Fréttablaðið - 13.12.2008, Qupperneq 60

52 13. desember 2008 LAUGARDAGUR
HÁSKÓLINN Í REYKJAVÍK
101 SKUGGAHVERFI
NORÐURBAKKI Í HAFNARFIRÐI
NORÐURTURN
SMÁRALINDAR
TÓNLISTAR - OG RÁÐSTEFNUHÚS HÖFÐATORG
NÝTT GARÐATORG
Þjóðarbókhlaðan – 16 ár
Sameinað Landsbókasafn Íslands – Háskólabókasafn var opnað
í Þjóðarbókhlöðu 1. desember 1994, á fimmtíu ára afmæli
íslenska lýðveldisins. Landsbókasafnið var þjóðbókasafn og
Háskólabókasafnið var bókasafn Háskóla Íslands. Þegar sam-
eining varð að veruleika var liðin hálf öld frá því að
hugmyndin um sameiningu safnanna
kom fyrst fram. Bygging hófst
árið 1978. Það tók því sextán
ár að byggja Þjóðarbók-
hlöðuna.
Hallgrímskirkja – 41 ár
Fjörutíu og eitt ár liðu frá því fyrsta skóflu-
stungan var tekin að Hallgrímskirkju þar
til hún var vígð 26. október árið 1986.
Kirkjan var reist til minningar um Hall-
grím Pétursson, prest og sálmaskáld,
sem meðal annars samdi
Passíusálmana. Að fjármögnun hennar
kom söfnuðurinn, sem lagði út um 60
prósent. Afgangurinn kom frá einstakl-
ingum, fyrirtækjum og ríkisstofnun-
um. Kirkjan er fyrir löngu orðin eitt
af helstu kennileitum Reykjavíkur
enda sést hún víða að.
Þjóðleikhúsið – 21 ár
Indriði Einarsson leikritaskáld kom fyrstur fram með hug-
mynd að Þjóðleikhúsi árið 1873. Mörgum árum síðar, eða árið
1925, hóf Guðjón Samúelsson, húsameistari ríkisins, vinnu
við teikningu hússins. Árið 1929 var grafið fyrir grunninum að
Þjóðleikhúsinu og tveimur árum síðar var
það orðið fokhelt. Þannig
stóð húsið í tíu ár, eða þar
til breski herinn lagði það
undir sig á stríðsárunum
og hélt því til loka stríðs-
ins. Þá fyrst, árið 1945, var
byggingu Þjóðleikhússins
haldið áfram. Það tók svo
til starfa á sumardaginn
fyrsta árið 1950.
➜ NOKKUR ÞEKKT HÚS Í REYKJAVÍK SEM TÓK LANGAN TÍMA AÐ BYGGJA
Hvað? Á Höfðatorgi
eiga að rísa þrír turnar,
12, 16 og 19 hæða.
Einnig eiga þar að vera
nokkur sjö til níu hæða
hús auk umfangsmik-
illa tengibygginga úr
gleri. Byggðin á að
verða blönduð, með
fjölda fyrirtækja, íbúða
eða hóteli, kvikmynda-
húsi og ráðstefnumið-
stöð.
Hver er staðan?
Búið er að taka í notkun Borgartún 10-12 og hæsti turninn er risinn
að mestu leyti. Áætlað er að hann verði tekinn í notkun síðla sumars
2009.
Framtíðin? Engum áætlunum hefur verið breytt, þótt ljóst sé að
verkefnið frestist. Líklegt þykir nú að framkvæmdum ljúki í fyrsta lagi
vorið 2012, í stað 2010 eins og upphaflegar áætlanir gerðu ráð fyrir.
Hvað? Í Skuggahverf-
inu á að rísa þyrping
mishárra turna. Í þeim
eiga að vera 250 íbúðir
og heildaríbúafjöldi
hverfisins er áætlaður
um 800.
Hver er staðan?
Fyrsta áfanganum er
lokið og 79 íbúðir í turn-
unum hafa verið seldar
og eru komnar í notkun.
Nú stendur yfir bygging annars áfanga af
þremur og þar bætast við níutíu íbúðir. Áætl-
að er að byggingu þeirra verði lokið í upphafi
árs 2010.
Framtíðin? Ekki hefur verið tekin ákvörðun
um hvenær bygging þriðja áfanga hefst. Sam-
kvæmt upplýsingum frá Þyrpingu, sem byggir
hverfið, frestast framkvæmdir að takmörkuðu
leyti vegna efnahagsástandsins. Þyrping er
í eigu Stoða, sem er í greiðslustöðvun, og
Landic Property.
Hvað? Við gömlu höfnina
í Reykjavík er að rísa tón-
listar- og ráðstefnuhús sem
á að vera á heimsmæli-
kvarða. Í húsinu munu þrír
salir liggja hlið við hlið,
tónleikasalur, æfingasalur
og ráðstefnusalur. Enn
fremur verður tvö hundruð
manna tónleikasalur á
neðri hæð.
Hver er staðan? Verið
er að ljúka uppsteypun á húsinu og er áætlað að það klárist á næstu
tveimur mánuðum. Stefnan var að hefja uppsetningu á glerhjúpnum
sem umlykja á húsið í janúar.
Framtíðin? Áætluð opnun hússins var í desember 2009. Ljóst er
að það verður ekki. Eigandi Tónlistar- og ráðstefnuhússins var Eignar-
haldsfélagið Portus, sem nú er komið í þrot. Unnið er að lausn málsins
og er niðurstaðna líklega að vænta nú um helgina. Hugsanlegt er að
Austurbakki, félag í eigu ríkis og borgar, taki verkefnið yfir.
Hvað? ÍAV byggir fjögur fjölbýlishús við
Norðurbakka í Hafnarfirði. Húsin eru á fjórum og
fimm hæðum með sameiginlegum bílakjallara.
Hver er staðan? Búið er að klára tvö hús
og bílakjallarann. Hluti íbúðanna í þeim húsum
hefur verið seldur og nokkrar hafa verið afhentar
nú þegar. Nú er verið að ljúka þriðja húsinu að
utanverðu og það verður gert fokhelt. Gengið
verður frá því svoleiðis og verða íbúðirnar ekki
innréttaðar.
Framtíðin? Hvort fjórða húsið verður byggt á
eftir að koma í ljós. Þær upplýsingar fengust frá
ÍAV að byggt sé í takti við eftirspurn, sem reikna
má með að sé lítil um þessar mundir.
Hvað? BYGG byggir Norðurturn Smára-
lindar fyrir Fasteignafélag Íslands. Turninn
á að verða fimmtán hæða verslunar- og
skrifstofuhúsnæði með kjallara, samtals um
sautján þúsund fermetrar að flatarmáli og
sextíu metrar að hæð. Samhliða og vestan
við turninn er 3ja hæða bílastæðahús með
átta hundruð bílastæðum.
Hver er staðan? Búið er að byggja fimm
hæðir af turninum og öllum framkvæmdum
við hann hefur verið hætt í bili. Verið er að
ganga frá bílastæðahúsinu, sem þegar hefur
verið tekið í notkun fyrir gesti Smáralindar.
Framtíðin? Turninn átti að verða tilbúinn
haustið 2009. Það verður ekki. Þá er ekki
öruggt að turninn verði fimmtán hæða, eins
og lagt var upp með.
Hvað? Eignarhaldsfélagið Fasteign byggir
nýtt húsnæði Háskólans í Reykjavík í Vatns-
mýrinni. Háskólabyggingin verður um 34 þús-
und fermetrar að stærð á tveimur til þremur
hæðum. Þar verða um fimmtíu kennslustof-
ur, allt frá stofum fyrir litla hópa upp í 160
manna fyrirlestrarsali.
Hver er staðan? Verkefnið er keyrt áfram
af fullum þunga og tvö hundruð manns vinna
við það að jafnaði. Ekkert bendir til þess að
framkvæmdir frestist.
Framtíðin? Fyrsti áfangi skólans verður
opnaður haustið 2009. Það er megnið af
kennsluhúsnæðinu. Miðja hússins, aðalinn-
gangur og fleira, verður opnað árið 2010.
Hvað? Fasteignaþróunarfélagið Klasi og
Garðabær ætluðu í sameiningu að byggja
annan áfanga nýs miðbæjar í Garðabæ.
Þarna átti að vera glæsilegt bæjartorg
umkringt 5.500 fermetrum af nýju verslunar-
húsnæði og um 72 nýjar íbúðir. Í sumar
var fyrsti áfanginn tekinn í gagnið, þegar
Hagkaup og Byr fluttu inn í fyrsta húsið á
torginu.
Hver er staðan? Framkvæmdum hefur
verið frestað um ókominn tíma. Búið var
að grafa fyrir grunninum að bílastæðahúsi.
Fyllt verður upp í það á næstu dögum. Aðrar
framkvæmdir voru ekki hafnar að öðrum
áfanga.
Framtíðin? Stefnan er enn sett á að
byggja upp miðbæjarsvæðið. Hversu lengi
frestunin stendur er óvíst.
Minnisvarðar góðærisins
Hálfkláraðar glæsibyggingar setja mark sitt á höfuðborgarsvæðið og minna á liðna þenslutíma. Hólmfríður Helga Sigurðardóttir
kannaði stöðuna á nokkrum umtöluðum og á stundum umdeildum framkvæmdum.
FRÉTTABLAÐIÐ/GVA
FRÉTTABLAÐIÐ/ANTON
FRÉTTABLAÐIÐ/GVA
FRÉTTABLAÐIÐ/GVA
FRÉTTABLAÐIÐ/ANTON
FRÉTTABLAÐIÐ/ANTON
FRÉTTABLAÐIÐ/ANTON