Réttur - 01.01.1954, Side 83

RÉTTUR
83
að arðrán og stéttaskipting séu grundvöllur borgaralegs þjóðfé-
lags og vestrænnar siðmenningar. Ef svo er, getur lýðræði ekki
þróazt í borgaralegu þjóðfélagi, það hlýtur að breytast í eins
konar villidýra samkundu. En gerum við okkur ljóst, að vest-
rænt lýðræði, sem við njótum í dag, er engin endanleg lausn á
vandamálum þjóðfélagsins, okkur beri að stefna að æðra marki,
þá skiljum við af hverju afturhaldsöflin þrástagast á hinni rúss-
nesku skelfingu. Til þess að hin gullna regla geti orðið að lífs-
lögmáli þjóða og einstaklinga, þarf að afnema bæði arðrán og
stéttaskiptingu. Rússar hafa gert það, að því er fróðir menn
telja, og skipti þeirra við ýmsar þjóðir, m.a. íslendinga og Ind-
verja, hafa orðið til þess, að vestrænir auðjöfrar missa stöð-
ugt stærri spæni úr aski sínum. í dag er heimsmálum þannig
háttað, að einn þriðji hluti heims hefur tekið upp samvirka
þjóðfélagshætti, einni þriðji er í hálfgerðum uppreisnarham
gegn auðdrottnum Vesturlanda, en Vesturlönd með Bandaríkin
að bakhjarli reyna að spyrna gegn broddunum og verja arðrán,
stéttaskiptingu og nýlendukúgun. Línumar í þessari togstreitu
hafa skýrzt með hverju árinu, sem líður. Böðlar nazista eru
nærfellt vaktir upp frá dauðum, og Frankó verður bráðlega
hetja vestræns lýðræðis og kristinnar siðmenningar, eins og
það heitir á máli auðvaldsins, ef svo heldur áfram sem nú
horfir.
Við heyrum stöðugt, að afturhaldið lætur sér tíðrætt um
nauðsyn þess að bjarga Vesturlöndum, en aðferðir þess við
björgunarstarfið minna fremur á vinnubrögð á geðveikrahæli
en störf heilbrigðra manna. Það barðist m.a. í sex ár gegn nazist-
um, en reynir svo að vekja þá upp frá dauðum, þegar það var
búið að ganga frá þeim. Það er til plagg, sem heitir erfðaskrá
Göbbels, en ég ætla ekki að fara að þreyta ykkur á að lesa það
hérna. Ég verð að segja það hreint eins og það er, að ég ber
ekkert traust til þessa björgunarstarfs auðvaldsins. Þótt þær
þjóðir, sem gátu það skipulag af sér, hafi e.t.v. drýgt meiri
glæpi en dæmi eru til í veraldarsögunni, þá fæ ég ekki skilið, að
drottinn hafi dæmt þær til að tortímast í alheimsbrjálæði, og