Morgunblaðið - 06.05.2006, Side 28

28 LAUGARDAGUR 6. MAÍ 2006 MORGUNBLAÐIÐ
MINNSTAÐUR
SUÐURNES
ÁRBORG
Stokkseyri | Áhugaaðilar um
byggingu þriggja sívalra sex hæða
íbúðaturna á Stokkseyri boða til al-
menns kynningarfundar 9. maí
vegna óska þeirra til Sveitarfé-
lagsins Árborgar um turnbygg-
ingar vestan Kaðlastaða á Stokks-
eyri.
„Þetta er angi af nýrri hugsun
sem hefur búið um sig hér á
Stokkseyri til þess að skapa nýja
framtíð,“ sagði Björn Ingi Björns-
son einn af áhugamönnunum um sí-
valningana. Hann sagði hugmynd-
ina byggjast á því að geta boðið
upp á varanlega búsetu í húsum af
þessu tagi ásamt því líka að geta
leigt út húsnæði til skamms og
lengri tíma, allt eftir þörfum fólks.
„Þetta er talsvert nýstárleg hug-
mynd því gert er ráð fyrir því að
fólk geti komið að húsunum á kajak
eða á litlum bátum og svo á vet-
urna er hægt að fara beint út á
frosna Löngudæl á skautum,“ sagði
Björn Ingi. Hann sagði hugmynd-
ina vera hluta af verkefninu
Brennið þið vitar. Arkitektar gerðu
ráð fyrir því að húsin féllu vel að
umhverfinu. Sérstök skírskotun
væri í húsunum til Knarrarósvita
með því að hafa þau sívöl sem einn-
ig gæfi stórkostlega útsýnismögu-
leika. Það mætti einnig líkja þeim
við rekadrumba sem hefðu verið
reistir upp. „Þannig hefur þessi
hugmynd djúpa skírskotun í söguna
og umhverfið hér við ströndina. Við
erum mjög bjartsýnir á þessa hug-
mynd og gerum ráð fyrir að hún
hljóti samþykki bæjaryfirvalda,“
sagði Björn Ingi Björnsson.
Kynningarfundurinn um turnana
verður haldinn í Menningarkaffi í
Hólmaröst á Stokkseyri þriðjudag-
inn 9. maí n.k. kl. 20.30. Á fund-
inum munu upphafsaðilar málsins;
Hrútavinir, verktakafyrirtækið Ís-
tak og arkitektastofan Studio
Granda gera grein fyrir málinu.
Ævintýri Útlit turnanna samkvæmt tölvuteikningu.
Áform um þrjá turna
við ströndina
Reykjanesbær | „Þetta er orðið
eins og annað heimili manns,“ seg-
ir Hrói Ingólfsson, fjórtán ára
gamall línuskautapiltur í Keflavík.
Svartholið sem er hjólabretta- og
línuskautagarður í vélageymslunni
í 88 húsinu í Reykjanesbæ hefur
verið opnaður formlega. Settir
hafa verið upp varanlegir pallar
og húsið málað og skreytt á við-
eigandi hátt.
Hrói og frændi hans, Hafsteinn
Fannar Barkarson hjólabrettast-
rákur, höfðu frumkvæðið að því
að Reykjanesbær kom upp þessari
góðu aðstöðu. „Við erum búnir að
vera að skauta lengi og vorum
búnir að fara til bæjarstjórans og
biðja oft um aðstöðu. Við bentum
þeim á vef fyrirtækis sem fram-
leiðir svona palla og fórum á
marga fundi með þeim út af þessu.
Svo pöntuðu þeir pallana og við
hjálpuðum til eins og við gátum,“
segir Hrói. Hann getur þess að
þeir félagarnir hafi komið með
sínar hugmyndir að hjólabretta-
og línuskautagarði en hann hafi
ekki alveg passað inn í húsnæðið
og bærinn beðið framleiðandann
að finna góðan garð í staðinn.
Strákarnir hjálpuðu til við að
raða pöllunum saman og fleira.
Faðir Hafsteins málaði gólfið og
þeir fengu vin sinn til að skreyta
veggina.
Það var því mikill áfangi þegar
Svartholið var opnað á föstudags-
kvöldið fyrir viku. Hrói og Haf-
steinn tóku að sér vígsluna með
því að fara fyrstu ferðina og af-
hentu síðan Árna Sigfússyni bæj-
arstjóra blóm í þakklætisskyni fyr-
ir aðstöðuna. Hátt í tvö hundruð
manns var við dagskrána. Hrói
segir að áður hafi þeir félagarnir
þurft að fara til Reykjavíkur til að
stunda íþrótt sína, ýmist í Loft-
kastalann eða á Ingólfstorg. Síðan
hafi þeir verið í bænum í Keflavík
og á eigin pöllum heima hjá hon-
um. Hrói segir að aðstaðan sé
mikið notuð. Þessa fyrstu daga
hafi alltaf verið þar fjörutíu
krakkar í einu. „Við æfumst mikið
á þessu.“
„Orðið eins og annað heimili“
Vígsla Hrói Ingólfsson brunar fyrstur niður pallana og Hafsteinn Fannar Barkarson fylgir á eftir á brettinu.
Selfoss | Knattspyrnumenn á Sel-
fossi hafa sett sér það metnaðarfulla
markmið að byggja upp gott afreksl-
ið í knattspyrnu sem geti verið góð
fyrirmynd yngri árganga félagsins
og hafi burði til að ná árangri í
keppni og koma Selfossi á kortið
sem knattspyrnubæ.
„Við erum núna með mjög ungt lið
þar sem eru strákar allt niður í 15
ára. Við vorum með ágætan hóp í
fyrra en eftir keppnistímabilið
hættu sjö strákar og þá var ekki um
annað að ræða en stokka upp spilin
og setja sér ný markmið. Við erum
að styrkja þennan hóp og ætlum að
efla keppnisandann til mikilla muna
því hann er skilyrði þess að menn nái
árangri, það er alþekkt í öllum
íþróttagreinum,“ sagði Einar Jóns-
son, þjálfari Selfossliðsins.
Liðið lék í 2. deild síðastliðið sum-
ar og fyrsta markmið allra er að
komast upp um deild og síðan vilja
menn feta afreksstigann áfram upp.
Efla afreksmenninguna
Einn liðurinn í að byggja upp liðið
er að fengnir hafa verið þrír nýir
knattspyrnumenn í hópinn, tveir
Bretar og einn Dani og væntanlegur
er einn maður til viðbótar. „Við er-
um að sækjast eftir reynslu sem
þessir menn hafa, þeir eldri, og svo
snerpu, áræðni og keppnisskapi
þeirra yngri. Þetta er liður í að ná
upp góðu keppnisliði en það er okk-
ar markmið að byggja upp lið þar
sem allir eru tilbúnir að leggja mikið
á sig til að ná árangri,“ sagði Her-
mann Ólafsson, formaður knatt-
spyrnudeildar Selfoss. Hann sagði
mennina fá vinnu á Selfossi og þeim
yrðu tryggðar aðstæður varðandi
húsnæði og aðbúnað. Hann sagði
mikinn áhuga á Selfossi fyrir því að
ná upp góðu liði í knattspyrnu og
margir styrktaraðilar tilbúnir að
leggja málinu lið. Þá væri staða fé-
lagsins góð í yngri flokkum þar sem
unnið væri gott starf og mikið af
efnilegu ungu knattspyrnufólki, pilt-
um og stúlkum.
hópinn fyrir okkar stráka hér á
svæðinu. Það er alveg klárt að menn
verða að stefna að því að verða af-
reksmenn til að ná árangri. Við fór-
um í góða æfinga- og keppnisferð
um páskana þar sem strákarnir
sýndu vel að þeir eru tilbúnir að
vinna að þessu markmiði okkar
varðandi öflugt afrekslið og gera
það að sínu,“ sagði Einar.
Fyrsti leikur liðsins í Íslands-
mótinu er 14. maí og auðvitað vonast
Einar eftir góðum árangri og stuðn-
ingi frá áhugasömum Selfossbúum
og öðrum stuðningsmönnum liðsins.
„Við þurfum líka stuðning frá al-
menningi á leikjum liðsins, það er
þekkt að áhorfendur og stuðningur
þeirra getur skipt sköpum í þessari
íþrótt,“ sagði Einar.
„Þessir menn sem við erum að fá
til liðs við okkur hafa góð meðmæli,
bæði sem knattspyrnumenn og sem
félagar utan vallar. Við erum að
sækjast eftir því að efla knatt-
spyrnumenninguna hér á Selfossi og
við fáum inn nýja hugsun með þess-
um mönnum sem eru með keppnis-
og æfingahugsun sem nauðsynlegt
er að heimamenn kynnist. Við erum
með mjög góðan hóp ungra pilta
sem hafa æft vel í vetur undir stjórn
Einars Jónssonar þjálfara. Enn sem
komið er eru þeir of fáir og við von-
umst til að þeir eflist um leið og þess-
ir nýju menn okkar koma inn í hóp-
inn,“ sagði Hermann Ólafsson.
Góður stuðningur lykilatriði
„Ég vil fá góðar fyrirmyndir inn í
Unnið að uppbyggingu öflugs
afreksliðs Selfoss í knattspyrnu
Morgunblaðið/Sigurður Jónsson
Stefnan mörkuð Hermann Ólafsson, formaður Knattspyrnudeildar Sel-
foss, og Einar Jónsson, þjálfari Selfossliðsins, bera saman bækur sínar.
Eftir Sigurð Jónsson
Seltjörn | Reykjanesbær mun
útbúa nýjan völl fyrir Flug-
módelfélag Suðurnesja við
Seltjörn. Kemur völlurinn í
stað aðstöðu félagsins í Gróf-
inni í Keflavík sem eyðilagðist
þegar lagður var nýr vegur að
iðnaðarsvæðinu við Helguvík.
Að sögn Stefáns Bjarkason-
ar, framkvæmdastjóra menn-
ingar-, íþrótta- og tómstunda-
sviðs Reykjanesbæjar,
undirbyggðu áhugamenn um
flugmódel flugbraut við Sel-
tjörn fyrir nokkrum árum en
urðu frá að hverfa vegna ann-
arrar starfsemi á svæðinu.
Meðal annars vann Starfs-
mannafélag Íslenskra aðal-
verktaka að uppgræðslu og
trjárækt þarna og girti svæði
sitt. Stefán segir að nú hafi
aðstæður breyst og starfs-
mannafélagið afsalað sér
þessu landi. Þá hafi aftur opn-
ast möguleikar fyrir því að
koma upp aðstöðu fyrir
áhugamenn um flugmódel.
Bærinn mun útbúa góða
braut þarna, á þeim grunni
sem lagður var á sínum tíma.
Stefán segir að aðstæður séu
góðar á þessu svæði. Nefnir
að hugsanlega geti flugmód-
elmenn fengið sér sjóflugvélar
til að lenda á vatninu og
fleira.
Nýtt flugvall-
arstæði fundið
ÍBÚAR Árborgar, Hveragerðis og Ölfuss hafa fengið aðgang að rafrænu
þjónustutorgi sem er hluti af Sunnan3 verkefninu. Torgið var kynnt og
opnað í fyrradag.
Meðal nýjunga eru gagnvirkar umsóknir þar sem allur ferill og af-
greiðsla umsókna verður sjálfvirkur. Íbúar geta kannað stöðu fjármála og
haldið utan um samskipti sín við sveitarfélagið, séð nýjustu skilaboð og
spjallað beint við ákveðna starfsmenn sveitarfélaganna á netinu. Þarna
verður unnt að hafa samskipti við grunnskóla, tónlistarskóla, frístunda-
heimili og leikskóla, auk annars.
Rafrænt þjónustutorg opnað