Fréttablaðið - 20.12.2008, Side 11

LAUGARDAGUR 20. desember 2008 11
REYKJAVÍKURBORG Borgarráð hefur
samþykkt að leysa ágreining vegna
lóðarinnar Sturlugötu 10 með dóm-
sátt.
Eins og kunnugt er stefndi S-10
borginni eftir að samningur um að
fyrirtækið fengi lóð við hlið húss
Íslenskrar erfðagreiningar (ÍE)
fyrir 260 milljónir króna var dreg-
inn til baka af hálfu borgarinnar. ÍE
telur lóðina vera sína eign og mót-
mælti viðskiptunum harðlega. Eig-
andi S-10 er eigandi byggingar ÍE
og telur lóðina hafa fylgt með þegar
félagið keypti húsið á sínum tíma.
Samkvæmt dómsáttinni fær S-10
vilyrði um að eftir fimm ár fái
félagið forgang að lóðinni og að þá
verði skipulagi svæðisins lokið. ÍE
hefur hins vegar ekki fallið frá
sínum kröfum vegna lóðarinnar.
Fulltrúar Samfylkingarinnar í
borgarráði sátu hjá við afgreiðslu
málsins. Sögðu þeir tilefni dóms-
málsins vera algjöran viðsnúning
sem orðið hafi þegar meirihluti
borgarstjórnar stóð ekki við sam-
þykkt meirihluta borgarráðs. „Það
er því ekki að undra að þeir sem
fengu samþykkta lóðarúthlutun,
sem síðan var tekin af þeim af sömu
aðilum, hafi farið í dómsmál, enda
hringlandaháttur þáverandi meiri-
hluta þyngri en tárum taki,“ sagði í
bókun fulltrúa Samfylkingarinnar.
- gar
Borgaryfirvöld vilja hætta rekstri dómsmáls vegna lóðar á Sturlugötu:
Fallast á dómsátt í lóðadeilu
STURLUGATA 10 Félagið sem samdi um
kaup á lóðinni á Sturlugötu 10 fyrir 260
milljónir króna getur fengið hana eftir
fimm ár. FRÉTTABLAÐIÐ/VALLI
SJÁVARÚTVEGUR Skip HB Granda
náðu að veiða kvóta félagsins af
íslenskri sumargotssíld á vertíð-
inni. Að sögn Vilhjálms Vilhjálms-
sonar, deildarstjóra uppsjávar-
sviðs HB Granda, var búið að
veiða og vinna alls um 5.500 tonn
af síld þegar vart varð við
sýkinguna í stofninum. Frá þeim
tíma hefur aflanum verið landað til
bræðslu.
Það er ljóst að tekjuskerðing
félagsins varð veruleg vegna
sýkingarinnar þar sem ekki var
hægt að vinna síldina til manneld-
is. Nú tekur við biðtími og næsta
verkefni verður loðnuveiðar eftir
áramótin. - shá
HB Grandi:
Náðu að veiða
síldarkvótann
DÓMSTÓLAR Hæstiréttur hefur
ómerkt dóm yfir manni á fimm-
tugsaldri sem Héraðsdómur
Reykjavíkur dæmdi fyrir ári í átta
mánaða fangelsi fyrir grófa árás á
sambýliskonu sína. Málinu er
vísað aftur í hérað til meðferðar.
Ástæðan er sú að við fyrri
meðferð var notaður túlkur sem
ekki hafði hlotið löggildingu sem
dómtúlkur, en konan er frá
Venesúela og talar ekki íslensku.
Fjallað var um málið í fjölmiðl-
um í fyrra, þegar konan sakaði
manninn, sem var flugmaður
fraktflugvélar, um að hafa
smyglað sér til landsins. Meint
smygl var rannsakað af lögregl-
unni á Suðurnesjum en rannsókn-
inni síðan hætt. - sh
Röng túlkun í héraðsdómi:
Dómur fyrir
árás ómerktur
TOLLGÆSLA Tollgæslan fær á
næstunni nýjan bíl með afar
öflugum tæknibúnaði. Með
búnaðinum í bílnum verður hægt
að gegnumlýsa heilu gámana til að
leita eftir hvers kyns ólöglegu eða
illa fengnu góssi.
Samkvæmt upplýsingum
Fréttablaðsins var tæknibúnaður-
inn settur í bílinn, sem er af Volvo-
gerð, í Kína. Bifreiðin kom hingað
til lands fyrir fáeinum dögum.
Með henni kom kínverskur
sérfræðingur sem er þessa dagana
að kenna starfsfólki tollsins á
búnaðinn. Sex manns munu starfa
á bílnum. Áætlað er að hann verði
tekinn í notkun í janúar. - jss
Tollgæslan fær nýjan bíl:
Gegnumlýsir
heilu gámana
DÓMSMÁL Vinnuvegur sem
bæjaryfirvöld gáfu framkvæmda-
leyfi fyrir og létu leggja að
verslunar- og þjónustusvæði í
Urriðaholti í Garðabæ árið 2005
var utan skipulagssvæðis. Af
þessum ástæðum hefur úrskurð-
arnefnd skipulags- og byggingar-
mála fellt framkvæmdaleyfið úr
gildi. Vegurinn var lagður yfir
beitarhólf sem eigendur jarðar-
innar Selskarðs höfðu girt. Telja
þeir sig eiga beitarrétt þar á
svæðinu. Úrskurðarnefndin vildi
ekki skera úr um réttmæti
beitarréttarins. Rétturinn gæti þó
verið fyrir hendi og þess vegna
ættu eigendur Selskarðs lögvarða
hagsmuni af því að vegamálið
yrði tekið til úrskurðar. - gar
Bæjaryfirvöld í Garðabæ:
Vegagerð var
utan skipulags
FISKELDI HB Grandi hyggst slátra
um fimmtíu tonnum af eldis-
þorski úr sjókvíum fyrirtækisins
í Berufirði. Byrjað verður að
slátra þorski á milli jóla og nýárs
og lokið verður við slátrunina
eftir áramótin. Þorskurinn verður
unninn hjá fiskiðjuveri félagsins
á Akranesi í fersk flakastykki og
send með flugi á markað erlendis.
Kristján Ingimarsson, forstöðu-
maður fiskeldis HB Granda á
Djúpavogi, segir þorskinn vera úr
seiðaklaki á Stað við Grindavík á
vegum Icecod árið 2005 sem fóru
austur sem hundrað gramma
seiði vorið 2006, og þá sett í
sjókvíar. Stærð sláturfisksins er
um 2,3 kíló að jafnaði, segir
Kristján. - shá
Þorskeldi HB Granda:
Slátra 50 tonn-
um á næstunni
ELDISÞORSKUR Sláturfiskurinn er 2,3
kíló að þyngd að jafnaði.