Morgunblaðið - 19.04.2006, Qupperneq 48
Fiskeldi verður eflt og
heldur áfram í Mjóafirði
ODDEYRI, dótturfélag Sam-
herja, hefur ákveðið að draga
minna úr umsvifum sínum í fisk-
eldi hérlendis en áður var ætlunin
og auka hlut sinn í eldi á bleikju
og lúðu. Þetta var ákveðið í fram-
haldi af ákvörðun ríkisstjórnar-
innar um aðgerðir til að bæta
rekstrarumhverfi fiskeldis. Odd-
eyri mun m.a. taka yfir tilrauna-
framleiðslu Síldarvinnslunnar á
þorski í gegnum Sæsilfur í Mjóa-
firði og efla hana þar. Eins er
stefnt að því að setja út laxaseiði í
Mjóafirði vorið 2007.
„Þetta mælist vel fyrir hér í
Mjóafirði,“ sagði Sigfús Vil-
hjálmsson, útvegsbóndi, oddviti
og hreppstjóri á Brekku. „Þetta
eru mjög góðar fréttir og sérstak-
lega að þeir ætla að koma með
þorsk líka, jafnframt laxinum.
Það er örugglega til bóta að fjölga
stoðunum undir rekstrinum.“
Sem kunnugt er var sagt upp
starfsmönnum í Mjóafirði þegar
Sæsilfur ákvað að draga saman
seglin þar. Aðspurður sagðist
Sigfús ekki hafa heyrt hvort þess-
ar uppsagnir yrðu látnar ganga til
baka og þá hvenær.
„Þetta er stóriðja, bæði eldið
hér í Mjóafirði og svo slátrunin í
Neskaupstað. Varan er flutt út og
fer mikið með Norrænu. Svo má
nefna að næturnar úr kvíunum
eru þvegnar í netagerðinni á
Reyðarfirði og þar er einnig um-
búðaverksmiðja sem útbýr kass-
ana undir afurðirnar. Það er
geysimikið í kringum svona lag-
að.“
Sigfús sagði að þegar fréttir
bárust af ákvörðun um endalok
fiskeldis í Mjóafirði hefði verið
haft samband við æðstu ráða-
menn landsins og forystumenn
Samherja. Hann sagði að Smári
Geirsson, forseti bæjarstjórnar
Fjarðabyggðar, hefði unnið gríð-
arlega mikið að lausn vandans.
„Smári á miklar þakkir skildar
og rúmlega það. Eins Þorsteinn
Már Baldvinsson, forstjóri Sam-
herja, sem einnig hefur unnið
mikið að þessu og sýnt mikinn
áhuga á að leysa málið. Þökk sé
þeim og öllu því góða fólki sem að
þessu kom,“ sagði Sigfús. „Ég
segi bara eins og mamma sagði
svo oft: Láti Guð á gott vita.““
Mjög góðar fréttir að sögn Sigfúsar Vilhjálmssonar, oddvita og útvegsbónda
Eftir Guðna Einarsson
gudni@mbl.is
Sigfús Vilhjálmsson á Brekku.
Úr verinu
ÁSKRIFT-AFGREIÐSLA 569 1122 MIÐVIKUDAGUR 19. APRÍL 2006 VERÐ Í LAUSASÖLU 220 KR. MEÐ VSK.
ENDURSKOÐUN
REIKNINGSSKIL
SKATTAR / RÁÐGJÖF
www.ey.is
TVISVAR á ári fer Elísabet Guðmundsdóttir lýta-
læknir í sjálfboðavinnu til Indlands í þeim tilgangi
að gera aðgerðir á indverskum börnum sem hafa
meðfædd lýti eins og skarð í vör eða góm.
Elísabet, sem starfar sem lýtalæknir við Sahl-
grenska sjúkrahúsið í Gautaborg, segir að hún,
ásamt lýtalæknunum Jan Lilja og Shailesh Bra-
dovaria, geri aðgerðir á um fjörutíu börnum í hvert
skipti og mikilvægt sé að koma þekkingunni til
þeirra sem búa á staðnum og því kenni þau í leið-
inni þarlendum skurðlækni. Til samanburðar má
nefna að á hverju ári þarf að gera svona aðgerð á
um tíu börnum á Íslandi.
Elísabet er heilluð af Indlandi og segir þetta
starf vissulega gjöfult. „Indland er spennandi land
og á þessum ferðum kemst ég nálægt sjúklingum
og aðstandendum og þannig hef ég fengið góða
mynd af Indlandi, ábyggilega öðruvísi en sem
ferðamaður. Ég hef ferðast mikið en það er eitt-
hvað við Indland sem grípur mig alveg og mig
langar alltaf að fara strax aftur.“ | 20
Lýtalæknir í
sjálfboðavinnu
á Indlandi
BLÚSSÖNGKONAN fræga Zora Young hefur
boðið Halldóri Bragasyni gítarleikara að leika
með sér og hljómsveit sinni á stóra sviði helstu
blúshátíðar í heimi, Chicago-blúshátíðarinnar,
laugardagskvöldið 10. júní næstkomandi. 750
þúsund manns sækja hátíðina á ári hverju en
laugardagskvöldið er jafnan hápunktur hennar.
Halldór getur sér þess til að um 100 þúsund
manns verði þá á tónleikasvæðinu.
Halldór segir að þetta boð sé mikill heiður og
sýni traust og trú Zoru Young á því sem verið er
að gera á Blúshátíð í Reykjavík en hún var gest-
ur hátíðarinnar á dögunum. „Ég verð ekki í
neinu aðalhlutverki þarna. Kem bara inn í band-
ið hennar sem gestur ofan af Íslandi. Þetta er
samt alveg ótrúlegt tækifæri,“ segir hann.
Halldór hefur einu sinni áður komið fram á
Chicago-blúshátíðinni. Það var árið 1993 þegar
hann lék með hljómsveit sinni, Vinum Dóra, og
píanóleikaranum Pinetop Perkins. Það var hins
vegar ekki á stóra sviðinu, heldur minna sviði
sem kallað er „Veröndin“. | 41
Boðið að leika
á Chicago-
blúshátíðinni
SLÖKKVILIÐ höfuðborgarsvæðisins var kallað
út fjórum sinnum frá kl. 19.41 til kl. 20.18 í gær-
kvöldi vegna sinubruna. Var kveikt í sinu á Víði-
staðatúni í Hafnarfirði og síðan við kaþólsku kirkj-
una í Hafnarfirði, en einnig á mótum Arnarbakka
og Hjaltabakka í Breiðholti. Þá var slökkviliðið á
leið til baka úr útkalli þegar enn var tilkynnt um
sinubruna í Víðistaðatúni. Slökktu slökkviliðs-
menn eldana fljótt og örugglega og komu þannig í
veg fyrir eldhættu í húsum.
Fjórir sinu-
brunar á fjörutíu
mínútum
LÍF og fjör ríkti í Skautahöllinni í Laug-
ardal þegar börn og ungmenni frá frí-
stundaheimilinu Vesturhlíð heimsóttu iðk-
endur úr listhlaupadeild Skautafélags
Reykjavíkur í gær. Eins og sést á myndinni
skemmtu krakkarnir sér konunglega þegar
þeyst var yfir skautasvellið, undir styrkri
stjórn einvalaliðs skautastúlkna, og er ber-
sýnilegt að þau eiga framtíðina fyrir sér.
Dana Rut og Íris Kara sýndu Ástrós nokkur
vel valin spor og Garðar Freyr fékk kennslu
hjá Guðbjörgu og Sigríði Völu.
Morgunblaðið/Ómar
Skemmtu sér á skautum
ALAN Lowe, borgarstjóri í Victoria í Bresku
Kólumbíu í Kanada, hefur undirritað yfirlýs-
ingu þess efnis að dagurinn í dag, 19. apríl
2006, sé sérstakur Íslandsdagur í borginni.
Tengsl milli Victoria og Íslands hafa ríkt í
meira en 120 ár. Íslendingar komu fyrst til
Vancouver-eyju og settust þar að 1883. Þeir
og afkomendur þeirra hafa látið að sér kveða
á öllum sviðum í Bresku Kólumbíu og meðal
annars var Ingimar Johnson forsætisráð-
herra fylkisins 1948 til 1953. Íslendinga-
félagið Icelanders of Victoria var stofnað
1997 og um helgina fer þing Þjóðrækn-
isfélags Íslendinga í Vesturheimi fram í Vic-
toria í fyrsta sinn. Sturla Böðvarsson sam-
gönguráðherra verður sérstakur gestur
þingsins. Í tengslum við þingið er Iceland
Naturally, kynningarátak Íslands í Norður-
Ameríku, með kynningu á Íslandi og hafa
Atli Ásmundsson, aðalræðismaður Íslands í
Winnipeg, og Einar Gústavsson, fram-
kvæmdastjóri Ferðamálastofu í New York
og annar framkvæmdastjóra Iceland Nat-
urally, haft umsjón með skipulagningu verk-
efnisins. Í gærkvöldi var greint frá því í Vic-
toria að lýst væri yfir Íslandsdegi til að
minnast alls þessa. „Þessi yfirlýsing um sér-
stakan Íslandsdag er mjög mikill heiður fyrir
Íslendingana, sem settust hér að fyrir meira
en 100 árum, og afkomendur þeirra,“ segir
Fred Bjarnason, forseti Íslendingafélagsins í
Victoria og yfirmatreiðslumeistari í land-
stjórabústaðnum. Hann bætir við að um 300
til 500 manns af íslenskum ættum búi í Vic-
toria og þeir séu hreyknir. „Við höfum aldrei
fyrr haldið Þjóðræknisþing og Iceland Nat-
urally hefur ekki kynnt átak sitt hér áður. Ís-
landsdagur í ofanálag er sérstaklega spenn-
andi fyrir okkur öll.“
Lýsir yfir Íslandsdegi í Victoria
Eftir Steinþór Guðbjartsson
steinthor@mbl.is
♦♦♦