Morgunblaðið - 19.04.2006, Blaðsíða 41

MORGUNBLAÐIÐ MIÐVIKUDAGUR 19. APRÍL 2006 41
MENNING
LENGI hefur tíðkast að gera sér glaðan dag
á sumardaginn fyrsta og að kvöldi síðasta
vetrardags. Í ár eru að vanda margir menn-
ingarviðburðir skipulagðir víða um land
þessa daga, og verða hér nokkrir þeirra tald-
ir upp, þó að listinn sé alls ekki tæmandi.
Veturinn kvaddur í kvöld
Í kvöld geta höfuðborgarbúar glaðst yfir
sumarkomunni á tónleikum í Norræna hús-
inu, þar sem meðal annars verður leikin
hermitónlist frá barokktímanum, þar sem líkt
er eftir hljóðum dýra og dregnar upp myndir
af atburðum biblíunnar. Halla Steinunn Stef-
ánsdóttir barokkfiðluleikari og Karl Nyhlin
lútuleikari flytja, á tónleikum sem hefjast kl.
20.
Þeir sem kjósa heldur þyngri sveiflu í tón-
list geta skellt sér í Þjóðleikhúskjallarann kl.
21 og hlýtt á djasskvintett Guðlaugar Ólafs-
dóttur flytja sígildan djass, latin-tónlist og
þjóðlög.
Fjölskylduvæn dagskrá
Fjölmargt verður um að vera á morgun
sem öll fjölskyldan getur tekið þátt í saman.
Þjóðminjasafnið verður opið frá kl. 11–17 og
þar verður hægt að taka þátt í ratleik, fara í
listasmiðju og skoða ljósmyndasýninguna
Hvað er einn litningur á milli vina? Þar gef-
ur að líta myndir Hörpu Hrundar Njáls-
dóttur af börnum með Downs-heilkenni.
Einnig verður hægt að hlusta á Heiðu syngja
og skoða vaxmyndir.
Þá verður haldin í þriðja sinn hátíðin
„Ferðalangur á heimaslóð“, þar sem fjölmörg
fyrirtæki og stofnanir sem bjóða ferðatengda
þjónustu á höfuðborgarsvæðinu opna dyr sín-
ar fyrir landsmönnum. Þannig getur fólk
kynnt sér útsýnisflug, hestaferðir, söfn, kaj-
aksiglingar, sjóstangaveiði og hvalaskoðanir,
kynnisferðir út fyrir borgina og gönguferðir
um bæinn. Það er Höfuðborgarstofa sem
skipuleggur hátíðina.
Í Vesturbænum í Reykjavík verður staðið
fyrir ýmsum uppákomum; í Neskirkju, við
Vesturbæjarlaug og Frostaskjól, og sam-
kvæmt venju fer skrúðganga frá Melaskóla
kl. 13.30.
Ljósmyndir í Þorlákshöfn
Á landsbyggðinni er ekki síður margt á
seyði. Í Þorlákshöfn er til dæmis skrúðgarð-
ur sem margir þekkja eflaust lítið til. En á
morgun er tilvalið að kynna sér hann, því kl.
15 verður opnuð útiljósmyndasýning í garð-
inum, með myndum Snorra Snorrasonar frá
árunum 1955–1995 af bátum og skipum sem
gerð hafa verið út frá Þorlákshöfn. Opnun
sýningarinnar, sem og sumrinu sjálfu, verður
líka fagnað með tónlistarflutningi.
Minjasafnið á Akureyri ætlar líka að vera
með fjölskyldustemmningu milli kl. 15 og 17;
lesið verður úr bókum Nonna í Nonnahúsi og
þar verða líka föndruð sumarkort, teymt
verður undir börnum og sungið og blásnar
sápukúlur.
Fjölskyldusirkus og Máríuverk
Þeim sem vilja lyfta andanum um kvöldið
er bent á að stúlknakórinn Graduale Nobili
ætlar að halda tónleika í Langholtskirkju kl.
20, þar sem sungin verða íslensk og erlend
Máríuverk, m.a. eftir Holst, Alice Tegnér,
Javier Busto, Jón Nordal, Hildigunni Rún-
arsdóttur, Atla Heimi Sveinsson og Báru
Grímsdóttur.
Og fyrir þá sem ekki hafa séð Íslenska
fjölskyldusirkusinn í uppfærslu leikfélags
MH verða þrjár aukasýningar á næstunni; sú
fyrsta annað kvöld kl. 20, þá á föstudag kl.
20 og loks á laugardagskvöld kl. 23. Sýnt er í
Verinu í Loftkastalanum.
Menning | Fjölmargir viðburðir skipulagðir á síðasta vetrardegi og sumardaginn fyrsta um land allt
Vetur kvaddur og sumri fagnað á ýmsan hátt
Mynd af sýninginni Hvað er einn litningur
milli vina?
Halla Steinunn Stefánsdóttir barokkfiðlu-
leikari og Karl Nyhlin lútuleikari leika í
Norræna húsinu í kvöld.
’ Þjóðminjasafninu máskoða ljósmynda-
sýninguna Hvað er einn
litningur á milli vina?
þar sem gefur að líta
myndir Hörpu Hrundar
Njálsdóttur af börnum
með Downs-heilkenni. ‘
ftir Ingu Maríu Leifsdóttur
ingamaria@mbl.is
TENGLAR
...........................................................
www.nordice.is
www.natmus.is
www.visitreykjavik.is
www.akmus.is
www.simnet.is/sis
’ Samkvæmt venju fer skrúðganga frá
Melaskóla á morgun
kl. 13.30 ‘
TÓNLISTARFÉLAG Mosfellsbæjar stendur
fyrir tónleikum á morgun, sumardaginn
fyrsta, þar sem tónskáldið og afmælisbarnið
W.A. Mozart verður í forgrunni. Hljóðfæra-
leikarar á tónleikunum eru Anna Guðný Guð-
mundsdóttir píanóleikari, Bryndís Halla
Gylfadóttir sellóleikari, Helga Þórarinsdóttir
víóluleikari, Kristjana Helgadóttir flautuleik-
ari, Sigrún Eðvaldsdóttir fiðluleikari og Sig-
rún Hjálmtýsdóttir sópransöngkona.
Sigurður Ingvi Snorrason hjá Tónlistar-
félaginu lofar góðri skemmtun á tónleik-
unum. „Þarna gefur að heyra nokkurs konar
þverskurð af kammertónlist Mozarts; verk
frá hverjum áratug ævi hans,“ segir hann og
bætir við að af mörgu sé að taka þegar kemur
að tónlistararfi Mozarts.
Á efnisskrá tónleikanna eru þekktari verk í
bland við minna þekkt verk; þar er fiðlusó-
nata í C-dúr KV 6, flautukvartett í D-dúr KV
285 og kvartett fyrir píanó og strengi í g-moll
KV 478, en auk þess fyrri aría Næturdrottn-
ingarinnar úr Töfraflautunni og þrjú þekkt
sönglög frá síðustu mánuðum í lífi Mozarts.
Þeirra á meðal er eitt fallegt og þekkt ís-
lenskt sumarlag, Nú tjaldar foldin fríða.
Reynir Axelsson, stærðfræðingur og ljóða-
þýðandi, leiðir áheyrendur gegnum dag-
skrána, og fjallar um tónskáldið og verkin.
„Þarna koma sjálfsagt fram margar áhuga-
verðar sögur í kringum verkin og manninn
Mozart,“ segir Sigurður Ingvi að síðustu.
Mozart í Mosfellsbænum
HALLDÓRI Bragasyni gítarleikara
hefur verið boðið að koma fram með
blússöngkonunni frægu Zoru Young
og hljómsveit hennar á stóra sviði
Chicago-blúshátíðarinnar laugar-
dagskvöldið 10. júní næstkomandi.
Um er að ræða stærstu og virtustu
blúshátíð á byggðu bóli og jafnframt
stærstu tónlistarhátíð í Chicago. 750
þúsund manns sækja hátíðina á ári
hverju en hún stendur í fjóra daga,
frá fimmtudegi til sunnudags, í höf-
uðborg blússins. Leikið er á sex svið-
um í Grant-garðinum við Michig-
anvatnið frá morgni til kvölds.
Laugardagskvöldið er jafnan há-
punktur hátíðarinnar og getur Hall-
dór sér þess til að um 100 þúsund
manns verði þá á tónleikasvæðinu.
Zora Young hefur um árabil verið í
metum sem ein besta blússöngkona
Bandaríkjamanna. Hún hefur haldið
tónleika með hljómsveit sinni um all-
an heim, og hefur komið fram með
mörgum helstu blústónlistarmönnum
Bandaríkjanna.
Halldór segir að þetta boð sé mikill
heiður og sýni traust og trú Zoru Yo-
ung á því sem verið er að gera á
Blúshátíð í Reykjavík en hún var
gestur hátíðarinnar á dögunum. „Ég
verð ekki í neinu aðalhlutverki þarna.
Kem bara inn í bandið hennar sem
gestur ofan af Íslandi. Þetta er samt
alveg ótrúlegt tækifæri og ég mun
gera mitt besta til að verða þjóðinni
til sóma – og vera vel til fara svo móð-
ir mín snúi sér ekki við í gröfinni,“
segir Halldór hlæjandi.
Tildrög boðsins eru þau að þegar
Halldór og Zora Young voru að
kveðjast að Blúshátíð í Reykjavík lok-
inni sl. laugardag fór hann að spyrja
söngkonuna um Chicago-hátíðina í
ár. „Ég vissi að Zora yrði að syngja
þarna og spurði hvort hún gæti ekki
útvegað mér passa inn á svæðið. Mig
langaði að kanna landið fyrir næstu
hátíð hérna heima. „Passa,“ hváði
hún þá. „Þú þarft engan passa, þú
kemur bara og spilar með mér.“ Ég
varð alveg orðlaus og þurfti að fá Sig-
urbjörn Þorsteinsson, stjórnarmann í
Blúshátíð í Reykjavík, til að staðfesta
að hún hefði boðið mér þetta en hann
sat við hliðina á mér.“
Leikur í annað sinn á hátíðinni
Halldór var samt efins áfram en
þegar hann fékk málsháttinn „Brjóta
þarf skelina til að komast að kjötinu“
í páskaeggi fór hann að kanna málið
betur. „Ég hringdi í Deitru Farr í
Chicago og bað hana að kanna þetta
fyrir mig. Deitra hringdi svo fljótt
aftur og staðfesti að mér hefði verið
boðið. Lagalistinn væri á leiðinni. Þá
bar ég þetta undir fjölskyldu mína og
vini og þau segja að ég sé að fara til
Chicago. Samt trúi ég þessu varla
ennþá.“
Halldór hefur einu sinni áður kom-
ið fram á Chicago-blúshátíðinni. Það
var árið 1993 þegar hann lék með
hljómsveit sinni, Vinum Dóra, og pí-
anóleikaranum Pinetop Perkins. Það
var hins vegar ekki á stóra sviðinu,
heldur minna sviði sem kallað er
„Veröndin“.
Áður en Halldór heldur utan mun
hann leika ásamt nokkrum félögum
sínum á Hammond-hátíðinni á
Djúpavogi á laugardaginn kemur.
„Næstu tónleikar eru alltaf þeir mik-
ilvægustu sem maður spilar.“
Blús | Halldór Bragason á leið til höfuðborgar blússins
Leikur á stóra sviði
Chicago-blúshátíðarinnar
Ljósmynd/Júlíus Valsson
Halldór Bragason og Zora Young á Blúshátíð í Reykjavík í síðustu viku.
Eftir Orra Pál Ormarsson
orri@mbl.is
http://chicagobluesfestival.org