Fréttablaðið - 13.12.2008, Síða 73

LAUGARDAGUR 13. desember 2008 65
Leikarinn Ben Stiller mun hlaupa
í skarðið fyrir Mark Ruffalo í
dramatísku gamanmyndinni
Greenburg sem verður tekin upp
á næstunni. Ekki er vitað af
hverju Ruffalo verður ekki með í
myndinni en líklegt er að dauði
bróður hans, Scotts, eigi þar hlut
að máli. Scott lést í Beverly Hills
í síðustu viku eftir að hafa skotið
sig í höfuðið í rússneskri rúllettu.
Stiller virðist vera að fikra sig í
átt að dramatískari efniviði því
ekki er langt síðan hann hóf
viðræður um að leikstýra
myndinni The Trials of the
Chicago 7, sem fjallar um fræg
réttarhöld í Bandaríkjunum.
Ben Stiller í
stað Ruffalo
BEN STILLER Leikur aðalhlutverkið í
Greenburg í stað Marks Ruffalo.
Dómstólar í Kaliforníu hafa
bannað fyrrverandi hermanni að
koma nálægt heimili Toms Cruise
í Beverly Hills. Maðurinn, sem
heitir Edward Van Tassel og
stundaði herþjónustu í Írak, hefur
tvívegis komið að heimili Cruise.
Að sögn lögfræðings Tassel
ætlaði hann að láta Cruise fá bréf
þar sem hann er hvattur til að
hjálpa fyrrverandi hermönnum í
Írak. „Hann er ekki þarna til að
sitja um Cruise og hann hefur
hann ekki á heilanum,“ sagði
lögfræðingurinn.
Tassel var handtekinn í síðasta
mánuði skammt frá Santa
Barbara þar sem hann stóð með
byssu og skilti við þjóðveginn þar
sem hann vildi koma skilaboðum
sínum á framfæri.
Hermaður
angrar Cruise
TOM CRUISE Fyrrverandi hermanni hefur
verið bannað að koma nálægt heimili
Toms Cruise.
Á nýrri plötu Ragnheiðar Gröndal
er nokkurra ára gamalt og gott
Funerals-lag sem heitir Teen-
agers. Þar er líka ágætis lag eftir
Bob Dylan og svo er lag eftir John
nokkurn Cameron, sem var eitt
sinn vinsælt í Svíþjóð, og hefur
fengið nokkra spilun í útvarpi. Hin
lögin, frumsamin lög Ragnheiðar,
eru síðri. Þau lýsa yfirleitt ein-
hverri eilíflega dúnmjúkri sak-
leysisrómantík, sem er lítt spenn-
andi til lengdar.
Þótt Ragnheiður staðhæfi að
„there‘s always gonna be reasons
to write new songs,“ vantar upp á
að hún sýni það í verki; sumt hér
er jú ágætt, en annað virðist samið
til að fylla plötuna og virkar endur-
tekningasamt á stundum.
„Notes that express/
themselves through me/
they are blue,“ segir
Ragnheiður en þetta er
svolítill misskilningur.
Það er nefnilega fátt
blátt við Ragnheiði Gröndal. Hún
er með fína rödd og er eflaust frá-
bær brúðkaupssöngkona en á bágt
með að tjá til dæmis sorg, því
þetta er allt svo sætt og ljúft sem
kemur út úr henni.
Undantekningarnar eru hið
ágæta Won‘t You Come on Home,
ljúf Mazzy Star ballaða
eftir Ragnheiði sjálfa,
og fyrrnefnt Teen-
agers, dramatískasta
lag plötunnar, sem
hún flytur af innlifun
og þar sem hún leikur
sér með röddina. Hún
mætti endilega gera
meira slíkt í framtíð-
inni.
En platan hljómar
annars notalega og er afar vand-
lega gerð. Þar hjálpa til þeir Guð-
mundur Pétursson og Guðmundur
Kristinn Jónsson og hálfir Hjálm-
ar spila undir. Ekki hægt að kvarta
undan því. Klemens Ólafur Þrastarson
Brúðkaupssöngkonan góða
TÓNLIST
Bella & her Black Coffee
Ragnheiður Gröndal
★★★
Ragnheiður stendur sig vel við að
syngja lög eftir aðra en mætti beita
sig meiri sjálfsgagnrýni í eigin lögum.
Bella er fín oní aðdáendur hennar,
en aðrir ættu að tékka á Emilíönu
Torrini.
Popparinn Chris Brown hefur
verið kjörinn tónlistarmaður
ársins í Bandaríkjunum af
tímaritinu Billboard. Hann segir
að kjörið hafi komið sér mjög á
óvart. „Ég hef átt gott ár en samt
er ég dálítið óöruggur út af þessu.
Mér finnst ótrúlegt að ég sé að fá
verðlaun yfirhöfuð,“ sagði hann.
Heiðurinn hefði ekkert
endilega átt að koma honum á
óvart því hann vann sömu
verðlaun fyrir tveimur árum.
Hinn átján ára Brown hefur notið
mikilla vinsælda vestanhafs í ár
fyrir lögin With You og Forever.
Einnig vann hann þrenn verðlaun
á bandarísku tónlistarverðlauna-
hátíðinni í síðasta mánuði, þar á
meðal sem tónlistarmaður ársins.
Billboard
valdi Brown