Réttur - 01.01.1954, Side 20

20
RÉTTUR
og Ameríku. Og það dugar ekki að láta neina hleypidóma skilja
oss frá þeim, ef þeir vilja aðstoða oss í þessu sjálfstæðis- og lífs-
nauðsyn j amáli.
Sjálfstæðismálin eru þau mál, sem sósíalistisk verklýðshreyfing
íslands hlýtur að setja fremst allra stjórnmála, af þeirri einföldu
ástæðu að án þess að tryggja sjálfstæði landsins, getur alþýðan
ekki fengið að stjórna innri málum þess í þágu fólksins. Bann
hins ameríska auðvalds við brýnustu kjarabótum og hugðarmálum
alþýðu á undanförnum árum: bann við kaupgjaldshækkun, bann
við frjálsum húsbyggingum, bann við fullnægjandi lánastarfsemi,
bann við þjóðareign stóriðjufyrirtækja, bann við samstarfi annara
flokka við Sósíalistaflokkinn — öll þessi bönn hafa verið ólygnust
raunin um hvernig amerískt auðvald hefur reynt að ráða lögum
og lofum, boði og banni í landinu. En undan þunga þess almenn-
ingsálits, sem Sósíalistaflokkurinn mótar, undan þunga þess valds,
sem verklýðssamtökin eru, brotna bönnin hvert af öðru, unz
sjálf völd amerísks auðvalds yfir íslands bresta.
Frelsi íslands af erlendri hersetu, lausn þess úr hernaðarbanda-
lögum, frelsun þess undan yfirdrottnun erlends auðvalds, er
skilyrði þess að íslenzk alþýða fái í friði og með lýðræðislegum
hætti að ganga sínar eigin götur í þjóðmálum, fram til sameignar
þjóðarinnar á stóriðjufyrirtækjum og þýðingarmestu stofnunum
efnahagslífsins, samvinnu og samstarfs á öðrum sviðum atvinnu-
lífsins, fram til blómlegrár, þjóðlegrar menningar og öruggrar
lífsafkomu allra, fái að framkvæma hugsjón sósíalismans á sinn
hátt í friði fyrir afskiptum erlendra auðdrottna.
Átöh alþýðu við auðvaldið um
Alþingi og ríkisstjórn
Alþýðan er nú við hvert fótmál, sem hún stígur, að marka stefnu
sína á næstu árum og jafnvel áratugum, og er þá sérstök þörf
á að hún athugi vel afstöðuna til tveggja aðalþátta ríkisvaldsins,
Alþingis og ríkisstjórnar.
Ríkisvaldið er auðmannastéttinni nú í senn arðránstæki og
kúgunarvald. Sem arðránstæki er ríkisvaldið yfirstéttinni dýr-
mætara en allt auðmagn hennar. Hún hagnýtir vald sitt yfir
ríkinu, valdið yfir bönkum, útflutnings- og innflutningsverzlun,
fjárfestingarvaldið og alla einokunaraðstöðuna, til þess að gefa