Morgunblaðið - 06.05.2006, Blaðsíða 11

MORGUNBLAÐIÐ LAUGARDAGUR 6. MAÍ 2006 11
FRÉTTIR
Sævarhöfða 2 Sími 525 8000 www.ih.is Opið: Mán – fös kl. 9-18 og lau kl. 12-16
E
N
N
E
M
M
/
S
ÍA
/
N
M
2
15
9
0
Saab
Það er klassi yfir Saab 9-3 bílunum, enda á Saab sér áratugalanga sögu og
er einn öruggasti bíll sem völ er á. Saab 9-3 er margverðlaunuð nýjung í
klassíska Saab stílnum þar sem öryggi og mýkt í akstri er í fyrirrúmi.
Stórkostleg hönnun, öflug vél og ríkulegur staðalbúnaður gera Saab 9-3
að byltingu í klassíska geiranum.
*Og verðið er algert einsdæmi fyrir lúxusbíl í þessum gæðaflokki!
Klassík á viðráðanlegu verði*
2.590.000 kr.
Klassi, öryggi, stíll!
Verðið miðast við beinskiptan 1.8 lítra,125 hestafla bíl.
„ÉG geri mér grein fyrir því að skoð-
anir eru skiptar um málefni Reykja-
víkurflugvallar í öllum flokkum,“ seg-
ir Björn Ingi Hrafnsson, efsti maður
á lista X-B í Reykjavík. Tveir þing-
menn Framsóknarflokksins, Hjálm-
ar Árnason og Kristinn H. Gunnars-
son, lýstu yfir efasemdum, í
umræðum á Alþingi í vikunni, um
innanlandsflugvöll á Lönguskerjum,
en Framsóknarflokkurinn í Reykja-
vík segist í stefnuskrá sinni fyrir
borgarstjórnarkosningarnar í vor
boða þjóðarsátt um nýjan innan-
landsflugvöll á landfyllingum á
Lönguskerjum.
Steingrímur J. Sigfússon, formað-
ur Vinstri grænna, sagði eftir þessi
ummæli þingmannanna að þau sýndu
að lönguvitleysan um Löngusker
væri sjálfdauð.
Efast um þjóðarsáttina
Hjálmar sagði aðspurður í um-
ræðum á Alþingi um flugvöllinn: „Ég
fagna því að félagar mínir í Fram-
sóknarflokknum í Reykjavík vilji
skoða þessa Lönguskerjaleið sem
eina leið og athuga hvort um hana
megi ná þjóðarsátt. Ég er ekki viss
um að sú sátt náist.“ Hjálmar sagði
að ef flytja ætti flugvöllinn úr Vatns-
mýrinni væri skynsamlegast að nýta
flugvöllinn í Keflavík.
Kristinn H. Gunnarsson blandaði
sér inn í umræðuna um innanlands-
flugið og spáði því að flugvöllurinn
yrði, þrátt fyrir allt, áfram í Vatns-
mýrinni, þótt hugsanlega yrðu gerðar
einhverjar tilfærslur á flugbrautun-
um. Kristinn sagði að það væri reynd-
ar eina skynsamlega niðurstaðan. Þá
sagði hann að nær væri að flytja milli-
landaflugið til höfuðborgarinnar en
innanlandsflugið til Keflavíkur. Í máli
hans komu einnig fram efasemdir um
flugvöll á Lönguskerjum.
Mismunandi skoðanir
Björn Ingi segir í samtali við
Morgunblaðið að á síðasta flokks-
þingi framsóknarmanna hafi í um-
ræðum um flugvallarmálið komið
skýrt fram að ekki væri sátt um að
hafa Reykjavíkurflugvöllinn á þeim
stað sem hann væri. Einnig hafi kom-
ið skýrt fram að menn vildu hafa inn-
anlandsflugið í Reykjavík. Þá segir
hann að algjör eining sé um Löngu-
skerin meðal framsóknarmanna í
Reykjavík.
„Allir flokkar í Reykjavík, nema
Frjálslyndi flokkurinn, vilja að flug-
völlurinn fari úr Vatnsmýrinni. En
það er örugglega hægt að finna þing-
menn, utan af landi, í öllum flokkum,
sem telja að hann eigi að vera í Vatns-
mýrinni. Ég held að það sé ekki
merki um neinn klofning. Málið er
þannig vaxið að menn hafa á því mis-
munandi skoðanir.“
Björn Ingi Hrafnsson, leiðtogi B-lista
Skiptar skoðanir
um málefni Reykja-
víkurflugvallar
Eftir Örnu Schram
arna@mbl.is
FÉLAG ábyrgra feðra afhenti í gær
Birni Bjarnasyni, dómsmálaráð-
herra, fyrsta eintakið af tímariti fé-
lagsins, Ábyrgir feður.
Að sögn Gísla Gíslasonar, for-
manns félagsins, er þetta fyrsta
tímaritið hér á landi sem fjallar um
jafnréttisbaráttuna frá sjónarhóli
karla. Um efnistök blaðsins sagði
Gísli að fjallað yrði vítt og breitt um
mál er varða feður, hvað upp á
vantar í stjórnsýslunni og lagaum-
hverfinu auk þess sem ítarleg grein
er um Frakkland, en Frakkar eru
að sögn Gísla mjög framarlega í
jafnrétti í forræðismálum. Hann
segir að fjallað sé um mál frá sjón-
arhóli barna og feðra og bætti hann
því að einnig væri fjallað um rétt
barna til að búa hjá báðum for-
eldrum en rannsóknir hefðu sýnt að
ef barn nyti mikilla samvista við
báða foreldra, einnig eftir skilnað,
spjaraði það sig betur en þau sem
alast upp eingöngu hjá öðru for-
eldrinu. Hann sagði að með blaðinu
vildi félagið sýna fram á það að feð-
ur vilja vera feður og uppalendur
barna sinna, einnig eftir skilnað.
Gert er ráð fyrir að gefin verði út
2-3 blöð á ári og sagði Gísli að
blaðinu yrði dreift til fagfélaga,
hægt væri að panta blaðið í gegnum
félagið auk þess sem hægt er að
hlaða blaðinu niður af heimasíðu fé-
lagsins www.abyrgirfedur.is
Fyrsta eintak tímaritsins
Ábyrgir feður afhent
Morgunblaðið/Eyþór
Gísli Gíslason afhendir Birni Bjarnasyni fyrsta eintakið af tímaritinu.
BJÖRN Bjarnason dómsmálaráð-
herra segir ekkert í nýju frum-
varpi sínu um Landhelgisgæsluna,
sem nú er til umræðu í allsherj-
arnefnd, gefa tilefni til að ætla að
með því sé stefnt að verri kjörum
flugmanna Gæslunnar eins og
varaformaður FÍA hefur nefnt.
„Við flugmenn Landhelgisgæsl-
unnar erum sammála um nauðsyn
þess, að Gæslunni séu sett ný lög,
svo að hún sé betur fær um að
svara kalli nýrra tíma,“ segir
Björn.
„Frumvarpið kallar á nýjar sam-
skiptareglur milli ríkisins og flug-
manna um kjaramál og er fullur
vilji hjá dóms- og kirkjumálaráðu-
neytinu að vinna að slíkum reglum
í samráði við flugmenn og félag
þeirra, og þar á fjármálaráðuneyt-
ið einnig hlut að máli sem samn-
ingsaðili fyrir hönd ríkisins.
Ekkert í frumvarpinu gefur til-
efni til að ætla, að með því sé
stefnt að verri kjörum flugmanna
Gæslunnar í bráð eða lengd heldur
er verið að nútímavæða þessi sam-
skipti eins og svo margt annað
með frumvarpinu.
Ef kjör flugmanna Gæslunnar
eru ekki samkeppnisfær leita þeir
væntanlega eftir störfum annars
staðar – mér sýnist málið ekki
flóknara en það.
Ég er þess fullviss, að unnt
verður að samþykkja þetta frum-
varp á alþingi, án þess að laga-
setningin verði til að spilla starf-
semi Landhelgisgæslunnar, enda
gengi það þvert á markmið frum-
varpsins,“ segir Björn.
Ekki stefnt að verri kjör-
um flugmanna Gæslunnar
HUGMYNDIR ríkisskattstjóra um
að færa hluta þjóðskrár undir umsjá
skattkerfisins hafa komið fram áður,
og verið hafnað, segir Hallgrímur
Snorrason hagstofustjóri.
Hann segir að upphaflega hafi
staðið til að svo yrði þegar fyrir-
tækjaskrá, hlutafélagaskrá o.fl. var
flutt til skattayfirvalda árið 2003, en
frá því hafi verið fallið með þeim rök-
um að þjóðskráin ætti ekki samleið
með starfsemi ríkisskattstjóra. Þótt
skattayfirvöld séu óumdeilanlega
stærsti notandi þjóðskrárinnar sé
ekki þar með sagt að starfseminni sé
best fyrir komið hjá skattayfirvöld-
um.
Nú sé stefnt að því að flytja þjóð-
skrána frá Hagstofu Íslands til
dómsmálaráðuneytisins, eins og
fram komi í frumvarpi um þjóð-
skrána sem nú liggi fyrir Alþingi, og
ekkert komi fram í máli ríkisskatt-
stjóra sem gefi tilefni til að endur-
skoða það.
Í máli ríkisskattstjóra kom einnig
fram sú hugmynd að sameina mætti
öll skattumdæmin í eitt. Ármann Kr.
Ólafsson, aðstoðarmaður Árna
Mathiesen fjármálaráðherra, sagði
að ekki stæði til að gera neitt í þá
veru, en Árni vildi ekki ræða málið
frekar í gær.
Þjóðskrá verði hjá ráðuneyti
VÍSITALA neysluverðs hefur
hækkað fjórfalt meira á Íslandi
en í Svíþjóð á einu ári, og mun
meira en á hinum Norðurlönd-
unum, að því er fram kemur í
nýrri skýrslu frá Efnahags- og
framfarastofnunarinnar, OECD-
.Um er að ræða tímabilið frá
mars 2005 til mars 2006.
Vísitala neysluverðs hækkaði
á þessum tíma um 4,4% á Ís-
landi, samanborið við 2,4% í
Noregi, 1,9% í Danmörku, 1,3%
í Finnlandi og 1,1% í Svíþjóð. Af
löndum innan OECD hefur
hækkunin aðeins verið meiri í
Slóvakíu, þar sem hún var 4,5%,
og Tyrklandi, þar sem hún var
10,1%.
Þegar einungis matarverð er
skoðað hefur hækkun vísitöl-
unnar á Íslandi numið 2,8%, en
sá hluti vísitölunnar hefur
hækkað um innan við 1% á hin-
um Norðurlöndunum á sama
tíma, og lækkað um 0,5% í Sví-
þjóð. Í skýrslu OECD er vísitala
neysluverðs annarra vara en
matvæla og orku einnig skoðuð,
en hækkunin nemur þá 4,6% á
Íslandi, en á bilinu 0,4-1,5% á
hinum Norðurlöndunum.
OECD tekur einnig orkuverð
sérstaklega út, en þar er hækk-
unin á Íslandi með því minnsta
sem gerist, 5,9% á tímabilinu.
Aðeins í Ungverjalandi og Pól-
andi hefur hækkunin orðið
minni, 2,1% og 5%, en á hinum
Norðurlöndunum hefur hækk-
unin á orkuverði verið á bilinu
7,3-17,8% á tímabilinu, minnst í
Danmörku en lang mest í Nor-
egi.
Vísitalan hækkað fjór-
falt meira en í Svíþjóð