Morgunblaðið - 19.04.2006, Blaðsíða 18
18 MIÐVIKUDAGUR 19. APRÍL 2006 MORGUNBLAÐIÐ
MINNSTAÐUR
Morgunblaðið á Akureyri hefur flutt skrifstofu
ritstjórnar, þar með talda móttöku
minningargreina og auglýsinga í húsnæði
Hölds við Tryggvabraut 12.
Sími ritstjórnar, áskriftar
og auglýsinga er 569 1100.
HÖFUÐBORGARSVÆÐIÐ
AKUREYRI
MARGRÉT Halldórsdóttir, vist-
maður á dvalarheimilinu Hlíð á Ak-
ureyri, varð 100 ára annan í pásk-
um og af því tilefni var haldið
kaffisamsæti á Hlíð síðdegis. Mar-
grét, sem fæddist á Tréstöðum í
Hörgárdal 17. apríl 1906, hefur
áratugum saman búið á Akureyri.
Eiginmaður hennar var Tryggvi
Jónsson bifvélavirki og bjuggu þau
lengst af sínum búskap í Fjólugötu
5. Margrét og Tryggvi voru barn-
laus. Afmælisbarnið situr vinstra
megin á myndinni en við hlið Mar-
grétar situr systir hennar, Anna
Halldórsdóttir, sem er á 98. aldurs-
ári og fyrir aftan þær standa börn
Önnu; frá vinstri: Kolbrún Matt-
híasdóttir, Jón Matthíasson og
Guðný Matthíasdóttir.
Morgunblaðið/Skapti Hallgrímsson
Gleðjast á 100 ára afmæli
Færeyskt rokk | Færeyska hljóm-
sveitin Déja vu leikur í kvöld á
Græna hattinum. Tónleikarnir hefj-
ast kl. 21. Þeir Déja vu-menn segjast
rokkarar í anda Pink Floyd,
Coldplay og Radiohead.
HAGNAÐUR af starfsemi Spari-
sjóðs Norðlendinga nam rúmlega
186 milljónum króna árið 2005, sam-
anborið við 126 milljónir króna árið
áður og er þetta fjórða árið í röð
sem hagnaður eykst milli ára.
Rekstrarhagnaður sjóðsins hefur
aldrei verið meiri en í fyrra. Þetta
kemur fram í frétt frá Sparisjóðn-
um.
Bókfært eigið fé Sparisjóðs Norð-
lendinga í lok árs 2005 var 781 millj-
ón króna. Eiginfjárhlutfall spari-
sjóðsins, sem reiknað er samkvæmt
lögum um fjármálafyrirtæki, var
12,7% í árslok, samanborið við
11,6% árið áður. Skuldir og eigið fé
námu samtals rúmum 8,5 milljörð-
um króna í árslok 2005, samanborið
við ríflega 5,9 milljarða árið áður.
Útlán í árslok 2005 námu rúmum
6,3 milljörðum króna og hækkuðu
um rúma tvo milljarða milli ára.
Skuldabréfalán voru þar fyrirferð-
armest, eða rúmlega 5 milljarðar, en
yfirdráttarlán námu rúmum 1,2
milljörðum króna. Um 79% af útlán-
um sparisjóðsins eru til einstak-
linga. Innlán námu í árslok rúmum
5,5 milljörðum króna og hækkuðu
um 1,5 milljarða milli ára. Vaxta-
tekjur námu rúmum 680 milljónum
og vaxtagjöld rúmlega 468 milljón-
um króna. Aðrar rekstrartekjur
námu tæpri 321 milljón og önnur
rekstrargjöld tæpum 269 milljónum
króna. Framlag í afskriftareikning
útlána var 71 milljón króna.
Stofnfé sparisjóðsins nam í árslok
4,7 milljónum króna og skiptist það í
100 hluti sem eru í eigu 87 aðila.
Stjórn sjóðsins leggur til að greidd-
ur verði 19% arður til stofnfjáraðila
á árinu 2006 vegna ársins 2005 og
hann færður til hækkunar á stofnfé.
Auk þess er lagt til að nýtt verði
heimild í lögum um sérstakt end-
urmat stofnfjár og það hækkað um
5%. Á árinu störfuðu 24 starfsmenn
að meðaltali hjá sparisjóðnum í 22
stöðugildum og námu launagreiðslur
samtals 109 milljónum króna.
Samfélagsmál
„Ég get ekki verið annað en
ánægður með þessa niðurstöðu enda
um að ræða mesta rekstrarhagnað í
sögu sparisjóðsins til þessa,“ segir
Örn Arnar Óskarsson sparisjóðs-
stjóri. Hann segir ennfremur
ánægjulegt hve mikill vöxtur sé í
starfsemi sparisjóðsins á öllum svið-
um. „Sparisjóður Norðlendinga er
fyrst og fremst í hefðbundinni
bankastarfsemi en yfirgnæfandi
meirihluti viðskiptamanna okkar er
einstaklingar og minni fyrirtæki.
Markmið okkar er að vera traust,
vinaleg og persónuleg bankastofnun
þar sem fólki líður vel að eiga við-
skipti sín,“ segir Örn ennfremur.
Í frétt Sparisjóðs Norðlendinga
segir að fyrirtækið hafi um árabil
stutt dyggilega við ýmiss konar
samfélags- og velferðarmál, svo sem
íþróttafélög og menningu, með það
að markmiði að auðga og bæta
mannlíf á svæðinu. „Þetta er gert
með styrkjum til félagasamtaka og
einstaklinga, en á liðnu ári námu
slíkir styrkir rúmum 25 milljónum
króna. Ennfremur veitti sparisjóð-
urinn eina milljón króna í styrk til
að fjármagna kaup á fíkniefnaleit-
arhundi sem ætlaður er fyrir Norð-
urland.“
Methagnaður
Sparisjóðs
Norðlendinga
„FJÁRMÁL einstaklinga eru mis-
jöfn,“ segir í frétt frá lögreglunni á
Akureyri, þar sem greint er frá því
að aðfaranótt þriðjudagsins 18.
apríl, handtók lögreglan pilt sem
hafði gengið á milli ólæstra bifreiða
í Glerárhverfi og stolið smámynt úr
þeim. „Ekki var um háar upphæðir
að ræða, einhverja hundraðkalla.
Pilturinn gaf þá skýringu að hann
væri auralítill og hann og félagi
hans hefðu lifað á pasta alla
páskana en væru búnir að fá nóg af
því og langaði að gera sér smá-
dagamun. Var mál hans afgreitt og
bíður afgreiðslu í réttarkerfinu,“
segir í frétt frá lögreglunni.
Leiðir á
pastanu
ÁKVEÐIÐ var á fundi íþrótta-, tóm-
stunda- og æskulýðsráðs Akureyrar
á dögunum að niðurgreiða þátttöku
barna fæddra 1995 til og með 2000 í
íþrótta-, tómstunda- og æskulýðs-
starfi að upphæð 10.000 kr. á árinu á
þessu ári.
Nói Björnsson, fulltrúi L-lista,
lýsti ánægju með þessa ákvörðun en
lét þó bóka að hann hefði viljað
ganga lengra „og tel að niðurgreiða
bæri þátttökugjöld fyrir allan grunn-
skólaaldur“. Sigrún Stefánsdóttir
Samfylkingunni óskaði bókað að hún
tæki undir bókun Nóa.
Íþróttir og
tómstundir
niðurgreiddar
♦♦♦
♦♦♦
DAGSKRÁIN Ferðalangur á heimaslóð verð-
ur haldin í þriðja sinn á morgun, sumardaginn
fyrsta, á höfuðborgarsvæðinu. Fjölmörg fyr-
irtæki og stofnanir sem bjóða upp á ferða-
tengda þjónustu á höfuðborgarsvæðinu opna
dyr sínar fyrir landsmönnum þennan dag og
kynna þá afþreyingu sem er í boði með ýmiss
konar uppákomum.
Á og við höfuðborgarsvæðið má m.a. velja
milli þriggja stuttra kynnisferða með hópbíl-
um og leiðsögn á íslensku út fyrir borgina en
þær bera heitið „Orka og undirheimar“, „Adr-
enalín og útivera“ og „Vatnsból og víkingar“.
Fjölmörg söfn og menningarstofnanir opna
sínar dyr upp á gátt og bjóða ókeypis aðgang.
Þar má finna stutt útsýnisflug, hestaferðir,
kajaksiglingu, sjóstangaveiði og hvalaskoðun
og hafnarsvæðið í miðborg Reykjavíkur mun
sýna sína líflegustu hlið. Gönguferðir eru
einnig fjölbreyttar í flokknum „Hraustur
ferðalangur“. Boðið verður upp á Laugavegs-
göngu hina skemmri úr Þvottalaugunum og
niður Laugaveginn í boði Ferðafélags Íslands,
en einnig verður boðið upp á göngu á Heng-
ilinn, álfagöngu og miðborgargöngu. Margt
fleira er í boði og dagskrána hægt að nálgast á
www.ferdalangur.is en henni verður að auki
dreift í öll hús á höfuðborgarsvæðinu.
Markmið Ferðalangs á heimaslóð er að
hvetja almenning til að kynnast fjölbreytni
ferðaþjónustunnar á heimaslóð. Allir dag-
skrárliðir Ferðalangsins eru með verulegum
afslætti eða ókeypis.
Ferðalangur er skipulagður af Höfuðborg-
arstofu í samvinnu við Ferðamálasamtök höf-
uðborgarsvæðisins auk fjölmarga aðila í
ferðaþjónustu.
Opnar dyr
hjá aðilum
í ferða-
þjónustu
JÓHANN Pálsson, fyrrverandi garðyrkjustjóri
Reykjavíkur, hefur að undanförnu rannsakað
flóru Grafarvogs með tilliti til uppruna og út-
breiðslu tegunda en Umhverfissvið Reykjavík-
urborgar gefur skýrsluna út. Rannsóknin er gerð í
framhaldi af könnun hans á flóru Elliðaárdals sem
Umhverfissvið Reykjavíkurborgar gaf út árið
2004 en Jóhann er uppalinn á þessu svæði.
Í skýrslunni kemur fram að 324 æðplöntur hafi
greinst á svæðinu en það var aðallega í landi
jarðanna Gufuness, Keldna, Grafar og að litlum
hluta í landi Árbæjar og Ártúns og þar af voru inn-
lendar tegundir 169 talsins. Í skýrslunni segir Jó-
hann að vert sé að vekja athygli á nokkrum
plöntum og á meðal þeirra eru villt jarðarber sem
hafi fundist í Gufuneshöfðanum, sæhvönn vex inn
með öllum Grafarvoginum, stórar breiður megi
finna af fjallakornblómi auk þess sem höfuð-
klukku megi finna á gamalli sumarbústaðalóð.
Ljóst er að þrátt fyrir að Grafarvogur sé ekki
gróðurmikið svæði þá búi það yfir fjölbreyttri
flóru og oft verði tegundaauki á röskuðum svæð-
um. Hægt er að nálgast skýrsluna á vefsvæði Um-
hverfissviðs, www.umhverfissvid.is.
Morgunblaðið/Jim Smart
Blómleg byggð Í Grafarvogi má finna margar plöntutegundir, enda víða falleg útivistarsvæði.
324 æðplöntur finnast
í flóru Grafarvogs
Hafnarfjörður | Bæjarstjórn
Hafnarfjarðar samþykkti á fundi
sínum í gær að lækka verulega
leikskólagjöld í leikskólum bæj-
arins. Tekur lækkunin gildi frá 1.
maí nk. Almenn gjöld miðað við
átta tíma vist á dag lækka úr
28.860 krónum á mánuði miðað
við fullan fæðiskostnað í 22.310
krónur. Sambærileg gjöld fyrir
forgangshópa lækka úr 19.836
krónum í 15.766 krónur. Reiknað
er með að heildarkostnaður bæj-
arfélagsins af þessari lækkun
leikskólagjalda verði um 50 millj-
ónir á þessu ári og um 80 milljónir
á ársgrundvelli.
Fyrir skömmu samþykkti bæj-
arstjórn að auka niðurgreiðslur
til dagforeldra í Hafnarfirði, m.a.
til að tryggja samræmi í gjald-
skrám og að fyrirséðar hækkanir
á þjónustugjöldum kæmu ekki til
framkvæmda. Í framhaldi af
lækkun leikskólagjalda hefur
fjölskylduráð Hafnarfjarðar sam-
þykkt að taka til sérstakrar skoð-
unar fyrirkomulag og greiðslur
vegna vistunar barna hjá dagfor-
eldrum. Að sögn Lúðvíks Geirs-
sonar, bæjarstjóra Hafnarfjarð-
ar, hefur bærinn með þessari
lækkun tekið ákvörðun um að
nýta góða afkomu bæjarsjóðs og
traustan rekstur bæjarfélagsins
til þess að lækka verulega útgjöld
hjá barnafjölskyldum í bænum.
Þannig lækkar dvalarkostnaður
fyrir hvert barn á almennum
gjöldum um ríflega 70 þúsund
krónur miðað við ellefu mánuði á
ári.
Leikskóla-
gjöld lækka
í Hafnarfirði