Fréttablaðið - 13.12.2008, Page 10

10 13. desember 2008 LAUGARDAGUR
SAMGÖNGUR Skagamenn eru æfir af reiði yfir
fyrirhugaðri hækkun á strætófargjöldum til
Reykjavíkur. Rætt er um að hækka fargjaldið um
200 prósent, úr 280 krónum í 840 krónur. Skagamenn
ætla að mótmæla hækkuninni á fundi í Skrúðgarðin-
um klukkan þrjú í dag.
Vilhjálmur Birgisson, formaður Verkalýðsfélags
Akraness, segir að „það sjóði á þeim einstaklingum“
sem hafi nýtt sér þjónustu Skagastrætós. „Það er
verið að kippa grundvelli undan fjölda einstaklinga
sem stunda nám og atvinnu á höfuðborgarsvæðinu,“
segir hann og telur vanta skýringar á því af hverju
gjaldið er að hækka.
Gunnar Sigurðsson, forseti bæjarstjórnar á
Akranesi, segir að samningaviðræður eigi sér stað
og ekkert sé klárt í málinu. Til standi að skrifa undir
samning við Strætó á mánudag en bæjaryfirvöld séu
ekki komin með samning í hendurnar. Gunnar
bendir á að til standi að auka þjónustuna í héraði.
„Við höfum aldrei borgað fyrir legginn Mosfells-
bær-Kjalarnes. Reykjavíkurborg hefur borgað þann
legg og því er þetta meiri hækkun en reiknað var
með. Það er ekkert óeðlilegt að við borgum fyrir
þann legg en það er ekkert búið að ganga frá þessu.
Mér sýnist að hvorki Selfoss né Hveragerði ætli að
greiða niður kostnaðinn hjá sér en það er ekki búið
að ganga frá því hvað bæjarsjóður á Akranesi
gerir.“ - ghs
Fyrirhugað að hækka strætófargjöld á Skaganum um 200 prósent:
Mótmæla á útifundi í dag
SÝÐUR Á SKAGAMÖNNUM Í bígerð er að hækka strætógjöld
Skagamenna úr 840 í 280 krónur. Það sýður á Skagamönnum
og boða þeir til mótmælafundar í dag.
KÍNA, AP Hundruð kínverskra bar-
áttumanna fyrir mannréttindum
hafa undirritað yfirlýsingu, þar
sem skorað er á kínversk stjórn-
völd að bæta ástand mannrétt-
indamála í landinu. Yfirlýsingin
er samin í tilefni þess að nú eru 60
ár frá samþykkt mannréttinda-
yfirlýsingar Sameinuðu þjóðanna.
Kínverska lögreglan var snör í
snúningum og hafði strax handtek-
ið tvo þeirra sem undirrituðu yfir-
lýsinguna áður en hún birtist á
Netinu. Yfirlýsingin er í nítján
liðum þar sem meðal annars er
lagt til að dómsvaldið í Kína verði
aðskilið frá öðrum stjórnvöldum,
félagafrelsi verði virt og eins-
flokkskerfið í stjórnmálum verði
aflagt.
Alls undirrita meira en 300
manns yfirlýsinguna, þar á meðal
lögfræðingar, rithöfundar, fræði-
menn og listamenn.
„Þessi yfirlýsing styður sömu
hugmyndir og verðmæti og fram
koma í Mannréttindayfirlýsingu
Sameinuðu þjóðanna, svo sem
fjölmiðlafrelsi, félagafrelsi, óháð
dómsvald, trúarbragðafrelsi og
umhverfisvernd,“ segir lögfræð-
ingurinn Mo Shaoping, sem er
einn þeirra sem undirrituðu yfir-
lýsinguna. „Í henni er ekkert sem
brýtur gegn stjórnarskrá Kína,“
bætir hann við. - gb
Yfirlýsing 300 Kínverja í tilefni af 60 ára afmæli mannréttindayfirlýsingar SÞ:
Skorað á kínversk stjórnvöld
HÚSIÐ RIFIÐ Einn þeirra sem hefur orðið
fyrir barðinu á yfirvaldinu í Kína er Dong
Jigin, eiginmaður Ni Yulan, sem situr í
fangelsi fyrir mannréttindabaráttu sína.
Rifið hús þeirra sést að baki honum.
NORDICPHOTOS/AFP
NÝSKÖPUN „Íslendingar hafa fram
til þessa staðið mjög framarlega í
frumkvöðlastarfi. En næstu tvö
ár verða krefjandi,“ segir William
D. Bygrave, einn virtasti sérfræð-
ingur heims á sviði nýsköpunar
og frumkvöðlafræða.
Hann segir aðgengi frumkvöðla
að fjármagni skipta meginmáli
eftir bankahrunið hér og það verði
að tryggja að svo verði áfram.
Bygrave segir stjórnvöld jafnt
hér og í Bandaríkjunum verða að
huga að menntun og störfum því
tengdu frekar en mannfrekum og
kostnaðarsömum framkvæmdum.
Sé lítill grundvöllur fyrir mennt-
að fólk í heimalandi þess sé hætta
á að það flytjist á brott líkt og í til-
felli hans sjálfs á sjötta áratug
síðustu aldar.
Aðstæður hér séu þó ekkert
einsdæmi. Frumkvöðlar og fjöl-
skyldur þeirra muni líkt og fyrri
ár leggja til mestan hluta fjár-
magnsins til að koma fyrirtækj-
unum á legg áður en áhættufjár-
festar komi að þeim. Þó megi
reikna með, ekki síst hér á landi,
að niðursveiflan hafi tæmt vasa
áhættufjárfesta að einhverju
leyti.
Hann segir mestu máli skipta
að halda hlutabréfamarkaði á
floti, ekki síst að blása lífi í hluta-
fjárútboð og nýskráningar á hluta-
bréfamarkaði, hér heima og
erlendis. Aðeins þar geti fyrir-
tækin sótt sér fjármagn til frekari
vaxtar. Þó sé útlit fyrir að hluta-
bréfamarkaður verði laskaður
næstu misserin og verði fyrirtæki
almennt að þreyja þorrann.
Bygrave kynnti í gær niður-
stöður GEM-rannsóknarinnar,
sem aflar samanburðarhæfra
gagna um frumkvöðlastarfsemi
víðs vegar að úr heiminum.
Bygrave ýtti rannsókninni úr
vör fyrir níu árum þegar hann var
prófessor við Babson-háskólann í
Massachusetts í Bandaríkjunum.
Skólinn er talinn fremsti háskóli
Bandaríkjanna á sviði frum-
kvöðlafræða. Í ár tóku 45 lönd
þátt í rannsókninni og lenti Ísland
í fyrsta til þriðja sæti í mörgum
mikilvægum þáttum.
Bygrave segir talsverðu muna
á Íslandi og öðrum löndum. „Mun
fleiri Íslendingar stofna fyrirtæki
af því að þeir sjá tækifæri á mark-
aðnum. Í öðrum löndum, svo sem í
Asíu, er það gert af nauðsyn. Þar
sér fólk ekki annan kost til að
framfleyta sér,“ segir hann.
Háskólanum í Reykjavík, sem
hefur síðastliðin sex ár tekið þátt
í GEM-rannsókninni, hefur nú
verið boðið að verða einn af horn-
steinum ásamt Babson College og
breska viðskiptaháskólanum
London Business School. Samn-
ingur þess efnis verður undrritað-
ur í HR í dag. jonab@markadurinn.is
Næstu misseri verða
frumkvöðlum erfið
William D. Bygrave, einn virtasti sérfræðingur heims á sviði nýsköpunar, segir
Ísland standa framarlega á sviði frumkvöðlastarfsemi. Mikilvægt sé að hluta-
bréfamarkaður sé virkur svo fyrirtækin geti sótt sér fjármagn til vaxtar.
WILLIAM D. BYGRAVE Íslend-
ingar standa mjög framarlega
á sviði frumkvöðlastarfsemi í
heiminum. Útlit er fyrir erfiðara
árferði fyrir frumkvöðla á allra
næstu misserum, segir einn
virtasti sérfræðingur í heimi á
sviði nýsköpunar.
Veiðisumarið 2008 í máli og myndum
Fæst hjá útgefanda og á öllum helstu bóksölustöðum.
Jólabók veiðimannsins
Vatnagörðum 14 – 104 Reykjavík
Sími 563 6000 – www.litrof.is
JÓLABÓK
VEIÐIMANNA