Fréttablaðið - 23.08.2008, Blaðsíða 11

LAUGARDAGUR 23. ágúst 2008
FÉLAGSMÁL Karlahópur Femínis-
ta félags Íslands mun dreifa
bæklingum, póstkortum og öðru
efni á menningarnótt til að vekja
athygli á kynbundnu ofbeldi.
Forvarnarstarfið er liður í
átakinu „Karlmenn segja NEI við
nauðgunum“, sem karlahópurinn
hefur staðið fyrir undanfarin
fimm ár.
Í tilkynningu frá hópnum
kemur fram að hann leggi áherslu
á að umræðan um kynbundið
ofbeldi standi allt árið um kring.
„Með þessu vill karlahópurinn
leggja sitt af mörkum til að
tryggja að allir skemmti sér á
menningarnótt.“ - sh
Femínistar fræða fólk:
Segja NEI á
menningarnótt
BANDARÍKIN, AP Eina ástæða þess
að þriðja háhýsið í New York
hrundi þann 11. september árið
2001 er eldurinn sem lék um
bygginguna í kjölfar árása
hryðjuverkamanna.
Þetta er niðurstaða rannsóknar,
sem bandarísk stjórnvöld létu
gera og birt var í gær. Samsæris-
kenningar hafa verið um að
bandarísk stjórnvöld hafi viljandi
sprengt þessa þriðju byggingu til
grunna.
Tvíburaturnarnir tveir hrundu
eftir að farþegaþotum var flogið
á þá, en þriðja byggingin, hin 47
hæða World Trade Center 7,
hrundi síðar um daginn. Sam-
kvæmt þessari nýju rannsókn
varð úðarakerfi byggingarinnar
vatnslaust eftir að vatnsleiðsla
rofnaði þegar stóru turnarnir
tveir hrundu. - gb
Árásin á Tvíburaturnana:
Eldur olli hruni
þriðja hússins
RÚSTIR ÞRIÐJU BYGGINGARINNAR
Úðarakerfi varð ónothæft þegar vatns-
leiðsla brast. NORDICPHOTOS/AFP
Fleygði glasi í andlit annars
Rúmlega þrítugur maður hefur verið
ákærður fyrir sérstaklega hættulega
líkamsárás, en hann fleygði glerglasi
í andlit annars manns fyrir utan
Kaffibarinn í miðbæ Reykjavíkur í
desember í fyrra. Sá sem glasið fékk
í andlitið hlaut þriggja sentímetra
skurð á enni og mar á nefi.
DÓMSTÓLAR
200.000
NAGLBÍTAR
+LÚÐRA
SVEIT VERKA
LÝÐSINS
Rokksveitin 200.000 naglbítar og
Lúðrasveit verkalýðsins blása til
tónleika þar sem frumflutt verða lög
af væntanlegri plötu. Tónleikarnir
eru í boði ASÍ sem gefur tóninn undir
yfirskriftinni „Sterkari saman“. Misstu
ekki af þessari kraftmiklu og einstöku
tónlistarupplifun.
„Sterkari saman“ á tónleikum
í Listasafni Reykjavíkur
Hafnarhúsinu klukkan
21.30 í kvöld