Fréttablaðið - 20.12.2008, Side 6

6 20. desember 2008 LAUGARDAGUR
SAMKEPPNISMÁL Samkeppniseftir-
litið (SE) hefur lagt 315 milljóna
króna stjórnvaldssekt á Haga, sem
meðal annars reka verslanir Bón-
uss, Hagkaupa og 10-11, fyrir mis-
notkun á markaðsráðandi stöðu
sinni í verðstríði lágvöruverslana
árið 2005. Sektin er sú hæsta sem
um getur fyrir þess konar brot.
Málið snýst um verðstríð sem
hófst í lok febrúar árið 2005 þegar
Krónan, í eigu Kaupáss, kynnti allt
að fjórðungs verðlækkun á algeng-
ustu dagvörum. Bónus lýsti því í
kjölfarið yfir að þeir myndu „verja
vígi sitt“ og standa við þá stefnu að
bjóða ávallt lægsta verðið. Verð-
stríðið vatt mjög upp á sig og á
tímabili voru mjólkurvörur til
dæmis seldar fyrir nánast ekki
neitt til að laða fólk í verslanir.
Nettó tók einnig þátt í stríðinu.
Í áliti SE segir að í ljósi þess að
Hagar hafi um sextíu prósenta hlut-
deild á dagvörumarkaði teljist fyr-
irtækið í markaðsráðandi stöðu.
Það hafi síðan misnotað þá stöðu
sína með ólögmætri undirverðlagn-
ingu. Finnur Árnason, forstjóri
Haga, kom meðal annars fram í
fjölmiðlum og sagði tap þeirra af
verðstríðinu um 700 milljónir
króna.
SE segir að með þessu hafi Hagar
fest það orðspor í sessi að engum
muni líðast til frambúðar að bjóða
upp á vörur á lægra verði en geng-
ur og gerist í Bónus. Sú hegðun sé
til þess fallin að veikja samkeppni
fremur en hitt.
Segir í úrskurðinum að í ljósi
þess að brotið sé alvarlegt og til
þess fallið að valda almenningi og
atvinnulífinu miklu samkeppnis-
legu tjóni sé 315 milljóna króna
sekt viðeigandi.
Finnur Árnason, forstjóri Haga
segir engan hafa
orðið fyrir skaða
af því að Bónus
seldi ódýrar
vörur. „Við-
skiptavinir njóta
þess og ég held
að enginn hafi
skaðast nema þá
fyrirtækið
sjálft.“ Hann
segir rétt að halda því til haga að
upphaflega hafi rannsóknin farið
af stað „að kröfu ýmissa aðila þar
sem átti að rannsaka háa verðlagn-
inu í matvöruverslun.“ Hún hafi
hins vegar snúist upp í það að nú
eigi að sekta fyrir undirverðlagn-
ingu. Þá sé rétt að geta þess að
Hagar hafi ekki átt frumkvæðið að
verðstríðinu.
Þá hafnar Finnur því að Hagar
séu markaðsráðandi. Samkvæmt
lögum eigi markaðsráðandi aðili að
geta starfað án þess að taka tillit til
keppinauta og viðskiptavina. „Og
það er algjörlega af og frá að við
getum það,“ segir hann.
Finnur segir niðurstöðunni verða
áfrýjað til áfrýjunarnefndar sam-
keppnismála, og enn lengra ef þörf
krefur. Hann segist bjartsýnn á að
úrskurðinum fáist hnekkt. „Ég hef
trú á því. Í mínum huga er hann
algjörlega galinn.“
stigur@frettabladid.is
Hagar sektaðir fyrir
undirboð í verðstríði
Högum gert að greiða 315 milljónir fyrir misnotkun á markaðsráðandi stöðu
í verðstríði árið 2005. Sektin er sú hæsta fyrir slíkt brot. Alvarlegt, segir Sam-
keppniseftirlitið. Galið, segir forstjóri Haga sem hyggst ekki una úrskurðinum.
MJÓLK HÖMSTRUÐ Verðstríðið milli lágvöruverslananna gekk langt og náði hámarki
þegar mjólkurvörur fengust nánast gefins í búðunum. Bónus tapaði 700 milljónum á
stríðinu. FRÉTTABLAÐIÐ / VALLI
FINNUR ÁRNASON
DÓMSMÁL Héraðsdómur Reykja-
víkur sýknaði í gær Fréttablaðið
og ritstjóra þess af kröfum Hjalta
Árnasonar vegna fréttar sem birt
var í október 2007.
Í frétt Fréttablaðsins var rætt
við Jóhönnu Eiríksdóttur sem
hafði sagt af sér formennsku í
Kraftlyftingasambandi Íslands
eftir aukaþing sambandsins. Taldi
Hjalti að sér vegið og stefndi
Fréttablaðinu með kröfu um tíu
milljóna króna miskabætur, refs-
ingu og ómerkingu ummæla.
Hjalti vildi að þrenn ummæli
yrðu dæmd ómerk. Í fyrsta lagi
fyrirsögnin: „Kraftlyftingamenn
sem vilja ekki lyfjapróf þröngv-
uðu formanni sínum frá völdum“, í
öðru lagi ummælin „Ekki hafi
verið vilji fyrir því meðal áhrifa-
manna í sambandinu vegna þess
að því myndu fylgja regluleg lyfja-
próf“ og í þriðja lagi: „... í raun eru
tveir menn sem stjórna eiginlega
öllu. Þar á hún við þá Auðun Jóns-
son og Hjalta Úrsus Árnason, en
hvorugur þeirra situr í stjórn sam-
bandsins“.
Héraðsdómur sagði hvorug fyrr-
nefndu ummælin tvö beinast sér-
staklega að Hjalta heldur að ótil-
greindum hópi kraftlyftingamanna
sem voru á áðurnefndum fundi.
Hjalti gæti ekki fengið ómerkt
ummæli sem beindust að ótil-
greindum hópi.
Þá sagði héraðsdómur síðustu
ummælin, þar sem Hjalti er nefnd-
ur á nafn, lýsa skoðun Jóhönnu.
Skoðanir sem ekki séu settar fram
á ærumeiðandi hátt verði að telja
innan marka þess tjáningarfrelsis
sem varið sé af stjórnarskránni.
Hjalti kvaðst í gær mundu áfrýja
dómnum til Hæstaréttar.
Stefna vegna ummæla í frétt um erjur innan Kraftlyftingasambands Íslands:
Fréttablaðið sýknað af kröfum Hjalta
HJALTI ÁRNASON Stefndi Fréttablaðinu
eftir frétt af málefnum kraftlyftinga-
manna.
ALÞINGI Í sparnaðar- og niður-
skurðarvinnu Alþingis síðustu
dægrin hefur verið lagt til að
aðstoðarmenn þingmanna lands-
byggðarkjördæmanna verði slegn-
ir af. Áætlað er að kostnaður við
kerfið nemi um 60 milljónum á
ári.
Þingmenn úr röðum stjórnar-
liða hafa lagt til að fyrirkomulag-
inu verði hætt, meðal annars
Ármann Kr. Ólafsson, þingmaður
Sjálfstæðisflokks. Í ræðu við aðra
umræðu fjárlaga kallaði Ármann
það lúxus. Ólöf Nordal Sjálfstæð-
isflokki og Árni Páll Árnason hafa
líka talað í sömu átt.
Samkvæmt heimildum Frétta-
blaðsins hefur Sturla Böðvarsson,
forseti Alþingis, tekið tillögunni
þungt og raunar lagst gegn henni.
Þingmenn landsbyggðarkjör-
dæmanna fengu að ráða sér
aðstoðarmenn í þriðjungsstarfi á
fjórðungi af launum þingmanna
fyrr á árinu. Rót þeirrar ráðstöf-
unar er að finna í umræðum um
síðustu breytingu kjördæmaskip-
unarinnar en við hana stækkuðu
landsbyggðarkjördæmin til muna.
Er aðstoðarmönnunum ætlað að
viðhalda tengslum þingmanna
kjördæmanna við kjósendur og
styrkja um leið störf þeirra í þing-
inu.
Þrír þingmenn landsbyggðar-
kjördæmanna hafa ekki ráðið sér
aðstoðarmenn. Það eru Árni John-
sen Sjálfstæðisflokki, Eygló Harð-
ardóttir Framsóknarflokki og
Kristinn H. Gunnarsson, Frjáls-
lynda flokknum. -bþs
Þingforseti verst kröfum um afnám aðstoðarmanna landsbyggðarþingmanna:
Tekist á um aðstoðarmennina
ÁRMANN KR.
ÓLAFSSON
STURLA
BÖÐVARSSON
SVÍÞJÓÐ, AP Harkalegar óeirðir
brutust út í Málmey í Svíþjóð
eftir að menningarmiðstöð
múslima var lokað.
Mikill fjöldi fólks lét ófriðlega í
hverfinu, þar sem menningarmið-
stöðin var til húsa, bæði á
miðvikudags- og fimmtudags-
kvöld.
Chaley Nilsson, talsmaður
lögreglunnar, segir engan hafa
slasast, en kveikt var í nokkrum
gámum, ruslatunnum, aftanívögn-
um og að minnsta kosti tveimur
bifreiðum. Einn maður hefur
verið handtekinn. Mótmælin
hófust strax á mánudag og hafa
vaxið dag frá degi. - gb
Óeirðir í Svíþjóð:
Kveikt í bifreið-
um og gámum
Sektin er sú hæsta sem lögð hefur
verið á fyrirtæki fyrir brot gegn
ákvæði um misnotkun á mark-
aðsráðandi stöðu. Eimskipafélagið
var sektað um 310 milljónir fyrir
ári, en áfrýjunarnefndin lækkaði
þá sekt í 230 milljónir. Olíufélögin
voru á sínum tíma sektuð um hálf-
an annan milljarð fyrir brot gegn
öðru ákvæði samkeppnislaga sem
kveður á um verðsamráð.
HÆSTA SEKTIN
EITTHVAÐ SEM ALLAR ELSKA
Pósthússtræti 5 • 101 Reykjavík
Síðumúla 3–5 • 108 Reykjavík
Þönglabakka 4 • 109 Reykjavík
Hraunbæ 119 • 110 Reykjavík
Hverafold 1–3 • 112 Reykjavík
Eiðistorgi 15 • 170 Seltjarnarnesi
Hamraborg 1–3 • 200 Kópavogi
Litlatúni 3 • 210 Garðabæ
Verslunarmiðstöðinni Firði • 220 Hafnarfirði
Háholti 14 • 270 Mosfellsbæ
Staðsetning pósthúsa
á höfuðborgarsvæðinu
Staðsetning pósthúsa á Akureyri
Opið um helgina
á pósthúsum á höfuðborgarsvæðinu og á Akureyri
Upplýsingar um jóla-
afgreiðslutíma á öðrum
pósthúsum á lands-
byggðinni er að finna
á www.postur.is
Skipagötu 10 • 600 Akureyri
Norðurtanga 3 • 600 Akureyri
Laugardagur kl. 11–17
Sunnudagur kl. 13–17
H
V
ÍT
A
H
Ú
S
IÐ
/
S
ÍA

0
8
-2
5
4
8
Er réttlætanlegt hjá Ríkislög-
reglustjóra að fækka lögfræð-
ingum í efnahagsbrotadeild?
JÁ 20%
NEI 80%
SPURNING DAGSINS Í DAG:
Er eðlilegt að innflytjendur
þurfi að standast íslenskupróf
til að fá ríkisborgararétt?
Segðu skoðun þína á visir.is.
KJÖRKASSINN