Fréttablaðið - 20.12.2008, Page 62

heimili&hönnun
FJÁRSJÓÐIR DÓRU Litlir hlutir og skrautmunir hér og
þar, frá ýmsum heimshornum, prýða híbýli Dóru og fjöl-
skyldu hennar. Enda er húsmóðirin forfallinn safnari í sér.
Úti við sæinn á Seltjarnarnesi
býr Dóra Kjartansdóttir Welding
ásamt fjölskyldu sinni og tveim-
ur myndarlegum hundum. Heim-
ilið er hlýlegt og persónulegt og
einkennist af fallegum smáatrið-
um.
„Ég hef verið smáhlutasjúk
frá því ég man eftir mér og segir
ein frænka mín að þetta sé ætt-
gengt. Við erum alveg glingur-
sjúkar,“ segir Dóra og hlær. „Fólk
gerir grín að mér þegar ég kaupi
kertastjaka eða eitthvað og spyr
hvort ég ætli núna að setja þetta
utan á húsið, ég er bara lögð í ein-
elti með þetta,“ segir hún kímin.
„Ég lauma oft inn hlutum og síðan
tekur maðurinn minn kannski
eftir þeim eftir tvo mánuði.“
Dóra segist alltaf geta fundið
stað fyrir nýja hluti og eru jólin
því hennar tími. „Ég tími ekki
að setja gamla dótið niður eða
geyma neitt þannig að ég treð
jóladótinu með. Ég hef gaman af
að blanda saman og er mjög hrif-
in af gömlum hlutum. Síðan elska
ég kerti og glingur þannig að frá
því tekur að rökkva í ágúst og
fram að jólum er algjörlega minn
tími.“
Svo skemmtilega vill til að
húsið sem Dóra býr í núna var
draumahúsið hennar og hafði hún
lengi rennt til þess hýru auga.
„Sumir hafa grínast með að þetta
sé svona eins og The Secret. Fyrir
átján árum bjó ég í Vesturbæn-
um og alltaf þegar ég fékk mér
göngutúr með frumburðinn gekk
ég framhjá þessu húsi og hugsaði
með sjálfri mér að hérna skyldi
ég einhvern tíma búa,“ segir Dóra
með blik í augum og segist þakka
Guði fyrir það á hverjum degi að
búa í þessu yndislega húsi þegar
hún heyrir öldugjálfrið. - hs
Með gimsteina
draumahúsi vi
Hjá Dóru kennir ýmissa grasa og er
mikil vinna að þurrka af öllu skrautinu.
Dóra er mikil hundakona og endur-
speglast það í innanstokksmunum.
Dóra hefur sankað að sér fallegu jóla-
skrauti erlendis frá og var stór hluti
þess keyptur í Boston.
Fjölskylduhornið er á skattholi þar
sem kertum er stillt inn á milli.
Mikil birta flæðir um stofuna í gegnum stóra glugga og er mikil lofthæð. Skúturnar í
efstu gluggunum voru keyptar í Dóminíkanska lýðveldinu og kallast á við umhverfi
hússins sem er við sjóinn. FRÉTTABLAÐIÐ/ANTON
Heimili Dóru Kjartansdóttur Welding er líkt og ævintýra-
land, uppfullt af litlum fjársjóðum og kynjaverum. Dóra er
mikill safnari í sér og elskar glingur og smáhluti auk þess
sem heimilishundarnir eiga sinn heiðurssess á heimilinu.
Jólalegt er um að litast
hjá Dóru jólabarni.
20. DESEMBER 2008 LAUGARDAGUR10