem kjósa að liggja og
láta sólina leika um sig eða rölta bara um. Ekki er
ólíklegt að þjóðskáldin myndu skerast í leikinn væru
þau af holdi og blóði en ekki bronsi.
Klambratúni var breytt í skrúðgarð á sjöunda ára-
tugnum og hlaut þá nafnið Miklatún. Það nafn er enn
notað en þó virðist íhaldssemi landsmanna hafa leitt
til þess að gamla nafnið, Klambratún, máist ekki af
tungunni. Heitið er komið frá bænum Klömbrum sem
þarna stóð fram á miðja síðustu öld
Fyrir tveimur árum hélt hljómsveitin Sigur Rós
tónleika á túninu og er talið að um 20 þúsund manns
hafi komið til að leggja við hlustir. Það hefur því ekki
alltaf verið hljótt um þá Þorstein og Einar þó hátíð-
legur blær sveipi þá jafnan.
jse@frettabladid.is
Kapp og kæti
á Klambratúni
Ef einhver heldur að Klambratún sé einmanalegur staður þar sem skáldin
Einar Benediktsson og Þorsteinn Erlingsson stara í sínu bronslíki á tré og
græna grundu þá ætti sá hinn sami að kíkja þangað á sólríkum degi. Þá iðar
allt af blómlegu og ærslafullu lífi eins og ljósmyndarar Fréttablaðsins gátu
staðfest.
ÞESSI SKAL FLJÚGA Í NÆSTA PÓSTNÚMER Þessi knái Pakistani kann greinilega til
verka þegar kylfa er látin fylgja kasti í þjóðaríþróttinni, krikket. Ef einhver finnur bolta
í Hlíðunum kann að vera að hann sé frá þessum kylfingi kominn. FRÉTTABLAÐIÐ/DANÍEL
KOMDU ÞÉR OFANÍ! Það skortir ekkert á tilþrifin. Þau blasa við
hverjum þeim sem gerir sér ferð um Klambratún á sólskins-
degi. FRÉTTABLAÐIÐ/DANÍEL
GRÍPTU NÚ GÓÐI! Það fylgir ekki sögunni hvort það kom í hlut ljósmyndara að grípa þennan disk. Þeir sem ekki vilja leggja slíkt á
aðra gætu skemmt sér á túninu með bjúgverpil í hendi en þá getur hann bæði kastað og gripið. FRÉTTABLAÐIÐ/DANÍEL
KNÁIR KNATTSPYRNUMENN Það eru ekki allir íþróttamannslega til fara en það segir
ekkert til um frammistöðuna sem fer ekki eftir því hvort menn eru í íþróttagalla eða
gallabuxum. FRÉTTABLAÐIÐ/DANÍEL
KNÖTTURINN Á KASSANN Það getur verið kúnstugt að taka við sendingum knatt-
spyrnumanna. Menn þurfa jafnvel að setja sig í hinar undarlegustu stellingar.
FRÉTTABLAÐIÐ/ARNÞÓR
Á TALI Á TÚNINU Aðrir láta sér fátt um finnast um kapp og
knetti en ræða í rólegheitum í farsímann á leið sinni um
Klambratúnið. FRÉTTABLAÐIÐ/DANÍEL