Fréttablaðið - 20.12.2008, Side 75

LAUGARDAGUR 20. desember 2008 47
þannig að ég er beðinn um að koma
ekki aftur. Þannig að ég er að verða
uppiskroppa með apótek til að
hamstra úðann minn í. Ég þræddi
apótekin og prúttaði sem óður væri
um daginn og er því með fullan
skáp af þessu uppi.
Siggi Stormur: Ég hef nú ekki
hamstrað svona en ég hamstraði
evrur. Ég er með hús á Spáni og ég
hef farið þrisvar sinnum til útlanda
til að koma peningum úr landi. Það
er svolítið einkennilegt að eiga
peninga inni á gjaldeyrisreikningi
og mega ekki taka þá út eða senda
þá úr landi. Þetta er eins og að sitja
fastur inni í bíl og það er eitthvað
að læsingunni.
Jóhann Páll: En ef ég ætti að
hamstra eitthvað í viðbót þá væri
það kaffi og smoothie.
Siggi Stormur: Hvað myndi ég
hamstra. Nú er ég í vandræðum …
jú, hundamat.
Jóhann Páll: Heyrðu kattamat! Guð
fyrirgefi mér að gleyma því. Hann
er að sjálfsögðu í fyrsta sæti. Ég er
með tvo ketti, stjórnarformann
fyrirtækisins sem heitir Randver
og svo er það endurskoðandi fyrir-
tækisins: Breki. Þetta er algjört
grundvallaratriði.
Siggi Stormur: Já, dýrin hafa ekk-
ert gert af sér. Við verðum að fóðra
þau. Og þegar ég væri búinn að
hamstra hundamatinn myndi ég
sennilega hamstra blóðþrýstings-
lyfin mín, svo ég hangi lifandi eitt-
hvað lengur, og jafnvel ýsu fyrir
fjölskylduna.
Jóhann Páll: Ætli ég bæti þá ekki
líka sefandi geðlyfjum á listann
svo ég geti tekist á við taugaveikl-
un rithöfunda í jólavertíðinni. Og
svo gæti ég gefið höfundunum með
mér.
Dapurleg ör
Óvissa ríkir um tónlistar- og ráð-
stefnuhúsið við hafnarbakkann. Ef
svo fer að ekkert verður af gler-
hjúpi Ólafs Elíassonar – hafið þið
þá tillögu um hvað gera megi við
rústirnar? Eða aðrar hálfkláraðar
byggingar á höfuðborgarsvæðinu.
Jóhann Páll: Þetta er auðvitað
óendanlega erfið spurning og sorg-
leg. Það er ómögulegt að sjá nokkra
lausn á þessu því það eru sár út um
allan bæ og reyndar út um allt land
og maður sér ekki glóruna í því að
reisa öll þessi hús því það verður
enginn til að búa þar. Og ekki verða
fyrirtæki til að vera í atvinnuhús-
næðinu því líkast til munu þau fara
á hausinn á næsta ári eins og spila-
borg. Við eigum samt varla engan
kost annan en að klára tónlistar-
húsið því þetta svæði er nú svo
hrikalegt ör á miðborginni.
Ég fór í sumar í skoðunarmið-
stöð þessa svæðis og hitti þar fyrir
mjög fróða konu sem var gestum
til leiðbeiningar um þessar bygg-
ingar. Ég spurði hana hvað myndi
gerast ef ekki fyndist peningur til
að klára húsin og hún benti mér á
að þeir peningar yrðu hreinlega að
finnast. Búið væri að grafa og
klára allar undirbúningsvinnu
þarna og það væri engin leið til
baka.
Það yrði einfaldlega að reisa tón-
listarhúsið og hið íslenska World
trade center. Ég er ansi hræddur
um að það sé mikið til í þessu. Ég
sé ekki hvernig er annars hægt að
græða þessi sár.
Siggi Stormur: Ef tónlistarhúsið
mun rísa þarna, verður alltaf
ákveðin depurð yfir því. Ég sé fyrir
mér svipað ástand og þegar Loðvík
XIV. í Frakklandi réð ríkjum og
frúin hans horfði á alþýðuna berj-
andi hliðin og biðja um brauð og
hún lagði til að fólkið borðaði
kökur. Það er alveg úr takti að búa
til minnisvarða núna þegar fólk er
að missa vinnu sína, framfærslu-
getu og eigur.
Ég held það væri ódýrast meðan
á þessu ástandi stendur að það
mætti með einhverjum hætti varð-
veita þessar menjar með því að
grafa þær og búa til grænt svæði
þar til betur árar. Það yrði bara
mokað þarna sandi ofan í og tyrft
yfir. Fólk gæti verið þarna og
fylgst með hafnarlífinu. Það væri
sárt að sjá glæsibyggingu rísa á
þessum tíma, þetta er svo nálægt
okkur. Ég á fimm systkini, þar af
eru þrjú búin að fá uppsagnar-
bréf.
Jóhann Páll: Ég er hjartanlega
sammála því. Ég held að það sé
alveg óhjákvæmilegt að það hrísl-
ist um mann sársauki þegar maður
sér þetta, hvort sem það er tjaldað
yfir eða ekki. Öll gleði yfir þessu
er farin út í veður og vind.
Siggi Stormur: Það væri flott að
láta einhvern listamann fá það
hlutverk að loka þessu og búa til
grænt svæði. Svo er bara að taka
upp skófluna þegar betur árar.
Jóhann Páll: Það er kannski líka
spurning – þar sem það er nú verið
að skera niður í fangelsunum – ætti
kannski bara að loka þá þarna inni
sem bera ábyrgð á því hvernig
komið er fyrir þjóðinni? Gera þetta
að fangelsi fyrir þá? Hverju munar
þá hvort þetta er hálfklárað.
Siggi Stormur: Já, ég er með
ákveðna fangelsismálastefnu þar.
Við göngum í Evrópusambandið,
leggjum niður Seðlabankann og
þar er þá framtíðarfangelsið. Þetta
er vandað hús, vel byggt og erfitt
að komast út úr því. Þetta hlýtur að
vera draumur í dós fyrir fangana
– frábært útsýni. Það væri búið að
leysa fangelsismálin fyrir lifandis
löngu ef menn hefðu hugsað eitt-
hvað.
Svolítið í molunum
Að lokum. Hvernig mynduð þið
skreyta jólatré hvor annars?
Siggi Stormur: Jólatréð hans
Jóhanns yrði bara með stórum,
rauðum kúlum og engu öðru. Stíl-
hreint og ég held ekki mikið gling-
ur. Svo myndi ég koma hjartalaga
pokum fyrir með sælgæti á nokkr-
um stöðum. Hvað heitir súkkulaðið
aftur þarna …
Jóhann Páll: …Lindt og Anton
Berg.
Siggi Stormur: Já, einmitt. Hann er
svolítið í molunum held ég.
Jóhann Páll: Ég á reyndar svolítið
erfiðar minningar þegar kemur að
jólatrjám því ég er alltaf orðinn
svo úttaugaður þegar kemur að því
að setja upp jólatréð. Ég hef orðið
að ákaflega litlu liði við það en hef
þó oft neyðst til að reyna að koma
trénu í fótinn. Ég verð því að finna
einhverja létta lausn með jólatréð
hans Sigga og ég ætla því hrein-
lega bara að kaupa mér glimmer-
brúsa og spreyja yfir það hvítum
snjó.
SEÐLABANKINN FANGELSI Siggi stormur leggur til að Seðlabankinn verði fangelsi en
Jóhann Páll er þeirrar skoðunar að hálfkláraðar bygginga væru fínar til þess brúks.
14:00 Kór Öldutúnsskóla syngur fyrir gesti.
Börn úr Skólahljómsveit Víðistaðaskóla.
Jenný, Stella og Sunneva syngja jólalög.
Hljómsveitin Nafnabreytingar stígur á stokk.
15:00 Hljómsveitin Buff spilar lög af nýútkomnum
geisladiski sínum og áritar.
Jólasveinninn sem týndi fötunum sínum
– Seinheppinn jólasveinn týnir fötunum sínum og
þarf hjálp við að finna þau aftur.
Lalli töframaður sýnir galdra og sjónhverfingar.
16:00 Gunni og Felix koma í heimsókn, taka nokkur vel
valin jólalög og skemmta börnunum.
Gömul gildi gleymast ei –Tveir gamlir jólasveinar
koma til byggða, heilsa upp krakkana í Jólaþorpinu
og fræðast um nútímann.
20.12. – 23.12. 2008
14:00 Raggi Bjarna syngur fyrir gesti Jólaþorpsins lög af
nýjum diski sínum Lögin sem mega ekki gleymast
Kór Flensborgarskóla syngur nokkur lög.
Jaðarleikhúsið skemmtir gestum á frumlegan hátt.
15:00 ÚTI-JÓLABALL – Söngvaborg slær upp jólaballi.
18-22 TÓNLEIKAR í samvinnu við ABC-barnahjálp.
Sjá nánari dagskrá hér til hliðar.
19:30 Jólaganga Hafnarfjarðar leggur af stað frá
Fríkirkjunni og endar í Jólaþorpinu rétt fyrir kl. 20.
Kammerkór Hafnarfjarðar leiðir sönginn.
F
A
B
R
I
K
A
N
Nánari upplýsingar, myndir o. fl. á www.hafnarfjordur.is
Jólamarkaður
og fjölbreytt skemmtidagskrá
í miðbæ Hafnarfjarðar
Laugardagurinn 20. desember20.12.
Sunnudagurinn 21. desember21.12.
ÞORLÁKSMESSA, 23. desember23.12.
SÍÐASTA JÓLAÞORPSHELGIN!
OPIÐ FRÁ KL. 13–18
OPIÐ FRÁ KL. 13–18
OPIÐ FRÁ KL. 16–22