Réttur - 01.01.1954, Page 35

RÉTTUR
35
Bandaríkjanna í hinu kalda stríði, þótt hverjum viti bornum manni
finnist slík viðskipti sjálfsögð, þegar hann hugsar um þau laus
undan áhrifunum frá galdratrú nútímans; Rússagrýlunni.
Það mætti því ætla að þegar svo langt væri komið að ríkis-
stjórn, studd af alþýðunni, væri mynduð á íslandi, myndi við-
skiptastefna hennar og vináttutengsl við allar þjóðir, er vináttu
vora vilja þiggja, heldur ekki valda neinum erfiðleikum innan-
lands.
En jafnframt slíkri almennri vináttu- og friðarstefnu, myndi
alþýðustjórn á íslandi, er lýsti landið hlutlaust, þarmeð skipa
því á bekk með vissum öðrum ríkjum í veröldinni, sem það þess-
vegna hlyti samstöðu með. Annað fjölmennasta ríki veraldar,
Indland, hefur þegar tekið slíka stefnu, auk þeirra ríkja í Evrópu,
sem slíkri stefnu fylgja. Vonandi bætist sameinað, friðsamt, lýð-
ræðissinnað Þýzkaland áður en langt um líður í þennan hóp. Og
þá myndu slík hlutlaus, friðsöm ríki allt frá Indlandi til Islands
mynda einskonar sóttkví friðarins um stríðsótt auðvald Ameríku,
þótt ekki hefðu þau neitt bandalag sín á milli.
Því fyrr sem ísland kvæði upp úr með slíka stefnu, því betra.
Því meiri yrði virðing vor meðal þjóða heims. Það hefði hæft
sögu vorri og glæsilegustu fyrirmyndum, það hefði sómt þjóð
Þorgeirs Ljósvetningagoða og Síðu-Halls að vera fyrstir til að
kveða sér hljóðs í þeim anda á alþingi þjóðanna.
Hagsmuna- og menningarbarátta
verkalýðsins
Hagsmunabarátta verkalýðsins tekur eðlilega á sig mikla breyt-
ingu við vaxandi áhrif verkalýðsins á ríkisstjórn og hlutverk verk-
lýðsfélaganna breytist á ýmsan hátt.
Ríkisstjórnir auðmannastéttarinnar hafa undanfarið haft þann
hátt á að nota sér ríkisvaldið til að eyðileggja með gengislækkun
eftir nokkurn tíma árangurinn af kaupgjaldsbaráttu verkalýðsins
og knýja hann þannig til nýrra kauphækkana — og nú er hótað
að svara þeim með nýrri gengislækkun.
Ástandið í þjóðfélaginu er þannig að auðmannastéttin hefur
ekki bolmagn til þess að standa á móti kaupkröfum verkalýðs-
ins, þegar hann stendur sameinaður um þær. Hún notfærir sér
hins vegar það ástand, að hún fer með ríkisvaldið, af því verka-