Morgunblaðið - 06.05.2006, Blaðsíða 4

4 LAUGARDAGUR 6. MAÍ 2006 MORGUNBLAÐIÐ
FRÉTTIR
HÉRAÐSDÓMUR Reykjavíkur hef-
ur með úrskurði hafnað kröfu Jóns
Ólafssonar um að opinber rannsókn
ríkislögreglustjóra á hendur honum
verði felld niður. Úrskurðurinn var
kveðinn upp sl. fimmtudag.
Fram kemur í úrskurðinum að til-
efni rannsóknarinnar er kæra skatt-
rannsóknarstjóra ríkisins til ríkislög-
reglustjóra og er Jóni gefið að sök að
hafa skilað efnislega röngum skatt-
framtölum vegna tekjuáranna 1998-
2001 og að hafa vantalið eignir sínar,
ætlaðan söluhagnað af eignum sínum
og launatekjur og hlunnindi vegna
starfa sinna í þágu Skífunnar ehf., Ís-
lenska útvarpsfélagsins hf. og Norð-
urljósa samskiptafélags hf. Þykja ætl-
uð brot geta varðað við lög um tekju-
og eignarskatt, lög um tekjustofna
sveitarfélaga og 262. grein almennra
hegningarlaga.
Skattrannsókn hófst 2002
Skattrannsóknarstjóri hóf form-
lega rannsókn á skattskilum Jóns
Ólafssonar í febrúar 2002, sem náði til
tekjuáranna 1996 til 2001. Samhliða
því hóf skattrannsóknarstjóri rann-
sókn á bókhaldi og skattskilum fé-
lagsins Jóns Ólafssonar & Co. sf. fyrir
rekstrarárin 1998 og 1999.
Skattrannsóknarstjóri skilaði
skýrslu um þessi mál í febrúar 2003 til
Jóns til andmæla og í framhaldinu var
málið sent til embættis ríkisskatt-
stjóra. Ríkisskattstjóri endur-
ákvarðaði opinber gjöld Jóns með
25% refsiálagi í tveimur úrskurðum á
árunum 2003 og 2004. Þann 30. des-
ember 2003 sendi svo skattrannsókn-
arstjóri mál Jóns með kæru til opin-
berrar meðferðar hjá efnahags-
brotadeild ríkislögreglustjóra.
Fram kemur í úrskurði héraðs-
dóms að skýrslutaka vegna rannsókn-
arinnar hófst hjá efnahagsbrotadeild
ríkislögreglustjóra 9. mars sl. Ragnar
Aðalsteinsson hrl, verjandi Jóns,
krafðist þess að rannsóknin yrði felld
niður þar sem hana skorti lögmætan
grundvöll. Var krafan lögð fyrir Hér-
aðsdóm Reykjavíkur 14. mars sl.
Lögmaður Jóns færði í héraðsdómi
rök í nokkrum liðum fyrir þeirri kröfu
að rannsóknin yrði felld niður. M.a. að
tilgangur hinnar opinberu rannsókn-
ar á hendur honum miðaði að því að
afla sönnunargagna svo unnt yrði að
ákæra hann og refsa honum öðru
sinni með dómi fyrir sömu háttsemi
sem honum hefði þegar verið gerð
refsing fyrir með skattaálagi. Var
einnig m.a. bent á að frá því að skatt-
rannsóknarstjóri kærði mál Jóns til
ríkislögreglustjóra hefðu liðið tvö ár
og tveir mánuðir þar til Jón var boð-
aður til skýrslugjafar og sá dráttur
væri tilefnislaus og á ábyrgð rann-
sóknara. Augljóst væri að Jón hefði
ekki sætt réttlátri málsmeðferð innan
hæfilegs tíma eins og honum væri
áskilið í stjórnarskrá og Mannrétt-
indasáttmála Evrópu (MSE).
Umfangsmikil rannsókn
Vísaði lögmaður Jóns einnig til til-
tekinna ummæla sem Björn Bjarna-
son dómsmálaráðherra og Davíð
Oddsson, þáverandi forsætisráð-
herra, hefðu látið falla opinberlega
um Jón, sem hefðu m.a. lotið að skatt-
svikum og sölu eigna í skjóli nætur.
Dómsmálaráðherra væri æðsti yfir-
maður ríkislögreglustjóra og ekki
væri hægt að ætlast til þess að rík-
islögreglustjóri gæti annast rann-
sóknina með hlutlægum hætti við
þessar aðstæður eða að Jón gæti litið
svo á að hann mundi njóta réttlátrar
málsmeðferðar.
Héraðsdómari féllst ekki á þessar
röksemdir. Í niðurstöðu héraðsdóms
segir: „Enda þótt skattskil sóknarað-
ila vegna gjaldáranna 1998-2002 hafi
sætt rannsókn skattyfirvalda og hon-
um verið gert að sæta skattaálögum
fyrir að telja ekki réttilega fram til
skatts verður því ekki jafnað til þess
að sóknaraðili hafi sætt opinberri
rannsókn og hlotið dóm, sbr. 2. mgr.
138. gr. laga nr. 19/1991. Aðrar for-
sendur liggja þar að baki. Þykir sókn-
araðili ekki hafa sýnt fram á ólögmæti
umræddrar rannsóknar þannig að
hana beri að fella niður af þeim sök-
um.“
Dómarinn fellst heldur ekki á að
Jón sæti ekki réttlátri málsmeðferð.
„Fram er komið að rannsóknin er um-
fangsmikil. Engin gögn liggja fyrir í
máli þessu um rannsóknina og er ekki
á færi dómsins að meta hvort rann-
sókn hefur dregist lengur en eðlilegt
má telja. Sóknaraðili þykir ekki hafa
sýnt fram á að brotið hafi verið gegn
nefndu ákvæði stjórnarskrár eða 1.
mgr. 6. gr. MSE,“ segir í úrskurði.
Ekki er heldur á það fallist í úr-
skurðinum að tiltekin ummæli ráð-
herranna um Jón tengist lögreglu-
rannsókninni. „Rannsókn
ríkislögreglustjóra er sjálfstæð rann-
sókn og byggist á öðrum forsendum
en sú rannsókn sem fór fram á vegum
skattstjóra og ríkisskattstjóra. Ekki
verður séð að tilgreind ummæli for-
sætisráðherra og dómsmálaráðherra
hafi beinst að eða tengst þeirri rann-
sókn sem hér er til umfjöllunar. Þykir
ekki sýnt fram á að ummæli þessi séu
þess eðlist að þau komi í veg fyrir að
ríkislögreglustjóri geti annast rann-
sóknina með hlutlægum hætti,“ segir
í niðurstöðu úrskurðar héraðsdóms.
Kristjana Jónsdóttir héraðsdómari
kvað upp úrskurðinn.
Héraðsdómur Reykjavíkur kvað upp úrskurð í máli Jóns Ólafssonar gegn ríkis-
lögreglustjóra vegna opinberrar rannsóknar á meintum skattalagabrotum
Hafnar kröfu um að lögreglu-
rannsókn verði felld niður
Eftir Ómar Friðriksson
omfr@mbl.is
Morgunblaðið/Þorkell
„ÞETTA er gleðiverkefni sem snýst
um að kynna íþróttir fyrir börn með
jákvæðum hætti og hvetja þau til
þess að hreyfa sig í leik,“ segir
Svava Ásgeirsdóttir, verkefnastjóri
hjá Íþróttabandalagi Reykjavíkur,
en bandalagið gefur um þessar
mundir öllum sjö ára börnum í borg-
inni sippuband og öllum átta ára
börnum brennibolta. Aðspurð segir
Svava verkefnið hafa hafist í fyrra
þegar öllum sjö ára krökkum hafi
verið gefið sippuband og hafi það
vakið mikla lukku meðal barnanna.
„Tilgangur þessa er að gleðja
börnin með sumargjöf eins og
löngum hefur tíðkast. Hefðbundnar
sumargjafir hafa einmitt oft verið
einhver lítil áhöld sem börn geta
leikið sér með,“ segir Svava og tekur
fram að útgangspunkturinn í verk-
efninu sé sá að það sé skemmtilegt
að leika sér. „Íþróttir fyrir börn eiga
að vera leikrænar og skemmtilegar.
Um leið og börn fá áhald sem þau
eiga sjálf og hvatningarbækling um
að þjálfa viss atriði þá vonandi upp-
lifa þau það að þetta sé skemmtilegt
og að íþróttir séu eitthvað fyrir þau,“
segir Svava og vísa til bæklinga sem
gjöfunum fylgja, þar sem finna megi
upplýsingar um æfingar með bönd-
unum og boltunum, auk þess sem
þar sé að finna helstu leikina sem
fara megi í með boltanum og band-
inu. Þeirra á meðal eru klassískir
leikir á borð við hollí-hú, sto, að
verpa eggjum, brennibolta, yfir,
skottarán og snú-snú.
Aðspurð hvernig hugmyndin að
bæklingnum sé til kominn bendir
Svava á að leikir barna hafi í gegn-
um tíðina erfst. „Leikir eru menn-
ingararfleið barna sem hefur lærst á
milli kynslóða. Hún er kannski í svo-
lítilli hættu núna og þetta er því ein
leið til þess að tengja saman kyn-
slóðir,“ segir Svava.
Börn í borginni fá sumargjöf
Morgunblaðið/Ásdís
Börnin í Ártúnsskóla tóku sumargjöfinni fagnandi og byrjuðu þegar í stað að æfa sig að sippa.
HÉRAÐSDÓMUR Reykjavíkur
framlengdi í gær gæsluvarðhald
fjögurra manna sem grunaðir eru
um stóra fíkniefnamálið sem varðar
smygl á á þriðja tug fíkniefna sem
fannst í bíl í Sundahöfn fyrr í vor.
Mennirnir voru úrskurðaðir í
þriggja vikna gæsluvarðhald á
föstudaginn langa og rann það út í
gær. Krafðist lögreglan tveggja
vikna framlengingar og fékk kröf-
una samþykkta í dómi. Að sögn
Harðar Jóhannessonar yfirlög-
regluþjóns er málið smátt og smátt
að skýrast en rannsóknarhags-
munir krefjist þess að mennirnir
sæti áfram gæsluvarðhaldi.
Þrír mannanna eru Íslendingar
og sá fjórði Hollendingur.
Gæsluvarðhald
framlengt vegna
fíkniefnamáls
HÉRAÐSDÓMUR Reykjaness hef-
ur dæmt konu í 2 mánaða skilorðs-
bundið fangelsi fyrir að aka bíl undir
áhrifum áfengis og lyfja og fyrir að
sparka í lögreglumann eftir að hún
var handtekin.
Komst dómurinn að þeirri niður-
stöðu, að með því að sparka í læri
lögreglumannsins hafi hún farið
langt út fyrir þau mörk sem menn
hafi til að bregðast við handtöku. Gg
þótt meiðsli lögreglumannsins hafi
ekki reynst mjög mikil hafi háttsemi
konunnar engu að síður hafa falið í
sér brot gegn valdstjórninni.
Konan var handtekin sl. sumar í
Garðabæ þar sem hún var á ferð í bíl.
Konan reyndist hafa neytt áfengis,
kvíðalyfs, metamfetamíns og kók-
aíns. Finnbogi H. Alexandersson
héraðsdómari dæmdi málið. Verj-
andi var Hilmar Ingimundarson hrl.
og sækjandi Sigríður J. Friðjóns-
dóttir
Dæmd fyrir spark
í lögregluþjón
KARLMAÐUR var fluttur á sjúkra-
húsið á Ísafirði eftir bílveltu í Mjóa-
firði í Ísafjarðardjúpi í gærdag.
Missti maðurinn stjórn á lítilli
jeppabifreið í beygju við brúna yfir
Botnsá með þeim afleiðingum að
bifreiðin lenti utan vegar og valt.
Maðurinn, sem var einn í bílnum,
komst af sjálfsdáðum úr flakinu og
upp á veg þar sem vegfarandi kom
auga á hann og ók að næsta bæ.
Þangað var hann sóttur af sjúkra-
flutningamönnum og að sögn lög-
reglu er hann ekki talinn alvarlega
slasaður.
Bílvelta í Mjóafirði
LÖGREGLAN í Reykjavík hélt úti
öflugu átaki gegn ölvunarakstri í
miðborginni aðfaranótt föstudags.
Voru 120 bifreiðar stöðvaðar á milli
klukkan eitt og tvö og ástand öku-
manna kannað. Voru fjórir öku-
menn grunaðir um ölvunarakstur
og mega búast við sekt og sviptingu
ökuleyfis. Tveir ökumenn til við-
bótar voru nálægt leyfilegum
mörkum og var för þeirra stöðvuð
en þeir fá ekki sekt.
Fjórir teknir ölv-
aðir undir stýri