Fréttablaðið - 07.02.2009, Blaðsíða 2
2 7. febrúar 2009 LAUGARDAGUR
FJÁRMÁL Þrefalt til fjórfalt fleiri
samningar um eigendaskipti á fast-
eign innan sömu fjölskyldunnar
fóru fram mánuðina eftir banka-
hrunið en sömu mánuði á síðustu
árum. Þetta kemur fram í saman-
tekt Fasteignaskrár Íslands.
Fréttablaðið hefur undanfar-
ið fjallað um banka- og fjármála-
menn sem fært hafa fasteignir,
eða hluta fasteigna, yfir á maka. Í
samantekt Fasteignaskrár sést að
sprenging hefur verið í slíkum eig-
endaskiptasamningum innan fjöl-
skyldna, til annað hvort maka eða
ólögráða barna, eftir bankahrunið
í október í fyrra.
Alls hafa 384 eigendaskipta-
samningar af þessu tagi verið
gerðir frá byrjun október til loka
janúar, eða tæplega 100 á mánuði.
Meðalfjöldi slíkra samninga var
um 36 í mánuði árin 2005 til 2007.
Í október 2008 voru gerðir 107
samningar. Meðalfjöldi slíkra
samninga í október síðustu þrjú ár
á undan var 37 samningar. Í nóv-
ember voru gerðir 102 samningar,
fjórum sinnum fleiri en meðaltal
nóvembermánaða síðustu þrjú ár
á undan.
Margrét Hauksdóttir, aðstoðar-
forstjóri Fasteignaskrár Íslands,
segir það ekki sitt að túlka niður-
stöðurnar, það verði aðrir að gera.
Sé fasteign færð yfir á ólögráða
barn gildi sérstakar reglur um
ráðstöfun svo sem sölu eða veð-
setningu fasteigna. - bj
Tæplega 400 samningar um eigendaskipti innan fjölskyldu frá október 2008:
Þrefalt fleiri eftir bankahrun
REYKJAVÍK Í samningum um eigenda-
skipti innan fjölskyldna hafa fasteignir
bæði verið færðar á maka og ólögráða
börn. FRÉTTABLAÐIÐ/GVA
ALÞINGI Guðbjartur Hannesson,
nýr forseti Alþingis, ætlar ekki
að nota bíl og einkabílstjóra sem
embættinu fylgir. Forseti ætti
að geta notað
bíla sem starfs-
fólk þingsins
hefur til afnota
ef þörf krefur,
segir Guðbjart-
ur.
Embætti for-
seta Alþing-
is hefur haft
bíl og bílstjóra
til umráða frá
árinu 1995, þegar ákveðið var að
kjör forseta yrðu sambærileg við
ráðherra, segir Helgi Bernódus-
son, skrifstofustjóri Alþingis.
Guðbjartur segist ekki ætla að
dæma um þörf fyrir sérstakan
bíl og bílstjóra, enda nýr í starf-
inu. Hann líti svo á að í starfi for-
seta þingsins felist aðallega verk-
stjórn á Alþingi, og ef þörf krefji
muni hann nota eigin bíl til að
fara á fundi utan þingsins. - bj
Guðbjartur verður á eigin bíl:
Notar ekki bíl
forseta Alþingis
GUÐBJARTUR
HANNESSON
LÖGREGLUMÁL Karlmaður á fer-
tugsaldri var í gær úrskurðaður í
tveggja vikna gæsluvarðhald vegna
gruns um aðild að láti sambýliskonu
sinnar. Lík hennar fannst í einum
af dúfnakofum Skrautdúfnafélags
Hafnarfjarðar í Kapelluhrauni.
Maðurinn og konan voru búsett í
Reykjavík, bæði fædd 1972. Sam-
kvæmt upplýsingum Fréttablaðs-
ins hefur fólkið verið í óreglu og
maðurinn komið við sögu lögreglu
áður.
Það var á sjötta tímanum í fyrra-
kvöld þegar lögreglu barst tilkynn-
ing um líkfundinn í dúfnakofanum.
Einn dúfnaeigendanna hafði þá
farið ásamt eiginkonu sinni til að
huga að dúfunum.
Í kofanum háttar þannig til að
dyr eru á öðrum gaflinum. Dyrn-
ar voru læstar með hengilás. Eftir
endilöngum kofanum liggur gang-
ur með fuglabúrum til hliðanna. Á
hinum gafli kofans er gluggi sem
hafði verið brotinn. Undir honum
lá konan. Hún var nakin en með
lambhúshettu á höfðinu. Föt henn-
ar voru hvergi sjáanleg, en úlpan
hennar fannst fyrir utan kofann.
Á líkinu, bæði í andliti og á líkama
voru minni háttar áverkar, sem
taldir eru geta stafað af því þegar
konan fór inn um brotinn gluggann.
Dánarorsök er enn óljós en ekki er
talið útilokað að konan hafi frosið
í hel.
„Ég er búinn að líða nóg fyrir
þetta,“ sagði maðurinn sem kom að
henni við Fréttablaðið í gær. Hann
kvaðst ekki treysta sér til að tjá sig
um aðkomuna.
Fyrstu viðbrögð hjónanna voru
að gera dúfnaeiganda, sem stadd-
ur var í öðrum kofa nærri kofan-
um þar sem þau fundu látnu kon-
una, viðvart.
„Ég fór inn í kofann, en staldr-
aði ekkert við þar inni,“ segir sá
sem kallaður var til. „Ég sá fætur
konunnar sem lá á gólfinu undir
glugganum. Höfuð hennar snéri
að gaflinum. Við hringdum þegar
á lögregluna.“
Ekki er fullljóst hversu lengi
konan hafði legið í kofanum. Á mið-
vikudagsmorgun fór einn dúfna-
eigendanna á svæðið, en var á
hraðferð. Hann sá þá að búið var
að brjóta gluggann á gaflinum og
kíkti inn um hann. Hann sá ekkert
óvenjulegt þar inni, enda glugginn
í nær tveggja metra hæð og því
erfitt að sjá niður með veggnum
að innanverðu nema sérstaklega
sé að gáð.
Rannsókn lögreglu beinist nú
meðal annars að ferðum fólksins
sólarhringana áður en konan fannst
látin. Bráðabirgðaniðurstaða krufn-
ingar mun liggja fyrir eftir helgi.
jss@frettabladid.is
DÚFNAKOFINN Lögreglan vann við vettvangsrannsókn í og við dúfnakofann í gær.
Konan sem fannst látin virðist hafa farið með einum eða öðrum hætti inn um
glugga á kofanum, sem hafði verið brotinn. FRÉTTABLAÐIÐ/VILHELM
Maður látinnar konu í
fjórtán daga varðhald
Konan sem fannst látin í dúfnakofa í Kapelluhrauni var með lambhúshettu á
höfðinu en nakin að öðru leyti. Sambýlismaður hennar var í gær úrskurðaður í
gæsluvarðhald vegna gruns lögreglu um aðild hans að andláti konunnar.
STJÓRNMÁL Vaka sigraði í kosn-
ingum til Stúdentaráðs Háskóla
Íslands með 2.342 atkvæði, eða
52,25 prósent. Röskva fékk 2.140
atkvæði eða 47,75 prósent. Vaka
fær því fimm fulltrúa Stúdenta-
ráðs en Röskva fjóra. Röskva
hefur haft meirihluta í ráðinu
undanfarin tvö ár.
Í kosningum til háskólaþings
fékk Vaka 2.298 atkvæði, eða
51,3 prósent. Röskva fékk 2.185
atkvæði eða 48,7 prósent. Hvor
fylking fær því fimm fulltrúa. - ss
Stúdentakosningar í HÍ:
Vaka sigraði
Minna kólesteról
www.ms.is
Benecol er náttúrulegur
mjólkurdrykkur sem
lækkar kólesteról í blóði.
Mikilvægt er að halda
kólesterólgildum innan
eðlilegra marka því of
hátt kólesteról í blóði er
einn helsti áhættuþáttur
kransæðasjúkdóma.
Ein flaska á dag dugar
til að ná hámarksvirkni.
Á VETTVANGI Ekki er fullljóst hversu
lengi konan hafði legið í kofanum.
Rannveig, reiknið þið með
góðum árangri?
„Já, við reiknum alltaf með góðum
árangri, annað er ekki til í dæminu.“
Dagur stærðfræðinnar var haldinn í gær.
Rannveig A. Guðmundsdóttir er stærð-
fræðikennari og gjaldkeri Flatar, samtaka
stærðfræðikennara.
SEÐLABANKI Ingimundur Friðriks-
son seðlabankastjóri baðst í gær
lausnar frá embætti sínu. Þetta
kom fram í bréfi Ingimundar til
forsætisráðherra.
Eiríkur Guðnason seðlabanka-
stjóri sagði á hinn bóginn í bréfi
til forsætisráðherra að hann hygð-
ist sitja áfram.
Davíð Oddsson hafði í gærkvöldi
einn þriggja seðlabankastjóra látið
hjá líða að svara tilmælum Jóhönnu
Sigurðardóttur forsætisráðherra
um að þeir láti af störfum og gangi
til samninga um starfslok.
„Forsætisráðherra er nú að meta
þá stöðu sem upp er komin,“ sagði
Hrannar B. Arnarsson, aðstoðar-
maður, Jóhönnu Sigurðardóttur
forsætisráðherra í gærkvöldi.
Ástæðan fyrir því að svör frá
þremenningunum bárust ekki á
umbeðnum tíma er sögð vera dvöl
Davíðs Oddssonar í Bretlandi. For-
sætisráðherra sagði í viðtölum við
fjölmiðla í gær að sér þætti töfin
eðlileg í því ljósi. Eiríkur Guðna-
son kom þessum skilaboðum á
framfæri við ráðuneytisstjóra for-
sætisráðuneytisins á miðvikudags-
kvöld. Davíð kom heim á fimmtu-
dag og segist forsætisráðherra
vonast eftir svari hans hið fyrsta.
Forsætisráðherra sendi banka-
stjórunum þrem bréf á mánu-
dag og beindi þeim tilmælum til
þeirra að láta þegar í stað af störf-
um. Hún gerði einnig grein fyrir
því í bréfinu að von væri á frum-
varpi um breytta yfirstjórn bank-
ans sem gerir ráð fyrir einum fag-
legum bankastjóra. Einnig að nýtt
bankaráð verði skipað.
- shá
Tveir af þremur seðlabankastjórum svöruðu forsætisráðherra í gærkvöldi:
Ingimundur biðst einn lausnar
FORSÆTISRÁÐHERRA BÍÐUR EFTIR SVARI SEÐLABANKASTJÓRA Davíð Oddsson
kom að utan á fimmtudag og vonast Jóhanna eftir svari hans hið fyrsta.
EFNAHAGSMÁL Kaupþing og
Exista, stærsti eigandi bank-
ans, reyndu ekki að fella gengi
krónunnar með kaupum á tvö
þúsund milljónum evra á fjórum
mánuðum. Þetta er niðurstaða
Fjármálaeftirlitsins (FME) sem
rannsakaði kaupin að beiðni
Seðlabankans. Vísir.is sagði frá
þessu í gær.
Niðurstaða FME er að engar
vísbendingar séu um að lög hafi
verið brotin. Einnig kemur fram
í gögnum FME að Exista bók-
færði 30 milljarða hagnað árið
2008, án þess að skýringar hafi
verið gefnar á þeim hagnaði.
- shá
Kaupþing og Exista:
Reyndu ekki að
fella gengið
SJÁVARÚTVEGUR Ágætis karfa-
veiði miðað við árstíma er vest-
ur af landinu. Þerney RE kom til
hafnar í vikunni með prýðileg-
an afla eftir 33 daga veiðiferð.
Þetta kemur fram á heimasíðu
HB Granda.
Kristinn Gestsson skipstjóri
segir vel hafa veiðst af karfa
en einnig hafi verið nokkuð af
þorski og grálúðu í aflanum. Að
sögn Kristins fengust um 770
tonn af fiski upp úr sjó í veiði-
ferðinni og þar af voru rúmlega
500 tonn af karfa og þá aðal-
lega gullkarfa. Í afurðum talið
nam aflinn 530 tonnum og afla-
verðmætið losaði 130 milljónir
króna. - shá
Góðar aflafréttir af karfa:
Ágæt veiði mið-
að við árstíma
ÞERNEY RE Ágætis karfaveiði er vestur af
landinu þrátt fyrir árstíma.
BRUSSEL, AP Framkvæmdastjórn
Evrópusambandsins vill setja
reglur um vernd hákarla gegn
ofveiði. Hákörlum hefur nefni-
lega fækkað töluvert á hafsvæð-
um Evrópusambandsríkja.
Munar þar miklu um vinsæld-
ir dýrrar súpu, sem gerð er úr
hákarlauggum. Einnig hefur
hákarlasteik orðið æ vinsælli á
veitingahúsum í Evrópu, auk þess
sem hákarlaafurðir eru mikið
notaðar í húðkrem og skófatnað.
„Nýjustu upplýsingar staðfesta
að menn eru hákörlunum nú mun
hættulegri en þeir voru okkur
nokkurn tíma,“ segir Joe Borg,
fiskveiðistjóri framkvæmda-
stjórnarinnar. - gb
Framkvæmdastjórn ESB:
Vill draga úr
hákarlaveiðum
SPURNING DAGSINS