Fréttablaðið - 23.08.2008, Blaðsíða 72

PEKING 2008 Íslensk íþróttasaga
var rituð upp á nýtt í gær er
íslenska handboltalandsliðið vann
sér þátttökurétt í úrslitaleik
Ólympíuleikanna. Íslensku nauta-
banarnir fóru þá illa með Spán-
verja sem áttu ekki möguleika
gegn frábæru íslensku liði sem
vann sex marka sanngjarnan
sigur, 36-30.
Strákarnir okkar koma því heim
með gull eða silfur. Þetta er í
fyrsta sinn sem landsliðið kemst í
úrslit á stórmóti og verðlaun strák-
anna verða fjórðu verðlaun Íslend-
inga á Ólympíuleikunum frá upp-
hafi.
Það var aðeins eitt lið á vellin-
um í gær – Ísland. Strákarnir byrj-
uðu af miklum krafti og komust í
5-0. Spánverjar komu til baka og
það geta þeir að stórum hluta
þakkað ömurlegu dómarapari frá
Slóveníu sem dró taum Spánverja
meira en góðu hófi gegndi.
Ísland leiddi með tveggja marka
mun í leikhléi, 17-15. Spánverjar
eltu íslenska liðið sem naut í upp-
hafi síðari hálfleiks en fljótlega
fór nautabaninn að gera grín að
andstæðingi sínum og vann að
lokum þægilegan yfirburðasigur.
Ég á vart til nóg sterk lýsingar-
orð í orðaforða mínum til þess að
lýsa aðdáun minni á íslenska
landsliðinu. Frammistaða þess hér
í Peking er með slíkum ólíkindum.
Undirritaður hefur elt þetta lands-
lið heimshorna á milli síðustu ár
en hefur aldrei upplifað þá stemn-
ingu, þann anda og þá samstöðu er
einkennir liðið hér í Peking. Hún
er í einu orði sagt ólýsanleg.
Hér vinna allir sem ein heild,
eru gríðarlega vel undirbúnir og
samstilltir. Þetta samspil hópsins
minnir um margt á góða tónlist.
Tónlistarstjórarnir Guðmundur,
Óskar Bjarni og Gunnar Magnús-
son sjá um að semja tónlistina.
Ingibjörg nuddari, Pétur sjúkra-
þjálfari og Brynjólfur læknir fín-
stilla hljóðfærin og strákarnir sjá
svo um að flytja tónlistina með
glæsibrag.
Ég hef lengi verið á því að þetta
lið gæti farið alla leið í stórmóti
þegar allt myndi smella saman og
liðið fengi stöðugleika í vörn og
markvörslu. Þessir hlutir eru loks-
ins í lagi hjá íslenska landsliðinu.
Strákunum okkar eru allir vegir
færir og það leyndi sér heldur
ekki á strákunum eftir leik að þeir
eru hungraðir í meira. Þeir standa
nú frammi fyrir einstöku tæki-
færi sem hugsanlega kemur aldrei
aftur. Nái þeir að tóna sig eins vel
saman á sunnudag og þeir hafa
gert hingað til í keppninni mun
þjóðin fagna gullverðlaunahöfum
á Ólympíuleikum í næstu viku.
52 23. ágúst 2008 LAUGARDAGUR
sport@frettabladid.is
HRAÐMÓT FYRIR 40
ÁRA OG ELDRI OG
YNGRI!
FÓTBOLTA
PARTÝ!
LAUGARDAGINN 30. ÁGÚST AÐ
TUNGUBÖKKUM Í MOSFELLSBÆ Á
ALVÖRU GRASI
BYRJAÐ VERÐUR KL. 10.00 OG SPILAÐUR 7 MANNA BOLTI (2 X
14 MÍNÚTUR) Í RIÐLAKEPPNI TIL KL. 16.00 AÐ HÆTTI
“POLLAMÓTS”. SJÁ NÁNAR REGLUR Á WWW.AFTURELDING.IS
“KJARNAMÓT”
GJALDIÐ ER 15.000 KR. PR. LIÐ OG ER GRILL Í LOKIN OG
SELDIR LÉTTIR DRYKKIR. ÞEIR SEM EKKI HAFA SPILAÐ Í
ÚRVALSDEILD, 1 EÐA 2 DEILD Á ÞESSU ÁRI ERU LÖGLEGIR.
NÁNAR: GUSTAV@HIVE.IS EÐA Í SÍMA 820-6759
HENRY BIRGIR GUNNARSSON
Skrifar frá Peking
henry@frettabladid.is
Íslensku nautabanarnir í úrslit
Strákarnir okkar tryggðu sér verðlaun á Ólympíuleikunum í gær með því að leggja Spánverja sannfærandi
í undanúrslitunum. Ísland mætir Frakklandi í úrslitaleiknum eldsnemma á sunnudagsmorguninn.
NÆST ER ÞAÐ GULLIÐ Herbergisfélagarnir Snorri Steinn Guðjónsson og Róbert Gunn-
arsson, öðru nafni Snobbi, fagna eftir stórglæsilegan sex marka sigur á Spánverjum í
undanúrslitaleik Ólympíuleikanna í Peking. FRÉTTABLAÐIÐ/VILHELM
Mörk Íslands (skot): Logi Geirsson 7 (11),
Guðjón Valur Sigurðsson 7 (11), Snorri Steinn
Guðjónsson 6/1 (11/1), Ólafur Stefánsson 5 (8),
Ásgeir Örn Hallgrímsson 3 (4), Sigfús Sigurðsson
2 (2), Ingimundur Ingimundarson 2 (2), Róbert
Gunnarsson 2 (3), Alexander Petersson 2 (5).
Varin skot: Björgvin Páll Gústavsson 21 (51/3)
42%.
Hraðaupphlaup: 7 (Guðjón 2, Alexander 2,
Ingimundur 2, Sigfús).
Fiskuð víti: 1 (Ólafur).
Utan vallar: 18 mínútur.
Mörk Spánverja (skot): Albert Rocas 7/2 (11/2),
Juan Garcia 5 (7/1), Iker Romero 5 (10), Carlos
Prieto 4 (6), Raul Entrerrios 3 (5), Ion Belausteg-
ui 3 (5), Ruben Garabaya 2 (3), Demetrio
Lozano 1 (1).
Varin skot: David Barrufet 20.
Hraðaupphlaup: 5.
Utan vallar: 10 mínútur.
ÍSLAND-SPÁNN 36-30
Sá stórkostlegi íþróttamaður Guðjón Valur Sigurðsson
var klökkur í leikslok í gær og hreinlega orða vant.
„Ég hef aldrei komist eins nálægt því að fara að
gráta. Ég veit ekki hvað ég á að segja. Það er voða-
lega erfitt að lýsa þessari tilfinningu,“ sagði Guðjón
Valur sem fór ekki vel af stað í gær og klúðraði einum
þremur hraðaupphlaupum sem gerist afar sjaldan.
Hann kom síðan sterkur inn og skoraði meðal annars
nokkur frábær mörk utan af velli.
„Mér fannst ég vera að bregðast liðinu og félögum
mínum með frammistöðu minni í fyrri hálfleik. Það
sveið alveg svakalega. Það sýnir annars samstöðuna
og hjálpina sem er í liðinu að menn hjálpast að við
að rífa mann upp úr svaðinu. Maður fær engan tíma
til að vera í fýlu eða hugsa um mistökin. Ég var með
Loga við hliðina á mér allan síðari hálfleikinn og hann
var sífellt að segja mér að drulla mér inn á miðjuna
og skjóta á markið. Áfram með þig og svona. Það er
stórkostleg samstaða í þessu liði,“ sagði Guðjón Valur
djúpt snortinn, en hann efast ekki um að
liðið eigi það skilið að vera komið í úrslit á
Ólympíuleikunum.
„Mér finnst við eiga þetta skilið og þetta
er mjög gaman. Það er enginn heppnis-
stimpill yfir þessum árangri. Við erum búnir
að vinna Spánverja, Pólverja og Rússa mjög
sannfærandi. Við klúðrum helling af dauðafærum
í dag en samt er sigurinn eiginlega aldrei í hættu.
Það var stórkostleg vörn hjá okkur og markvarsla.
Uppstillta sóknin var líka frábær. Það er ekkert
panikk í sókninni þegar vörnin og markvarslan
er þetta góð,“ sagði Guðjón Valur sem getur
ekki beðið eftir að fá að spila úrslitaleikinn.
„Nú eru Frakkarnir eftir. Eitt besta hand-
boltalið heims og við berum auðvitað virð-
ingu fyrir þeim en erum samt engan veginn
hræddir. Það er ótrúlegt afl sem býr í þessu
liði og ekkert er ómögulegt.“
GUÐJÓN VALUR SIGURÐSSON: VAR GRÁTI NÆST AF GLEÐI EFTIR SPÁNVERJALEIKINN:
Ótrúlegt afl sem býr í þessu liði
FÓTBOLTI Fimm mörk Valsstúlkna
á síðasta hálftímanum voru of
mikið fyrir baráttuglaðar
Stjörnustúlkur í undanúrslitum
VISA-bikars kvenna á Stjörnu-
velli í gærkvöld. Leikurinn end-
aði 1-5 og Valsstúlkur mæta
annaðhvort KR eða Breiðablik í
úrslitaleiknum.
Katrín Jónsdóttir skoraði
fyrsta mark leiksins á 62. mínútu
en fram að því höfðu Stjörnu-
stúlkur barist vel og náð að halda
vel aftur af Valsliðinu. Markið
virtist hins vegar kveikja í Vals-
stúlkum og rétt um þrjátíu sek-
úndum síðar var Margrét Lára
Viðarsdóttir búin að bæta við
öðru marki.
Pamela Liddel náði svo að
minnka muninn fyrir Stjörnuna
á 81. mínútu áður en Dóra María
Lárusdóttir skoraði þriðja mark
Vals.
Varamaðurinn Kristín Ýr
Bjarnadóttir gulltryggði svo far-
seðilinn í úrslitaleikinn með
tveimur góðum mörkum og
niðurstaðan því 1-5 sigur Val.
„Mér fannst sigurinn í raun
aldrei vera í hættu en Stjörnu-
stúlkur létu okkur hafa vel fyrir
hlutunum,“ sagði Katrín Jóns-
dóttir, fyrirliði Vals.
Þorkell Máni Pétursson, þjálf-
ari Stjörnunnar, var stoltur af
sínu liði þrátt fyrir tapið.
„Ég er í skýjunum með stelp-
urnar mínar. Þær börðust vel og
náðu að halda aftur af frábæru
Valsliði í sextíu mínútur,“ sagði
Þorkell Máni. - óþ
Valur lagði Stjörnuna í undanúrslitum VISA-bikars:
Valsstúlkur í úrslit
KAPPHLAUP Valsstúlkan Dóra María Lárusdóttir nær hér að leika á Stjörnustúlk-
una Soffíu Arnþrúði Gunnarsdóttur. FRÉTTABLAÐIÐ/STEFÁN
KÖRFUBOLTI Logi Gunnarsson
tryggði íslenska liðinu þriggja
stiga sigur á Írum, 78-75, á
æfingamóti í Dublin með því að
skora sigurkörfuna á síðustu
sekúndum leiksins.
Sigurður Þorvaldsson var
stigahæstur í íslenska liðinu með
18 stig auk þess að taka 6 fráköst,
Magnús Þór Gunnarsson skoraði
14 stig og Hlynur Bæringsson var
með 11 stig og 10 fráköst.
Logi skoraði síðan átta stig eins
og Jakob Örn Sigurðarson og það
kom ekki að sök þótt Jón Arnór
Stefánsson skoraði aðeins 5 stig í
þessum leik. - óój
Körfuboltalandsliðið vann Íra:
Sigurkarfa Loga
>Haukur með 41 stig gegn Belgum
Fjölnismaðurinn Haukur Helgi Pálsson var
nálægt því að jafna stigamet Helga Jónasar
Guðfinnssonar þegar hann skoraði 41 stig í
77-68 sigri Íslands á Belgum í b-deild 16 ára
landsliða í Bosníu. Helgi Jónas á stigamet
Íslendings í Evrópukeppni unglinga en
hann skoraði 44 stig gegn Litháum í
16 ára landsleik í milliriðli Evrópu-
keppninnar í apríl 1993. Haukur
skoraði 16 stig í þriðja leikhlut-
anum en hann hitti úr 12 af
23 skotum sínum og setti
niður 13 af 15 vítum sínum
í leiknum.