Fréttablaðið - 07.02.2009, Blaðsíða 6

6 7. febrúar 2009 LAUGARDAGUR
Samkoma á hverju
sunnudagskvöldi kl. 20:00
hjá KFUM og KFUK, Holtavegi 28.
Allir hjartanlega velkomnir.
Náms- og starfsráðgjafi
Farskólinn – miðstöð símenntunar á Norðurlandi vestra
óskar að ráða til sín náms- og starfsráðgjafa. Við-
komandi þarf að geta hafi ð störf sem fyrst. Starfsstöð
viðkomandi er á Sauðárkróki.

Meðal verkefna:
• Umsjón með fjarnámi háskólanema
• Náms- og starfsráðgjöf á vinnustöðum á Norðurlandi vestra
• Mat á raunfærni
• Ráðgjöf og þjálfun
• Ýmis önnur verkefni

Menntunar og hæfniskröfur:
• Menntun á sviði náms- og starfsráðgjafar er skilyrði
• Þekking og reynsla af atvinnulífi nu á Norðurlandi vestra er kostur
• Metnaður, áhugi og sjálfstæði í vinnubrögðum
• Jákvæðni, sveigjanleiki og lipurð í samskiptum
• Gott vald á Íslensku í ræðu og riti

Upplýsingar gefur Jóhann Ingólfsson
í síma 455 6011 og á johann@farskolinn.is

Skagafjörður er spennandi valkostur
Nálægð við náttúru, góðir skólar á öllum skólastigum, ein ódýrasta
hitaveita á landinu, fjölbreytt þjónusta, öfl ugt íþróttalíf, mikil veðursæld og
kröftugt menningarlíf er meðal þess sem gerir Skagafjörð að fýsilegum búsetu-
kosti, ekki síst fyrir fjölskyldufólk. Íbúar í Sveitarfélaginu Skagafi rði eru um
4200, þar af um 2600 á Sauðárkróki. Sauðárkrókur er einn öfl ugasti byggða-
kjarni landsbyggðarinnar þar sem saman feröfl ug útgerð, úrvinnsla afurða af
stóru landbúnaðarsvæði og þjónusta sem jafnast á við það besta sem býðst á
landsbyggðinni.
Það er alltaf pláss fyrir fl eira gott fólk í Skagafi rði!
BANDARÍKIN, AP Barack Obama var
í gær staddur meðal aðstandenda
fórnarlamba hryðjuverkanna frá
11. september 2001 og hermann-
anna sautján, sem féllu í árás á
bandaríska tundurspillinn USS
Cole í Jemen árið 2000, þegar
Susan J. Crawford, yfirdómari
hjá Bandaríkjaher, hafði tilkynnt
að allar ákærur hafi verið felld-
ar niður í síðustu réttarhöldunum
í fangabúðunum við Guantanamo
á Kúbu.
Ákærurnar í þessu síðasta máli
voru á hendur Abd al-Rahm al-Nas-
hri, sem grunaður er um tengsl við
hryðjuverkasamtökin Al Kaída og
aðild að sprengjuárás á USS Cole
sem lá í höfn í Jemen árið 2000.
Öllum réttarhöldum yfir föng-
um, sem setið hafa allt að átta
ár án dóms og laga í búðunum
umdeildu, hafði verið frestað um
óákveðinn tíma, nema réttarhöld-
unum yfir al-Nashri, sem áttu að
halda áfram í næstu viku.
Aðstandendur fórnarlamba
hryðjuverkanna eru margir hverj-
ir afar ósáttir við ákvörðun nýs
Bandaríkjaforseta um að búðunum
verði lokað innan árs. Alger óvissa
ríkir nú um örlög fanganna, sem
eru nærri 250 talsins.
„Við höfum nú þegar beðið í átta
ár,“ segir Kirk S. Lippold, sem var
yfirmaður á USS Cole þegar árás-
in var gerð árið 2000. „Við verðum
að leyfa ferlinu fyrir dómnefndum
hersins að hafa sinn gang.“
Geoff Morrell, talsmaður banda-
ríska varnarmálaráðuneytisins,
segir mögulegt að leggja fram
nýjar ákærur á hendur al-Nashri
síðar meir og hann verði áfram í
fangelsi.
Alls hafa um 800 manns verið
vistaðir í búðunum á Kúbu, en
flestir hafa þeir verið látnir lausir
eftir að hafa setið þar árum saman
án dóms og laga. Búist er við því
að flestir þeirra sem enn eru þar
verði látnir lausir, en nokkrir tugir
verði fluttir í fangelsi í Bandaríkj-
unum þar sem réttað verði yfir
þeim með einhverjum hætti. Óvíst
er þó hvort hægt verði að sanna á
þá neina glæpi, jafnvel þótt þeir
hafi játað ýmislegt á sig við harka-
legar yfirheyrslur og jafnvel pynt-
ingar.
Kínversk stjórnvöld ítrekuðu í
gær kröfur sínar um að önnur ríki
taki ekki við kínverskum föngum
úr Guantanamo þegar þeir verða
látnir lausir. Mannréttindasamtök
segja það glapræði að senda kín-
versku fangana til Kína, þar sem
þeir eigi yfir höfði sér harðar mót-
tökur þar og jafnvel líflát.
gudsteinn@frettabladid.is
Ákærur felldar nið-
ur í síðasta málinu
Aðstandendur fórnarlamba hryðjuverkanna 11. september eru reiðir Barack
Obama vegna áforma hans um lokun Guantanamo-búðanna á Kúbu. Óvíst um
örlög fanganna. Kínversk stjórnvöld vilja fá sína ríkisborgara heim.
FANGI BANDARÍKJAHERS Á KÚBU Öllum réttarhöldum hefur nú verið frestað eða
ákærur felldar niður og óvíst hvort nokkur verði dæmdur. FRÉTTABLAÐIÐ/AP
FJÖLMIÐLAR Ný könnun á lestri
Fréttablaðsins og Morgunblaðs-
ins sýnir að á næstliðnum þrem-
ur mánuðum jókst lestur dag-
blaðanna miðað við sama tímabil
fyrir ári.
Könnun Capecent nær til mán-
aðanna nóvember, desember og
janúar. Niðurstaðan er sú að lest-
ur Fréttablaðsins þessa mánuði
var að meðaltali 63,7 prósent í
aldurshópnum sem könnunin nær
til, það er tólf til áttatíu ára. Þetta
er 3,1 prósent meiri lestur en á
sama tímabili fyrir ári.
Lestur Morgununblaðsins frá
og með nóvember og út janúar
mældist að þessu sinni vera 42,7
prósent. Það er 2,4 prósenta aukn-
ing frá því í fyrra.
Eins og kunnugt er samein-
aði Fréttablaðið nýlega laugar-
dagsblað og sunndagsblað sitt í
eitt helgarblað. Sé horft framhjá
sunnudagsblaðinu, sem hætt er að
koma út, var meðallestur Frétta-
blaðsins næstliðna þrjá mánuði
64,5 prósent.
Íslendingar í aldurshópnum
tólf til áttatíu ára voru 1. desem-
ber síðastliðinn samtals 252.631.
Samkvæmt lestrarkönnuninni
lásu rúmlega 159 þúsund manns
úr þessum hópi Fréttablaðið á
hverjum degi á síðustu þremur
mánuðum. Lesendur Morgun-
blaðsins á sama tíma voru hins
vegar ríflega 50 þúsundum færri,
eða tæplega 108 þúsund að meðal-
tali. - gar
Ný lestrarkönnun Capacent sýnir sterka stöðu dagblaða meðal landsmanna:
Dagblaðalestur eykst milli ára
FRÉTTABLAÐIÐ OG MORGUNBLAÐIÐ
Ríflega 50 þúsund fleiri Íslendingar lesa
nú Fréttablaðið að meðaltali heldur en
Morgunblaðið.
STJÓRNMÁL Kristin Halvorsen, fjármálaráðherra
Noregs, segir það hagsmuni lands síns að eiga
stöðugan nágranna í vestri og sterkan félaga
meðal ríkja sem standa utan Evrópusambandsins.
Vegna þessa og vegna fornra og sterkra tengsla
landanna styðji Norðmenn nú við bak Íslendinga.
Halvorsen er þessa dagana í heimsókn á Íslandi.
Í gærkvöldi var hún gestur á tíu ára afmæli
Vinstri hreyfingarinnar græns framboðs. Áður
ræddi norski fjármálaráðherrann lengi dags við
íslenskan starfsbróður sinn, Steingrím J. Sigfús-
son, um stöðu Íslands, hugsanlegt samstarf land-
anna í gjaldmiðlamálum, samskipti Íslands og
Alþjóðagjaldeyrisjóðsins og um Evrópusamband-
ið. Saman héldu þau blaðamannafund síðdegis.
Steingrímur sagði það ekki myndu vera ábyrgt
af íslenskum stjórnvöldum að skoða ekki vel alla
möguleika í gjaldmiðilsmálum landsins. Ráðherr-
ann hefur nefnt hugsanlegt samstarf við Noreg í
gegnum norsku krónuna. Halvorsen sagði norsk
stjórnvöld nú bíða eftir því að heyra hvaða leið
Íslendingar vilji reyna að fara. Ef óskir bærust til
þeirra um samstarf yrði málið skoðað.
Halvorsen bætti við að Norðmenn hefðu fylgst
lengi með stöðunni á Íslandi enda hafi landið aug-
ljóslega verið í sérstakri hættu vegna hins gríð-
arlega vaxtar í bankakerfinu. Steingrímur væri
alls ekki í öfundsverðu hlutverki sem fjármálaráð-
herra Íslands á þessum tímum. „Það finnast engar
ókeypis lausnir á þessum vanda,“ sagði Halvorsen.
- gar
Fjármálaráðherra Noregs bíður átekta eftir óskum Íslendinga í gjaldmiðlamálum:
Norðmenn vilja stöðugan nágranna
FJÁRMÁLARÁÐHERRAR ÍSLANDS OG NOREGS Svo vel fór á
með Steingrími J. Sigfússyni og Kristinu Halvorsen í gær að
þau mættu tuttugu mínútum of seint á eigin blaðamannafund
í Þjóðmenningarhúsinu. FRÉTTABLAÐIÐ/STEFÁN
Við höfum nú þegar beð-
ið í átta ár [...] Við verðum
að leyfa ferlinu fyrir dómnefnd-
um hersins að hafa sinn gang.
KIRK S. LIPPOLD
FYRRV. YFIRMAÐUR Á USS COLE
Auglýsingasími
– Mest lesið
Finnst þér að ljúka eigi við gerð
Tónlistarhússins í Reykjavík?
JÁ 60,5%
NEI 39,5%
SPURNING DAGSINS Í DAG:
Finnst þér ný ríkisstjórn fara vel
af stað?
Segðu skoðun þína á Vísir.is
STJÓRNMÁL Jón Magnússon
ætlar ekki að gefa kost á sér á
lista fyrir Frjálslynda flokkinn
að nýju. Hann segir öfl innan
flokksins, jafnvel starfsmenn
hans, hafa barist gegn sér.
Forysta flokksins hafi ekki
brugðist við þessu, né tekið undir
hugmyndir Jóns um uppbyggingu
í flokknum, svo sem að stofna
flokksfélög og halda í fundaher-
ferðir. „Menn þreytast bara á
þessu,“ segir Jón, sem útilokar
þó ekki frekari afskipti af stjórn-
málum. Formaður flokksins, Guð-
jón Arnar Kristjánsson, vill ekki
ræða brotthvarf Jóns, enda hafi
Jón ekki tilkynnt sér um það. - kóþ
Jón Magnússon þingmaður:
Fer ekki fram
fyrir frjálslynda
KJÖRKASSINN