Fréttablaðið - 23.08.2008, Blaðsíða 62

42 23. ágúst 2008 LAUGARDAGUR
menning@frettabladid.is
Ath.
Björg Þórhallsdóttir sópran og
Elísabet Waage hörpuleikari verða
með tónleika í sumartónleikaröð
Hóladómkirkju á morgun kl. 14. Á
efnisskránni eru íslensk sönglög,
amerísk þjóðlög, trúarsálmar og
trúarljóð.
>Ekki missa af
Hinni risavöxnu innsetningu í
garði Kjarvalsstaða, en verkið
gerði einn kunnasti lands-
lagsarkitekt heims, Martha
Schwartz, í samvinnu við
Listasafn Reykjavíkur, Félag
íslenskra landslagsarkitekta
og Listahátíð með stuðningi
Ingibjargar Kristjánsdóttur
og Ólafs Ólafssonar. Í dag kl.
16.30 er Dagný Bjarnadóttir
landslagsarkitekt með leið-
sögn um innsetninguna.
Hulda Vilhjálmsdóttir, einn
athyglisverðasti myndlistar-
maður okkar af yngri kyn-
slóðinni, hefur sýnt málverk
sín og teikningar undanfarið í
Gallerí Verðandi á Laugavegi
51 í Reykjavík. Sýningarsalur-
inn er rekinn í tengslum við
bókaverslun Daggar Hjaltalín,
Skuld, sem sérhæfir sig í
bókum um viðskiptaleg efni.
Í fyrra var Hulda með stóra
sýningu í Nýlistasafninu sem
gaf góða hugmynd um þróun
hennar og viðfangsefni. Nú
sýnir hún bæði málverk unnin
með blandaðri tækni og
teikningar, bæði figúratíf verk
og landslag.
Með Huldu sýnir sambýlis-
maður hennar og lærlingur,
eins og hann kallar sig, Val-
garður Bragason, teikningar
sínar. Valgarður hefur mikinn
áhuga á hinu fíngerða, notar
mest penna og blek og segir
verk sín „eins konar dúllerí“.
Sýningin stendur til 9. sept-
ember og er opin frá 12-18
alla virka daga, en í dag
verður hún opin mestallan
hluta dagsins og fram eftir
kvöldi og eru allir velkomnir
að skoða verk þeirra hjóna.
- pbb
Hulda sýnir á Laugavegi
MYNDLIST Bláa konan eftir
Huldu Vilhjálmsdóttur.
Í gærkvöldi opnuðu þrír listamenn
sýningu í Gerðarsafni í Kópavogi.
Þremenningarnir kalla sýninguna
Sjóndeildarhringi en þau eru
Bjarni Sigurbjörnsson, Kristinn
E. Hrafnsson og Svava Björns-
dóttir. Sýningin verður opin í dag
frá 11-17 en safnið er opið alla
daga á þeim tíma nema mánu-
daga.
Í stuttri grein sem Gunnar J.
Árnason listheimspekingur skrif-
ar í tilefni sýningarinnar segir
meðal annars: „Í verkum Svövu
hafa fléttast saman þræðir sem
rekja má aftur til abstrakt mál-
verksins, skúlptúrlistar minimal-
ismans þar sem samspil forma,
sem skapar dýpt innan myndflat-
ar, fær áþreifanlega og efnislega
vídd í lituðum pappamassa og
gifsi.
Verk Bjarna eiga ættir að rekja
til color-field og mónókróma mál-
verksins, og tilrauna til að afhjúpa
yfirdrifna lotningu fyrir pensil-
skrift listamannsins sem nokkurs
konar guðlega leiðsögn, með því
að afsala sér fullkominni stjórn á
málverkinu og láta tilviljanakennd
efnaferli ráða ferðinni.
Verk Kristins spretta upp úr til-
raunum minimalisma og konsept-
listar til að endurskoða hugmynd-
ir okkar um samband listar og
þess staðar sem hún staðsetur sig
í, með því að hverfa frá þeirri
skúlptúrlist sem verður til í vinnu-
stofunni og er færð út undir bert
loft í tilbúið umhverfi, og í átt að
skúlptúrlist sem reynir að opna
upp nýja sýn á opin rými, staði og
áttir.“
Þremenningarnir hafa öll verið
virk um langt árabil í myndlist
sinni og eru fyrir löngu orðin
þroskuð í verkum sínum. Málverk,
pappaskúlptúrar og skúlptúrar af
harðari efnum eru dreifð um stóru
salina í gerðarsafni. Hér takst á
hendingin í málverki Bjarna í
bland við þaulhugsað handverk
Kristins og fíngert yfirborð verka
Svövu í meyrara og mykra efni en
Kristinn vinnur með. Þaðan er
enda nafn sýningarinnar dregið.
Hvert og eitt þeirra býr yfir ríkum
persónulegum einkennum sem
mætast í sýningunni í Gerðarsafni
og kallast á sinn hátt við höfundar-
verk hins litaglaða skúlptúrista
sem Gerður var.
Sýningin stendur til 21. sept-
ember. pbb@frettabladid.is
Sjóndeildarhringir af
þremur sjónarhólum
MYNDLIST Svava Björnsdóttir, Björn Sigurbjörnsson og Kristinn E. Hrafnsson í Gerðar-
safni á fimmtudag en sýning þeirra var opnuð í gærkvöldi. MYND: FRÉTTABLAÐIÐ/RÓSA
Aldrei fyrr hefur Lista-
safn Reykjavíkur státað af
jafn fjölbreyttri dagskrá
á menningarnótt og núna.
Mikill fjöldi gesta hefur
jafnan sótt safnhús Reykja-
víkur heim á menningar-
nótt og nú hagar svo til að
þau eru öll í göngufæri við
fjölsóttar samkomur, við
Laugardal, Klambratún og í
Grófinni.
Öll safnhúsin verða opin frá
morgni og langt fram á kvöld og
dagskrá sniðin að þörfum gesta á
öllum aldri lofa þau í safninu: Art
Quiz undir stjórn þekkts fagfólks,
rokk og ról, tilfinningabingó, söng-
ur Sölvu frá Færeyjum, strengja-
leikur og opnar listaverkageymsl-
ur eru aðeins brot af dagskránni.
Í eftirmiðdaginn er nokkur þungi á
atriðum í Grófinni
Maraþonleiðsögn frá 16.30-18.30
þar sem Huginn Þór Arason, mynd-
listarmaður ræðir sýninguna Til-
raunamaraþon við gesti. Gestir
geta slegist í hópinn hvenær sem
er og staldrað við eins lengi og
þeim hentar. Annar leiðangur er
kl. 17 ætlaður börnum og fullorðn-
um. Alma Dís Kristinsdóttur fer
um sýningu Hafnarhúss út frá vali
og vilja þátttakenda. Rýnt verður í
listaverk út frá forsendum ofur-
gestsins og verkfæri sett í hend-
urnar á fullorðnum og börnum
sem varpa ljósi á „huliðsheim“ list-
arinnar á skemmtilegan hátt.
Art Quiz – Gettu ennþá betur!
Spurningaleikurinn sívinsæli hefst
kl. 18, fyrst með Pétri H. Ármanns-
son, arkitekt, síðan Höllu Helga-
dóttur kl. 19 og loks með Guð-
mundi Oddur Magnússyni kl. 20. Á
sama tíma er Þorbjörg Br. Gunn-
arsdóttir sýningarstjóri að segja
frá verkum Errós frá því snemma
á sjöunda áratugnum með hliðsjón
af myndbandsverki hans Grima-
ges sem er á sýningunni Tilrauna-
maraþon.
200.000 Naglbítar og Lúðrasveit
verkalýðsins leiða saman hesta
sína kl. 21.45. Hljómsveitin er
skipuð fimmtíu manns á öllum
aldri og hefur æft stíft fyrir tón-
leikana þar sem flutt verða lög
Naglbítanna í nýjum útsetning-
um.
Kjarvalsstaðir opnir 10.00-23.00.
Á Kjarvalsstöðum er opið fram til
kl. 23, en kl. 15treður færeyska
blús og rokk söngkonan Sölva Ford
flytur nokkur lög, henni til liðsinn-
is er gítarleikarinn Björgvin Gísla-
son. þá koma fram strengjasveitin
Blúndur og bogar spilar léttklass-
ísk verk og vel þekkt dægurlög
sem útsett hafa verið fyrir fiðlu,
lágfiðlu, selló og kontrabassa.
Á bak við tjöldin – Hið allra
heilagasta afhjúpað – Skoðunar-
ferðir í geymslur og bakland safns-
ins þar sem varðveitt eru mörg af
helstu menningarverðmætum
þjóðarinnar verða frá kl. 17.00-
20.00. Gestir fá tækifæri til að
heimsækja geymslurnar og skoða
verk sem þar eru í fylgd sérfræð-
inga sem starfa hjá safninu. Leið-
sögn er á 30 mínútna fresti.
Hámarksfjöldi í hóp er 10 gestir.
Efnt verður til tilfinningabingós
kl. 18 með veglegum vinningum,
meðal annars eintómri hamingju
sem heppinn vinningshafi verður
aðnjótandi það sem eftir lifir
menningarnætur – ef ekki ævina
út. Umsjón með Tilfinningabingó-
inu hafa Elísabet Jökulsdóttir rit-
höfundur, Steinunn Helgadóttir
myndlistarmaður og Þröstur Leó
Gunnarsson leikari.
Ásmundarsafn opið frá kl. 10-18.
Daginn fyrir menningarnótt verð-
ur opnuð í Ásmundarsafni sýning-
in Vatnsberi þar sem ellefu lista-
menn sýna um sextíu
vatnslitamyndir. Listamennirnir
verða í Ásmundarsafni á menning-
arnótt og spjalla við gesti og gang-
andi. Listamennirnir eru Anna
Hallin, Björn Birnir, Daði Guð-
björnsson, Eiríkur Smith, Guðjón
B. Ketilsson, Hafsteinn Austmann,
Harpa Árnadóttir, Helgi Þorgils
Friðjónsson, Hlíf Ásgrímsdóttir,
Torfi Jónsson og Valgarður Gunn-
arsson. Sýningarstjóri er Aðal-
steinn Ingólfsson.
Fjör í Listasafnssölunum
MYNDLIST Erró, Chicago, olía á
striga 1974.
MYND: LISTASAFN REYKJAVÍKUR.
Allt sem þú þarft – alla dagaVeglegir vinningar í boði, dregið 31. ágúst og birt í Ferðalög, aukablaði Fréttablaðsins.
Sumar myndir vinna!
Smelltu sumarmyndinni þinni í ljósmyndakeppni Fréttablaðsins
1. verðlaun
Ferðavinningur frá Sumarferðum að
upphæð 100.000 kr. og Sony Alpha
dslr-a200k 10,2 megapixlar með 18-70 mm
skiptanlegri linsu að verðmæti 90.000 kr.
2. verðlaun
Ferðavinningur frá Sumarferðum að
upphæð 60.000 kr. og Sony Cyber-shot
dsc-t2 8,1 megapixlar með snertiskjá og 4GB
innbyggðu minni að verðmæti 50.000 kr.
3. verðlaun
Ferðavinningur frá Sumarferðum að
upphæð 40.000 kr. og Sony Cyber-shot
dsc-w200 12,1 megapixlar með andlits-
skynjun að verðmæti 40.000 kr.
Gl
æs
i l
egur
fer ðavin
ni
ng
ur
Þú einfaldlega hleður inn
skemmtilegustu myndinni
þinni frá því í sumar á
visir.is/ljosmyndakeppni,
skráir inn upplýsingar um
hvernig má ná í þig og þannig er
sumarmyndin þín kominn í pottinn.
Allar nánari upplýsingar um
fyrirkomulag má finna á visir.is.
Taktu þátt!
Glæsilegi
r vinninga
r í boði.
Gl
æs
i legur
ferðavinn
in
gu
r
Gl
æs
i legur
ferðavinn
in
gu
r
F
í
t
o
n
/
S
Í
A