Morgunblaðið - 19.04.2006, Blaðsíða 6
6 MIÐVIKUDAGUR 19. APRÍL 2006 MORGUNBLAÐIÐ
FRÉTTIR
BJÖRN Bjarna-
son dóms- og
kirkjumálaráð-
herra skipaði í
gær sr. Skúla
Sigurð Ólafsson
í embætti sókn-
arprests í Kefla-
víkurprestakalli.
Umsóknar-
frestur rann út hinn 15. febrúar
síðastliðinn og embættið veitist
frá 1. maí næstkomandi. Tíu um-
sækjendur voru um embættið.
Valnefnd skipuðu fimm fulltrú-
ar úr prestakallinu auk vígslu-
biskupsins í Skálholti. Ekki náðist
samstaða um val í Keflavíkur-
prestakalli en meirihluti valnefnd-
ar í prestakallinu mælti með sr.
Skúla Sigurði Ólafssyni, segir í
fréttatilkynningu.
Þar sem ekki náðist samstaða
er málinu vísað til biskups Ís-
lands, samkvæmt starfsreglum
um presta nr. 735/1998, 18. og 19.
gr. Biskup Íslands lagði til við
ráðherra að sr. Skúli Sigurður
Ólafsson yrði skipaður sókn-
arprestur í Keflavík. Dóms- og
kirkjumálaráðherra skipar í emb-
ættið til fimm ára samkvæmt 40.
gr. laga nr. 78/1997.
Sr. Skúli Sigurður Ólafsson
lauk embættisprófi í guðfræði ár-
ið 1996 frá HÍ og var vígður
prestur við Ísafjarðarprestakall
vorið 1997. Hann var skipaður
prestur Íslendinga í Svíþjóð með
aðsetur í Gautaborg vorið 2000.
Hann hefur stundað framhalds-
nám við Gautaborgarháskóla og
guðfræðideild Háskóla Íslands.
Sr. Skúli er settur sóknarprestur
á Ísafirði.
Sr. Skúli
Sigurður
skipaður
sóknarprestur
STÝRIHÓPUR félagsmálaráðherra um íbúða-
lánamarkaðinn telur rétt að þróa hlutverk
Íbúðalánasjóðs í átt til hlutverks bakhjarls, eða
svonefnds íbúðabanka á íbúðamarkaði, að því er
fram kemur í áfangaáliti hópsins, sem kynnt var
á ríkisstjórnarfundi í gær. Samkvæmt því myndi
nýr íbúðabanki bjóða bönkum og sparisjóðum að
veita lán samkvæmt skilmálum sínum. Þar með
myndu bankar og sparisjóðir fara alfarið með af-
greiðslu lána íbúðabankans og þjónustu við ein-
staklinga. Lánaskilmálar bankans eigi þó m.a. að
tryggja að lántakendur geti áfram fengið lán á
sömu kjörum, óháð búsetu og félagslegri stöðu.
Jón Kristjánsson félagsmálaráðherra hefur
falið stýrihópnum að vinna áfram að tillögum
sínum og skila þeim endanlega fyrir 1. júní nk.
Sæunn Stefánsdóttir, aðstoðarmaður ráðherra,
segir að þá verði hin endanlega pólitíska ákvörð-
un tekin um framtíð Íbúðalánasjóðs. Í kjölfarið
verði lagt fram frumvarp á Alþingi, þ.e. næsta
haust.
Eigi rétt á góðum lánum
Hópurinn var skipaður hinn 21. febrúar sl. og
var falið að efna til víðtæks samráðs um hlutverk
og aðkomu stjórnvalda að íbúðalánamarkaðin-
um. Í áliti hópsins segir m.a. að hann leggi
áherslu á að tryggt verði að almenningur í land-
inu eigi áfram rétt á eins góðum lánum til langs
tíma og á eins góðum kjörum og kostur er. Auk
þess telur hópurinn mikilvægt að aðgangur að
lánafyrirgreiðslu verði áfram án tillits til búsetu
eða félagslegrar stöðu.
„Stýrihópurinn bendir á að núverandi kerfi
byggist á ríkisábyrgð á öllum skuldbindingum
Íbúðalánasjóðs. Slíkt kerfi felur því í sér ríkisað-
stoð við Íbúðalánasjóð, en hún hefur verið talin
réttlætanleg af Eftirlitsstofnun EFTA í ljósi sér-
stakra aðstæðna á íbúðalánamarkaði hér á landi.
Æskilegt er að þróa íbúðalánakerfið með þeim
hætti að dragi úr almennri ábyrgð ríkisins að
þessu leyti, en að þess í stað verði ríkisaðstoð
beint að því tryggja að markmið stjórnvalda, um
framboð íbúðalána með sömu kjörum um allt
land óháð félagslegri stöðu, nái fram að ganga.“
Í álitinu segir að hópurinn telji í þessu ljósi því
rétt að þróa hlutverk Íbúðalánasjóðs í átt til
hlutverks bakhjarls, íbúðabanka, á íbúðamark-
aði. „Þróa þarf nýtt kerfi sem hafi það hlutverk
að vera bakhjarl fyrir lánveitingar til almenn-
ings og myndi auka á fjármálalegan stöðugleika,
styðja við samkeppni á íbúðalánamarkaði,
tryggja jafnræði í aðgangi landsmanna að hús-
næðislánum og draga úr notkun ríkisábyrgða í
húsnæðislánakerfinu.“
Stýrihópinn skipa Ármann Kr. Ólafsson, að-
stoðarmaður fjármálaráðherra, Jóhann G. Jó-
hannsson, sviðsstjóri hjá Íbúðalánasjóði, og Sig-
urjón Örn Þórðarson, fyrrverandi aðstoðar-
maður félagsmálaráðherra og formaður hópsins.
Áfangaálit stýrihóps félagsmálaráðherra um íbúðalánamarkaðinn
Nýr íbúðabanki verði
bakhjarl á íbúðamarkaði
Eftir Örnu Schram
arna@mbl.is
Tjónvaldar í umferðinni
Um 72%
endurkrafna
vegna ölvun-
araksturs
ENDURKRÖFUNEFND vegna
umferðarmála bárust samtals 70
ný mál til úrskurðar í fyrra. Af
þeim samþykkti nefndin endur-
kröfu að öllu leyti eða að hluta í 66
málum.
Hæsta einstaka endurkrafan í
fyrra nam 1,8 milljónum króna og
þær tvær sem næst komu námu
tæpum 1,7 milljónum. Alls voru
níu endurkröfur að fjárhæð hálf
milljón eða meira. Endurkröfurnar
í fyrra námu samtals tæplega 20
milljónum og er þá einnig tekið til-
lit til viðbótarendurkrafna í eldri
málum.
Ástæður endurkröfu eru lang-
oftast ölvun tjónvalds, þ.e. í 49 til-
vikum (72%) í fyrra. Lyfjaneysla
var ástæða endurkröfu í einu til-
viki. Í tólf málum voru ökumenn
endurkrafðir sökum ökuréttinda-
leysis. Endurkröfur voru gerðar til
þriggja ökumanna vegna beins
ásetnings og vegna stórkostlega
vítaverðs aksturs eða glæfraakst-
urs voru þrír ökumenn einnig end-
ururkrafðir. Í sumum málum geta
ástæður endurkröfu verið fleiri en
ein.
Í þessum 66 málum voru karlar
48, en konur voru 18 (27%) af hin-
um endurkröfðu tjónvöldum. Hlut-
ur kvenna í málum af þessu tagi
hefur farið nokkuð vaxandi á síð-
ustu árum. Á árinu 1992 var þátt-
ur kvenna þannig einungis um
14%. Ökumenn, 25 ára og yngri,
áttu hlut að 42% mála í fyrra.
Í endurkröfunefnd sitja Helgi
Jóhannesson, formaður, Andri
Árnason og Sigmar Ármannsson.
♦♦♦
Morgunblaðið/Júlíus
FRAMKVÆMDIR eru í fullum
gangi við Skarfabakka, sem er
vestan athafnasvæðis Eimskips í
Sundahöfn. Verið er að leggja
lokahönd á verkið og er vonast til
að Skarfabakki verði tilbúinn í
maímánuði áður en skemmti-
ferðaskipin gera vart við sig, en
meðal annars er gert ráð fyrir að
þau leggist þar að bryggju þegar
þau eru í höfn hér. Búið er að reka
niður tæplega hálfs kílómetra stál-
þil og er unnið að frágangi þess.
Að auki verður bakkinn notaður til
almennra vöruflutninga, en Eim-
skip, BYKO og Hampiðjan hafa
fengið úthlutað lóðum ofanvert við
Skarfabakka.
Nýr við-
legukantur
skemmti-
ferðaskipa
NEMENDUR á allflestum skólastig-
um eru nú komnir á fullt við und-
irbúning fyrir vorprófin sem eru á
næsta leiti. Eftir langan og strangan
upplestur flykkjast ungmennin svo
út á vinnumarkaðinn og ljóst er að
fyrirtæki taka þessu aukna vinnu-
afli fegins hendi en sjaldan hafa ver-
ið jafn mörg störf í boði.
Hjá Vinnumiðlun ungs fólks
(VUF), sem sér um að taka við um-
sóknum vegna sumarstarfa fyrir 17
ára og eldri hjá Reykjavíkurborg,
hafa um 1.900 umsóknir borist í ár –
en síðasti dagur til að sækja um er
næsta föstudag. Eru það töluvert
færri umsóknir en bárust í fyrra en
þá sóttu um 2.600 manns um, sem er
sambærilegt við árið 2004.
Selma Árnadóttir, forstöðumaður
hjá VUF, segir fækkunina benda til
þess að fólk sæki um og fái störf
annars staðar. Hún telur því að
meira sé um störf á almennum
vinnumarkaði fyrir nemendur í
framhaldsskóla en undanfarin ár en
útilokar ekki að fleiri umsóknir ber-
ist á næstu dögum.
Reikna má með að um 1.200 ein-
staklingar fái störf í gegnum VUF
og er það svipað og í fyrra.
Í boði hjá VUF eru m.a. sum-
arstörf hjá Vinnuskóla Reykjavíkur,
Leikskólum Reykjavíkur, Jafningja-
fræðslunni, íþrótta- og tóm-
stundasviði, hverfamiðstöðvum
framkvæmdasviðs, í garðyrkju og
sorphreinsun hjá umhverfissviði, á
Borgarbókasafni, Árbæjarsafni,
leiðbeinendastörf hjá Vinnuskól-
anum, í þjónustumiðstöðvum, sam-
býlum, heimaþjónustu og fleira.
Svipuð staða og á síðasta ári
Hjá Stúdentamiðlun Félags-
stofnunar stúdenta eru um 300 há-
skólastúdentar á skrá og fer fjölg-
andi dag frá degi, segir Hanna
María Jónsdóttir rekstrarstjóri.
Hún segir stöðuna í atvinnumálum
stúdenta mjög svipaða og á síðasta
ári. Margir vilji vera búnir að klára
þessi mál og skrá sig í gagnagrunn-
inn áður en próflestur hefst og mið-
ast sá tími venjulega við páska. Eftir
páska fara svo fyrirtækin af stað
fyrir alvöru að leita eftir starfsfólki.
Á vef Stúdentamiðlunar geta ís-
lenskir námsmenn og erlendir
námsmenn á Íslandi skráð sig og
leita mörg fyrirtæki í gagnagrunn-
inum að starfsfólki í stað þess að
setja inn auglýsingu. Segir Hanna
María það fyrirkomulag hafa gefist
mjög vel og eru stúdentar almennt
mjög ánægðir með það.
Aðspurð hvort kröfur stúdenta
hafi breyst á undanförnum árum
segir Hanna María að meira sé um
að þeir vilji störf sem krefjast há-
skólabakgrunns. „Við finnum al-
mennt fyrir því að fólk hugsar svona
meira um að störf sem það er vinna
á sumrin komi sér vel á ferilskránni.
Stúdentar reyna að velja sér störf
sem falla vel að náminu og koma sér
vel til lengri tíma litið.“
Aðspurð hvort meira sé leitað eft-
ir einum hópi nemenda frekar en
öðrum segir Hanna María það vera
mjög jafnt á milli hópa í ár. Í fyrra
hafi mikið verið sóst eftir nem-
endum með reynslu eða menntun í
bókhaldi eða bókasafns- og upplýs-
ingafræðum en enginn einn hópur
standi upp úr í ár. „Núna er til-
tölulega gott atvinnuástand og við
njótum þess að hafa marga stúdenta
í boði fyrir þau fyrirtæki sem eru að
leita,“ segir Hanna og bendir á að
það hafi gerst og ætla megi að ger-
ist í ár að stúdentum á skrá snar-
fækki eftir fyrstu tvær vikurnar í
maí. „Við höfum því mælst til þess
að fyrirtækin séu fyrr en seinna á
ferðinni með störf sem þau hafa í
boði.“
Ungu fólki reynist auðvelt að ráða sig í sumarstörf og færri sækja um hjá borginni
Fleiri störf í boði á almennum markaði
Morgunblaðið/ÞÖK
Mikið virðist vera í boði fyrir ungmenni sem leita að sumarstörfum í ár.
Eftir Andra Karl
andri@mbl.is