Morgunblaðið - 19.04.2006, Side 11
MORGUNBLAÐIÐ MIÐVIKUDAGUR 19. APRÍL 2006 11
FRÉTTIR
Nýr lífsstíll
– ný framtíðarsýn
Miðstöð fyrir fólk á besta aldri á Suðurnesjum, í hjarta Reykjanesbæjar
1. áfangi verður tekinn í notkun sumarið 2007
www.nesvellir.is · sími 414 6400
Fyrirhugað þjónustusvæði á Nesvöllum er í heild um 60 þúsund
fermetrar. Þar munu rísa hjúkrunarheimili, öryggisíbúðir, félags-
og þjónustumiðstöð, þar sem verður m.a. miðstöð heimaþjónustu,
auk almennra íbúða fyrir 55 ára og eldri.
Að lokinni skóflustungu á Nesvöllum
verður eldri borgurum og velunnurum þeirra
boðið til kaffisamsætis í félagsheimilinu Stapa.
Fyrsta skóflustunga að þjónustumiðstöð á Nesvöllum
verður tekin á morgun, sumardaginn fyrsta, 20. apríl, kl. 10.00.
Nesvellir, Reykjanesbæ
NETORKA HF. hefur tekið í notkun upp-
lýsingakerfi sem mun gera upp orku-
notkun milli seljenda og kaupenda og
halda utan um allar breytingar á við-
skiptum raforkuseljenda og -kaupenda.
Valgerður Sverrisdóttir, iðnaðar- og við-
skiptaráðherra, samþykkti fyrstu form-
legu skiptin frá einum raforkusala til
annars í upplýsingakerfi Netorku í hús-
næði stjórnstöðvar Landsnets við Bú-
staðaveg. Netorka er mæligagna- og
uppgjörsfyrirtæki fyrir íslenskan raf-
orkumarkað í markaðsvæddu umhverfi,
en frá áramótum hafa landsmenn átt
kost á að velja sér af hvaða raforkusala
þeir kaupa raforku. Miðlægur gagna-
grunnur og einfalt skeytakerfi Netorku
er hið fyrsta sinnar tegundar í heiminum
í raforkuiðnaði.
Viðskipti með raforku í gagnagrunn
Morgunblaðið/ÞÖK
Í DAG kl. 16.00 verður undirritaður
í Víkinni, Sjóminjasafninu í Reykja-
vík, Grandagarði 8, samningur milli
Siglingastofnunar Íslands og Vík-
urinnar um varðveislu gripa frá
Siglingastofnun.
Í samningnum felst að Víkin tekur
minjar og muni frá Siglingastofnun
til varðveislu og skráningar og mun
nota þá í miðlun og sýningarhaldi
eftir því sem tilefni er til hverju
sinni, segir í fréttatilkynningu.
Siglingastofnun Íslands varð til
árið 1996 þegar sameinaðar voru
Vita- og hafnamálastofnun og Sigl-
ingamálastofnun. Upphaf Sigl-
ingastofnunar liggur þó allt aftur til
ársins 1878 þegar fyrsti viti landsins
var reistur á Reykjanesi. Vitagæsla
og vitabyggingar voru meginvið-
fangsefni stofnunarinnar fyrstu ára-
tugina en upp úr aldamótunum 1900
bættist við hafnargerð og rann-
sóknir vegna fyrirhugaðra hafn-
argerða hvarvetna um landið. Sigl-
ingamálastofnun sinnti á hinn
bóginn eftirliti með skipum og mæl-
ingum skipa.
Ýmiss konar munir og minjar frá
starfseminni hafa varðveist í fórum
Siglingastofnunar. Þegar Sjóminja-
safnið í Reykjavík var stofnsett
skapaðist kjörinn vettvangur til að
koma þessum gripum í öruggt var
hjá safninu og tryggja þannig varð-
veislu og miðlun þekkingar um vita-
mál, hafnargerð og skipaeftirlit sem
eru mikilvægir þættir í atvinnu- og
samgöngusögu þjóðarinnar, segir í
tilkynningunni.
Víkin tekur að sér
varðveislu muna
frá Siglingastofn-
un Íslands
AÐSTANDENDAFÉLAG aldr-
aðra, AFA, vill tafarlausar úrbætur í
launamálum starfsfólks á sjálfseign-
arstofnunum aldraðra sem mótmæla
lágum launum sínum ítrekað. Þetta
kemur fram í ályktun frá félaginu.
„Mikilvægi umönnunarstarfa og
hjúkrunar er vanmetið og þjóðfélag-
inu til vansa. Afleiðing þessa er vax-
andi brotthvarf reynds og hæfs
starfsfólks með tilheyrandi auknu
álagi á annað starfsfólk, heimilisfólk
og aðstandendur. Þá er undirmönn-
un á hjúkrunarheimilum vaxandi
vandamál.
AFA minnir á að í stjórnsýsluút-
tekt Ríkisendurskoðunar frá októ-
ber 2005 kemur fram að raunkostn-
aður heimila með hjúkrunarrými sé
að meðaltali 10% hærri en daggjöld-
in sem ríkið greiðir.
Ríkisvaldið – heilbrigðisráðuneyti
og fjármálaráðuneyti verða strax að
leysa vandann til að hindra brott-
hvarf þessa starfsfólks og tryggja
eðlilegan heimilisbrag og öryggi ást-
vina okkar og heimilisfólks.
Hækka þarf daggjöld eða gera
aðrar ráðstafanir svo komið verði í
veg fyrir hallarekstur ár eftir ár eins
og fyrrnefnd stjórnsýsluúttekt gerir
vel grein fyrir. Rekstrarfé verður að-
standa undir sómasamlegum launum
starfsfólks.
Aðrir aðilar s.s. stjórnir öldrunar-
heimilanna, viðkomandi sveitarfélög
og stéttarfélög verða einnig að gera
sitt ýtrasta, svo hætt verði þeim
ábyrgðarlausa leik að kasta vandan-
um fram og til baka í stað þess að
vinna að lausn hans,“ segir í álykt-
uninni.
Styður kröfur
um bætt launakjör
UNGUR ökumaður í Borgar-
nesi hefur verið sviptur öku-
leyfi fyrir ofsaakstur í upp-
sveitum Borgarfjarðar að
morgni páskadags. Lögreglan í
Borgarnesi hugðist stöðva pilt-
inn fyrir of hraðan akstur en
hann var á Subaru Impreza
fólksbíl og gaf í frekar en að
hlýða lögreglunni. Hófst þá eft-
irför og voru bílarnir komnir í
190 km hraða og dró í sundur
með þeim frekar en hitt. Í stað
þess að skapa frekari hættu dró
lögreglan sig í hlé og leyfði pilti
að fara sína leið en tók niður
bílnúmerið og fór heim til hans
síðar og tók af honum ökuskír-
teinið.
Missti leyfið
vegna ofsa-
aksturs