Réttur - 01.01.1954, Page 101

RÉTTUR
i
101
með því að leggja skipunum allan janúarmánuð, en verk-
fall sjómanna skyldi ekki hefjast fyrr en 1. febrúar. Það
var ekki fyrr en 17. febrúar að samningar tókust. Það
sem samið var um, jafngildir 6—7 aura hækkun á fiskverð-
inu miðað við s.l. ár, auk þess sem kauptrygging hækkaði
og ýms önnur fríðindi.
Sama dag tókust samningar milli matreiðslu- og fram-
reiðslumanna og farskipaeigenda. Kaup þeirra hækkaði um
allt að 36%. Hafði þá verkfall staðið nærri mánuð.
Kröfur opinberra starfsmanna um kauphækkun voru
orðnar svo háværar að ríkisstjórnin var knúin til að sinna
þeim nokkuð og afgreiddi Alþingi málið áður en því var
frestað. En framkvæmdin varð með endemum. Kaup hæst-
launuðu starfsmannanna hækkar um 10%, en þeirra lægst
launuðu aðeins 3%. Samkvæmt því verður árleg kaup-
hækkun hæsta flokksins samkvæmt launalögum yfir 5500
kr., en þess lægsta um 500 kr. eða nálægt 40 kr. á mánuði.
Þeir eru því að heita má jafnnær.
Nú eru verklýðsfélögin sem óðast að búa sig til baráttu
fyrir almennum kjarabótum. 1 ályktun Alþýðusámbands-
þings um þessi mál segir svo:
„24. þing Alþýðusambands íslands telur að á næstu tím-
um verði það höfuðverkefni alþýðusamtakanna að tryggja
stórum aukna hlutdeild vinnandi manna í tekjum þjóðar-
innar, með það lágmark fyrir augum að átta stunda vinnu-
• dagurinn nægi til mannsæmandi framfærslu meðalfjöl-
skyldu.“
19. janúar var haldin ráðstefna með verkalýðsfélögunum
í Reykjavík og við Faxaflóa. Á ráðstefnu þessari var sam-
þykkt ályktun með öllum greiddum atkvæðum gegn einu
þess efnis, að félögin teldu nauðsyn til bera að segja upp
samningum fyrir 1. febrúar til að knýja fram kjarabætur,
svo að tekjur 8 stunda vinnudags nægðu til mannsæmandi
framfærslu meðalfjölskyldu. Til þessarar ráðstefnu var
boðað af Alþýðusambandinu og Fulltrúaráði verkalýðsfé-
laganna í Reykjavík.