Morgunblaðið - 19.04.2006, Page 19
MORGUNBLAÐIÐ MIÐVIKUDAGUR 19. APRÍL 2006 19
MINNSTAÐUR
LANDIÐ
Hofsós | „Mér hefur líkað ákaflega vel þessa mán-
uði sem ég hef átt hér heima. Hér er mikið tónlist-
arlíf sem stendur á gamalli hefð þar sem karlakór-
inn Heimir er, en mér finnst Skagfirðingar
almennt hafa áhuga á söng og tónlist,“ segir óp-
erusöngkonan Alexandra Chernyshova sem flutti
til Hofsóss á síðasta ári. Mikið stendur til hjá henni
um þessar mundir, meðal annars útgáfa á plötu og
einsöngstónleikar í Miðgarði.
Alexandra flutti í Skagafjörðinn með eiginmanni
sínum, Jóni Rúnari Hilmarssyni, sem tók við stöðu
skólastjóra á Hofsósi. Áður höfðu þau búið eitt ár á
Bakkafirði og þar áður í Keflavík í ár. Alexandra er
fædd í Kiev í Úkraínu. Hún lauk tónlistarskóla, pí-
anónámi og síðar söngnámi frá tónlistarháskóla í
Kíev árið 1998. Eftir það starfaði hún við söng í
heimalandi sínu auk þess að stunda frekara söng-
nám.
Chernyshova hefur verið virk í tónlistarlífinu í
Skagafirði og er með margt á prjónunum. „Ég hef
komið nokkrum sinnum fram hér, hef t.d. sungið
með Heimi og Rökkurkórnum á tónleikum. Svo
var ég með tónleika í Sauðárkrókskirkju í haust og
söng fyrir frímúrara og eldri borgara á Sauð-
árkróki.
Í vetur hef ég verið að kenna við Tónlistarskóla
Skagafjarðar og kenni einnig spænsku í Farskóla
Norðurlands vestra. Svo kenni ég litlu krökkunum
á leikskólanum hér á Hofsósi söng sem er bland-
aður með leikjum og dansi. Einnig hef ég haldið
tvö söngnámskeið sem hafa heppnast vel og verið
skemmtileg. Mér finnst ákaflega fallegt hér á
Hofsósi, en þetta er gjörólíkt því að búa í millj-
ónaborg eins og ég var vön úti. Það sem mér finnst
helst vanta hér í Skagafjörð er að geta farið í leik-
hús og á söfn og sýningar.“
Tónleikar tileinkaðir sumrinu
– Þú gefur út hljómdisk fljótlega og ert að und-
irbúa hljómleika, segðu ögn frá því.
,,Já, ég ætla að halda einsöngstónleika í Mið-
garði 21. apríl. Þeir verða tileinkaðir sumrinu og
bera nafnið Sumartími sem er vísun í eitt lag á
geisladiskinum. Á þessum tónleikum eru 15 lög á
söngskránni. Flest eru þekkt og eftir heimsþekkta
höfunda eins og Verdi, Puccini, Mozart, Bach og
Rachmaninoff, svo nokkkrir séu nefndir. Þarna
verður að sjálfsögðu Thomas R. Higgerson sem er
minn undirleikari, en auk hans verða Sveinn Sig-
urbjörnsson á trompet, Ulle Hahndorf á selló,
Kristín Halla Bergsdóttir, María Reynisdóttir og
Ragnheiður S. Jónsdóttir sem leika á fiðlu. Svo
mun Ari Jóhann Sigurðsson syngja með mér dúett
í einu lagi.
En varðandi geisladiskinn þá erum við svo hepp-
in hér í Skagafirði að á Sauðárkróki er ágætt upp-
tökustúdíó sem Sorin Lazar tónlistarkennari á og
þar eru öll lögin tekin upp. Það verða 12 lög á disk-
inum. Við erum langt komin að taka upp efnið. Með
útgáfu geisladisksins er langþráður draumur að
rætast hjá mér. En núna erum við Jón á fullu við
að kynna tónleikana. Við höfum tekið upp tónlist-
armyndband af Summertime og tökum líklega tvö
lög til viðbótar og sendum á sjónvarpsstöðvarnar
og vonumst að sjálfsögðu til að þau fái spilun,“
sagði Chernyshvoa. En þetta er fjarri því allt sem
er á dagskrá hjá Alexöndru því 23. apríl verða tón-
leikar í Laugarborg í Eyjafjarðarsveit. 11. og 12.
maí mun hún syngja með kór Vopnafjarðarkirkju
bæði á Vopnafirði og Egilsstöðum og 14. maí eru
áætlaðir tónleikar í Duushúsum í Keflavík.
En er ekki mikill fengur fyrir skagfirskt sönglíf
að fá manneskju eins og Chernyshovu í héraðið?
Þetta var borið undir Stefán Gíslason, stjórnanda
karlakórsins Heimis.
„Jú, alveg tvímælalaust. Það er alltaf fengur að
fá söngfólk inn í héraðið og ekki síst einsöngvara
sem eru áhugasamir. Ég held að Alexandra sé
ágæt viðbót við öflugt tónlistarlíf í Skagafirði og
hún á tvímælalaust framtíðina fyrir sér,“ sagði
Stefán.
Finnst Skagfirðingar almennt
hafa áhuga á söng og tónlist
Óperusöngkona frá Kænugarði syngur með Skagfirðingum
Eftir Örn Þórarinsson
Morgunblaðið/Örn Þórarinsson
Heima Alexandra Chernyshova og Jón Rúnar Hilmarsson með soninn Alexander heima á Hofsósi.
Patreksfjörður | Magnús Jóhanns-
son kaupmaður færði nýlega Vest-
urbyggð að gjöf málverk. Um er að
ræða málverk Gunnlaugs Blöndals
af Einari Benediktssyni.
Myndin er máluð í Herdísarvík
þar sem Einar bjó síðustu æviár sín.
Hana gefur Magnús til minningar
um föðurafa sinn og alnafna, Magn-
ús Jóhannsson skósmið, og Þóru
Vigfúsdóttur konu hans en þau
bjuggu á Patreksfirði.
Við sama tækifæri færði Magnús
Tálknafjarðarhreppi málverk eftir
Jóhannes Geir Jónsson. Myndin er
gefin til minningar um móðurafa
Magnúsar, Guðmund Hallsson, og
konu hans, Margréti Einarsdóttur,
sem bjuggu í Tálknafirði alla sína
tíð.
Myndin var tekin við afhendingu
verkanna, f.v. Björgvin Sig-
urjónsson, oddviti Tálknafjarð-
arhrepps, Guðmundur Guð-
laugsson, bæjarstjóri
Vesturbyggðar, og Magnús Jó-
hannsson kaupmaður sem gaf mál-
verkin og fyrir framan þá situr Kol-
brún Pálsdóttir, formaður
bæjarráðs Vesturbyggðar.
Færði Vesturbyggð
málverk af Einari
Benediktssyni
Austur-Skaftafellssýsla | Úthlutað
hefur verið þremur milljónum kr. úr
Kvískerjasjóði. Styrkt voru sjö verk-
efni en fimm þeirra lúta að víðtækum
rannsóknum á Öræfajökli og áhrif-
um hans á landmótun, byggð og
mannlíf í Öræfum.
Kvískerjasjóður, sem stofnaður
var af umhverfisráðuneytinu, til
heiðurs systkinunum á Kvískerjum í
Öræfum, úthlutar nú styrkjum í
þriðja sinn. Hlutverk hans er að
stuðla að og styrkja rannsóknir á
náttúrufari og menningarminjum í
Austur-Skaftafellssýslu með veit-
ingu rannsóknastyrkja.
Verkefnin sem lúta að víðtækum
rannsóknum á Öræfajökli og áhrif-
um hans á landmótun, byggð og
mannlíf í Öræfum eru: Eldgos í
Öræfajökli 1362, sem dr. Ármann
Höskuldsson eldfjallafræðingur
vinnur að. Landslag og jöklar í ná-
grenni Kvískerja við landnám, á
höndum Eyjólfs Magnússonar dokt-
orsnema, Helga Björnssonar jökla-
fræðings og Finns Pálssonar raf-
magnsverkfræðings. Úttekt á
jarðminjum í Skaftafellsþjóðgarði,
sem Helga Davids jarðfræðingur
vinnur að. Jökulhlaup af völdum eld-
gosa í Öræfajökli, Matthew James
Roberts jöklafræðingur. Rannsókn-
arholur vegna fornleifa í Öræfum.
Verkefni á könnu Fornleifafélags
Öræfa, í umsjá dr. Bjarna F. Ein-
arssonar fornleifafræðings og fleiri.
Einnig hlutu styrk verkefnin
Fjöldi tófugrenja og útbreiðsla tófu í
Öræfum sem Hafdís Roysdóttir,
starfsmaður Skaftafellsþjóðgarðs,
hefur umsjón með, og Þekkingar-
brunnur fortíðar – þekkingargrunn-
ur framtíðar, sem Háskólasetur á
Hornafirði hefur veg og vanda af.
Markmið þess er að taka saman og
skrásetja á skipulegan hátt fræða-
starf Kvískerjabræðra á liðinni öld
og gera það aðgengilegt, þannig að
rannsóknarmenn framtíðarinnar
geti byggt ofan á þann grunn þekk-
ingar sem þeir hafa byggt upp.
Í stjórn Kvískerjasjóðs eru Sigur-
laug Gissurardóttir, Albert Ey-
mundsson og Einar Sveinbjörnsson.
Styrkir til
rannsókna á
Öræfajökli