Tíminn - 31.12.1982, Blaðsíða 19

FÖSTUDAGUR 31. DESEMBER 1982
19
innlendur fréttaannáll 1982
■ Dr. Kristján Eldjám fyrrum forseti Islands lést í Bandaríkjunum 14. september. Útför hans var gerð á vcgum ríkisstjómarinnar 23. september.
Tímamynd: Róbert
Um mánaðamótin ágúst-september lét Illugi
Jökulsson af störfum umsjónarmanns Helgar-Tím-
ans. Atli Magnússon blaðamaður við Tímann varð
umsjónarmaður blaðsins frá sama tíma.
Ákvörðun Ólafs Jóhannessonar sem þá gegndi
störfum viðskiptaráðherra að veita fjórum íslensk-
um togurum leyfi til að selja afla erlendis í miðjum
september var gerð í trássi við óskir Steingríms
Hermannssonar sjávarútvegsráðherra. Steingrím-
ur kvaðst í viðtali við Tímann mundu mótmæla
leyfisveitingunni harðlega á fundi ríkisstjórnarinn-
ar.
Dr. Kristján Eldjárn fyrrum forseti íslands lést
á sjúkrahúsi í Cleveland í Ohio í Bandaríkjunum
síðdegis 14. september eftir að hafa daginn áður
gengið undir hjartauppskurð sem stóð í níu
klukkustundir. Hann var 65 ára að aldri og hafði
verið forseti Islands í tólf ár, frá 1968-1980. Útför
hans var gerð á vegum ríkisstjórnarinnar frá
Dómkirkjunni í Reykjavík 23. september.
„Miðaldra menn hættulegir unglingsstúlkum á
Hallærisplaninu" sagði í frétt 17. september. Þar
var skýrt frá umræðu í félagsmálaráði Reykjavík-
urborgar um málefni unglingsstúlkna sem boðið er
far af eldri körlum sem reyna síðan að nauðga
þeim.
Skólaganga fanga í Fjölbrautaskólanum á
Selfossi varð enn tilefni blaðaskrifa. Dómsmála-
ráðuneytið ákvað að leyfa ekki skólagöngu fanga
frá Litla Hrauni í skólanum að degi til. „Við höfum
því boðið þeim þátttökuí öldungadeild og það hafa
þeir þegið í sumum greinum" sagði Heimir Pálsson
skólameistari í samtali við Tímann.
Áslaug Brynjólfsdóttir yfirkennari við Fossvogs-
skóla í Reykjavík var sett fræðslustjóri í Reykjavík
til eins árs frá 1. október að telja. Það var
menntamálaráðherra sem skipaði í stöðuna.
Október
Nefnd sem falið var að endurskoða gildandi lög
um útvarpsrekstur skilaði áliti 1. október og í
tillögum hennar fólst það nýmæli að einkaréttur
ríkisútvarpsins til útvarpsreksturs yrði afnuminn.
Lagt var til að einstaklingar og sveitarfélög fengju
leyfi til útsendinga að uppfylltum ákveðnum
skilyrðum. Einnig að sjónvarpið yrði skyldað til
að senda út dagskrá allt árið.
Haukur Ingibergsson var ráðinn framkvæmda-
stjóri Framsóknarflokksins frá 1. janúar n.k.
Tekur hann við starfinu af Þráni Valdimarssyni
sem gegnt hefur framkvæmdastjórastarfinu á
fjórða tug ára.
■ Vigdís Finnbogadottir forseti íslands opnaði sýninguna Scandinavia Today fyrir hönd þjóðhöfðingja Norðurlanda í september. Ttmamynd: G.T.K.