Morgunblaðið - 03.02.2006, Page 27

MORGUNBLAÐIÐ FÖSTUDAGUR 3. FEBRÚAR 2006 27
UMRÆÐAN
MIKLIR umbrotatímar eru fram
undan hér á Fljótsdalshéraði á kom-
andi misserum. Þar við bætist að
sveitarfélagið er ungt og enn að mót-
ast eftir sameiningu
öflugra sveitarfélaga.
Sveitarfélögum lands-
ins hefur verið að
fækka mjög á und-
anförnum árum og þau
um leið orðið stærri og
öflugri. Þetta hefur
gert það að verkum að
sveitarstjórnarstigið
er að eflast, þróast og
starfsumhverfið farið
að lúta nýjum lög-
málum. Þetta má
glöggt sjá í mikilvægi
þess að þau verða að
vera samkeppnishæf varðandi lífs-
gæði, búsetu, vaxtargetu og þróun
atvinnulífs.
Það er okkur íbúum Fljótsdalshér-
aðs afar mikilvægt að Sjálfstæð-
isflokkurinn haldi áfram styrkum
höndum um stjórnartaumana í sveit-
arfélaginu að loknum kosningum í
vor. Fram undan eru tímar stórra og
mikilvægra ákvarðana sem ráða
miklu um hvernig tekst til með
framtíðaruppbyggingu sveitarfé-
lagsins.
Brýnt er að við sjálfstæðismenn
komum með sterkum hætti að þeirri
þróun og sjáum til þess að sveitarfé-
lagið nýti þann slagkraft sem nú er til
staðar, ekki bara til þess að vera
samkeppnishæf heldur til þess að
vera í fararbroddi sveitarfélaga á
landsvísu varðandi búsetu og at-
vinnumál.
Almenningssamgöngur
Einn af megingrunnþáttum í sam-
keppnishæfni samfélaga eru sam-
göngumál og eru almennings-
samgöngur eðlilega einn þáttur
þeirra. Almenningssamgöngur eru
mikilvægur þáttur í uppbyggingu
sveitarfélaga og án vafa mikilvæg
samfélagsþjónusta sem
ástæða er að horfa til.
Sem formaður at-
vinnumálanefndar beitti
ég mér fyrir gerð könn-
unar í sveitarfélaginu
um þörf og ekki síður
möguleika á almenn-
ingssamgöngum. Könn-
unin var unnin af Þró-
unarstofu Austurlands
og liggur nú fyrir
skýrsla þeirrar vinnu og
er það óskandi að nið-
urstöður hennar gagnist
sveitarstjórn og öðrum er málið varð-
ar við að vinna og móta framtíðarsýn
fyrir þennan mikilvæga málaflokk.
Atvinnumál
Gríðarleg þensla er á vinnumark-
aðnum hér í sveitarfélaginu og hafa
meðallaun íbúa hækkað umtalsvert á
síðustu misserum. Rétt er þó að
gleyma sér ekki yfir fleytifullum
trogum góðæris og gætum þess að
sofna ekki ofan í herlegheitin. Vont
er að vakna eftir slíkan svefn. Það
tímabil sem við nú göngum í gegnum
á fyrst og fremst að nota til þess að
búa okkur undir komandi ár og koma
þannig í veg fyrir að síðbúnir veislu-
gestir, timburmenn, valdi teljandi
tjóni. Sveitarfélagið á að búa sig und-
ir að hlúa vel að atvinnulífinu á síð-
ustu metrum þeirra miklu fram-
kvæmda sem nú standa yfir.
Mikilvægt er að sveitarfélagið komi
ekki á nokkurn hátt að beinni íhlutun
í atvinnulífið, slíkar aðgerðir eru
fjarri því að vera farsælar. Brýnt er
að gera atvinnuumhverfið aðlaðandi
og ákjósanlegan valkost þeirra sem
vilja hefja atvinnurekstur. Horfa
verður til þess að sveitarfélagið getur
orðið heppilegur vettvangur til upp-
byggingar ýmissa atvinnutækifæra
vegna þess mikla mannauðs sem hér
mun vera til staðar í vertíðarlok.
Dreifbýlið á að vera sjálfsagður þátt-
ur að þessari uppbyggingu.
Landbúnaður
Afar mikilvægt er að hlúa að
bændasamfélaginu og gæta þess að
efla bjartsýni í hefðbundnum grein-
um landbúnaðarins. Umræðan í sam-
félaginu um sauðfjárbúskap hefur
ekki verið til þess fallin að byggja
upp það þor og þá bjartsýni sem ein-
kenna þarf allan atvinnurekstur.
Skilvirkasta leiðin til þess að eyði-
leggja atvinnurekstur er að draga
kjarkinn úr þeim sem hann stunda.
Mikilvægt er að horfa til nýrra hug-
mynda í þessum búskap og þá fyrst
og fremst í afurðamálum. Koma þarf
upp því framsækna sláturhúsi sem
undirritaður og fleiri gerðu að tillögu
sinni í vinnuhóp sem starfaði fyrir
nokkrum árum um sláturhúsamál.
Með þeim hugmyndum eigum við
möguleika á því að vera sveitarfélag í
fararbroddi nýrra tíma í sauðfjár-
búskap.
Spennandi tímar í einstöku sveitarfélagi
Eftir Þráin Lárusson
Þráinn Lárusson
’Afar mikilvægt er aðhlúa að bændasamfélag-
inu og gæta þess að efla
bjartsýni í hefðbundnum
greinum landbúnaðar-
ins.‘
Höfundur er skólameistari Hús-
stjórnarskólans á Hallormsstað
og sækist eftir 2.–3. sæti í prófkjöri
sjálfstæðismanna á Fljótsdalshéraði.
Prófkjör Fljótsdalshérað
ÞAÐ MÁ segja um lögreglu-
starfið að það sé í eðli sínu þjón-
ustustarf. Meginhlutverkin eru
m.a. að greiða götu almennings,
stemma stigu við af-
brotum og upplýsa
mál. Lögreglan leit-
ast við laga sig að
breyttum áherslum
og þörfum samfélags-
ins.
Ég hef starfað í
rúm 15 ár í lögregl-
unni, bæði sem al-
mennur lög-
reglumaður og
síðustu níu ár sem
rannsóknarlög-
reglumaður. Starfið
er í senn gefandi
og krefjandi en
segja má að við
komum nálægt
flestum hliðum hins
mannlega eðlis og
við allar mögulegar
aðstæður.
Með þátttöku
minni í prófkjöri
sjálfstæðismanna á
Seltjarnarnesi vil
ég bjóða fram þjón-
ustu mína og
reynslu. Mín
áherslumál eru
heill og öryggi fjölskyldunnar og
bendi ég á eftirfarandi atriði sem
vert er að huga að í náinni framtíð
fyrir bæjarfélagið.
 Umferðaröryggismál og um-
ferðaröryggisáætlun. Getum við
gert betur varðandi Nesveginn og
Suðurströnd?
 Göngustígar og opin svæði.
Huga þarf að betri lýsingu fyrir
okkar yngstu og elstu íbúa.
 Uppsetning eftirlits-
myndavéla, bæði hvað varðar um-
ferðaröryggi, við skólana og við
verslunarmiðstöðina. Eftirlits-
myndavélar geta gegnt marg-
þættu hlutverki. Eftirlitsvélar eru
tæki og öryggisúrræði sem okkur
ber að skoða með opnum huga því
við erum nánast alls staðar í
mynd, hvert sem við förum innan
borgarmarkanna, í
verslunum, bönkum,
sundlaugum o.s.frv.
 Hagkvæma nýt-
ingu ljósleiðaranets
bæjarfélagsins m.t.t.
fræðslu og öryggis
fyrir bæjarbúa.
 Heilsteypta og
raunhæfa forvarn-
arstefnu fyrir börn og
ungmenni með að-
komu og þátttöku for-
eldra, skóla og
íþróttafélagsins.
 Skipulagðar
kynningar á hinum
ýmsu sjálfsvarnarí-
þróttum fyrir ung-
lingsstúlkur í Val-
húsaskóla.
Sjálfsvarnaríþróttir
byggjast á aga, eru
holl hreyfing og efla
sjálfstraust.
 Tryggja að lög-
regluvarðstofa verði
áfram rekin á Eið-
istorgi. Breytt lands-
lag er fram undan í
löggæslumálum á
landsvísu. Tekið verði tillit til
þarfa og óska bæjarbúa. Nálægð
varðstofunnar er kostur og nauð-
synlegt að mati undirritaðs.
Öruggt umhverfi er grunnurinn
að lífsgæðum hverrar fjölskyldu.
Að fjárfesta í öryggi er fjárfesting
til framtíðar fyrir bæjarfélagið.
Til þjónustu
reiðubúinn
Eftir Ragnar Jónsson
Ragnar Jónsson
’Með þátttökuminni í prófkjöri
sjálfstæðis-
manna á Sel-
tjarnarnesi vil ég
bjóða fram þjón-
ustu mína og
reynslu.‘
Höfundur er rannsóknarlög-
reglumaður og býður sig fram í 5.
sæti í prófkjöri sjálfstæðismanna á
Seltjarnarnesi.
Prófkjör Seltjarnarnes