Réttur - 01.01.1986, Blaðsíða 10

leggja B.Ú.R. niður í lok maí 1985 bók-
aði Sigurjón Pétursson:
Augljóst er, að borgarstjórnarmeirihluti
Sjálfstæðisflokksins stefnir markvisst að
því að leggja Bœjarútgerð Reykjavíkur
niður.
Bœjarútgerðin var stofnuð til að skapa
verkafólki í Reykjavík atvinnuöryggi og
treysta framleiðsluatvinnugreinar í borg-
inni.
Frá stofnun B.Ú.R. hafa fjölmörg út-
gerðarfyrirtœki í Reykjavík í einkaeign
lagt upp laupana, þegar illa hefur árað að
mati eigenda, og verkafólk við það misst
atvinnu sína.
Pótt misjafnlega hafi árað, þá hefur
B. Ú.R. til þessa staðið afsér öll áföll og er
enn stærsta og öflugasta útgerðarfyrirtæk-
ið í borginni.
En þótt B.Ú.R. hafi getað staðið af sér
ytri áföll, þá er hœtta á að þessu merka
tímabili í atvinnusögu Reykjavíkur verði
brátt lokið vegna frjálshyggjudrauma
borgarstjórnarmeirihlutans.
Pegar er búið að selja tvo af togúrum
B. Ú. R. fyrir um 30 millj. kr. undir mark-
aðsverði hvorn, og þótt nú sé aðeins talað
um könnun á hagkvæmni þess að leggja
B.Ú.R. niður t núverandi mynd, þá tel ég
fullvíst, að það verður gert hvað sem það
kostar, eins og togarasölurnar benda ótví-
rætt til. Alþýðubandalagið mun berjast af
alefli gegn því að B. Ú. R. verði lögð niður
og heitir á allt verkafólk að taka þáitt í
þeirri baráttu.
Síðan var málið kannað og komist að
þeirri niðurstöðu, sem fyrirfram hafði
verið ákveðin, að rétt væri að sameina
B.Ú.R. og Isbjörninn. Öll vinnubrögð
við samningagerðina voru vítaverö „og
sem betur fer fátíö, ef ekki dæmalaus, í
okkar samfélagi" segir í ítarlegri bókun
allra minnihlutaflokkanna í borgarstjórn
við afgreiðslu samningsins um sameining-
una 7. nóvember.
Borgarstjórinn setti síðan kórónuna á
þessi afrek sín með því að taka sér vald til
að skipa sjálfur fulltrúa borgarinnar i
stjórn hins nýja hlutafélags eins og nefnt
var í upphafi þessarar greinar.
Heilsugæslan — Borgarspítalinn
Þegar Sjálfstæðismenn náðu völdum á
ný lá fyrir samkomulag við læknafélög og
fulltrúa ríkisvaldsins um framkvæmd
heilsugæslulaganna í Reykjavík. Það átti
að skipta borginni í heilsugæsluhverfi og
ráða starfslið til að annast heilsugæsluna.
Öll átti starfsemin að vera undir stjórn
heilbrigðisráðs borgarinnar til þess að
tryggja sömu þjónustu fyrir alla borgar-
búa, og sams konar heilsuverndarstarf-
semi í öllum hverfum. Sjálfstæðismenn
höfðu fánann hátt á lofti í málum heilsu-
gæslunnar í kosningabaráttunni 1982.
Pað átti ekki aðeins að koma liinu nýja
kerfi í framkvæmd heldur einnig byggja
yfir starfsemina.....koma upp einni
heilsugæslustöð á ári næstu 4 árin.“
Þegar á hólminn var komið eftir kosn-
ingarnar hófst undanhaldið. Borgarstjóri
lét það álit í Ijós að fyrirkomulagið hent-
aöi ekki í Reykjavík þó það væri brúklegt
annars staðar, og forystumenn Sjálfstæðis-
flokksins í heilbrigðismálum beygðu sig.
Heilbrigðisráðherra var fenginn til að
skipa nefnd til að finna betra og umfram
allt ódýrara skipulag, en nefndin komst
að þeirri niðurstöu að heilsugæslustöðvar
eins og lög gerðu ráð fyrir væru besta
fyrirkomulagið, og ekki væri hægt að
benda á annað jafngott og um leið ódýr-
ara. En tilgangi borgarstjóra var náð, það
hefur ekkert oröið úr framkvæmd heil-
brigðislaganna í Reykjavík á kjörtímabil-
10