Morgunblaðið - 11.02.2006, Blaðsíða 77

MORGUNBLAÐIÐ LAUGARDAGUR 11. FEBRÚAR 2006 77
ÍTALSKA tískuhúsið Versace opn-
aði verslun sína við Fifth Avenue í
New York á ný í vikunni eftir um-
fangsmiklar endurbætur.
Fræga fólkið fjölmennti í veislu
í tilefni opnunarinnar en Donatella
Versace stóð fyrir glæsilegum
kvöldverði. Stjörnurnar eru enn
fleiri í borginni en venjulega út af
tískuvikunni.
Á meðal þeirra sem mættu á
staðinn voru Benicio Del Toro,
Nicolas Cage, Dita von Teese,
Kate Hudson, Jennifer Lopez,
Heather Graham, Naomi Campbell
og Halle Berry.
Tíska | Versace opnar glæsilega verslun í New York
Stjörnurnar
fjölmenntu
AP
Blaðamennirnir veittu K
ate Hudson mikla athyg
li.APVinkonurnar Jennifer Lopez og Donatella Versace.
HJÖRTUR Haraldsson Blöndal hef-
ur verið að fást við sköpun tónlistar
og myndbanda síðan 1974, þegar
hann gaf sjálfur út
sína fyrstu plötu.
Hann er búsettur í
Kaupmannahöfn og
síðan árið 2000 hef-
ur hann gefið út 13
geisladiska, sem
verður að teljast afrek út af fyrir sig.
Enn eftirtektarverðara er að átta
þessara diska komu út í fyrra. Andinn
er óneitanlega yfir Hirti þessa dag-
ana og því forvitnilegt að rýna nánar í
hans nýjustu afurð, Piano IV, sem
kom út 22. janúar síðastliðinn.
Það sem kemur fyrst á óvart, veru-
lega á óvart, er hve mikið er af stefj-
um úr áður sömdum lögum poppsög-
unnar sem er náttúrlega með öllu
ótækt. Það væri ekki nema ef Hjörtur
hefði búið á fjöllum, langt frá allri sið-
menningu, sem hann kæmist upp
með að skella stefi úr Bítlalagi, öðru
úr U2-lagi og enn öðru úr Bangles-
lagi í tónlist sína, og hefði hann þá
getað skýlt sér á bak við það að hann
hefði einfaldlega aldrei hlustað á
neina tónlist áður. Þetta verður til
þess að hlustandinn hættir að lokum
að hlusta á tónlistina hans, því hann
er upptekinn við að reyna að finna úr
hvaða lagi stefin eru.
Það gæti vissulega verið skemmti-
legur partíleikur: „Þekkið stefin!“, en
ég held ekki að það sé sú skemmtun
og gleði sem Hjörtur vill að hlustand-
inn fái af geisladisknum.
Í upplýsingum sem fylgja disknum
kemur fram á honum sé hugleiðslu-
eða nýaldartónlist, en ég er þó ekki
svo viss um að hann henti vel til
mannræktar. Vel má vera að potta-
blóm sem spyrja ekki of margra
spurninga þrífist og dafni við píanó-
tóna Hjartar. Einnig væri athugandi
að spila diskinn fyrir kýr til að bæta
nytina í þeim, en menn þurfa eitthvað
bitastæðara til að næra sína sál.
Engan veginn á að slaka á kröfum
um frumleika þótt um hugleiðsludisk
sé að ræða og ef eitthvað er þá þarf
slík tónlist að vera í hærri gæðaflokki
en hefðbundin popptónlist. Það á jú
að vera tónlistin sem hjálpar fólki að
slaka á og gleyma sér, og áhyggjum
sínum, í amstri hversdagsins.
Hjörtur segir í texta sem fylgir
með disknum að lögin séu rómantísk
og grípandi og það er í raun hárrétt.
Þau eru grípandi því maður hefur
heyrt þau öll áður. Það eru því mikil
vonbrigði að annars mjög vel spilaður
og útsettur diskur skuli ekki rista
dýpra en þetta.
Vonandi heldur Hjörtur áfram að
semja tónlist en vandar betur til laga-
smíðanna svo manni finnist ekki að
maður sé að hlusta á endurunnið efni.
Hugleiðslu-
tónlist fyrir
pottablóm
TÓNLIST
Geisladiskur
Hjörtur Blöndal semur öll lög og leikur á
öll hljóðfæri. Hann stýrði einnig upp-
tökum, hljóðblöndun og gerð frum-
eintaks. Gefið út af Around The Corner
Records í Kaupmannahöfn.
Hjörtur - Piano IV

Ragnheiður Eiríksdóttir