Morgunblaðið - 11.02.2006, Qupperneq 8

8 LAUGARDAGUR 11. FEBRÚAR 2006 MORGUNBLAÐIÐ
FRÉTTIR
Það er ég sem ræð, hún vinnur nú bara við þrif hjá einhverju útlensku fyrirtæki.
Samkeppniseftirlitiðhefur ákveðið aðnema úr gildi heim-
ild Bandalags íslenskra
leigubifreiðastjóra (BÍLS)
til þess að gefa út hámarks
ökutaxta leigubifreiða frá
og með 1. maí næstkom-
andi og frá sama tíma er
hvers kyns samráð um
ökutaxta ólögmætt. Tals-
maður leigubifreiðastjóra
óttast að með ákvörðun-
inni sé frumskógalögmálið
innleitt á markaði leigubif-
reiða.
Um margra ára skeið
hefur Bandalag íslenskra leigubif-
reiðastjóra gefið út hámarks öku-
taxta fyrir leigubifreiðar og hafa
verðbreytingar á töxtunum verið
háðar samþykki samkeppnisyfir-
valda og áður verðlagsyfirvalda, en
hér á árum áður voru margvísleg-
ar verðákvarðanir háðar samþykki
verðlagsyfirvalda. Að auki gilda
sérstök lög og reglugerðir um
akstur leigubifreiða og er akstur
þeirra háður leyfum sem Vega-
gerðin hefur umsjón með útgáfu á,
en áður gegndi samgönguráðu-
neytið því hlutverki. Sambæri-
legar reglur giltu um akstur sendi-
bifreiða hér á árum áður en þær
reglur voru afnumdar fyrir nokkru
síðan.
Þetta er rakið að nokkru í
ákvörðun samkeppnisráðs af
þessu tilefni. Er vísað til ákvæða
samkeppnislaga og markmiðs
þeirra um að efla virka samkeppni
meðal annars með því að vinna
gegn óhæfilegum hindrunum og
takmörkunum á atvinnurekstri.
Segir að ástæður þess að ökutaxt-
ar leigubifreiða stóðu eftir þegar
verðlagsákvæði voru að mestu af-
numin á níunda áratug síðustu ald-
ar megi rekja til þess lagaum-
hverfis sem leigubílaakstur hafi
búið við, en þar sé meðal annars
um að ræða svæðisbundnar tak-
markanir á fjölda atvinnuleyfa í
leiguakstri. Hafi Samkeppnis-
stofnun lagst gegn samþykkt lag-
anna, enda fari ákvæði laga um
leigubifreiðar, svo sem vegna að-
gangstakmarkana, gegn markmiði
samkeppnislaga, en miðstýrð verð-
lagning feli ávallt í sér takmörkun
á samkeppni.
Tryggir hagsmuni neytenda
Með vísan til alls þessa og ný-
gerðra breytinga á atvinnu- og
gjaldsvæði leigubifreiða þegar höf-
uðborgarsvæðið og Suðurnes voru
sameinuð í eitt svæði muni Sam-
keppnieftirlitið hætta afskiptum af
ökutöxtum leigubifreiða. Er gefinn
aðlögunarfrestur til 1. maí þegar
hámarkstaxtinn fellur úr gildi. „Að
mati Samkeppniseftirlitsins er
aukin samkeppni til þess fallin að
tryggja hagsmuni neytenda á
markaði fyrir þjónustu leigubif-
reiða,“ segir síðan. Er jafnframt á
það bent að af framangreindu leiði
„að þeim sem reka leigubifreiðar
og leigubifreiðastöðvum verður
samkvæmt þessari ákvörðun
óheimilt eftir 1. maí nk. að hafa
hvers kyns samráð eða samvinnu
um verð og viðskiptakjör þegar
beinum afskiptum samkeppnisyf-
irvalda af ökutöxtum leigubifreiða
lýkur.“
Frumskógarlögmálið
Hjalti Hafsteinsson, sem sæti á í
stjórn Frama, einu af þremur fé-
lögum leigubifreiðastjóra á höfuð-
borgarsvæðinu, sagðist reikna
með að þessari ákvörðun Sam-
keppniseftirlitsins yrði skotið til
Áfrýjunarnefndar samkeppnis-
mála, fyrst og fremst til að fá end-
anlega úr málinu skorið. „Eins og
þetta lítur út í fljótu bragði frá
okkar bæjardyrum séð býður
þetta bara einhverjum frumskóg-
arlögmálum heim,“ sagði hann
ennfremur.
Hann sagði að ákvörðunin þýddi
það að taxtamyndun leigubifreiða
yrði frjáls og í rauninni væri um að
ræða 560 lítil fyrirtæki sem hvert
um sig gæti ákveðið sitt verð og því
ótal verð verið í gangi á sama tíma.
Aðspurður sagði hann að þetta
gæti til að mynda þýtt það að mis-
munandi taxtar yrðu í gildi á næt-
urnar um helgar eða um miðjan
dag í miðri viku. Í raun gæti þetta
þýtt hvað sem er. Þannig gætu
sumir átt eftir að hækka sig frá því
sem nú væri og aðrir að lækka sig.
„Þú ferð heim til þín í kvöld og það
kostar þúsund kall, en kvöldið eftir
kostar það þrjú þúsund kall.
Frjálsræði er kannski ekki alltaf af
hinu góða,“ sagði Hjalti ennfrem-
ur.
Hann sagði að afsláttarkerfi í
leigubifreiðaakstri yrði einnig í
uppnámi vegna þessa. Þetta væri
ekki heppileg niðurstaða. Ef til vill
væri hann að mála myndina of
dökkum litum, en leigubifreiða-
stjórar hefðu virkilegar áhyggjur
af þessum breytingum. Þeir hefðu
líka áhyggjur af því að næsta skref
yrði að afnema leyfisveitingar
vegna leigubifreiðaaksturs. Slíkt
hefði til dæmis verið reynt í Sví-
þjóð með slæmum árangri, því það
hefði haft það í för með sér að allt
hefði fyllst af miður vönduðum
mönnum í að aka fólki. Það hefði
einnig verið fellt í London að fara
þessa leið að afnema taxtastýringu
á svörtu leigubifreiðunum. Annað
gilti um aðrar leigubifreiðir þar í
borg, enda væru svörtu leigubíl-
arnir þeir einu þar sem væru með
sýnilega mæla. Það væri þó að
breytast og taka ætti upp mæla í
þeim á einhverju árabili, sam-
kvæmt þeim upplýsingum sem
hann hefði.
Fréttaskýring | Samkeppniseftirlitið
Hámarkstaxt-
ar afnumdir
Býður frumskógalögmálinu heim, segir
talsmaður leigubifreiðastjóra
Hámarkstaxtar afnumdir frá 1. maí.
560 leyfi til leigubílaakst-
urs á Suðvesturlandi

Samtals um 560 leyfi til leigu-
bifreiðaaksturs eru í gildi á höf-
uðborgarsvæðinu og Suð-
urnesjum, samkvæmt gildandi
lögum og reglugerðum settum á
grundvelli þeirra, 520 á höf-
uðborgarsvæðinu og 40 á Suð-
urnesjum. Að jafnaði geta legið
inni um fjörutíu leyfi hverju
sinni, þannig að virk leyfi til
aksturs eru um 520 á svæðinu.
Leyfum hefur heldur fækkað síð-
ustu árin.
Eftir Hjálmar Jónsson
hjalmar@mbl.is
GOLF á Íslandi nefnist sýning sem IceExpo
og Golfsamband Íslands gangast fyrir um
helgina á Hótel Nordica. Þar munu um 30
fyrirtæki sýna búnað fyrir kylfinga, menn
geta reynt sig við að pútta og í golfhermi auk
þess sem ráðstefna verður haldin í tengslum
við sýninguna þar sem kennir ýmissa grasa.
Síðast en ekki síst mun brellumeistarinn
David Edwards sýna listir sínar.
Edwards sýndi blaðamönnum listir sínar í
gær og er óhætt að segja að þar sé á ferðinni
„kylfingur“ sem enginn vill missa af. Settið
hans er heldur óvenjulegt, mikið um hinar
furðulegustu kylfur sem hann notar í sýning-
unni. Hann notar kylfur sem eru bognar,
kylfur sem eru þriggja metra langar, fær
áhorfendur til að leggjast niður með tí í
munninum og slær boltann þannig auk þess
sem hann notar sérstakt járn til að slá þrjá
bolta í einu. Einnig notar hann eina trékylfu
til að slá bolta með því að kasta þeim upp í
loftið og slá þá þannig, ekki ósvipað og í kíló í
gamla daga. „Ég get slegið boltann um 200
metra með þessari aðferð,“ sagði hann við
þetta tækifæri.
Vinsæll skemmtikraftur
Aðspurður um hvort venjulegir kylfingar
gætu lært eitthvað af því að fylgjast með
honum slá hin furðulegustu högg sagði hann
svo vera: „Þetta snýst allt um mýkt og hraða
í sveiflunni, alveg eins og í venjulegu golfi,“
segir hann og ætti að þekkja það því hann
lék á evrópsku mótaröðinni áður en hann
sneri sér að sýningum sem þessari. Hann er
vinsæll skemmtikraftur því á síðasta ári var
hann með 50 sýningar víðs vegar um heim og
sagði hann að allt útlit væri fyrir að meira
yrði að gera hjá honum í ár.
Sýningin, sem ber yfirskriftina Þín íþrótt
– þín sýning, opnar klukkan 11 árdegis í dag
og á morgun og stendur til klukkan 17 báða
dagana. Edwards mun halda tvær sýningar
hvorn dag, klukkan 12.30 og 16.30.
Á ráðstefnunni, sem hefst klukkan 13.15 í
dag, verður fjöldi framsöguerinda í ýmsum
sölum hótelsins og má sem dæmi nefna að
Nick Edmund, framkvæmdastjóri Faldo De-
sign, ræðir möguleika á uppbygginu alþjóða-
golfvallar hér á landi, rætt verður um nám í
golfvallafræðum, um uppbyggingu afreks-
þjálfunar og hvort nóg sé að kaupa dýrustu
græjurnar og láta mæla sveifluna í nýjustu
tækjum til að ná árangri.
Brellumeistari sýnir listir sínar á golfsýningu
Slær þrjá bolta í einu
Eftir Skúla Unnar Sveinsson
skuli@mbl.is
Morgunblaðið/Ásdís
David Edwards mun sýna listir sínar með hinum ýmsu áhöldum.