Réttur - 01.01.1954, Side 68

68
RÉTTUR
nýlenduþjóðum sitt hvað boðið, þegar maður er sjónar- og heyrn-
arvottur að því að stórveldum Evrópu er boðinn þvílíkur þjösna-
skapur í diplomatiskum samskiptum.
Enda sjást þess merki greiriileg að þessi mælir er að verða full-
ur. Bæði þetta ásamt öðrum viðbrögðum nýlendustórvelda heims-
ins eru fjörbrot skipulags sem komið er í andstöðu við eðlilega
þróun og er því að renna sitt lokaskeið. Þau hafa hlaðið glóðum
elds að höfði sér og hljóta þess að gjalda.
Við íslendingar erum ein minnsta þjóð veraldar. Þó stofnuðum
við lýðveldi fyrir 10 árum. í vor héldum við upp á 10 ára af-
mælið. Allt bar þess vott að þjóðinni þyki miður hafa tekizt en
skyldi. En þess skulum við minnast að það er undir okkur komið
hversu vel tekst að bæta þau mistök sem orðið hafa. En til þess
að við getum orðið liðsmenn í að bæta þau, þá verðum við að
skilja og meta réttilega þá atburði sem gerast í heiminum í kring-
um okkur og áhrif hafa á örlög okkar eigin þjóðar. Skilningur á
þeim er bezta skilyrðið til að átta sig á því hvað okkar eigin þjóð
er fyrir beztu, en skilningsleysi getur verið vísasti vegurinn til að
breyta svo að í fullri andstöðu sé við heill hennar í framtíðinni.