Réttur - 01.01.1986, Qupperneq 22

gert? Ég held einmitt að við getum gert
mikið. Svo viil til, að við erum búsett í
landi, sem í hernaðarlegu tilliti er eitt hið
mikilvægasta á jörðinni. Það er á valdi
annars mesta herveldisins.
Og nú kem ég að tillögunni, sem ég
minntist á í upphafi. Hún er erindi mitt til
ykkar. Og hún er á þessa leið:
Ég legg til, að við segjum upp hervernd-
arsamningnum við Bandaríkin í samræmi
við uppsagnarákvæði hans. LJm leið til-
kynnum við, að samningar um endur-
skoðun hans komi því aðeins til greina,
að Bandaríkin hafi á tilskildum tíma sam-
ið um að eyðileggja öll kjarnorkuvopn
samkvæmt áætlun, banna framleiðslu
þeirra og sömuleiðis allan vígbúnað í
geimnum, og í nýjum samningi, ef til
kæmi, væri auk venjulegra uppsagnar-
ákvæða skýrt tekið fram, að hann félli úr
gildi jafnskjótt og þessar forsendur hans
brystu. Jafnframt segjum við okkur úr
NATO og losum okkur þar með við þær
skuldbindingar, sem aðildinni fylgja. Það
er fullkomlega raunhæft að setja slík skil-
yrði, því að hver sá sem hefur einhver
kynni af heimsmálunum og vill vita, veit
að það er á valdi Bandaríkjanna að gera
slíkan samning.
Við þessu gætu Bandaríkjamenn
brugðist á þrennan hátt: Þeir gætu orðið
við tilmælum okkar. Þeir gætu hafnað
þeim og farið burt með herinn og allt sitt
hafurtask. Og þeir gætu níðst á vopn-
lausri þjóð, beitt okkur valdi og setið hcr
kyrrir með vígtól sín í trássi við vilja
þjóðarinnar.
Hvern kostinn sem þeir veidu, mundi
þetta verða ómetanlegt framlag í baráttu
jarðarbúa fyrir kjarnorkuafvopnun. Að
sjálfsögðu munu margir svara því til, að
óraunsætt sé að gera ráð fyrir að þeir
veldu fyrsta og besta kostinn. Ef þeir
veldu annan kostinn, mundum við losna
við herinn og alla þá ógn, sem honum
fylgir. Ef þeir veldu síðasta kostinn, væri
það ekki einungis versti kosturinn fyrir
okkur heldur líka fyrir Bandaríkin sjálf.
En hvern kostinn sem þeir veldu,
mundi rödd íslands heyrast og bergmála
um alla heimsbyggðina. Og vegna þess
hvað hnattstaða okkar er mikilvæg,
mundi hún jafngilda rödd stórveldis. Ég
endurtek: Þetta yrði ómetanlegt framlag
í baráttu okkar og allra jarðarbúa fyrir lífi
sínu. Það mundi verða fordæmi fyrir aðr-
ar þjóðir og nafn Islands yrði nefnt með
virðingu og blessað af miljónum manna
víðsvegar um heim.
Nú geri ég mér engar vonir um að nú-
verandi stjórnvöld okkar muni leggja eyr-
un við þessari tillögu. En það er hægt að
skipta um valdhafa. I'átt heyrið þið oftar
í fjölmiðlum en hástemmt lof og dýrð um
lýðræðið, sem við búum við. Ef allt það
er rétt, sem sagt er um lýðræðið, þá eruð
það þið hlustendur góðir og aðrir sam-
landar ykkar, sem ráðið, þið eruð vald-
hafarnir. Þess vegna sný ég tali mínu til
ykkar. Ef þið fallist á tillöguna, þá getið
þið séð til þess, að hún verði tekin til greina
með því að kjósa þá eina til Alþingis, sem
skuldbinda sig til að fylgja henni. Og nú
bið ég ykkur að grannskoða samvisku
ykkar áður en þið gangið að kjörborðinu
næst, gera ykkur Ijóst hvaða vald þið
hafíð, hvers þið eruð megnug, ef þið
kunnið að beita því, og hvaða ábyrgð þið
takið á ykkur gagnvart þjóð ykkar og öllu
mannkyni, þegar þið greiðið atkvæði.
Það varðar líf okkar allra, að þið gerið
rétt. Margur trúaður maður hefur spurt
guö sinn ráða á kyrrlátum stundum, þótt
minna væri í húfí.