Réttur - 01.08.1985, Side 34

veigrar sér ekki við að grípa til augljósra
brota á alþjóðalögum til að tryggja
óskoruð yfirráð Bandaríkjanna. Árásirn-
ar á Nícaragúa eru eðlilegur þáttur þeirr-
ar stefnu Reagans að reyna ekki eingöngu
að hindra alþýðuuppreisnir heldur snúa
rás tímans við og gera að engu þá sigra sem
frelsis- og framfaraöflin hafa þegar unnið.
Alræði og lýðræði
Haustið 1984 var efnt til kosninga í
Nícaragúa. Þær voru haldnar rétt fyrir
forsetakosningar í Bandaríkjunum til að
gera Reagan erfiðara fyrir um beina íhlut-
un. Þessar kosningar fóru fram undir al-
þjóðlegu eftirliti m.a. frá Vestur-Evrópu-
ríkjum. Kosningaþátttakan var rúmlega
80 af hundraði og hlutu Sandinistar 60 til
70 af hundraði greiddra atkvæða eða
rúmlega helming atkvæða allra kjósenda.
í bandarísku forsetakosningunum aftur á
móti sá aðeins um helmingur kjósenda
ástæðu til að greiða atkvæði og þar af
hlaut Reagan um 60 af hundraði, þ.e.a.s.
að baki Reagan standa aðeins 30 af
hundraði bandarískra kjósenda. Þetta er
vert að hafa í huga áður en við skellum
skuldinni af glæpaverkum Bandaríkja-
stjórnar á bandarísku þjóðina í heild.
Sökudólgurinn er bandarískt einokunar-
auðmagn, það rekur báða flokkana, repú-
blikana og demókrata. Þetta er einnig
vert að hafa í huga þegar forseti banda-
ríska tvíflokkaalræðisins lætur móðann
mása um „alræðisöflin“ í Nícaragúa.
vcrður hér látið nægja að benda á að efst til vinsti
á síðu 110 átti ekki að standa „stjórnar Bandaríkj-
anna“ heldur „bandaríska hagkerfisins". Til að
árétta þetta betur fer hér á eftir myndatcxti sá seni
fylgja átti með ábúðarmikilli mynd af J. F.
Kennedy:
Orðaval þess margrómaða J. F. Kennedy var ann-
að en stríðsæsingamannsins Reagans. Samt sem
áður var það þessi dýrlingur sem sendi fyrstu banda-
rísku hcrmennina og flugmennina til Vietnam <>g
samþykkti þátttöku Bandaríkjanna í innrásartil-
raununum á Kiíbu. Yfirbragðið var annað en dugði
ekki til að dylja ásýnd heimsvaldastefnunnar, sem er
óaðskiljanlcgur fylgifískur bandaríska hagkerfísins.
LEIÐRÉTTING:
Því miður voru æðimargir hnökrar á fjórðu grein-
inni í þessum greinaflokki, scm birtist í síðasta hefti,
og eru lesendur beðnir velvirðingar á þeim mis-
tökum. Þar sem hnökrarnir eru flestir formlegs eðils
162