Morgunblaðið - 19.04.2006, Qupperneq 37
MORGUNBLAÐIÐ MIÐVIKUDAGUR 19. APRÍL 2006 37
DAGBÓK
Markmið með ráðstefnunni er að varpa ljósi á auknar kröfur um vottuð
gæðastjórnunarkerfi á sviði ráðgjafar og hönnunar.
RÁÐSTEFNA 27. APRÍL
GRAND HÓTEL KL. 13 –17
Fyrirlesarar verða:
Landsvirkjun, Guðmundur S. Pétursson
Veikasti hlekkurinn
Framkvæmdasýsla ríkisins, Óskar Valdimarsson
Frá afurðaeftirliti til vöktunar vinnuferla
Vegagerðin, Rögnvaldur Gunnarsson
Eftirlit með framkvæmdum
Skipulags- og byggingarsvið Rvk, Magnús Sædal
Hugmyndir um gæðakerfi í frumvarpi til mannvirkjalaga
Verkfræðideild HÍ, Helgi Þór Ingason
Árekstrar gæðakerfa
Verkfræðistofan Hönnun, Tryggvi Jónsson
Vottað gæðastjórnunarkerfi: ávinningur ráðgjafa
Batteríið Arkitektar, Jón Ólafsson
Kröfur verkkaupa
BSI á Íslandi, Árni Kristinsson
Leiðin að vottun gæðakerfis
VOTTAÐ ÍSLAND?
Hagur fyrir verkfræði- og arkitektafyrirtæki
Nánari upplýsingar og skráning á heimasíðu FOCAL: www.focal.is
Að erindum loknum verða pallborðsumræður.
Léttar veitingar við ráðstefnuslit. Verð kr. 6.800
Fagráðstefna
Stofnun Vigdísar Finnbogadóttur hefurboðið til landsins fræðimanninum BruceClunies Ross. Hann mun halda erindi umpíanistann og tónskáldið Percy Grainger í
Odda, stofu 101 kl. 12.05 25. apríl næstkomandi. Yf-
irskrift fyrirlestrarins er „Víkingahugsjónir Percy
Grainger“ (e. Percy Grainger’s Viking Ideals).
„Í erindi mínu mun ég kanna hvernig málvísindi,
þá ekki síst hvernig íslenska, íslensku fornsög-
urnar og Grettir Ásmundarson höfðu áhrif á tón-
verk Graingers og viðhorf hans til tónlistar,“ segir
Bruce.
„Percy Grainger var frumkvöðull á sviði þjóð-
lagafræði. Sem barn las hann enska þýðingu Grett-
issögu og hafði lesturinn svo mikil áhrif á hann að
entist honum ævina á enda sem uppspretta inn-
blásturs í lífi og list,“ útskýrir Bruce. „Hann var
ekki aðeins hæfileikaríkur tónlistarmaður af guðs
náð heldur mikill málamaður og af minnispunktum
hans frá því hann var um tvítugt má sjá að hann
var þá þegar farinn að nema fornensku og forn-
íslensku, en einnig má sjá hvernig drög hans að
tónverkum urðu fyrir áhrifum frá þekkingu hans á
málvísindum. Hann las á íslensku sér til gamans og
á 3. áratug síðustu aldar lét hann frá sér ritgerð á
íslensku með titlinum „Þýðing íslenzkrar tungu
fyrir Engil-Saxa“ (e. The Value of Icelandic to an
Anglo-Saxon).
En þrátt fyrir brennandi áhuga, og þó Grainger
hafi ferðast vítt og breitt sem konsertpíanisti, ekki
síst um Norðurlöndin, auðnaðist honum aldrei að
heimsækja Ísland. Ég lít því sumpart á fyrirlestur
minn sem tilraun til að ljúka för sem Grainger
tókst aldrei að fara,“ segir Bruce sem mun ljúka
fyrirlestri sínum með því að leika upptöku með tón-
dæmum úr verkum Graingers. Percy Grainger lést
í New York 1961.
Bruce segir að örlögin hafi ráðið því að hann
varð sérfræðingur um Percy Grainger: „Ég ólst
upp í Adelaide, sem var sú borg sem Grainger
sjálfur taldi sig tengdan sterkustum böndum, og
þar sem hann var seinna grafinn. Móðir mín var pí-
anókennari og þess vegna var nafn Graingers og
eitt af þekktari verkum hans „Country Gardens“
mér vel kunnugt frá æsku. Þegar ég starfaði í
Kaupmannahöfn las ég ævisögu Graingers eftir
John Bird og uppgötvaði tengsl Graingers við
Skandinavíu, og að hann hefði látið eftir sig mikil
skrif á dönsku. Með bakgrunn minn, menntun í
tónlist, málvísindum, og þekkingu á danskri tungu
má segja að óhjákvæmilegt hafi verið fyrir mig að
kynna mér Grainger betur.“
Aðgangur að fyrirlestri Bruce Clunies Ross um
Percy Grainger er ókeypis og öllum heimill meðan
húsrúm leyfir.
Tónlist | Bruce Clunies Ross heldur fyrirlestur um tónskáldið og tónlistarmanninn Grainger
Víkingahugsjónir Percy Grainger
Bruce Clunies Ross
ólst upp í Adelaide í
Ástralíu. Þar nam hann
ensku og bókmenntir.
Hann lauk framhalds-
námi í enskum bók-
menntum frá Balliol
College, Oxford, og
hlaut lektorsstöðu við
Kaupmannahafnarhá-
skóla 1970 þar sem
hann kenndi ensku.
Bruce hefur einnig verið reglulegur gestafyr-
irlesari við Tuftsháskóla, Amsterdamháskóla
og háskólann í Flórens. Bruce hefur birt fjölda
greina um Percy Grainger og ritaði ásamt Mal-
colm Gilles bókina „Grainger on Music“ árið
1999. Bruce lét af störfum 2001 en vinnur nú
að bók um Grainger og Skandinavíu.
Íslandsmótið.
Norður
♠ÁG7 V/NS
♥ÁK9832
♦K
♣73
Vestur Austur
♠K6 ♠109542
♥G5 ♥10764
♦ÁG1083 ♦--
♣K1096 ♣G854
Suður
♠D8
♥D
♦D976542
♣ÁD2
Suður verður sagnhafi í þremur
gröndum eftir óvenjulegar sagnir:
Vestur Norður Austur Suður
1 tígull 1 hjarta 1 spaði Pass
2 lauf Pass Pass 3 grönd !
Pass Pass Pass
Hvernig á að spila með tígulgosa út?
Sveit Eyktar varð Íslandsmeistari á
laugardaginn eftir fjögurra daga stífa
spilatörn. Tólf sveitir hófu keppnina á
miðvikudag og spiluðu innbyrðis í þrjá
daga, en síðan kepptu fjórar efstu til úr-
slita á laugardeginum. Lið Ferðaskrif-
stofu Vesturlands varð í öðru sæti,
Skeljungssveitin í þriðja og Grant
Thornton í því fjórða. Í sigursveitinni
spiluðu Jón Baldursson, Þorlákur Jóns-
son, Aðalsteinn Jörgensen, Sverrir Ár-
mannsson, Sigurbjörn Haraldsson og
Bjarni Einarsson.
Spilið að ofan kom upp í síðustu um-
ferð 12 sveita úrslitanna og það var
Sveinn Rúnar Eiríksson í sveit Grants
sem meldaði svo frumlega á suðurspilin.
Sveinn sá að fimm slagir á hjarta
dygðu til vinnings, svo framarlega sem
samgangur væri til að taka þá. Sem er
vandalaust ef hjartað fellur 3-3, en
Sveinn fann ráð til að tryggja vinning í
4-2 legu með gosa eða tíu í tvíspilinu -
hann lagði niður hjartaásinn í öðrum
slag og gleypti drottninguna heima. Tók
næst á hjartakóng og þegar gosinn féll
annar í vestur var samningurinn í húsi
með því að sækja tíuna og svína í spað-
anum.
Ef sagnhafi spilar hjarta á drottningu
í öðrum slag og svo spaðadrottningu að
heiman, getur vestur sett strik í reikn-
inginn með því að dúkka! En það dugir
þó ekki til að bana spilinu. Sagnhafi tek-
ur hálitaslagina sína, spilar laufi á ás og
litlum tígli að heiman og fær í lokin ní-
unda slaginn á drottningu í laufi eða
tígli.
BRIDS
Guðmundur Páll Arnarson | dagbok@mbl.is
1. d4 Rf6 2. Rf3 e6 3. c4 Bb4+ 4. Rbd2
b6 5. a3 Bxd2+ 6. Dxd2 Bb7 7. e3 d6 8.
Be2 Rbd7 9. 0-0 0-0 10. b4 Re4 11. Dd3
f5 12. Rd2 Dh4 13. f3 Rg5 14. f4 Re4 15.
d5 Df6 16. Rxe4 fxe4 17. Dd2 exd5 18.
Bb2 Df7 19. cxd5 Bxd5 20. Hac1 c6 21.
Hfd1 Had8 22. h3 Kh8 23. Ba1 h6 24.
Dc3 Rf6 25. De1 b5 26. Dh4 Bc4 27.
Bxc4 bxc4 28. Bxf6 Dxf6 29. Dxf6 Hxf6
30. Hxc4 d5
Staðan kom upp á Evrópumeist-
aramóti einstaklinga sem lauk fyrir
skömmu í strandbænum Kusadasi í
Tyrklandi. Stórmeistarinn Zdenko Ko-
zul (2.606) sigraði óvænt á mótinu en
fyrir mótið bjuggust fáir skákspek-
ingar við að hinn fertugi Króati myndi
blanda sér alvarlega í toppbaráttuna.
Eins og gengur fylgdi heppnin sig-
urvegaranum eins og í þessari skák þar
sem Kozul hafði hvítt gegn rúmenska
alþjóðlega meistaranum Alin Berescu
(2.461) en skömmu áður en þessi staða
kom upp hafði svartur peði yfir án þess
að vera í nokkurri taphættu en nú sner-
ist taflið þar eð eftir 31. Hxe4! hefur
hvítur peði meira og léttunnið hróks-
endatafl. Framhald skákarinnar varð
eftirfarandi: 31. ...Ha8 32. He5 Kg8 33.
Kf2 Hb8 34. Hd4 Kf7 35. Kf3 He6 36.
Hf5+ Kg6 37. g4 Hbe8 38. Hd3 a6 39.
h4 Kh7 40. Hc3 Kg8 41. h5 Hd6 42.
He5 Kf7 43. Hxe8 Kxe8 44. Hc5 d4 45.
exd4 og svartur gafst upp.
SKÁK
Helgi Áss Grétarsson | dagbok@mbl.is
Hvítur á leik.
Blöskrar bensínverðið
ÉG fór á bensínstöð sl. miðvikudag,
12. apríl, og blöskraði bensínverðið
en það var komið upp í 124,30 kr.
Ég er félagsmaður í FÍB og finnst
mér einkennilegt hvað þeir eru
máttlausir í svona málum. Þeir eiga
að ganga fram fyrir skjöldu og
reyna að gera eitthvað. Ég skora á
FÍB að reyna að mótmæla þessu í
alvöru svo eftir verði tekið.
Ég var á Benidorm sl. sumar og
þar var bensínverðið helmingi
lægra. Finnst mér að ríkið taki of
mikinn skatt af bensínverðinu.
Ólafur Þór.
Strætó og gamla fólkið
EITTHVAÐ það versta sem
Strætó hefur gert var þegar þeir
hættu að keyra Sogaveginn og
gamla fólkið kemst hvorki til lækn-
is né að ná sér í matarbita nema
taka leigubíl. Áður gat það farið í
strætó bæði í Kringlu, í Háaleiti og
í Mjódd.
Á öllum þessum stöðum eru
læknar, bankar og verslanir. Nú í
þessum mánuði fór strætó að
ganga um Sogaveg í Mjódd en ekki
gömlu leiðina. Nú fer hann niður
Grensásveg í stað þess að fara
Háaleiti og í Kringlu. Ég á ekki
prenthæf orð yfir þetta lið hjá
Strætó. Ég vona að þeir breyti
ferðum í það sem áður var svo sem
flestir geti notfært sér vagnana því
þessi nýja leið sem var valin er al-
gjörlega ófær og úr því vagninn er
látinn ganga þarf hann að koma
sem flestum að notum en ekki að
þetta sé í algeru skötulíki.
Ég er að kvarta fyrir öll gam-
almenni hér í hverfinu sem vilja
strætó sem fer um Sogaveg í gamla
farið. Við hér munum hvernig fram
við okkur er komið þið getið verið
viss um það. Nú vitið þið að okkar
krafa er Strætó í gömlu leiðina.
Guðmundur Bergsson,
Sogavegi 178, Rvk.
Handtaska týndist
í Mjóddinni
LAUGARDAGINN 15. apr. varð
móðir mín fyrir því óláni að tapa
handtöskunni sinni er hún var í
verslunarleiðangri í Mjóddinni.
Taskan sú arna er svört, köntuð
nælon-taska með nokkuð stórum
handföngum og hefur hún senni-
legast runnið af handlegg hennar
án þess að hún tæki eftir og dottið
á stéttina. Örfáum mínútum eftir
að hún uppgötvaði missinn var
taskan horfin! Móðir mín er orðin
öldruð og er á leið inn á spítala nú
eftir páskana og var hún að kaupa
sér slopp og inniskó fyrir sjúkra-
húsdvölina, auk þess voru húslykl-
arnir hennar í töskunni. Þarf varla
að taka fram hve missirinn er mik-
ill fyrir ellilífeyrisþega þótt pen-
ingalegt verðmæti hlutanna sé
ekki svo mikið fyrir vinnandi
mann, þar að auki hefur hún ekki
tök á að afla sér þessara hluta aft-
ur í tæka tíð fyrir áðurnefnda
sjúkrahúsdvöl. Þar sem taskan var
ómerkt vil ég biðja þann sem hef-
ur hana undir höndum að hafa
samband við mig í síma 869 1970,
með fyrirfram þökk.
Rut Kristjánsd.
Kettlingar fást gefins
2JA mánaða fallegir kettlingar fást
gefins á góð heimili. Kassavanir og
vel upp aldir. Upplýsingar í síma
898 2659.
Velvakandi
Svarað í síma 5691100 frá 10–12
og 13–15 | velvakandi@mbl.is
HIN árlega söngstund í Skógum
verður sumardaginn fyrsta, 20.
apríl, kl. 20.30. Dagskráin hefst
með helgistund í Skógakirkju sem
séra Haraldur M. Kristjánsson, pró-
fastur í Vík, annast.
Síðan verður komið saman í
gamla barnaskólahúsinu frá Litla-
Hvammi í Mýrdal, þar sem gömul
ættjarðar- og sumarlög verða leikin
og sungin. Kristín Björnsdóttir org-
anisti annast undirleik og stjórnar
almennum söng viðstaddra, með
kór Skeiðflatarkirkju í Mýrdal í
broddi fylkingar.
Eftir að raddböndin hafa verið
þanin verður boðið upp á kaffi og
pönnukökur í Samgöngusafninu, í
boði safnsins og kórs Skeiðflatar-
kirkju.
Mikilvægt er að allir sem unna
söng í sumarbyrjun láti sig ekki
vanta á þetta árvissa söngkvöld í
Skógum.
Byggðasafnið í Skógum
– sumardagurinn fyrsti